تجمع أحلى صحبه أمهات اغسطس 2010 لشهر شوال 1431

للحين يختش

وانتي شخبار الجامعة؟

ايبي هذي دكتورتش ماصخة حدها وع شهالأسلوب لو دكتورتي انجان طلعت عتها وع وع
إيادي ما شاء الله عليه يهبل قمر الله يخليه ويحفظه

دلوعة ما شاء الله تبارك الرحمن ما بحسدش تصويرش جدا روعة

رموزة تجنن عصوم حدها كيوت روعة الله يخليها ويحفظها والحمدلله انك تطمنتي عليها تحملي فيها

دعائي وبحرانية الله يعينكم على ازواجكم مملين الي بون يحبون المباريات أحس طول وقتهم فكرهم في الكورة
الله يعينش دعائي

دعائي شالهالحليب الي تتكلمين عنه زين يعني ؟؟ أخذ منه ليسوف ؟؟أحس كوكيز مو زين بس اخاف أغير الحليب وتتخربط معدته ويش رايش انتين؟؟

ماشية بالدرب;13316762:



لا ليش الفحص؟؟

الفحص يا حلوة حق يشيكون الرحم ياخذون من الرحم عينة ويفحصونها يمكن توجد بكتريا لاسمح الله جذي يعني
ايبي ماشاء الله ايود حليو شلون تنيمون جهالكم على بطونهم ؟؟اخاف يختنك
وليش ليهسه تلبسيه الي تسموه قحفيه مالت الراس اني ابني يعرك البسه بس لما يسبح وبعدين اذبها حاره الدنيا

أني ولدي بروحه ينقلب على بطنه ما يختنق بالعكس يرتاح وهو نايم على بطنه وأني الكحفية ما ألبسه بصراحة حر

ملاك العراق H;13316863:
سلام بنات شخباركم ان شاء الله بخير ..
انا رجعت من سفرتي وتونست كثير تمنيتكم وياي وان شاء لله انزل لكم الصور .
ويوم السبت عندي عرس اختي ومحتاسه حيل وما عندي وقت ادخل بس حبيت اسلم عليكم واروح ..

الحمدلله على السلامة وحشتينا يا الدبة ومبروك العرس

مشمشو اني ولدي أكمطه ويفكك روحه ما أقعد له الا كانه واحد بروح الحج خخخخخ ولدي شيطان ما يبي الكماط وعن الزواع ما شاء الله مو مقصر ملعوزني وعن الالام الصدر يتراوى لي طبيعي من الحليب

احسه زين علاوي

وفيه منه عادي

في منه ضد الترجيع

وفيه منه ضد الغازات
بس مو موجود غير بصيدلية اوال ولصيدلية الدولية وصيدلية صاادق

وكلهم فرووع لنفس الصيدلية

اوال في الرفاع

والدولية صوب فرندا الي صوب عذاري

والصادق في عالي

وكأنه فيه في الزنج

وسوق المنامة

بس الصيدليات المعروفة

رويان وناصر وجعفر وغيرهم

ما تلاقينه عندهم

بحرانية انصحش لا تاخذين ثياب من 0-3 لأن يصغرون على البيبي بسرعة اني اخذت ليسوف من آدمز 3-6 حلوين بصراحة :)

دعائي الله يخلي ليكم عمتش بصراحة نادرا ما تحصل الوحدة عمة طيبة وعن الدم ليش ما تروحين المستشفى تتطمنين مسكين زوجش شكثر نطر:lol:

أصغروو شوي شوي على حمود لا تطيحينه مسكين

دلوعة نسألكم الدعاء الله يجيبكم بالسلامة

شخباركم بنات


بنتي بتطلع ليي قروووون :mad:

من وين جايبه لعناد بسسسسسس

تصرخ من الجوع وما تبغي مرضعه واني عندي جفاف

الليل تبرد بدون قحفيه لازم ابغي اغطي ادونها لكن اذا لبستها القحفية تزلزل الدنيا ما تبغاها :confused:

والخيط قصه ثانية ما تبغاه مره قمطها ولفيت الخيط عليها وغفت عيوني قعدت على صراخها

حاولت الانتحار :lol: ودت الخيط فوق عند رقبتها وطلعت ايد وصارت تسحب ايدها من صوب ومن صوب ثاني الخيط يخنقها :-o

واذا بدون خيط اقعد لقماط بس على بطنها تطلع الايادي والرجايل كانها رايحه الحج

تصرخ من الغازات اشربها مرقدوش اشك اذا قطرة دخلت تطلعه كاامل وترشه في وجهي بعد;)

ام دعاء اني اتنبأ ان بنتي مو بتصير حرككيه بس الا بتعلم ولادكم الشطاانه

نسيت اقول ليكم انها اذا جت ترضع تعضني :|


ولا تقولون ما عندها ضروووووس ( هذي كلمة زوجي )تصك على الحلمة بحنجها وتخليني اصيح

وكل مره تمصمص وما تلقى حليب تضل تصيح وتمص اخر شئ تنقهر وتعضني


يتهيأ لي اذا كملت السنه بتكفخني .. اذا شفتون سواد حول عيوني اعرفوا انها ضاربتني خخخخ

اليوم رحت شريت لبنتي يانسون

وقال الي لازم اني اشرب منه

واذاعطيتها اخففه بماي وابتعد عن الماكولات الي تسبب غازات وعن اللحوم

وبنسبه الي القماط اني افصل الي اشتري قماش اسمه يمكن(عبد) معروف عدنا في القطيف للقماط

لان الجاهز صغير هذا يصير طويل ويلف الجاهل عدل

اني الف بنتي بلفه الي مفصلتنها وبعدين بلجاهزه واذا مابغت القبعه الفه الجاهز ارفعها شوي على شان تسكر ادونها

وبنسبه لغسيل الشعر اني لازم اغسل شعر بنتي كل يوم

لان اذا ماغسلتو الشعر يطلع له ريحه وماتروح بسرعه

الحمد لله على سلامتكم
الله حفظج

شجونة

انا بعد احيانا يعظني على غفلة
اذا كان يشرب وما ينزل له حليب كفاية

شجون إمرأة;13319133:
نسيت اقول ليكم انها اذا جت ترضع تعضني :|


ولا تقولون ما عندها ضروووووس ( هذي كلمة زوجي )تصك على الحلمة بحنجها وتخليني اصيح

وكل مره تمصمص وما تلقى حليب تضل تصيح وتمص اخر شئ تنقهر وتعضني


يتهيأ لي اذا كملت السنه بتكفخني .. اذا شفتون سواد حول عيوني اعرفوا انها ضاربتني خخخخ

زي بنتي (اذا جتها الحاله) حالت المغص


يمكن من الم المغص مو قله الحليب

اذا تركت صدرش امسكي الحلمه وحاولي اتطلعي حليب اذا طلع

يعني فيش حليب يكفيها وتصيح من المغص

اني بنتي ماترضى تشرب حليب اذا ممغوصه تشرب بس ماي وخلال اسبوع نزل وزنها 200 جرام بسب الماي

وقالت الي الدكتوره اقلل الماي واحاول اعطيها يانسون بدل الماي

صباح الورد امهات كيف حالكن اليوم؟؟

ايبي ما شاء الله على اياد الله يحفظه ويخليه .. المفروض اتعلمينه من اول يوم ولاده على الصناعي اذا مو اول يوم ثاني او ثالث يوم انا جوجو عطيتها من ثالث يوم .. و شنو هالدكتوره الي رايحه لها بدال ما تعالج الناس اتمرضهم اكثر انا قهرتني ..

دعائي لمتى وانتي جذي ما تروحين المستشفى اتشوفين حل .. وغريبه منصور اتقبل هالحليب اشمعنى؟؟

رمووز الله يخلي لج بنتج حلوه اللقطه وهي تضحك لقطه خطيره ..

بحرانيه الله يعينج صج الكوره ادمان مو طبيعي مادري شلي عاجبنهم فيها ..

شجوون ما اقدر على ريوومه تمووت من الضحك هاذي من الحين وتسوي اكشنات .. الله يخليها