لمة الليبيات لشهر شوال

حبيبة ايمن قبل اليوم بنطلع ما صارش خلي انكمل الباقي غدوه والابعده

حبيبة أيمن;13216575:
انتي الي عسولة والله نورتيني بدري نحكي انا وماما عليك والله !!! علي العموم محكيتليش شنو عجبك اكثر شي وامتي روحتي .. لاني والله في غيبوبة امس .. نتفكر انكي جيتي وفرحت هلبة لما شوفتك ومصدقتش وفرحت هلبة بالسيت السماوي الي جبتهولي :) صحيـــــــــــــــــتي

شكلك حق في غيبوبة لان البيان اول امس مش امس ههههههههههههه
الوالدة شفتها اول ماخشيت ماشاء الله عليها شباااااب ونويزكة ربي يخليهالك
وكل شيء عجبني بجد قلت للبنات جتها علي قيس نيتها
ماشاء الله اول ماخشيت شدني الديكور انا يعز عليا الورد والكوشة خليها بروحها:adore:
والله كان خاطري نصور فيها لما نضتي هلبة بنات يصوروا سهفوني
غير مشفشفة :lol:
والزمزامات ماشاء الله عليهم ناشطين واصلا الناس بروحها قلبت البيان بجد تبارك الرحمن
جاك حلو حلو بالمرة والكيكة والمقبلات كانوا روعة
ايه حقا ماقلتيش من وين حاجزة العشي اللي مالحقتش عليه :lol:

خلاص إمالا انفوتها المشية...ماهو هو راجل مش فاهم في الحاجات هادي يبيني نمشي مسكين فرحان بيا هاهاها...‏ مشكورات وخياتي عالنصيحه

حتي اني خطيبي في جياب اخته كان يبيني نمش مش عارف لكن اني قلته لا نتحشم هلبه منهم

بناااااااااااااااااااااااااااااااات نبي نسا لكم ضروري

اسئلي يا هدير .. والله العشسي كان من الزاد يا غالية ودرت في الاخير سلاطة فروتا بالجيلاطي الكل عجبهم قالولي البيان كله افكار جديدة حتي الصناديق عمتك ام وسيفة ابدعت فيهم الحق .. خديتي هدية في الاخير ؟ والوردة في الاول ؟؟؟

حبيبات هادي أم وسيفه ما نعرفهاش أحكولي عليها شن تخدم و وين مكانها؟

يا ناس اهل العريس بيديرو تورته واني معاش عرفت شن اندبر مع الشاي

هدوره أسألي حبيبتي إحنا وخياتك

ام وسيفة ادير في كروت وكونفيتي وتغلف في سوابيت .. ربي يسعدها ويخليلها وسيفة

بسبوسه هادي ام وسيف عضوه معانا تخدم في السوابيت والبطا قات الافراح والبقات وكل حاجات المناسبات وحاجاته روعه اني حجزت عندها حاجات العرس كلها

ردو علي سوالي والله حايره مش عارفه شن اندير

شكرا وخيتي عروسة ليبيا أنا كنت مسترزنتها من الأول بصراحه آخر حاجة فكرت فيها كلام الناس بس كنت متحشمه وحسيتها رزينة نمشيلهم وأنا قاعده خطيبة ولدهم
شكرا علي نصيحتك أختي

حتي انا اهل ايمن دار تورتة وكانت بتكون 3 ادوار مشي قتله لا ... جيبها صغيرونة بش نقصها انا وياك .. ودرت تورتة صغيرونة مع الكباتشينوا .. عادي يعني مش لازم تحتاري

يتصفح الموضوع حالياً: 9 (9 من الأعضاء و 0 من الزوار) ‏طرابلسية لسرتاوي, ‏هديرالحب, ‏رموسة الحلوه, ‏عروسة ضياء+, ‏حبيبة أيمن, ‏عروسة ليبيا+, ‏بسبوسة غزالها, ‏هنو الدلوعه
انستو بعض ياعويله

هدير قصدك عرسكم مشترك والا شنو؟
مافهمتش

كان مش مشترك وعلي الحفله ديري حلويات شاميه حلوة راه الفكره اهيا

عضوة معانا ؟ بس ما شفتهاش
الأيام جاية بإذن الله نتعرف عليها
.....حبيبتي هدوره ما تحيريش زي ما قالت حبيبة أيمن في هلبه ناس يديروا زي ما دارت عادي خليهم هما يجيبوا وانتي ديري مع الكبتشينوا