خايفه..

حبيبتي الله يساااعدج ويثبته لج يااااااااارب
كثري من الادعية واقري قرآن وربي يطمن قلبج

حبيبتي روحي المستشقى احسن

اني بعد في حملي طرحت اول شي بني بعدين دم شوي وشوي شوي صار دم ماابي اخوفش بس ارتاحي لا تتحركين واخدي مثبت

انه مريحه روحي احين وكله منسدحه..
وعلى طول بس ادعي..


وانشاءالله يوقف وارتااااح..


يااااااارب تحفظ جنيني يااااارب وتثبته

الله يثبت حملك يارب
حبيبتي روحي لدكتورة عشان تطمني احسن لا تهملي نفسك

الله يثبت حملك ويتمم لك بخير يااااارب

بس الافضل تروحي المستشفى واذا طلبت سونار داخلي ارفضيه واعتقد الحين
يبين كيس الجنين وحتى الجنين يبين بالسونار العادي

والله يتمم لنا جميع ويعوضنا خير

الله ايثبتة لج يارب
انصحج اتروحين المستشفى لا تهملي نفسك واخذي مثبت
لان صاار لي مثلك مرتين وان شاء الله مافيج الا الخير

الله يسمع منكم انشااااءالله..
واايد ارتحت من دعائكم لي او وقفتكم معاي..
انشاءالله باجر بروح المستشفى واطمن بس مابخليهم يسون لي فحص من تحت..
وياااااااارب اطمنوني ان مافي شي ويبين الجنين سليم..

والله يثبت حملناااااااااااااااا ياارب بحق هالشهر الفضيل...

هلا
لا تخافين عادي طبيعي مال تعب
تدرين ان انه صادني نزيف والحمد الله الحين اوكي بس اذا كان دم روحي المستشفى

اللهم يا مجيب الدعوات يا كاشف الغيبات ثبت حمل أختي الكريمة وارزقها بطفل سليم معافاه لا زائد ولا ناقص ، وغر عيونهآ بعه وجعله من التوابين الصالحيين
اتمنى لج الخير

مرحبا
الله يثبت حملش يارب وعليش بالراحة التامة وحتى الدكتورة بتقول اليش ارتاحي ولا تنسين الراحة النفسية بعد مطلوبة واللة يوفق اليش خيوتي

وش صار معاج خيوو
طمنينا !! !!

اهلين خواااتي..

انه اليوم زاد علي ونزل دم وخفت ورحت المستشفى..من المغرب لي الساعه 12 انه هناك..
اول شي سو لي سونار وبين الكيس والجنين بس قال لي مبين عمره 5اسابيع وانه على حساب الدوره 6 اسابيع..
وعقب سو لي فحص الهرمون وقالت لي الدكتوره مرتفع الهرمون الحمدلله..وعطتني ابره اليوم وتاريخ 12 او 21
قالت لي الهرمون مرتفع او نازل لازم اخذ الابره لان انه طرحت من قبل..اطمنت الحمدلله بس النزيف للحين ما وقف..


انه ريلي يعرف واحد عنده حواج كان يتعامل معاه واخذ منه دواء حق زياده الحيوانات المنويه والحمدلله صار اوكي وحملت..
عاد عقب ماطرحت المره الي طافت ريلي جاف هالريال وقاله ان صادها نزيف وعقب اطرحت قاله ليش ماقلت لي من اول ماصادها انه عندي دواء اوقف النزيف خلال 24 ساعه ومضمون عاد ريلي قالي امس واليوم راح اخذه وقاله انه استخرت حق زوجتك وطلع لي انها راح تتعب في البدايه وعقب بترتاح ..
الحمدلله وااااااايد ارتحت والله يثبته انشاءالله


ادعووو لي بنااااااااااااااااات انه باجر بروح بيت ابوي اريح هناك ..

الله يثبتــه لج ان شاء الله حبيبتـــي بحق هالشهر الفضيل عن رب العالمين
زين تسوين حبيبتـــي ,, روحي بيت ابوج ريحي أفضل لحالتج
وعن النزيف ,, اني ظل ينزل عليي 3 أيام تقريبا وبعدين وقف ,, وبعدين رحت مركز الفاتح لأن الطوارئ عاطيني تحويل م اول ما رحت لهم
وسوو لي ألتراساوند في الفاتح والحمد لله بين النبض وبين البيبي مو بس كيس ,, بين انــه جنين
والحمد لله,, عمره الحين سنــه وشوي , وعافس لي الدنيــا

الله يثبت اللي في بطنج , ويرزقج اياه سالم ومعافاة يارب

جمال الزهره..

الله يسمع منج خيوو انشاءالله..

وانشاءالله يوقف النزيف وارتااح..

واالله يخلي لج ولدج انشاءالله وتشوفينه معرس..

وبروح عند امي اريح لي محد بيتحمل فيني كثرهاا..

ومشكوره يالغاليه

السلام عليكم


الله يتمم لج حملج يارب وتشوفين ضناج في حضنج يارب


وانتين غلط تقعدين عالكمبيوتر او اللاب وانتي بهالوضع


المفروض طول الوقت مريحه اني في اطراحي القبلي صادني جذي وترقدت


والسلمانيه لعبوا فيني لعب كلحين اترساوند من تحت لين طاح بس الحمد



لله كتبت الله وهالحمل خفت على روحي ورحت بيت اهلي اربعة الشهور الاولى



والله يتمم عليي وعليش واولد بالسلامة ...


بس انتي كل ما يقولون ليش اترساوند مهبلي قولي مابي ... وخليهم


يسووون لج تحليل نسبة الحمل في الدم ومنها راح يعرفون كل شي


تدرين دكاترة الطوارئ مو ثقه بصراحه ...

اختي ريحي روحج وان شاء الله خير

هلا اختي


عساح علقوة وربي يرزقج ان شاء الله

انا بصراحة من مدة اسبوعين لاكثر ، نزل علي دم يومين،، وبعدها وقف وما اكلت المثبت،،والحين بعد هالاسبوعين ما ينزل دم


بس احس الله يعزكم بافراز اصفر مااائل للبني الفاااااااتح جدا،، وساعات يكون ابيض.. وخاااااايفة ،،، احس انه طبيعي، بس يوم رحت

لددكتورة قالت بتسويلي مهبلي ورفضت،،، وقبل كم يوم رحت وسووا الترا ساوند وبين معها نتفة صغيرووونه الحمدلله...

والحين والله كله اوسوس واشكك ومن احس بشي سيدة اججيييك ،، ابي حل والله وانا ادعي ربي

نور الايمان..
الله يسلمج يالغاليه..
انه خيو منسدحه على الكرسي طويل ويمي طاوله عليها الاب توب ..مااقعد كله منسدحه..
بس انه اهل زوجي الله يهديهم مارحموني من انزل يكرفوني كرف من جذي تعبت ونزل علي الدم
لان لازم ارتاح وانه طارحه من قبل بس هم مايفهمون ولا يخافون علي..

وانه اليوم بروح بيت ابوي ارتااح..انه هني فاطره ماصمت لان مااقدر ولا اكل تصدقين كاني صايمه
لا احد يسوي لي غدى ولا احد مفتكر فيني بس امي مابتخليني..

ويالله الحمدلله على كل حال..

والله يثبته انشاءالله
والله يتمم عليناااا انشااااااااءالله..

..........................
الم الزمان..انشاءالله حبيبتي انه الحين مااتحرك كله مريحه..

.........................
الحياه فن..
الحمدلله ان وقف عنج الدم خيوو والله الدم يخوف..
بس لا تحاتين ولا تفكرين وسئلي الدكتوره احسن عن الافرازات الي عندج وانشاءالله خير..
والله يتمم عليج يالغاليه..

<< << متابعه أخبارج وقلبي عليج والله
خلج عند الوالده أحسن لج ,, وترى سالفة الركبة والنزله منعلى الدرج مو زينــه كلش في البداية خصوصاً انج طارحه من قبل
يعني لازم تخافين على صحتج
وسامحيني على هالكلمه , بيت عمج ما بحاسبون لحصتج ,, لو منج ما أسوي شي وعذري عندي
يعني الله لا يقوله لو طرحتين مره ثانيــه بيستانسون ..
تدري اني من حملت مره ثانيه وصادني النزيف على طوول من المستشفى لبيت أبوي وقعدت عند امي وما رجعت بيتـــا إلا لما دخلت الشهر الخامــس
والحمد لله عمتي ما تخليني أسوي شي أساساً
والحين نفس الشي ,, ما اسوي شي ثقيل
يعني عمتي تتولى الطبخ وعندها شغاله ,, يعني اذا بشيل المواعين بعد الفطور أو أجيب لها حاجــه ,, شغل خفيف كلش
لان عندي ولدي وهبابي على ملاحقي وراه وعفستــه

الله يثبتــه لج يارب
لا تنسين أقرأي المعذات على بطنج وآيــة الكرسي
وما عليج شر حبيبتــي

جمال الزهره;13079952:
<< << متابعه أخبارج وقلبي عليج والله
خلج عند الوالده أحسن لج ,, وترى سالفة الركبة والنزله منعلى الدرج مو زينــه كلش في البداية خصوصاً انج طارحه من قبل
يعني لازم تخافين على صحتج
وسامحيني على هالكلمه , بيت عمج ما بحاسبون لحصتج ,, لو منج ما أسوي شي وعذري عندي
يعني الله لا يقوله لو طرحتين مره ثانيــه بيستانسون ..
تدري اني من حملت مره ثانيه وصادني النزيف على طوول من المستشفى لبيت أبوي وقعدت عند امي وما رجعت بيتـــا إلا لما دخلت الشهر الخامــس
والحمد لله عمتي ما تخليني أسوي شي أساساً
والحين نفس الشي ,, ما اسوي شي ثقيل
يعني عمتي تتولى الطبخ وعندها شغاله ,, يعني اذا بشيل المواعين بعد الفطور أو أجيب لها حاجــه ,, شغل خفيف كلش
لان عندي ولدي وهبابي على ملاحقي وراه وعفستــه

الله يثبتــه لج يارب
لا تنسين أقرأي المعذات على بطنج وآيــة الكرسي
وما عليج شر حبيبتــي

ماتقصرين يالغاليه..ومثل ماقلتي اهل زوجي كلش مايحسون يااختي..هذاني قاعده في حجرتي طول اليوم ومااكلت شي وزوجي مريض ..
وانه قاعده اجهز اغراضي وتعبانه اسوي شي وارقعد وانه من اتحرك نزل الدم..ولا عندي احد يساعدني..

الله يهنيج على هالعمه ياريت انه جذي والله..
ادعي لي خيوو .. يوقف الدم وارتااح..

كله احاتي والله..:(


والله يتمم علينااا انشاءالله ويبلغنااا فيهم بصحه وعافيه من غير زياده ولا نقصان ياارب..


الله يحفظج يالغاليه ويخلي لج ولدج وتشوفينه معرس انشاءالله..