لمة الليبيات لشهر شوال

جمعتك مباركة رموسه كيف حالك

تسلمي دكتورة

انا تجيني هبلات هبلات عالنت مرات لين نحس في نفسي مدمنه نت ف نحب ناخد فترة انبعد باش نوازن و نخلي وقت للعالم الطبيعي و حياتي الطبيعيه

ثانكس وخياتي عالترحيب طبعا في البداية أعذروني حنجاوب عالاسئلة بدون ذكر اسماء صاحبات الأسئله لأني قاعده ما نحفظكمش يا حبوبات عروسه مع وقف التنفيد لأني مخطوبه جديد ومازال ما تحددش عرسي وكل مره يقولوا موعد وآخر حاجة بوي قال لعمك الراجل خطيبي وتي حوشك قبل بعدين تعالى حدد وبالنسبه لمنتدى كل الدكاتره صح انا كنت مشاركه فيه بس بصراحه ما كملتش فيه........

الحمد لله ياعروسه انتى كيف حالك

اهلا بيك يا بسبوسه وان شاء الله يكمل الحوش ويتحدد عرسك

وههههاادي بطاقة تعريفي
مواليد 1981
متزوجة من 3سنين ونص
وعندي بنوتة عمرها سنة وشهرين
دكتورة اسنان متخرجة من 4 سنيين

وخياتي اعذروني انا انخش من الموبايل وما ادراك ما الموبايل حاشاكم دراه كبد في المنتديات اللي من النوع هذا فلهذا اعذروني لو صار خطأ أملائي أو تأخير في الرد عليكم

أنستي بسبوسة

اي نتفكر انك دكورة و مهدرزة معاك و تقريبا عندك ايامات في تاجورا
انا امتياز غادي

تقرييا مهدرزين قبل كان مش متلخبطة ؟؟؟؟؟؟؟؟؟؟؟؟؟؟

شكرا أختي رموسه ربي يفتح علينا وعليك وعلي كل البنات يارب و دكتور إيمان تشرفت بمعرفتك وربي يحفظلك بنوتك وتشوفيها عروسه يارب و يديم عليك السعاده الزوجية

عروسة ضياء;13204930:
تسلمي دكتورة

انا تجيني هبلات هبلات عالنت مرات لين نحس في نفسي مدمنه نت ف نحب ناخد فترة انبعد باش نوازن و نخلي وقت للعالم الطبيعي و حياتي الطبيعيه

تعرفي اني في ليبيا ما كنتش اندور فيه النت بكل وما نتحملش انقعمز قدامه اكترمن ربع ساعة
لكن هني ولييت مدمنة نت .اصلا ما عندي ويين بنمشي يا اما في السنتر او قدامه او عاtv

بنديرلك زي امتحان الأورال جبتي سؤال ل نفسك هههههههههه انتي وين ؟؟؟؟؟

عروسة ضياء لا حبيبتي انا مش دكتورة انا فنية معمل نخدم في مركز صحي و انا ما قعدتش فتره طويله في منتدى كل الدكاتره بس انا خشيتله لأن خطيبي دكتور وعلي فكره يا غزالات انا من ترهونة وخطيبي من طرابلس.............

بسبوسة غزالها;13204931:
ثانكس وخياتي عالترحيب طبعا في البداية أعذروني حنجاوب عالاسئلة بدون ذكر اسماء صاحبات الأسئله لأني قاعده ما نحفظكمش يا حبوبات عروسه مع وقف التنفيد لأني مخطوبه جديد ومازال ما تحددش عرسي وكل مره يقولوا موعد وآخر حاجة بوي قال لعمك الراجل خطيبي وتي حوشك قبل بعدين تعالى حدد وبالنسبه لمنتدى كل الدكاتره صح انا كنت مشاركه فيه بس بصراحه ما كملتش فيه........

اهلين بيك يا بسبوسه انشاء الله معرفة خير وانشاء الله ربي يتمملك علي خير اني نعرفك بنفسي اني مخطوبه عرسي قريب كملت تقريبا حاجاتي كلها وانشاء الله يتحدد عرسك في القريب العاجل نفرحو بيك غير اعزمينا

ههههههههه معناها احتمال رموسة ,,,,,,,,,,,
عالعموم لخبطت الدنيا انا و داروحه داكرتي قوية ههههههههههههه

عروسة ضياء تفضلي انا حاضره لأي اسئلة ولا يهمك انا زي وخيتك... هاتي ما في جعبتك

بسبوسة غزالها;13204987:
عروسة ضياء لا حبيبتي انا مش دكتورة انا فنية معمل نخدم في مركز صحي و انا ما قعدتش فتره طويله في منتدى كل الدكاتره بس انا خشيتله لأن خطيبي دكتور وعلي فكره يا غزالات انا من ترهونة وخطيبي من طرابلس.............

قصدك انتي ساكنه في ترهونه

عروسة ضياء ام ميار منورين اللمه

عروسة ضياء;13204984:
بنديرلك زي امتحان الأورال جبتي سؤال ل نفسك هههههههههه انتي وين ؟؟؟؟؟

ههههههه فكرتيني بهادوكا الايامات ما اشناهم
:)اي في بريتانيا في لندن
راجلي يحضر ماستر في prostho

نفس سؤال هدير ؟؟؟؟؟؟؟؟؟؟؟

حلو ماشاء الله حلوة لندن نحبها ااااااا هلبه


ان شاء الله موفقين