ام شهووودة الحلوة;13356284:
لا حول ولا قوة الا بالله العلي العظيم
الله يعوضج حبيبتي ..وشنو قالت لج الدكتورة .؟؟
استغفر الله اني من يوم تقولين قالت لج طبيعي البني وعادي تسافرين مع انه الكل يقول مو زين السفر لازم راحة .. انا شفت ناس وايد يمدحونها هالدكتورة بس الحين احس انها ماتهتم وايد يعني انا اتوقع لو دكتورتي وتقولين ليها بني سيدة مثبتات تعطي .. غريبة يمكن لانج حملتي طبيعي مو مثل حالتي بعلاج وحالة ..يالله الخيرة فيما اختار الله ..
الله يعوضج بالحمل السليم التام يارب وماتدرين يمكن البيبي كان بيصير معوق او متشوه والله مابغاج تتعذبين معاه وان شاء الله اجر وعافية :'( حزنت وايد عليج ... وقمت احاتي جنيني ... الله يبعد عنا الوساوس ويعوضج حبيبتي ..
شنو قالت لج الدكتورة ؟؟
اكيد بتحملين بسرعة لانج طبيعية فلا تحاتين اللي مثلي هم اللي المفروض يحاتون مااحمل الا بعلاج ومو من اول شهر يبغالي شهور واحيانا سنين لين يصير حمل قولي الحمد لله على النعمة اللي عندج وربي بيعوضج ..
هدرت وايد بس قلبي عورني عليج
تسلمين يالغلا ان شاء الله ربج كريم والله يعوضني ويرزقني بالحمل السليم ياااارب
مع اني توني متزوجه صار لي شهرين بس بس تصدقين يوم جربت هالاحساس ان اكون حامل وعقب طاح ابي احمل مره ثانيه صراحه احساس وشعور ام يعني شقولج انتي ام وتعرفين غلاة الضنى
تضايقت في البدايه وصحت وعفست الدنيااا بس مالي رزق ولا نصيب فيه تصدقين من حملت كل اروح المستشفى اوراكض عليه اخاف عليه وااايد حتى ابوه ماظل مستشفى مارحته من كثر الخووف لاخاص ولا عاااام
في البدايه عاااادي وعقب نزل مني بني وسخ ورحت ابن النفيس قالت لي عادي الدكتوووره وطمنتي وراوتني البيبي والكيس وقالت لي ان طبيعي قلت لها مابتعطيني مثبت قالت لي لا مجرد الفولك اسد رحت لها الصبح يوم ثاني الصبح نزل عليي دم وعواااار بطن مو طبيعي رحت الحمام تكرمين وشفت قطعه من شفتها صراحه عرفت انها بيبي تبين شي مو وسخ يعني قلت اكيد وسواس ورجعت الى دكتوره كيرن وردت سوت ليي التراساندو ماشافت شي تقول مافي شي وسوت لي تحليل دم مبين ان مافي طاااح..
يالله الله مايسوى الشي الا فيه صلاح للعبد.. رضيت بالوقاع وتوني صغيره والدنيااا قدامي هو صدق صعبه بس الحمد لله على كل حال .. بس الدكتوره قهرتني رايحه ليها وقالت لي كل شي اوكي وهي اللي ينزل منج طبيعي والبيبي موجود وراوتني اياه وعقب يوم ينزل ..
ان شاء الله ماتجي السنه الجديده الا انا حامل تخيلي يعني زوجي مستانس وجدي واخر شي صادنا احباط انصدمنااااا .. بس الحمد لله متفهم واهله مسويني يالدهينه لاتنكتين خايفين علي من كل شي ...
وانتي حبيبتي لاتحاتين وربي يثبته لج يالغلا ولانتسين كثري من الصلاه على النبي ومسحي على بطنج وانتي تصلين على النبي وكثري من ادعيه البيبي وربي يكتبه لج يارب
ومشكوووورين حبيبااااتي كل االلي سالو عني وربي يثبت لكم ويقومكم بالسلامه وان شاء الله من احمل بخبركم اني حامل دعوااااتكم حبيبااااتي