منورين الموضوع
هدخل فى الموضوع مباشرة ...
دى أغراض العناية الشخصية الخاصة ببنتى "جودى" عمرها 5 شهور دلوقتى ربنا يحميهالى من كل شر .. قولوا آمين:)
دى صورة عامة للمنتجات:
1- منتجات العناية بالمولود حديثًا:
انا افضل ان الطفل من اول يوم يستحمى تحت المياه والدكتور كان قالى انه عادى جدا ان المياه تيجى على السرة مفيش مشكلة وفعلا انا عملت كده والحمد لله ماحصلتش اى مشكلة .. المهم دايما ننظف كويس وننشف بمنشفة / فوطة قطن كويس قوى ..
الاستحمام تحت الماء بيخلى الطفل من اليوم الأول يتعود على المياه ومايخافش منها أبدًا ..
ونحط كحول على السرة بالقطنة كويس قوى من كل الجهات ونغرقها كحول ..
دى صورة الكحول :
كمان أوقات البيبى اللى لسة مولود بيبقى على جسمه قشر شكله بيضايقنا ..
ممكن ندهن بيبى أويل .. بس بعد كده لما لقيت ان جسمها بدأ يطلعله حبوب من الحر (حمونيل) وقفت البيبى أويل واللوشن وده برضه كان بناءًا على نصيحة الطبيب
دى صورة البيبى أويل ..
وفى كمان منه اللى بالصبار ريحته حلوة قوووووى وأحلى كتير من الاصفر ده:thumbs_up:
ودى صورة اللوشن اللى بستعمله
اللوشن برضه مفيد فى حالة انى حبيت امسح رقبتها مكان القشط عشان ريحتها ماتبقاش لبن مع ان المياه دايما هى الأفضل
وماتنسوش ان الوجه يغسل بالماء فقط ....
ودى بقى صور الشاورات اللى استعملتها:
شاور سانوسان
منتج ألمانى .. خاص بالبيبيهات .. ريحته هادية جدا تقريبا مش بتثبت .. ناعم على الشعر ..
شاور ديزنى
منتج إيطالى .. خاص بالأطفال لكنه الحمد لله ماسببش أى مشكلة لبنتى .. بالعكس ما شاء الله عجبنى اكتر بكتير من سانوسان .. لكنى أخاف انى انصح اى بيبى بيه خوفا من اختلاف استجابة بشرة البيبيهات ..
ناعم جدا جدا على الشعر ما شاء الله وريحته راااااائعة وبتثبت:thumbs_up::thumbs_up:
شاور دالين
منتج تركى .. رخيص السعر .. لسة ماجربتوش
غالبًا أى أم جديدة بتبقى لسة مش عارفة تغير الحفاضات للبيبى وبتبقى خايفة تشيله .. وأوقات بنبقى مكسلين بالليل نغيرله .. ساعتها بنختار الوايبس / المناديل المبللة .. مع ان برضه الافضل دايمًا المياه
انا استعملت الوايبس بتاعت بامبرز حلوة جدااااااا
واستعملت بتاعت فاينى معقولة مش بطالة
واستعملت بتاعت ايزى كير حلوة برضة قوى
لما نيجى بقى نغير للبيبى البامبرز بتاعه بالمياه لازم نستعمل شاور أو صابون .. انا مش بحب الصابون خالص بحس انه بينشف الجلد جدا وملمسه مش بيعجبنى بفضل دايما عنه الشاور ..
بستعمل الصابون السايل الخاص بالأطفال من جونسون حلو قوى
2- فى حالة التسلخات:
طبعًا لازم نستعمل كريم زنك للوقاية من التسلخات
انا بستعمل كريم سانوسان .. ألمانى ما شاء الله حلو جدااا وقاية وعلاج:
وفى حالة وجود تسلخات يستسحن نستعمل بيتادين للتشطيف خصوصا للالتهابات اللى بتيجى للبنات:o:o
بناخد الغطا بتاعه ونملاه ونحطه على لتر ونص مياه ونستعمله كذا مرة فى اليوم
ولما يحصل تسلخات نوقف أى كريم زنك بنستعمله ونستعمل كريمات طبية الطبيب بيوصفها
العلاج اللى الدكتور كتبه لبنتى كان مرهمين
واحد خاص بالمنطقة الخلفية اسمه pandermal
والثانى خاص بالمكان حول المهبل :o:o فى حالة انه يكون فيه احمرار شديد واسمه Locasten
وأخيرًا ..
البرفان الخاص بالطفل .. يستحسن مانستعملش برفانات للأطفال غير بعد مرور 3 شهور على الأقل خوفًا انهم يحصلهم حسياسية على الصدر
انا جربت ده وعجبنى .. ريحته ليمون شوية :)
أتمنى ان الموضوع يكون أفادكم
وطبعًا الموضوع جهد شخصى واللى يعجبها تقيمنى ;)
مجموعه سيبا ميد رووعه