سويته مرتين وكل مرة كانت طبقة البسكويت غير بس الثانية ضبطت اكثر وطلع طعمه يجنن وانمدحت من الكل وسويته اكثر من مرة
المقادير:
2بسكوت دايجستف أو قهوة الصباح ( اني استعملت قهموة الصباح )
2 ظرف دريم ويب
1 كريم كارميل
2 ملعقة جبن سايل ( اني استعملت نادك)
4 حبات جبن كيري
1 جلي احمر للتغطية
مقادير التوفي :
3 الى 4 ملاعق قشطة (قيمر)
1 كوب سكر
الطريقة :
اول شي نكسر البسكوت وعلى النار نحط السكر لين يذوب ويصير لونه بني فاتح حاسبوا لا يتحرق بعدين نحط فوقه شوي قيمر ونحركه ونرفعه من على النار ونخلطه بالبسكوت وبعدين نرصه في القالب مال الجيز كيك ونحطه في الثلاجة
وفي الخلاط نخلط الدريب ويب ويه حليب بارد ونضيف اليه الجبن السايل والكيري ونخلط وبعدين ناخذ كوبه فيها ماي حار وقليل بارد (من الكولر) ونضيف فيه الكريم كاراميل بس الكريم الكاراميل (الاسود ) مانحطه ونخلطه في الكوبه بسررعه لين يذوووب ونضيفه شوي شوي بالملعقة على الخليط ونخلط طبعا استخدمت الكريم كاراميل كبديل عن الجيلاتين لانه ماعندي وعلى فكرة يطلع طعمه الذ وبعدين نصبه فوق طبقة البسكوت ونخليه يجمد في الثلاجة وعلى النار نحط الجلي في قليل من الماء تقريبا نص كوب ونحركه لين يذوب ويصير غليظ وبعدين نطلع الجيز كيك ونصبه فوقه شوي شوي بالملعقة ونحطه في الثلاجة يجمد تقريبا 6 ساعات وعلى فكرة الكريم كاراميل يجمده عدل ويقدم
واجد طولت عليكم مرة ثانية بصور بالخطوات احسن
وبالهنا وبالشفا ....
واهني لما قطعتها
ان شاء الله يعجبكم وسوري على التصوير مو واضح لانه من الموبايل :(
واذا عجبكم لا تنسون تقيموني
