الرئيسية ركن الشات والمواضيع الترفيهية والألعاب ملتقى المغتربات ___تجمع المغتربات المغربيات من كل البقااااع____

___تجمع المغتربات المغربيات من كل البقااااع____

..★شـــااانيل★.. 01-09-2010 643 رد 105,712 مشاهدة
m
miss zineb
عروس نشيطة
28-11-2011 | 08:11 PM
شعادي ديري ختك حولة عاد بان ليها التجمع دابا
بالعكس حطيت مشكلتي هنا باش نعرف الآراء، حيت هادي أول مرة لي،أما بالنسبه؛ لراجلي خاصني غير نطلب ماتايوول والو وبالعكس كيف والو يقولي سيري شري شي حاجة، ولكن فديك الحاجة بقات، أنا ماعارفاش ما ناخد، ويلا جيت نشري لكل واحد شوكولا خاصني جبل، وعندي حمولة محددة فالوزن 20 كيلو مسموحة في الطيارة
آه نسيت ماقولتش ليكم راني غادي نمشي غير بوحدي محيت هو خدام
عافاكم شنو كاتديو معاكم للمغرب، وولولي شي حوايج زوينين ولكن ماشي مكلفة بزاف وماكاتاخدش بلاصة كبيرة في الشنطة
عييت نخمم وآاععععع
ل
لك الحمد
عروس نشيطة
28-11-2011 | 11:12 PM
السلام عليكم بنات بلادي ان شاء الله تكونو كلكم بخير انا عايشة بالكويت ان شاء الله تقبلوني معاكم
البنات كانحس بالضيق بزاااف توحشت دارنا خصوصا ماما ديما كانحس بالوحدة واخا راجلي مسكين كايحاول ديما يسعدني ويخفف عليا لكن الرجا فالله ماقادراش نولف
ل
ليم
عروس نشيطة
28-11-2011 | 11:17 PM
ضحكتيني والله مللي قريت التعليق ديالك وخصوصا ديك الغوتة فالاخير ههههههه :lol:... في الحقيقة بالنسبة لخواتاتك ومرات خوك وماماك تاخدي ليهم فولارات وشالات غادي يكونو خفاف من طبيعة الحال وبارفان سينيي لكل واحدة متغلاش عليهم وكنضن ان هذا اقل حاجة ممكن تاخديها ليهم..وزيديني عليك حتى انا راني مسافرة عند عائلة راجلي ان شاء الله وهوما عايشين فامريكا في لوس انجلوس في اخر شهر 12 ان شاء الله وحتى انا حايرة :057:اشنو غادي ناخد ليهم حيت اول مرة غادي نزورهم تماك, اومنين كنسولو تنكوليه نشري ليهم بارفانات تيقوليا راه عندهم كلشي وانا جاياني حشومة نمشي بيديا خاويين خصوصا واحد ختو صيفطات ليا كادو كبير من تماك لهنا فكندا عبارة عن مجموعة برم باغفومي ولوسيون ديال الجسم ديال فيكتوريا سيكرت مع علبة ديال الماكياج وواحد تريكو وتيشرت وعلبة اخرى ديال عطور فيكتوريا سيكرت وخصني دابا نوجد ليها واحد لكادو مفخفخ هي ومرات خو راجلي وهوما عايشين فنفس المدينة وواحد خت راجلي حتى هي عايشة فمدينة جورجيا فامريكا نيت ومللي عرفات بللي غادي نجي مع خوها لوس انجلوس كالت حتى هي غادي تشد عطلة وتجي باش تشوفني ودابا خصني نشري ليها حتى هي لكادو, اوا شفتي على روينة عندي:confused: حتى انا زيديني عليك;), على الله البنات اللي فالتجمع يعاونونا بالافكار ان شاء الله:biggrin: يارب.
تحياتي
F:F:F:
ل
ليم
عروس نشيطة
28-11-2011 | 11:32 PM
متشرفين بمعرفتك اختي لك الحمد ومرحبا بك بين خواتاتك هنايا فهاد التجمع المبارك ان شاء الله شوفي اختي لك الحمد ما ديريش فبالك ورخي حمولك على الله راه مع الوقت غادي تعودي ان شاء الله راه كلنا موحشين حبابنا ولكن اشنو غادي نديرو؟ راه هادي هي سنة الحياة,الواحد كيتزوج وكيعيش حياة جديدة مختلفة على اللي كان عايشها مع دارهم بحكم اختلاف العادات والتقاليد + البعد عن العائلة هادشي كلشي كيولد ظغوط نفسية ولكن خصنا نتوكلو على الله ونصبرو لان حتى والدينا وقع ليهم نفس الشيء تزوجو وكونو حياة جديدة غير هوما الحاجة اللي مزيانة انهم عايشين فالمغرب يعني يقدرو يتشاوفو فاي وقت بغاو ماشي بحالنا :( طبيعي اختي لك الحمد انك توحشيهم, حاولي تصلي بيهم فالسكايب اولا تلفون ممكن هادشي يحيد عليك داك الضيق اللي حاسة بيه ان شاء الله تعالى, الله يصبرك ويصبرنا ان شاء الله قلبت علي المواجع:'( حيت حتى انا توحشت ماما بزاف.
تحياتي
F:F:F:
ل
لطيفة رافت
عروس جديدة
29-11-2011 | 02:12 AM
miss zineb;15786128:
شعادي ديري ختك حولة عاد بان ليها التجمع دابا


بالعكس حطيت مشكلتي هنا باش نعرف الآراء، حيت هادي أول مرة لي،أما بالنسبه؛ لراجلي خاصني غير نطلب ماتايوول والو وبالعكس كيف والو يقولي سيري شري شي حاجة، ولكن فديك الحاجة بقات، أنا ماعارفاش ما ناخد، ويلا جيت نشري لكل واحد شوكولا خاصني جبل، وعندي حمولة محددة فالوزن 20 كيلو مسموحة في الطيارة
آه نسيت ماقولتش ليكم راني غادي نمشي غير بوحدي محيت هو خدام
عافاكم شنو كاتديو معاكم للمغرب، وولولي شي حوايج زوينين ولكن ماشي مكلفة بزاف وماكاتاخدش بلاصة كبيرة في الشنطة

عييت نخمم وآاععععع



اهلا بك اختي ميس زينب تشرفت بمعرفتك انا بغيت نساعدك ممكن تقدري تاخدي مثلا عطور نسائية لحقاش حتى حجمهم صغير او ممكن شالات كيف قالت ليك الاخت ليم او ثوب ديال جلابة لكل وحدة وانتي لكي ااختيار غير باش تحمري وجهك قدام عيلتك لحقاش اول مرة غتنزلي جات شوية ناقصة تمشي غير بشوكولا وانتي عاود على قدك لا تكلفيش عى راسك
ل
لطيفة رافت
عروس جديدة
29-11-2011 | 02:25 AM
miss zineb;15786128:
شعادي ديري ختك حولة عاد بان ليها التجمع دابا


بالعكس حطيت مشكلتي هنا باش نعرف الآراء، حيت هادي أول مرة لي،أما بالنسبه؛ لراجلي خاصني غير نطلب ماتايوول والو وبالعكس كيف والو يقولي سيري شري شي حاجة، ولكن فديك الحاجة بقات، أنا ماعارفاش ما ناخد، ويلا جيت نشري لكل واحد شوكولا خاصني جبل، وعندي حمولة محددة فالوزن 20 كيلو مسموحة في الطيارة
آه نسيت ماقولتش ليكم راني غادي نمشي غير بوحدي محيت هو خدام
عافاكم شنو كاتديو معاكم للمغرب، وولولي شي حوايج زوينين ولكن ماشي مكلفة بزاف وماكاتاخدش بلاصة كبيرة في الشنطة


عييت نخمم وآاععععع



لك الحمد;15786647:
السلام عليكم بنات بلادي ان شاء الله تكونو كلكم بخير انا عايشة بالكويت ان شاء الله تقبلوني معاكم
البنات كانحس بالضيق بزاااف توحشت دارنا خصوصا ماما ديما كانحس بالوحدة واخا راجلي مسكين كايحاول ديما يسعدني ويخفف عليا لكن الرجا فالله ماقادراش نولف



مرحبا بيك اختي لك الحمد بين خواتاتك راه حتى حنا والله تندخلو غير باش نتونسو ونساو الغربة شوية في البداية كتجي صعيبة بالحق ضروري نتعودو ونتاقلمو مع الغربة

حاولي تتونسي بشي حاجة باش ماتحسيش بالقنطة والله يصبرك ويصبرنا على الغربة
m
miss zineb
عروس نشيطة
30-11-2011 | 11:07 PM
حبيباتي وكبيداتي وزبيداتي :adore:
خليكوم ليلي ولهلا يخطيكوم عليا :L:
سمحولي تأخرت بالإجابة راني تالفة مع الإمتحانات :097: والتوجاد ليهم باقية غير سيمانة :'( :(
نبشركم زوجي اليوم قالي راهوم دايرين عروض خاصة في سيفورا يلا بغيتي تشري من عندهم وغدا نسافطليك لفلوس في الحساب باش تشري لعائلتك العطور ولا شي حاجة أخرى حيت صغار وماتاياخدوش بلاصة كبيرة :) ، وأنا والله ما طلبت منو حاجة، تانحشم نقول آرا :hysterical:
يا ربي يخليه لي، حبووووووووبي لغزال <<<<<<<الله يستر :!!:، شوفو هادي منين كاتطفى سكتوها علينا :mad:
المهم يلا بقالي شي وقت بعد الإمتحانات إن شاء الله وقبل مانمشي المغرب غادي نجي نقوليكم آش شريت وتعطيوني رأيكم، ويلا ما بنتش هنا عرفو راه عاندير بكلامكم اللي قلتيو لي :027:
لهلا يخطيكوم :099:
آه نسيت ما قولتش ليكم، البارح شريت أونلاين واحد بواط ديال ماكياج فيها كلشي من الألف إلى الياء لداك بنت خالتي اللي عندها العرس، غادي تلون فوجهها حتى تشبع :061: ، على ما نشوف حاجه أخرى ما نزيدها
بيزويات بيزويات بيزويات :062: :062: :062:
m
miss zineb
عروس نشيطة
30-11-2011 | 11:22 PM
لك الحمد;15786647:
السلام عليكم بنات بلادي ان شاء الله تكونو كلكم بخير انا عايشة بالكويت ان شاء الله تقبلوني معاكم
البنات كانحس بالضيق بزاااف توحشت دارنا خصوصا ماما ديما كانحس بالوحدة واخا راجلي مسكين كايحاول ديما يسعدني ويخفف عليا لكن الرجا فالله ماقادراش نولف


يا ختي علا فنآآآآآآآآ ، قنطانة :(
أنا حبيبة ن أول هاد السنة الداسية وأنا بعيدة على راجلي، تانقرا فمدنة وهو خدام فمدينة أخرى، والله كون ماكانت القراية اللي متلفاني حتى ننفجر
حبيبة سلي راسك بشي حاجة، عندي واحد أختي في المغرب تبارك الله ما شاء الله ( لانمشي نسافط ليها شي تقويصة من هنا تصبح عوجة ههههه) عندها جوج ولاد وراجلها تايرجع من الخدمة غير بالليل، وملي كاتحل عينيها وهي كاتغلي ، كل نهار كاتلقى ليها حاجة ما ديرها، فاش ما كاتلقى والو كاتخرج تشري كتب طبخ أو تطوير ذات أو كتب علم نفس أو أي حاجة بغات وترجع، وهاهي دارت كيكة، هاهي دارت حلوة، هاهي صنعات ما عرفت آشنو، لمهم شاغلة وقتها، وعندها مرة في السيمانة دايرة دارت هي وصحاباتها لي مزوجات فنفس المنطقة تقريبا، كل خميس أو ثثاء في السيمانة، فترة بعد الغذاء عند وحدة فيهم، وتايشربو كويس ديال أتاي مجموعين ويعاودو لبعضياتهم مغامراتهم في السيمانة ويستافدو من أفكار بعض وماكاينش شد لي نقطع ليك وحك على الدبرة، كل وحدة داربة الدنيا بركلة باغية دوز وقيت مع صحاباتها وصافي
المهم شوفي ليك أنشطة في السيمانة يعني ماشي غير حاجة وحدة تديريها ديما
ومع نتي تما حاولي ديري حلويات مغربية لجيرانك وبيت راجلك ولبيتك طبعا، ولو راجلك ما عندوش مانع، صوبيهوم وبيعيهم، ماشي للفلوس ولكن غير للتسلية (طبعا يلا عندك مع هادشي ديال الحلوة)
المهم ديما شجعي راسك بالنهار اللي غادي تشوفي فيه أمك إن شاء الله
الله يخليها ليك ويسمعك عليها خبار الخير دايما يا رب
ل
ليم
عروس نشيطة
30-11-2011 | 11:35 PM
مبروك الالة:thumbs_up: اوا هاكا نبغيك :adore: باش نيت تحمري وجهك مع العائلة والله يخلي ليك راجلك ويهديه ليك دايما ان شاء الله, وها واحد الدعيوة مني ليك الله ينجحك في امتحاناتك بامتياز ان شاء الله, ايوا وانا حتى واحد ما اقترح لي حتى شي فكرة باش يساعدني على اختيار الكادو المناسب للوايسي ومرات خو راجلي عتقوني بالاقتراحات:hysterical: الله يجازيكوم بالخير, راه ماجاوبتونيش :-o وانا مازالة كنتسنى هنا عتقوني راه تقاداو لي الافكار:worn_out:...

تحياتي
F:F:F:
أ
أم نجود الأحساء
مشرفة سابقة
01-12-2011 | 12:19 AM
الله يهون عليكون غربتكون
ل
ليم
عروس نشيطة
01-12-2011 | 01:13 AM
بارك الله فيك اختي ام نجود الاحساء وجزاك الله خيرا على هذه الدعوة الطيبة
:)

تحياتي
F:F:F:
ل
ليم
عروس نشيطة
01-12-2011 | 01:21 AM
فين البناااااااااااااااااااااااااااااااااااااااات اختفيتو؟ فين لطيفة رافت ولك الحمد وميس زينب؟؟؟؟؟؟؟؟ واقيلا مشيتو تنعسو.. انا مازال عندي النهار يالله الجوج هادي دالنهار ايوا نمشي نسالي شغالاتي مع راسي وغدا نتلاقاو ان شاء الله
شوفوا البنات عاونوني فالاقتراحات ديال الكادو الى كانت عند واحدة فيكم شي فكرة زوينة بحالكم;)
F:F:F:
a
amina201
عروس جديدة
02-12-2011 | 01:39 AM
السلام عليكم كيف اخباركم اتمنى اتكونوا جميعا بخير واخبارك ايه يا حبيبة قلبي ليم على فكرة انا مش بتقلق منك قولي اللي نفسك فيه لكي تفرجي على نفسك واتمنى ان تزوروا كلكم العائلة بالمغرب انا من رأي كل واحدة تشتري على قد حالها ولا تكلف نفسها ولا يهمها كلام الاخرين لان الانسان لا يملأ عينه الا التراب مهما جبتي من هدايا غالية الثمن فلن ترضي كل الادواق وربنا يوفقكم فيما تصبون اليه المهم الواحد منا عنده صحته يبقى عنده كل شيء :G::055::055::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G::G:
a
amina201
عروس جديدة
02-12-2011 | 01:42 AM
انا كل ما ادخل لم اجد احد معقولة كلكم نايمين نريد نشاط ليس نوم:K::K::K::K::K::K::K::K::K::K::K::K::K::K::K::K::K::K::K::K::K::K:
a
amina201
عروس جديدة
02-12-2011 | 01:46 AM
معقولة كل ما ادخل لم اجد ولا اخت كلكم نايمين صح صح قوموا وخليكم ناشطين:K::K::K::K::K::K::K::K::K::K:
a
amina201
عروس جديدة
02-12-2011 | 01:50 AM
:K::K::K::K::K::K::K::K::K::K::K::K::K::K::K::K::K::K::K::K::K::K::K:اين انتم هل نمتم صح كل ما ادخل الاقيكم نايمين لا يعقل هذا
a
amina201
عروس جديدة
02-12-2011 | 01:52 AM
اين انتم هل نمتم صح كل ما ادخل الاقيكم نايمين لا يعقل هذا
ل
ليم
عروس نشيطة
02-12-2011 | 02:16 AM
اهلا امينة 201, انا ماناعسة والو مازالة فايقة دابا عندي 3 ديال النهار باقي الحال, انا الحمدلله بخير ازين.. شوفي راني مازالة حايرة اشنو غادي ندي وسولت واحد جارتي فلسطينية مسيحية ساكنة حدايا زعما باش تعاوني فشي فكرة وقالت ليا خودي ليهم سوفونير من كندا بحال جاكيتات مكتوب عليهم كندا ولكن جاتني فشي شكل, والله ماعرفت.. انا كنعاون الناس فالافكار ومللي كتجي نوبتي كنوحل فراسي.. :| هادشي ماشي نورمال.. المهم يكون خير ان شاء الله. عندك الحق اختي امينة الصحة هي كل شي الله يديمها علينا وعليكم وعلى جميع المسلمين والمسلمات ان شاء الله, فالحقيقة جاتني ناقصة اول زيارة وناخذ شي حاجة بسيطة وخصوصا اخت راجلي كلفت راسها فالكادو اللي صيفطات ليا وانا الصراحة حشمتني وبنادم كبر بيك خصك تكبر بيه او لا؟؟؟ وانا وحلت دابا اشنو غادي ندي ليها هي واحد اختها ومرات خوهم وهذا هو السؤال فاش وحلت دابا..
تحياتي
F:F:F:
m
miss zineb
عروس نشيطة
02-12-2011 | 03:04 AM
إيوا الصراحة اللي كلف راسو عليك خاصك حتى نتينا تردي ليه شي حاجة كاتحمر الوجه <<<<<<<<<< شكون تايهضر،الله يعطينا وجهك نهرسو بيه الكركاع
المهم أنا بطبيعة الحال ماعندي باش نفيدك حالتي حالتك، بجوج بينا تالفين،
ولكن أي وقت فراغ تانقلب في الأنترنيت يلا كانت شي حاجة نشريها أون لاين، هاد ساعة مزال مالقيت، ولكن خواتاتي سهلو عليا شوية محيت كل وحدة قلت ليها آش نجيبليك معايا، وخا فلول قالو لآآآآالا ماخصناش، شوية وهي كل وحدة تاصلات وطلبات هههههههههه، ماشي شي حاجة كبييييييرة ولكن المهم هناوني من التلفة
ولكن داك القضية ديال جاكيت فيها كندا ولا واد زم غير بلاش منها، يلا فيك ما تصرفي شيفي شي حاجة عندها قيمة وماكاتاخدش بلاصة في الشنطة، ولكن شنو هي داك الحاجة هداي عليا يلا لقيتها نجي نقولها ليك
بيزويات بيزويات بيزويات
a
amina201
عروس جديدة
02-12-2011 | 05:23 PM
انا اقترح عليكم حاجة احنا النساء بنحب دائما نكون جميلات فلذلك بنحب من الهدايا الماكياج الاصلي الغالي الذي يدوم فترة طويلة على الوجه وكذلك الاكسسوارات وبرفانات حتى لو كانت صغيرة المهم تكون ماركة عالمية معروفة للجميع وكمان حاجات خاصة بالشعر مثل مكواة سوشوار يعني اي حاجة تعجبك منهم دي حاجة اما الحاجات الثانية هي ادوات المطبخ اي حاجة كهربائية وخفيفة شوية هما دول اللي ببانوا + قمصان نوم وبالتوفيق ان شاء الله:thumbs_up::G:
X