شعر مجعد؟ وجاف ومتقصف؟ عندي جزء من الحل

السلام عليكم يا عرايس
شخبااركم !
المهم !! انا تقريبا من سنة مسجلة عندكم وما كتبت ولا موضوع :D بس اقرأ خخخخ
اول موضوع كتبته كنت خايفة اتزوج بسبب شعري المجعد والجاف و المتقصف وكنت ادور على حل حق شعري ! طبعا خواتي في عرووس ما قصروا وياي بس بعد ما كنت مرتاحة ! خخخ المهم تم الزواج بحمد الله :o و زوجي ما شاء الله شعره مثل الهنود ! وانا اعوذ بالله هههه ف دايما كان شعري مسشور و مسوى بالستريتنر وانعدم عدااام ! مع اني ما سويت له تمليس لان زوجي معارض الفكرة تماااما بعدين بقول لكم السبب هههه! المهم انا بقول لكم شلون كانت قصتي ويا الكشة والزواج ! ادري البنات ذوات الشعر المجعد الي مثلي حاملين هم الكشة اكثر من اي شي ثاني ! فبقول لكم شصااااار ! طبعا انا كنت قايلة له عن طبيعة شعري وهو ما هون عن الزواج :lol: والله توقعت انه يهون ! طبعا اول الايام كنت اقعد من النوم و على طوووووووووووول وينك يالسشوار والستريتنر بس شعري انعدم من كثره السشوار والغسيل اليومي خخ << فاهمين ليش المهم جهودي كلها راحت هدر ! انا اتعب روحي و اخلي شعري يصير ناعم وزوجي يجي يقول لي احس شعرج تركيب :'( مو طبيعي !! وكان يتسحب كل مره اطلع من الحمام علشان يشوف شعري الحقيقي وانا طبعا اقعد اصيح مابيه يشوفه << خبله
و على طول سالفة التمليس على لساني وهو يقول لا :mad: هو صح انا دايما اسويه سشوار وستريتنر بس ما يطلع مضبوووووووط مثل الصالون ! مررره سويت شعري في الصالون وصار حرير رجعت البيت توقعت يقول لي شنو هالجمال او شي جذي تتوقعون شنو قال لي؟ 8o| سويتيه تمليس؟ وع !
:-o انا متعبه عمري علشان تقول لي وع؟ خخخ الحمد لله ما كان تمليس مجرد فير !! المهم عرفت ان الرجال يحب الشعر المجعد مع انه ما كان يحبه ! على قولته الشعر المجعد يناسبج ! شخصية عفويه و مرحه :thumbs_up: قبل الملجة انا قايلة لي ان شعري مجعد وثبتت في راسه خلاص و مثل ما يقول ركبت صورة ويهج على شعر كشة خلااااااااص
زين الحل شنوو؟ >> ادري هذرت وااااااااااااايد
اول خطأ نرتكبة نحن ذوات الشعر المجعد هوووووووو !
غسل الشعر بالشامبو ! ايه غسل الشعر بالشامبو اكبر غلط في حق الشعر المجعد و الجاف لان لان الشامبو يزيل الزيوت الطبيعية من الشعر وبما انه جاف هو يحتاج هذي الزيوت ! الحل هو
co-washing يعني انج تغسلين شعرج باستخدام الكونديشنر فقط ! لا تقولون وع ووصاخة ومادري شنو بالعكس تحسين ان شعرج نظيف و متغذي مو مثل الشامبو يصير مثل الليفة :hysterical: طبعا ممكن استخدام الشامبو حق التنظيف العميق مثل لما تحطين خلطات وزيووت ! بس مو دايماا ! يعني هالشي زين حق العرايس انها تغسل شعرها كل يوم ويمكن اكثر من مره بس بدون شامبو مجرد كوندشنر ! شعرج بيتغذى بدل ما يجف مثل الشامبو !
الطريقة هي انج تستخدمين الكوندشنر بالضبط مثل ما تستخدمين الشامبوو وحق تفاصيل اكثر ممكن تكتبين co-washing في يوتيوب وبتشوفين نساء امريكيات سود ذوات الشعر المجعد يستخدمون هذي الطريقة ما تشوفون شلون شعرهم قوي ويلمع !!
;) هذا اول شي غير شعري للأحسن ! تجعداااات رائعة ! شعر طبيعي ! بدون تمليس
اذا حصلت تفااعل بكمل
:biggrin: مع السلامة