بنات البحرين افيدوني جزاكم الله خيير

حبيبتي النبض مايبين الا من الاسبوع السابع لحد التاسع، في هالفتره ممكن تسوين التراساوند ويطلع لج نبض البيبي
في البدايه مايطلع لج شي غير الكيس اللي فيه الجنين
انتي روحي حق كيران وجوفي شتقول لج، مب خسرانه شي

ليش مسوية التراساوند من الحين؟ المفروض الاسبوع الثامن افضل الحين توه مايبين النبض مو الكل يبين عنده

اصلا التراساوند مال الطوارئ قديم وقرمبع لوزين يطورون شوي

صلي على النبي وان شــاء الله ما عليج إلا العافيــة
والبيبي ان شاء الله بخير
شوفي حبيبتـــي ,, النبض ما يبين من البداية اللي يبين كيس الحمل بس
ويبين النبض في الاسبوع السابع أو الثامن
واحتمال الحمل عندج صار متأخر ,, يعني مو يوم 14 أة 15 من الدورة
وهذا شي يصير وعادي يعني بعضهم يصير الحمل عندهم قبل الدورة الثانية باسبوع أو 5 أيام وهذا طبعاً علمه عند رب العالمين
يمكن من جذي هم يشوفون ان كيس الحمل بعده صغير وما يبين نبض مع انالعمر الافتراضي 8 أسابيع بحساب الدورة .. ..

ومثل ما قالت لج الاخت ,, جهاز الطوارئ كجره حده ومعفـــن
توكلي على الله و روحي لأخصائيــة عشان تطمنين ,, لانج جذي قاعده بوسواس

الله يطمن قلبج ,, ويتمم حملج على خير

عاد مابغيتي الا السلمانيه..

انه سو لي من تحت وقالو مايبين وكنت في الثاني ..هاي في حملي الاول قبل لا اطرح..

ورحت خاص هالمره ولي بس 5 اسابيع ومن بره الفحص وبين..

يعني ماعليج من كلامهم وانشاءالله ببين وبتشوفينه..

بنات الله يطمنكم انا اوسوس لان من طرحت ماصار لي شيء 3 اشهر بس ادعو لي

الله يثبته لج يااارب ويرزقنا معاج الذرية الصالحة

وانا اقول ما عليج من كلامهم ونطري اسبوعين وبعدها روحي

انا الدكتورة قالت لي تعالي بعد اسبوع ورحت لها بعد اسبوعين وفعلا نطططططططرت وفرغ صبري،، بس الحمدلله بين نتفة

واول شي قالت لي ما يبين بسوي من المهبل ورفضت لان الطوارئ سوووا لي من قبل وانا سمعت انه مو زين،، بس بعدها بين