مشكلتي زوجي صار قاسي رغم طيبة قلبه

السلام عليكم ورحمة الله وبركاته



بغيت المشوره في مشكلتي



انا متزوجة صار لي سنة و3 اشهر، عندي بنوته 5 شهور الله يحفظها ويبارك فيها



مشكلتي علاقتي بزوجي


صار ما يهتم فيني، احس انه يخاف من اهله ويحسب لهم الف حساب، شخصيته قويه بس احس اهله مسيطرين عليه ويخاف ان اهله يشوفوه يهتم فيني او يساعدني في شئ، يعاندني بطريقه تضايقني منه، الشئ لازم اطلبه مية مره ويسويه بعد شهر هذا اذا سواه… احس صار بينا جفاء، يرتاح لما يطلع من البيت، احياناً ارتاح لمن هو يطلع واحيانا اتضايق… ما يهتم اذا شافني ابكي.. اذا زعلت وطلعت من الغرفة ما يجي يراضيني واذا كنت تعبانه او زعلانه ما يواسني ولا حتى يدلعني، ما يحب يجلس بالبيت كله يطلع سواء معي او مع ربعه..

انا جربت اكون دلوعه معه، جربت ادلعه، اشتريله هدايا ويفرح فيهم بس هو ولا يعبرني بهديه (بس اذا طلبت منه).. جربت اعامله بجفاء… كل شئ ما نفع معاه هو هو ما يتغير عصبي قاسي علي، كله يطلع من البيت يروح يجلس عند ابوه (يعطيه التقرير اليومي) ولا عنده رومانسيه ولا يتعامل معي بحنان.. اتعب ولا يواسيني ولا يجلس معاي بالبيت (وبدل ما هو يجلس يريد يرسل اخته تجي عندي!).. حتى دموعي صارت ما تسوى شئ عنده ولا تهز كيانه… يخليني احس ان اهله اقربله مني

اذا زعلت او شكيت له عن شئ او عاتبته على حاجه لازم يسمعني انا سويت لك وسويت وسويت وانتي ما تقدري اللي اسويه ايش الفايده اتعب نفسي وانتي ما تقدري…

صار ما يهتم بمظهره ولا نظافته، واذا لفت نظره على شئ يقولي انتي تحرجيني ويعصب او يقول ان هو حر وكيفه


اهل زوجي هم اهلي قبل ما يكونوا اهله


يحبوني واحبهم واحترمهم كثير.. عمتي مثل امي وبناتها مثل اخواتي (الله يديم المحبه، الحمدلله والشكر)




يا ليت احصل عندكم الاجابه الشافيه والحل المفيد االي يساعدني