تجمع كل زوجه عاوزه ترجع الحب فى بيتها من تانى لرمضان المبارك

shimaaafifi;13084079:
هو ايه الروقان فى كده
انا عايزه افهمممممممممممممممممممم

كلامك صح بس الفكره ان فى تغيرات بردو

أم يـاسـيـن العسل;13084134:
اولا ليه تغسلى على ايدك؟؟؟؟

تانى حاجه توديهم للحلاق بأمارة ايه؟؟ وهو بيعمل ايه ماياخدهم وهو رايح يحلق
الزباله سهله نطلعها للراجل وياخدها

بقالي شهر و نص معنديش غساله يا بسبس غسالتي بايظة و جوزي قاللي مش حأقعد أدفع كل سنة قد كده نجيب جديد طب ماشي يللا لالالالالالالالا مفيش امكانيه دلوقتي ربنا يسهل و هو لو اتكلت عليه في موضوع الحلاق حيطلعلي 100 عذر عشان مش يوديهم و الزباله ل مو أخذه معنديناش بواب مين اللي حينزلها؟؟

Boody we zady;13084176:
بقالي شهر و نص معنديش غساله يا بسبس غسالتي بايظة و جوزي قاللي مش حأقعد أدفع كل سنة قد كده نجيب جديد طب ماشي يللا لالالالالالالالا مفيش امكانيه دلوقتي ربنا يسهل و هو لو اتكلت عليه في موضوع الحلاق حيطلعلي 100 عذر عشان مش يوديهم و الزباله ل مو أخذه معنديناش بواب مين اللي حينزلها؟؟

هاتى غساله بالقسط هاف اوتوماتيك عند عمتى رووووعه بتخلى الغسيل فله احلى من الاوتوماتيك

طيب اتفقى مع زبال

احنا عندنا مفيش بواب بس زبالين المحافظه بيجوا ياخدوها

Boody we zady;13079211:
انتوا لسه نايمين ؟؟؟؟؟؟ ايوة معندكومشي قرود زي ههههههههههههه

تصدقوا موضوعكم ده قلب عليا المواجع عشان أنا ساعات بتخنق من الوضع اللي أنا فيه لما جوزي بيزود مده الخصام و أكون مظلومة ............. مش معني اني جوزي دايما بيصالحني اني مش
فيا عيوب لأ فيا منها اني بكسف جدا زي القمر اللي فوق و ساعات بهمل في نفسي بس غصب عني بعد موضوع تعبي الأخير و بقه كل حاجة عليا مش عارفه أعمل ايه حد عنده حل ؟؟؟؟؟؟؟؟؟

عندك حق الاحساس بظلم ده وحش اوووووووووى
بس انتى برضو حاولى تخلى بالك من نفسك و تهتمى بنفسك مش علشان جوزك بس لا علشان نفسك انتى اوووووووولا
وانتى لما تبقى مبسوطه وراضيه هتبقى كويسه و مرتاحه وتقدرى تتحملى المشاكلF:

hoba555;13080096:
انا مشكلتي اني بتكسف عاااا يعني ساعات بتكسف وساعات لا
لاني بحالات حسب مودي مش عارفه اعمل اييييييييه؟
المشكله ان جوزي بيقي شايف اي تصرف مني كسوف حتي لو انا بعمل التصرف ده من غير كسوف يقولي لا انتي عملتي كده عشان مكسوفه مني

والحمد لله انا وجوزي بقينا بنتفاهم اكتر من الاول بكتيييير
اهم حاجه ان يبقا في اتفاق وفي حاجات احنا اللي اتنين منقصرش فيها عشان محدش يزعل من التاني
ومهم جدا ان كل فتره تسالي جوزك راضي عني وفي حاجه عايزيني اغيرها
كده يعني
ويا سلام بقا لو لو مسافر او بايت بعيد عنك نبعتيله مسج حلو كده

ومعلش نيجي علي نفسنا منعملش راسنا براسهم
عشان منتعبش ونفوت كتير لما يتعصبو
والله بكون هتجنن ومتعصبه علي الاخر نفسي ارد بس بقوله ماشي زي ما تحبه واسيبه وادخل اقعد علي الكومبيوتر

ازيك يا هوباا
عامله ايه يا قمر:L::L::L:

على فكرعه انا مشكلنى زيك بالضط بكسف جدااااااا و بيبقى كسوف يخنق
وساعات ابقى مش مكسوفه بس الكسوف بيروح لما ابقى متعصبه مش عارفه ايه التقلب ده يا كده يا كده اوى
مفيش وسط :(:(:(:(

والحمد لله يا حبيبتى ان بقى فى تفاهم اكتر بينك وبين جوزك
ويارب دايما و عالطول و يبعد عنكم مشاكل

هوبا
انا بقى جوزى معظم الوقت بعيد عنى و مسافر
و ببقى عايزة ابعتله مسدج حلوة كده بس تصورى بكسف:o:o:o
اعمل ايه فى نفسى بقى
بجد انا عايزة حل:hysterical::hysterical::hysterical:

sosiii-cat;13080206:
يا بنات عايزة اقوللكوا علي مشكلة
انا حماتي ماتعرفش تقعد دقيقة واحدة علي بعضها من غير ماترمي فيها كلمة تشل ( دة بالنسبالي انا بس يعني مش ولادها )
لازم تدور علي اي حاجة تعلق عليها بكلمة مستفزة والله العظيم قررت اني طول منا هناك اقعد ساكتة ومافتحش بقي بولا كلمة ونفذت فعلا وبرضو حتي وانا قاعدة ساكتها تعليقاتها المستفزة مابتخلصش مش عارفة ايه الطبع دة
وانا كل اللي انا بعمله اني بعمل نفسي باااااااااااردة ومابردش عليها وساعات اعمل كأني مش سامعة اساسا بس دة مش حل انا تعبت عايزة اسكتها بقي اعمل ايه حد يقولي عنده المشكلة ديييييييييييي ؟؟؟؟؟؟؟؟؟؟؟؟؟

بصراحه
انا متغاااااااااااااااااظه اوووووووووووى :mad::mad::mad::mad:
بس مش عندى حل لانى مش بعرف اتصرف فى المواقف دى خيبه بعيد عنك
و ممكن اعيط لما اروح :'(:'(:'(
وممكن من كتر الضغط عليا اتفتح فيها فى الاخر والدنيا تبووووووووظ:'(:'(:'(:'(


بس اوعى تعملى حاجه من الحاجتين دول
البنات هما اللى يفيدوكى ده انا هتعلم منهم زيك:D:D:D

manyaa;13080833:
هههههههههههههههههههههه ربنا يخليكوا يا ميرا و بسبس..
انتوا يا بنات موتوني من الضحك... و شايفة ماسورة شكاوي انفجرت و طلعتوا اللي في قلوبكم ... هههههههههههههههه
بالنسبة للكورة .. بسبس فكرتني بنفسي...
انا يا بنات طول عمري كنت بحلم أتجوز شاب محترم أهم صفات فيه بعد الأخلاق و التدين طبعا .. 3 حاجات...
1- مايكونش مدخن
2-مابيحبش الكورة و لا يمت ليها بصلة (يكون زي اخواتي الصبيان كدا مالهومش في الكورة خالص) :)
3-يكون مابيشربش شاي و لا بيحب ريحته ...
والحمد لله رب العالمين ربنا رزقني بجوزي متوفرة فيه الأمنية الأولى بس.. لكن بيحب الشاي :( و متعصب للكورة و بيعيش معاها بكل كيانه :( و أول شرط طلبه مني ايام الخطوبة اني ابقى زملكاوية :lol:
هو طيب يا عيني لدرجة انه ما بقاش يطلب مني اني اعمل شاي و لا بقى يشرب شاي غير يعني في المناسبات او لو عندنا ضيوف بينتهز الفرصة و يطلب شاي ...;)أو لو ماما موجودة لان ماما مدمنة شاي ...(شريرة أنا صح ؟؟:o بس خلاص اتعودنا على كدا
اما الكورة قلت في بالي يا بنت حبي الكورة عشان ينبسط منك... و بقيت زملكاوية و بقيت بهتم بالكورة و من غير ما يقولي يكون هو في الشغل انا اتابع الماتش و افضل ابعتله التطورات و النتيجة في مسجات على الموبيل :) و هو يفرح اوي.. و بقيت اعرف احلل و اعرف الجون الحلو من الوحش و اللاعب الكويس و تابعت بقى كاس الأمم الأفريقية و الدوري المصري.. و كل ماتش أجهز قعدة خاصة ليه ... يعني أنزل المساند و اعمل قعدة عربي على الأرض و نجيب لب و اكون عاملة حلو مثلا كريم كراميل او جيلي او نجيب آيس كريم و مكسرات و أعمل عصير... او تارت اي صنف حلو اعمله و هو بيفرح بكدا جداااااااااااااا...
بعد بقى الكاس و الدوري قلت اكيد كدا بس خلاص مفيش ماتشات مهمة تاني.. لقيته بيطلب بقى كاس العالم و كان يزعل لو ما اتفرجتش معاه و انا أصلا بكره الكورة موووووووووووووووووووت و كنت بحبها عشاانه بس..
اقوله طيب احنا ما دخلناش كاس العالم اتابعها ليه ... :|
و لقيت نفسي بقى الموضوع بيتطور لجميع المباريات ... :)
بس الحمد لله لما عزلنا دلوقتي البيت اللي الجديد صاحبه مانع اي حد يركب دش و بالتالي مفيش كورة خلااااااااااااااااااااااااااص :) الا نادرا بقى ممكن يجيب ماتش على النت لو لقي يعني...
بس بيصعب علية والله....

نيجي للعيوب اللي فية بقى:
نفس معظم المشاكل اللي قريتها هنا .. و هي عدم اهتمامي بنفسي.. مع اني ولا حامل و لا في أطفال و متغربة أساسا يعني مفيش ناس ولا أقارب و لا حاجة و قعدة في البيت 24 ساعة و لا بشتغل حتى.. بس كتير مزاجي بيبقى مش رايق و وقتي كله على النت النت بيسرق وقتي موووووووووووووت خصوصا عروس :)
مش عارفة استعيد نشاطي و حيويتي ازاي.. انا بقول يمكن من قعدة البيت الواحد بيمل من انه يعمل حاجة اساسا...
و عايزة اعرف انظم وقتي كدا بين تنضيف البيت و اهتمامي بنفسي و كدا .. و بين قعدة على النت ...
بس هو شغله 7 ساعات متواصل بس في اليوم و بقيت اليوم لما يكون في البيت يبقى مش عايزني اكون بعمل حاجة .. زي معظم الرجالة طبعا ميحبوش تنضيف و هم موجودين...
هو مابيشتكيش الحمد لله بس انا لاني عارفة اني مقصرة كتير ببقى مهمومة و متضايقة ....و برده كسولة...
مع اني ما كنتش كدا قبل الجواز و كنت نشيطة جدا ...

منمونتى حبيبتى :L:
انتى كمان بتشتكى من الكورة :D:D:D:D
الكورة دى عقدتنا بصراحه
بس انا مبقعدش مع جوزى اصلا كتير علشان هو يلحق يشوف ماتشاات :lol::lol::lol::lol: شريره انا نياهاهاهاااااااا

منمونتى
اعتقد ان فعلا قاعده البيت والنت هما السبب
لان النت وعروس حبيبتى بالذاااااااااات بياخذ كل الوقت مع انى موالله بقوم وبببقى عايزه اشوف مواضيع ومبلحقش :o:o:o:o

بس انتى يا منمن حاولى تفتكرى انتى كنتى بتنظمى وقتك ازاى وارجعى اعملى نفس النظام تانى


اه سؤال صحيح
هو ازاى صاحب البيت مش بيخلى حد يركب دش؟ دى المفروض حريه شخصيه:woo:
او يعمل لكل العماره دش مركزى

manyaa;13080964:
صحيح يا بنات انا كنت جبت ملح الحليب ده عشان الجسم حد جربه قبل كدا و يعرف استعماله و كدا ؟؟و ايه رأيكم فيه؟؟

تقصدى اليوكو يا منمن
انا جبته
هو بصراحه عادى مش بيبض و لا حاجه بس بيخلى الجسم ناعم بعد الشاور بس مش لمده طويله
شفتى قلتلك كل مميزاته :D

انا بستخده ساعه الشاور
جسمك يبقى مبلول وتاخدى شويه فى ايدك و تدعكى بحركات دائريه جسمك و تركزى على الاماكن الغامقه
وبعد كده تشطفيه كويس من على جسمك
بس خلاص;)

shimaaafifi;13081505:
تصدقوا انى اكتشفت ان الرجاله كلهم نفس الطباع او قريبين اوى من بعض
ياترى ده لييييه
ماعلينا
انا كمان بدات اهتم بنفسى
وباركووولى اخيرا غيرت الاسود وجبت عبايه لونها فوشيا مدى على مووووووف
انحراف انحراف يعنى
وبدات اهتم ببشرتى
عملتلها سكراب امبارح وماسك طبيعى
واخدت شاور عملت فيه بالكربوناتو زى بسبس
ونزلت جبت توك
طبعا جوزى مسافر
بس انا بعمل كده لنفسى اولا ثانيا عشان لما اروحله ان شاء الله اكون رجعت عروره تانى واكون اتعودت على اهتمامى بنفسى
اه وكمان جبت مقشر للقدمين عشان حاسه ان رجلىبدات تبقى بهتانه وناشفه
فهعملها مقشر ومرطب
عايزين ندلع نفسينا كده
ونخرج من الكابه دى احنا لسه صغيرييييييييييييييييييييييييين
وبالنسبه لماتشات الكوره
انا بعمل زيكوا بالظبط
بقيت متابعه جيده جدااااااااااااااااااااااا
ومعلقه ومحلله وحكم وناقص بس البس فانله وشورت وانزل العب معاهم
وربنا ييسر

فوشيا يا شوشو :adore::adore::adore:
الى الانحرااااااااف:lol::lol::lol::lol::lol:

ايوه كده يا جميل شطورة
المهم فعلا تستمرى على كده مش فتره و تقفى
لان كسلنا ه اللى مبهدلناااااااا:o:o

شوشو
انتى جبتى سكراب للبشرة نوعه ايه
اصلى مش بعرف فيهم خااالص

shimaaafifi;13081807:
طيب ركزوا كده معايا يا بنات
عشان هافكر بصوت عالى شويه
بصوا بما ان اغلبيتنا عارف ومتاكد ان مقصر فى حاجات والحاجات دى خليت الرجاله تتلكك على حاجات تانيه
طيب تعالوا كده بينا وبين بعضينا نبدا من جديد
احنا طبعا قولنا احنا هانهتم بنفسنا بابسط الحاجات واقل وقت ممكن
تمام؟
تعالوا بقى ننسى اللى فات ونعمل ريستارت فى حياتنا الزوجيه
بمعنى
انك هاتجيبى ورقه وقلم
وتبداى تكتبى النقاط دى
الاول هانعمل تمهيد للريستارت ده
هانروق شقتنا
وكده كده هاتتعمل عشان العيد
ونظبط دواليبنا
وتبقى الشقه شقة عروسه عشان نبدا على نظافه كده

ونبدا نحط النقاط دى قادم عنينا

نهتم بازواجنا وملابسهم باستمرار وبدون توقف وبكل حب وحنان
اول باول الدولاب يكون منظم يعنى كل ماتيجى تتطبقى الغسيل مرى عالدولاب كده مره خفيف

هانتكلم بصوت هادى وواطى ورقيق ومش هانشخط فى عيالنا خالص قدام ازواجنا لان الصوت العالى بينرفزهم
فهانمسك نفسنا عالاخر وتاخدى نفس عميق اول ماتحسى انك هاتتعصبى وتستغفرى ربنا كده وهاتهدى على طوول

نهتم بنفسنا كل يوم يعنى تصحى الصبح تغسلى وشك او تاخدى دش اللى يريحك وتضربى مشط فى شعرك وتلبسى هدوم بيت لذيذه كده
وتعملى فطار وكده
ولما ينزل عايزه تقلعى هدومك النضيفه وتلبسى جلابيه مقطعه تنضفى بيها عادى خاااالص المهم مايشوفكيش وتربطى شعرك عشان تحافظى عليه من التنضيف والعرق والريحة الطبخ وكده
خلاص هو قرب يجى تاخدى دش وحطى ابنك فى العجله او منيه كويس بس مايبقاش بعيد عن عينك ولو خايفع عليه ماتطوليش فى الدش يادوب افتحى الدش واقفليه على طول بس اهو احسن من مافيش حطى ابنك عالسرير وغير هدومك واصلا شعرك نظيف ورشى رشة برفان واضربى روج رقيق واكلك خلصان عالغرف
هو هايجى هانستقبله بالحضان ياسينا ووحشتنى اوى والكلام الحلو ده
وتكونى مجهزه البيجامه والفوطه والغيار عشان مايعكرتش فى الدولاب ويهده
ولما يخرج اديله الواد بكل دلع وابتسامه متدلعه ونظره ساحره وقوليله فى ودنه ثوانى ولاكل يكون عالسفره ياروح قلبى
بكل سهوله هاياخد الولد
ادخلى اغرفى الاكل واخرجى وكلى بالف هنا وشفا
ولما تخلصوا قوليله الف هنا ياحبيبى
خليه يغسل ايدو واما يرجع اديله الولد وقوليله تشرب شاى ولا حاجه ساقعه
هايقولكك اللى هو عاوزه تشيلى السفره وتغسلى الاطباق مش هاتاخد اى وقت خااالص
وترجعى باللى هو طلبه وتقعدى معاه انت والولد
يبقى لغاية دلوقتى مدانا هو الدله ثم الدلع ثم الدلع
شويه كده وراجعه عشان تعبت

:thumbs_up::thumbs_up::thumbs_up::thumbs_up::thumbs_up:
شوشو ربنا يكرمك انتى ملكيييييييش حل
ما شاء الله طريقه كلامك زى العسل و انا قاعده اضجك والله كلامك لذيذه
ربنا يكرمك
وفعلا يا جماعه ما الحل فعلا ممكن يكون شهل
فيها ايه لو عملنا كددددددددددده

انا هعمل كده بس من غير حته حطى الواد على السرير و اديلوه الواد
علشان انا لسه مش عندى واد :lol::lol::lol::lol:

ها مين تانى هيعمل النظام ده ان شاء الله ؟؟؟؟؟؟؟؟؟؟؟؟؟
احنا اكيد مش هنعمله كله مره واحده بس على الاقل نبدا بحاجه نخلصها نبدا فى التانيه وهكذا مش نفضل زىما احنا محلك سر
مبهدلين و شعرنا بايظ و حالتنا حاله و كسلانين و نقول هما الرجاله مالهم

احنا نهتم بنفسنا وندلع نفسنا علشانا مش علشانهم و هما براحتهم ياخدوا بالهم او ميخدوش هما الخسرانين

صوح ولا مش صوح ؟

مايونيز;13081932:
والله عندي استعداد اعمل كلللللللللللل ده مع اني كان فيا حاجات من اللي قولتيه برده بس اقابل جوزي

مايونيز
ام كريم حبيبى و عريسى
اوعى تكونى خطبتى له حد غيرى :hysterical::hysterical::hysterical:

ازيك يا جميل اخبارك ايه و ازاى كريم
هو انتى فى مصر و لا بره دلوقتى؟
وربنا يجمعك بجوزك على خير ياااارب

hoba555;13082260:
مشكلتي بس مع اخت جوزي هي مش بترمي يعني مش ده قصدها لا هي طبيعه كلامها مستفز
وبالتالي انا تلاقيني بولع نار
بس بقيت مش بتكلم ولا اعلق بعمل نفسي هبله ومش فاهمه
او مسمعتش بعدي يعني من الاخر واقوم ادخل الاوضه اعد ازعق شويه مع نفسي اطلع اللي جوايا واخرج
بس ده ميمنعش اني ساعات بتلاقيني عارفه حاجه ممكن تضايقها اروح اقولها عشان تتغاظ
بس معظم الوقت بطنش
لان بجد يا ما مشاكل حصلت بسبب اني بقول لجوزي شفت اختك قالت كذا
طبعا ساعات بيقولي خلاص مش تزعلي وانتي عارفه اسلوبها هي كده
وساعات كتر الاقيه اتنرفز وقلب حد تاني ....فعشان كده بطلت اتكلم اصلا ومفيش حاجه تستاهل اني اخسر حياتي ولا جوزي فبقيت بطنش
ونفس النظام مع سلايفي وحماتي
الحمد لله بقيت كسبانه الكل وعمره ما حد شكي مني بالعكس انا الوحيده اللي محصلش معايا
اي تتشات او مشاكل في البيت والكل بيشكر فيا
الحمد لله
فمعلش اعملي نفسك مش سامعه
عشان لو فتحتي علي نفسك انك تردي وكده مش هتخلصي من المشاكل وكل مشكله هتجر اللي وراها
طيب وعلي ايه العكننه سيبك وركزي مع جوزك وبنتك وبس ومفيش حد تاني يهمك غيرهم


ا

ربنا يهديوم لكى يا هوبا ياااارب
وفعلا طنش و كبر تعيييييييييييش
بس المهم نكبر ومنضايقش
مش نكبر و نعمل نفسنا هبل و تبقى محروقين من جوه ويبقى على حساب صحتنا
وربنا يقدرنا جميعاااااااا

ازيك ياميرا تعالي الشات انا بنش هناك

RAINBOW2000;13082691:
اما بقى يا بنوتات عندى مشكلة ممكن تضحكوا عليها اوى و ممكن ناس تعتبر انى فى نعمة مش بحمد ربنا عليها انا جوزى مبيعترضش على حاجة و لا ليه اى طلبات يعنى البيت نضيف خير و بركة مش نضيف مش مشكلة عاملة اكل حلو ماشى اى كلام هياكل و مش هيعترض هدومة مغسولة و كله تمام ماشى فى كوم غسيل هيلبس من النضيف لحد ما الغسيل يخلص مش بيعترض على حاجة و لا بيطلب حاجة الموضوع ده ساعات بينرفزنى شويه كتييير يعنى مثلا الاقى الاكل ناقص ملح و انا اقول و هو يقولى اه ما انا اخدت بالى بس ميلفتش نظرى لكده مثلا عمره ما يطلب اكل معين او صنف بعينه يعنى ساعات بجد الحكاية دى بتضايق لانى مش ببقى عارفة رد فعله ناحية الحاجة انا عارفة انكو بتضحكوا عليا بس بجد ساعات بحسها مشكلة

هى فعلا ممكن تكون نعمه لواحده لو جوزها عكس جوزك تماماااا لانها مضايقه من الوضع اللى هى فيه
لكن الحقيقه انتى فعلا مشكلتك كبيره
لانك بساطه عايزه تحسى بشريك حياتك وان فى حد عايش معاكى
فعلا الواحده بتحب تحس بجوزها معها يشاركها مش ان اى حاجه مش هتفرق معه كله عادى
الوضع ده ممكن بصراحه يفرس الزوجه و دى بتبقى حاجه صعبه اووووووووووى
مش كل حاجه اه حلوة مااااشى على رائ مختار فى مسلسل العار :D:D وكمان لازم يعكنن عليها :lol::lol::lol:

هما يعكننوا ونشتكى ماشى بس لازم يعكننوا و يضايقونا امال يبقوا ازواجنا ازااااااااى واحنا بقى مش هنلاقى حد نشتكى منه و لا ايه ;);););)

تعالي الشات ياميرا لحسن اخلي كريم يرمي الدبله وقد اعذر من انذر

أم يـاسـيـن العسل;13084019:
اعملى الجدول اللى قولتلك عليه



يارب ياختى دعواتك


وانا والله زيك فى الكوره




هههههههههههه ينفع كل حاجه دا روووعه وهو مطهر اصلا

هبعتلك رقمها من عونيا


امممممممممممم مش عارفه بس المفروض مفيش كسوف يعنى




اضحكى بسخافه هههههههههههه





والله وانا كمان

عجبتك الكربوانتو؟؟

دانا بجيبله اخبار ميعرفهاش

طيب انتى تعفى ان احمد حسن جاله الرباط الصليبى



راااايقه :D




انا كمان جوزى عيد ميلاده اخر الشهر

هعمله تورتايه صغنووووووووووونه وهجيب بيسبى وكأنه عيد ميلاد يعنى

وهجيبله هديه لو قدرت
بس فى الغالب مش هجيب هدايا ووممكن اجيب بلونات وازوق البيت بيها على خفيف كدا كتغيير يعنى وبس

ومش هقوله كل سنه وانت طيب غير بليل
هعمل طول النهار انى مطنشه و بليل اعمله فاااااااااااجئه على رأى منى زكى :lol:

حاضر يا بسبستى هعمل الجدول ده ان شاء الله
و البكاربونات هى بيكربونات الصوديم صح كده؟

و مستنيه الرقم يا قمر :L:

موضوع مهم جدا ولله بس انا واحده اهتم بنفسى امتى مش عارفه انا بشتغل وعندى بنتى لسه مكملتش اربع شهور وانتم عارفين المجهود بتاع البيبهات ده غير شغل البيت اللى مبيخلصش وشقتى كبيره وجوزى زى كل الرجاله مش بيساعدنى فى حاجه ولازم اقعد اخترع فى الاكل لانى جوزى فى اكل كتيرررررررررر جدا مش بيحبه علما انى الحمدلله بروح قرب المغرب من شغلى بس هقول ايه لنا الله

نبأ عاجل قصيت شعرى:D
أجرأ خطوة خدتها فى حياتى هههههههههه
والقصه ديجرديه من الجناب وبقى لأخر ضهرى كده ( هو كان طويل قوى وغلس )
بس التدريج من على الجناب تحفه بجد زى هيفاء كده ههههههه:lol:

فى معلومه سمعتها من كوافيره وجربتها لما روحت للكوافيره بتاعتى
هى للكوى بالبيبى ليس
ناس كتير بتستخدم البيبى ليس بس شعرها مش بيكون زى ما الكوافير بيعمله
السر بقى فى سيرم تشى بالحرير
غرقى شعرك بالسيرم قبل الكوى ومش هتعرفى شعرك
انا مستغربه شعرى جدا هو طبيعى ناعم بس بيهيش قوى
ولما بعمل البيبى ليس بيبقى مفرود لكن المره دى مفرود وسايح زى الزبده هههههههههههههههه
انا قررت اجيب السيرم تشى انا شوفتو فى سيتى ستارز أرخص من العزبى

انا شعرى بنى غامق وزمان قبل الحجاب لما كنت بقف فى الشمس كان بيبقى فاتح كستنائى
المهم قولت للكوافيره عايزة أصبغ لون التشوكلت كده قالتلى انتى اول مره تصبغى هيبقى الون بنى محمر

تفتكرو هيبقى حلو ؟؟