تجمع ( محلات الرخيص والقوي ) للامهات البحرين لشهر رمضان المباارك ..!

'(¯`•._.•[ umalsadh :
•._.•´¯);13087704']

بسومة اهني من زمان ما شفتش شخبار لثياب ان شاء الله عدلهم الخياط؟؟؟

مسز عادل;13085914:
مرحبا

مبروك فتح الموضوع من جديد

وحشتنا سوالفكم

و في نطاق الرخيص و القوي في محل في البديع اسمه الوجه الأبيض يمكن ذكرتونه من قبل جايب فوانيل ماركة شروكي خلقهم حليو ب 500 فلس موديلهم تقريباً واحد بس الألوان و الرسومات تختلف أخدت لحسون كم وحده

وعندهم أشياءات غير

كنت ابي اصرهم بس ما ليي زاغر ههههه

بنات هالمحل اللي تقصده مسز عادل هو نفسه اللي خبرتكم عنه قبل انه فرع لبيرفكت جينز

يصير بعد مطعم الشرق الاوسط وبعد فاتحين في صفة صالون نور الهدى في البديع محل ابو 200فلس اسمه الأوفر

'(¯`•._.•[ umalsadh :
•._.•´¯);13087716']

ه>ي الشيرة الا اقصدها جربوها وتعجبكم اصلح اسوي دعايات خخخخ

'(¯`•._.•[ umalsadh :
•._.•´¯);13087684']

اهلين مامات

بصراحة برنامجنا العيد نفس كل سنة هههههههه

اول شي الصبح اروح بيت عمي وبيت حماتي انعايد فيهم والسنة ما بنروح لان كلهم بيروحون المدينة عليهم بالعافية

وبعدين انروح بيت ابويي ونتغدا ونتجمع ويا خواتي واطفالهم كالعادة ونحارس العيديات من ابويي واخواني الله يعودنا ويهم على خير وبعد صلاة المغرب يجي سيدنا ويودي الاطفال الالعاب ايقول قبل الغفصة وبعدها مباشرة مطعم وراجعين البيت كل شي بسرعه ونرجع لملل وني زوجي كل ايقول خلنا نطلع بروحنا بس ان محد يقدر ايجود لصغار يطفشون بس هالمرة ناوية صدق اهيم وياه اشوي تغيير بدل اقعد وقعدي وعيب ولا وقائمة الممنوعات الا ما تخلص خخخخ

وناوية اروح لكم وحدة من البنات قبل المدارس لان من يبتدي الدوام ما اطلع واجد

واليوم وديت عبايات ايقصرهم مسونهم وش طولهم وضاع الوقت كل في الزحمة جدعلي الشوارع عفسة عند دوار المدينة سابقا وبكرة الصبح اول الله بروح احف والليلة بشيل شيرة ( شيرة ميم الرول خوش شيرة بصراحة من استخدمتها سويت اكس على الصالونات ) ...

أدري هدرت واجد بس متمملله خخ

اي اني اصخن شيرة ميم بالجهاز الا شريته وسهوله عجييبه ..

وصدق يبي لنا تغير واستغلال الاجازه في شي حلييو وترفيهي بس ما في شي :confused:

'(¯`•._.•[ umalsadh :
•._.•´¯);13087716']

هذي الشيرة الا اقصدها جربوها وبتعجبكم اصلح اسوي دعايات؟؟! خخخخ

من وين تاخذينها ... بجربها

اني عادة اشيل بالمكاينه و رجولي بالشيره

ام السادة اني بعد استخدمت هالشيرة قبل وزينة

ياسمينة الفريج;13087696:

اني لازم اتصل الى الصالون قبل اروح واقول اليها احسبي كم وحدة تنتظر خخخخخخخ

اتصلت عقب الصلاة المغرب اليوم قالت ينتظرون خمس ... غيرت راي وقلت بروح من الصبح كلش بكرة .. وان شاء الله اخلص .. مشكلتي بنتي ما تبغي احد وما احب اطلع عنها واجد تصيح وتغربل خلق الله خخخخخخ :I::I:...

والشيرة يا زعم مشترين اني وخواتي ماكينة الشيرة مثل الصالونات ومكينة للشمع بس كل مرة ما احصل وقت اروح بيت ابوي فاشير الى روحي في البيت بروحي .. خخخخخ :badly::badly:

ادري انهم ينرفزون واني نفسي ما اقدر احكم اعصابي بس ما توصل الى الضرب اللي يطلع اثر ..لانه تصير عليش دية ... الله يساعد قلبش .. بس ترى السالفة تعويد عودي نفسش تطلعين من المكان اللي مسوي فيه الجريمة في وقتها ... حتى لو كات شيء اطلعي وياه من الغرفة او الصالة واهدي .. وعقب اشوي روحي نظفي اثارها بتكون نفسيتش اهدى وما بتضربينه داك الضرب ..
طبقت هالنصيحه اني لانه لو ما جودت روحي انجان قتلت ولدي على سواياه ...

الله يهديهم ياااااااااااااااااااااااااااارب .... :|:confused: كرهوني في حياتي ساعات اصيح قدامه انجان يحس .. واقول اليه بحمل دفتي وبطلع من البيت وما بتصير عندك ام خخخخخخخخخ

هلا خيو ..

الحين وواجد خفييت عليه ..

كل ما شفته خلاص يخاف من ضربي وصار ما يدافع عن نفسه وعلى طول يجي يصيح :(
اصلا ندمت عدل لانه مايدافع عن نفسه مثل قبل ..

قبل احسن من يجي يصيح ويبيش تتصرفين ..

..

بسمة أطفالي;13087706:

زوجي يحب السينماء وروحها في ثاني عيده وثالث عيدي:lol:فهمتين :study:

بس طبعا يروحون جمعة شباب :)

خيوو مدام يحب يروح وزعي رعيتش وروحي وياه كلها ساعتيين بس ..

تستمتعين بوقتش ويااه وترجعين بعدهاا !

اني لين حصلت لي اكيد بروح !

بوح الكلمات;13087016:

هاه باقي المامات : منهي اللي تشيطرت ولقت ومنهي بعدهي ( يعني منهي حفت غير الشطورة حاملة القرنفل ؟ ؟

ام علاوي الله يساعدش

اني بعد بيان بنتي ولاتعرف تتصرف كل من يضربها وينهبها وهي تصيح واني اللي اتغربل

الحين بتروح المدرسة والله يستر

ام علاوووي;13087752:
خيوو مدام يحب يروح وزعي رعيتش وروحي وياه كلها ساعتيين بس ..

تستمتعين بوقتش ويااه وترجعين بعدهاا !

اني لين حصلت لي اكيد بروح !

مشكوووورين بسمة أطفالي وقمر الوردي على كلامكم الحلو أسعدتوني وهدا كله من دوقكم وهدي F: ليكم عندي بس وحدة الي يلحق يلحق ( ويش هالحجي أي بس وحدة كم ضغطة بالماوس وبيصيرون درزن ) خخخخ .
اني عكسكم أفضل الشيرة وفي الصالون قاعدة منسدحة ومريحة على الآخر وفلبينيتين متحملين ابي آخر تحمل ويش أبغى أحسن من جدي وأهم شي الجهال موزعتنهم أما البروان استخدمتها أربع مرات بالعدد مع انها عندي من قبل سنتين أحسها اتعور ويبى ليها زاغر أما في الصالون الفلبينية ادا ما عندها شغل وفاضية هي تشيل آثار الشير ة بقطعة مبللة بماي ساخن ( اللالالالاي يخدر وينوم بعد وبعدين تحط زيت جونسون أو أي زين حلو :adore::adore: واو روحة الصالون عندي أحلى .
الحين عادي انجي للمهم ابونا متعاير بعده عنده باقي وقت على المدارس وأني أبغي اشتري شناط الجهال من سوق واقف أحس أشكالهم في حليوين وجودتهم زينة والله مرة أخدت شنطة من محل كلش مو معروف وبخمسة دينار وولدي يوميا يروح ابها الروضة وللحين صامدة ( يحبها لأن عليها ميكي ماوس ) موأحسن من أشتري شنطة بديك الحسبة وأني أقدر أحصل شنطة زينة وبسعر أقل ؟ اني الصراحة عندي الثياب عساهم لو بكم ما استخسر فيهم لأنهم بيتمون فترة أما الأغراض لأ عادي آخد شي رخيص وزين .
المهم بلا طول سيرة ( كل هدا وبلا طول سيرة عجل قصر السيرة اشلون صاير ! ! ) من شافت شنطة للروضى عليها عصومي ووليد والاسفنجة الصفرا الصراحة ما أعرف اسمها عدل الي في نيكلودين ؟؟ ؟ تقول ليي في أي محل

امهات بقول لكم شي ...

واجد مأنبني ضميري ...
قبل كم يوم خذيت فستان من برمود و دخلت اقيسه المهم ما عرفت اصكه بس لان الجرار صار داخل السير الا فيه شلت بالعدال عشان ما يصيده شي بس بعد ما شلته شفت فيه شق بسيط في السير _مو شق صاير شيفون الخلق متسلل شوي _
قلت يمكن من قبل اهو جدي لان مو معقوله اني الا شقيته ... و رجعته لان كبير و اخذت مقاس اصغر و بعد فيه نفس الدمج و اخذته لان ما يبين اصلا الدمج

بس الحين قلت يمكن اني الا سويت هالدمج في الفستان الا رجعته ... ويش اسوي شوروا علي واجد ضميري يأنبني

ليش محد يفيسني عاد شوروا علي

بسمة أطفالي;13087761:

ويلي على الرعية :lol:

ايام عيد وماشاء الله اربعة عيال:-#من بيستعد يجودهم وامهم تهيم :I:

حلووووووة طريقتش في الكلام ضحكتيني واجد ، بس أني ما أؤيد الأم توزع أولادها ادا مومضطرة يعني عشان كشتة أو روحة مطعم حتى لو كانت التوزيعة حق الخوات .

حاملة القرنفل;13087482:
أني بعد أقول لاااازم إن شاء الله لينا طلعة بروحنا للسينما بييييييييييه من زماااااااان ما طلعنا بروحنا وأصلاً حتى طلعاتنا مع بعض قليلة لأن زوجي أغلب الوقت مشغول

أول ما تنزل قائمة أفلام العيد بشوفها وبختار الفيلم اللي بنروحه لو زين في فيلم لأحمد حلمي أحب أفلامه يضحكني

أقول أم علاوي شرايج نتفق نروح مع بعض كوبلز خخخخخ هذا إذا قدرنا نخلي القراضوة عند أحد ونروح

ياسمينة الفريج;13087714:

اني ما اروح مجمعات في العيد لانه يكفي التسوق الى العيد خخخخخخخخخخ والمطاعم ما تنطب هالفترة زحمه وبالغصب نحصل طاولة

بس في العيد عادة اول يوم نطلع بيت ابوي ونزور الاهل بعدين كل بيت ربع ساعه .. من الاهل ..
وثاني يوم الصبح نطلع الى ارض الصغار او اي مكان نخلص الخردة اللي حصلها ولدي هههههه

وثالث يوم نلص في البيت لانه زوجي مو من محبي الزحمه :( :( فنقعد نشوف فيلم او مسرحية وهالسوالف ..

ذكرتوني على السينما من جبت زهور ما رحنا :( ... يمكن نودي عبادي سينما سار اهدى شيء يشوف فيلم توي ستوري ونطالع وياه ... ووواقول هالمرة الى زوجي خاطري في ارض الدلافين اشوفها ما ودوني المدرسة خخخخ للحين حاقدة عليهم >>> جاهله ههههههه

هههههههههههههههه

اني بعد كان خاطري ايام المدرسه يودونا الدولفين بس من يوصل دورنا ما تصير رحله :confused:

عمووما ما ادري اخلي يودينا :D !

وخو زيارة الاهل هذا شي مفرووغ منه ..

بس الطلعات والتخطيات هي مهم الا مالها حل لانه الجو حااااار + زحمه !

'(¯`•._.•[ umalsadh :
•._.•´¯);13087716']

هذي الشيرة الا اقصدها جربوها وبتعجبكم اصلح اسوي دعايات؟؟! خخخخ

اي هذيي الا استخدمهاا واشتريت الجهاز علشانها ,

تدخل داخله ويذوبهاا واشيلها واستخدمهاا روعه !

فتاة الازهار;13087781:
امهات بقول لكم شي ...

واجد مأنبني ضميري ...
قبل كم يوم خذيت فستان من برمود و دخلت اقيسه المهم ما عرفت اصكه بس لان الجرار صار داخل السير الا فيه شلت بالعدال عشان ما يصيده شي بس بعد ما شلته شفت فيه شق بسيط في السير _مو شق صاير شيفون الخلق متسلل شوي _
قلت يمكن من قبل اهو جدي لان مو معقوله اني الا شقيته ... و رجعته لان كبير و اخذت مقاس اصغر و بعد فيه نفس الدمج و اخذته لان ما يبين اصلا الدمج

بس الحين قلت يمكن اني الا سويت هالدمج في الفستان الا رجعته ... ويش اسوي شوروا علي واجد ضميري يأنبني

ليش محد يفيسني عاد شوروا علي

صدق الواحد يحس بتأنيب الضمير لأن هادي أرزاق ناس بس بعد ياما هالناس غشونا وعطونا بضاعات مضروبة أو خربانة بالسكتة أهم شي انتين موقاصدة تخربينه وعوضي تأنيب الضمير بعمل خير لما تطلعين وتشوفين هالمصطفين عند ابواب المحلات اعطيهم ويش بيدش يعني ؟ ؟

فتاة الازهار;13087718:
امهات بقول لكم شي ...

واجد مأنبني ضميري ...
قبل كم يوم خذيت فستان من برمود و دخلت اقيسه المهم ما عرفت اصكه بس لان الجرار صار داخل السير الا فيه شلت بالعدال عشان ما يصيده شي بس بعد ما شلته شفت فيه شق بسيط في السير _مو شق صاير شيفون الخلق متسلل شوي _
قلت يمكن من قبل اهو جدي لان مو معقوله اني الا شقيته ... و رجعته لان كبير و اخذت مقاس اصغر و بعد فيه نفس الدمج و اخذته لان ما يبين اصلا الدمج

بس الحين قلت يمكن اني الا سويت هالدمج في الفستان الا رجعته ... ويش اسوي شوروا علي واجد ضميري يأنبني

امم ما اقدر افتي بهذا موضوع بس اتوقع ان في احتماليه انش ما سويتي الشي ..

وحتى لو صار فامو عن قصد واذا خاايفه ..

دفعي صدقه بنية هالشي ..!

والله اعلم !