بنات البحرين بغيت فزعتكم تراني بموت من الخوف

واديانية;13061664:
خيو عطيني أسم الدكتور واسم المستشفى إذا ما عليش أمر لأني واجد صاير بطني يعورني من الخوف ومشكورة واجد واجد وكلي إلي ردوا عليي عسى ربي يخلي ليهم أولادهم وبناتهم :L:F::L:

خيو الدكتور اسمه وحيد عقاب
هو بمستشفى العسكري
بس اتصلي على المستشفى العسكري وقولي اهم يحولونش على عيادات الاطفال واحجزي موعد عنده
وانشالله مافيه الا الخير

ماعليه شر وانشاءالله مافيه الا العافيه

واذا تبين تطمنين 100% وديه عند الدكتور نادر الديواني عنده خبررررره في الاطفال هو في السلمانيه وعنده عيادة العصر في الحكمه

لا اتعورين راسش واتروحين السلمانيه ....عفر ناويه على عمرش تستخفين زياده السلمانيه بياكدون هالشي واذا ما زادوه مرض
خب هم يدخل صاحي يطلع مريض
ماعليه شر ان شاء الله والله يطمن قلبش عليه
اذا وديتينه طمنينا عليه

هلا بنات
اني ام جديدة وما اعرف شي.. ويش سالفة الفتحة الي في الراس ؟
لازم تتسكر ولا شنو ؟

مشكورين خواتي م قصرتوني اني اكتب والدمعة بعيني انا رحت ودوني على دكتور هندي اسمه جولبا وقال ليي انه ما يشوف الفتحة قال ليي خلهم ياخدون عليش اشعة للاطمئنان ولتاكد وراخذي بعدين حقي موعد امهم الاشعة قال ليي بسوونهها يوم ثاني الصبح وموعد الدكتور بعد سبوعين لان الاشعة ما تطلع الا بعد اسوعين واني قلبي من وقتها يرقع عدل يارب تحفظ للي ولدي وتسلمه وتسلم اطفال امة محمد

اختي لا تحاتين ودكاترة المراكز مو متخصصين عندنا كالعادة كل واحد يتدرب فينا وفي عيالنا .......ماعليه شر الولد ان شاء الله لا تخرعين روحج وتوكلي على الله الفتحة تبدتدي تنصك من ينولد يعني حتى من بعد الشهرين بتلاقينها صغرت وطبيعي تكون ماتتلاحظ في كل ماكبر الطفل لانه جمجمته تكبر ..... يعني الحين في حد يروح السلمانية ..... اخذيها قاعدة الاطفال من صغرهم اي شي يصيدهم حتى لو حساسية اول شي تروحين لاخصائي اطفالي وهو يقولج اذا يحتاج حق اخصائي ثاني او لا ............. ومثل ماقالت وحدة من البنات الدكتور وحيد عقاب اخصائي اطفال وماشاء الله عليه فاهم يشرح لج بالتفصيل ويفهمج شنو المشكلة وفوق هذا كله اخصائي امراض وراثية واذا الولد يحتاج شي حتى لو في السلمانية من عنده يسوي لج تحويل و ويساعدج تاخدين موعد بسرع وقت ...........مو دعاية للدكتور والشهادة لله دكتور يشهد له الكل

ربي يطمنك على ولدج ان شاء الله ..... وماعليه الا العافية

اذا على كلام دكاترتنه احنه نترقد في مستشفى الاعصاب منهم
لا توسوسين ولاطمئنان روحي الموعد في السلمانيه ما بتخسرين شي بس انشالله ما يزيدون الطين بله ويجننونش

ان شاء الله ما عليه شر اختي

و طمنينا عليه..

:

مشكورين ما قصرتون في ميزان حسناتكم ان شاء الله بس اني متخوفة منهم لان بيسوون ليه اشعة واني خايفة من الاشعة بعد ما ادري ياربي احمي ليي ولدي تراه فرحتي الله وماعندي غيره تراه هذا بجري الاول ويحمي اولادكم بجاه النبي محمد

ما يشوف شر
ولدي اختي بعد يوم كان قد ولدج قالوا ليها مثلج بس الوالدة قالت ليه ما عليج منهم

زوجي حبيب قلبي;13095798:
ما يشوف شر
ولدي اختي بعد يوم كان قد ولدج قالوا ليها مثلج بس الوالدة قالت ليه ما عليج منهم

:sick::'(خيو حبيبتي يعني اختش ما ودته السلمانية ولا سوت اشعة سكتت عن السالفة ولدها ما صار ليه شيء والحين هو جم عمره عسى ربي يحفظ ولدي ولد اختش:o

ماعليه شر انشاالله

عن مركز جدحفص اساليني عاد ولا الدكتوره بغرفة ٩ وواوقات ب١٠ كآن اسمها شهناز مدبدبه شوي تلبس شيله سوده جننتني جنووون ع ولدي ماخلت شي الا قالت ماتريح تخوووفني اطلب ع اعصابي

واذا صار مواعيد لاولادي اطلب غيرها مادخل عليها

روحي لدكتور اسمه رووف بنفس المركز مصري كبير وااااااااااايد زين صراحه ويفهم ويطمن

وعن هالدكتوره تراها خرطي

ونصيحه لاتروحين السلمانيه يجربون بالياهل شي وخليه ع الله

ربي يحفظه ويخليه

ما عليه الا العافية

وما عليش منهم هدوله بس يخوفو الوحده

للاطمئان وديه خاص عشا ن تطمني لانه السلمايه بتنعل جبدش للموعد

الله يخليه لش