زوجي جرحني وش تنصحوني اسوي؟

شنو هالدنيا الغريبة. العتب على سوء الاختيار, اي وحدة يجيها ولد عمها او شخص شوي زين و تزوجته و بعدين تحصل هالمشاكل. خلاص ما عليج الا الصبر و هذا نصيبج و مكتوب لج تعيشي حياة زوجية جافة و بعيدة عن الحب و الاحساس بالرضا. الله ييسر لج امرج و يبعد عنا مثل هذا الشر يا رب

اختى انه مثلك عيد زواجنا بعد كم يوم ما افتكر بيذكرنى بمسج مب شرط يكون مناسبة بالهدية على اقل احساس ومشاعر او كلمه حلوة تكفى اذا زوجى جاف احساس ما عندة عصبى خاطرى يعبر عن شى فى يوم كانه عايشه مع لوح
الله يساعدة على قساوة رجال

اختي هونيها وبتهون
واني احس انه كان يمزح وياش يوم قال طراقين وعندي احساس انه يبي يسوي اليش مفاجئة عن يزعم مايبي يبين اليش انه بيشتري ويوم ذكرى زواجكم بجيب وحتى لو ماجاب عادي بس اهم شي انه يتذكر هاليوم وكلمة بسيطة مثلا كل سنة وانتي طيبة كفاية
طمنينا عقب شصير وخبرينا

ان شاءالله اخواتي واني بعد ما تهمني الماديات بس ابيه يقدر هاليوم ويذكره ولو بمسج او هدية رمزية بسيطة
هو يحبي بس جاف وما يعرف يعبر واني خاطري اتدلع ويدلعني
شكرا اخواتي على النصايح الحلوة وان شاءالله الله يسخره لي ويحبني ويدلعني كل يوم وييسر ليكم حياتكم ويوفقكم يارب

الله يهداه ليش كذا ؟!

الله يهديه و يسخره لك << آمين

الله يهديه ويصلح بينكم انشالله ..
بس نصيحتي لج أنك تسوي جلسة حوار هادئة بينكم وكل واحد منكم يجول وش اللي ما يحبه ف الثاني وتحاولي انك تخبرينه كل اللي ف خاطرك..

اللله يهديه لك ويسخره لك ويهدي قلوبكم للبعض

شكرا على النصائح اخواتي والله يسهل ان شاءالله

فديتك يالغلا يمكن وقت ماقلتي له كان متضايق من شئ
انتي جيبي هديه وحتى لوماجاب لك لاتزعلين لانه راح يحس باذن الله ولاتنسي تدعي بسجودك ان الله يحنن قلبه عليك
والله يسعدك
دعواتك ربي يجمعني بلي فبالي وييسر امور زواجنا

طنشي حبيبتي لا تسوين حفله ولا تزعلين وخليهااا تمررر مرور الكرام ذا اليووم بس حسسيه انوو هذا اهم يوم عندي الي تعرفت فيه عليك وملكت قلبي فيه لذلك انا زعلانه انو ماهتميت بحبيبتك :'( وشووي دمووع لزوم اللحظه ههه:p
وبس وشوفي وش بيسوي
اذا قال وش تبين طيب ؟
قولي ابيك عريس وانا عروس :L: وضحكه بخجل :oشويه ودلع
واذ قال شي ...قولي طيب اروح اتجهز لك;)
وبعدين تعدلوو وتزينوو قولي طيب بالبيت اش رايك نطلع خذيه مطعم قريب سوق وقولي اذا بنفسي شي تحققه لي :thumbs_up: قولي ابي ...ساعه عطر ورده اي شي يجي بالك :thumbs_up: بس عاد لاتزودينها تتطلبين طقم الماس هههههه
شرايك بالدهاء
بس مو لازم نفس اليوم عادي لو بالويك اند هاذي الحركه او باليوم الرايق فيه يعني لاتزعلين اذا مو بنفس اليوم احتفلتوو :adore: عادي مشي حالك
الله يسعدكم ياررررب
وكل سنه وانتي طيبه انتي وزوجك

في ريال يا اختي طبعهم جذي
كل شخص يفسر رجولته بشي وايد ريال جذي عشان انهم ريال لازم يكونون ويتعاملون بذي الطريقه
لاتزعلين الريال مثل الياهل في اشياء بالبدايه مايتقبلها ورده فعله تستغربين منها انتي روضيه وتوج بدايه حياتج معاه لا تسوين مشاكل
بالعكس لبسي احلى لبس وزيني وعدلي وصفي لج حجي من قلبج له وقوليه له ودلعيه بهالليله بيني له لو انت مافتكرت بالهديه وهاليوم فانه فاكره هالشي لانك اكبر هديه لي بس لاتقولين له لان بتبينين له انج تبين الهديه بس حسسيه بهالاحساس
ولاتييبين طاري هدايا ولا شي
وخلصي وياه في البيت وعطيه هديه او ورده وطلعي معاه ع حسابج عناد فيه وبالمطعم عطيه هديه وقولي له كلام حلوو وشنو يعنيلج هاليوم وذكرياتج الحلوه وانج تحبينه لو شنو صار وكل شي منه عسل

والله يصلحه ويهدييييييه ياخويتي هذا ريلج وضناج بنفس الوقت يعتبر روضيه من يده ويديد

اختي انا زوجي هيك

يعني ما عندة هالسوالف ابد
واهو من عايلة ميسور حالها وانة حلتي عايلتي ما شاءاللله عليها

امهم

شفتة صباح صباحيتي ما عطاني شي بيدي من عادتنة الزوج يعطي زوجتة مبلغ صباح صبحتها
سكتنة

في العيد ما عطاني شي

سكتنة وطوفنة

يوم اجة عيد ميلادي قمت انة وشريت كيكة وعطورات يمكن حوالي 10 انواع ملابس كيمرة كلها هداية لة توقعي اهو ما جاب لي ولا حاجة يوم كملنة الحفلة قلت لة حبيبي اليوم عيد ميلاد من قال عيد ميلادج قلت لة وبكل هدوء وانة قريبة منة حبيبي شفت كل اللي سويتة لك هذا المفروض كلة انت تسوية لي بس انة ما حبيت احرجك
وحبيبي المطلوب مو الهدية المطلوب انك تذكرتني لو بشي بسيط
يوم اجة عيد ميلادة اهو قال لي حرام عليج تسوين اي شي ذيك المرة المفروض انة اسوي بس انتي سويتي قلت لة اوكي لاني حبة يسوي هلشي ما شاءالله ما قصر بشي وعلى فكرة هديتي كانت كمبيوتر وسلسال ذهب و عطور وملابس

بس انة ما خليتة اخذت لة هدية من وراة ويوم قدمتها لة عصب بس استانس
دايم احسسة اني احب هالشياء
ومعنة امي يعني ما يعرف يقراء بس كلشي مال رومنسية يقولة لي لانة تعلم مني كنت اقول لة احبك كان يقول لي اوكي اوكي بس ما كلمتة بس بعدين قلت لة قول لو كلمة من اللي اقولة لك تعلم واللحين مغرقني بالحجي
ما يمر عيد الا وما ياخذ لي فية شي
سوي لة حفلة وبيني لة المفروض هو اللي يسوي هالشي واذا ما جاب لك شي وقفي قدامة وقولي لة ابي هديتي اذا قال ما خذيت شي قولي لة بس انت قلت بتعطيني اطراقين
طرقني اياهم واذا ما رضي يعطيج اطراقين انتي اخذي ايدة وطرقي خدج وبعدين طالعية وعينج فيها جم دمعه قولي لة احلى هدية لقيها قولي لة تدري ليش لانها بس من عندك وبس حاولي تطلعين عنة اشوي يعني قعدي بيت عمك تحت وخلية اهو فوق بهديتج اللي مسويتها لة بكل شي لا تلمسين اي شي من اللي سويتية لة خلية بروحة يفكر والله يهدية
انة للحين ما كملت سنة من زواجي بس تعلم مني بسرعة

الله يصلح لكم حالكم يارب

أنا يمكن مش هقدر أزود حاجة عن اللي البنات قالوهولك

بس أكتر حاجة عجبتني في كلامهم ..... الدعـــــــــــــــــــــــــــــــــاء وخصوصا في الشهر المبارك دة ...... الصبر وطولة البال لحد ما تعوديه " ودة فعلا بيحصل والله بس محتاج صبرررررر ... ربنا يرزقك ويعينك بإذن الله ........

هو أنا لسة متجوزتش ومش عارفة صح ولا غلط اللي هقوله دة ... بس أنا رأيي هاتي له هدية ... بس مش لازم تعملي حفلة كبيرة وكدة .... هاتيها واعطيها ليه وبس ... يمكن فعلا يحس إنه اهتمامك بيه قل شوية فيعرف إنه كان مفروض يجيبلك حاجة هو كمان


والأهم من دة كله اوعي تكشري ف وشه ... بيني إنك متضايقة بس من غير ما تكشري الله يكرمك ...... زي مثلا إنك متعمليش احتفال كبير ولا حاجة وتقدمي ليه الهدية وخلاص


وحاجة أخيرة لازم أقولهالك ....... كل واحدة فينا بتقولك الحل من وجهة نظرها ..... وأنت تشوفي اللي يتناسب مع ظروف الموقف ساعتها وتعمليه ......

وابقي طمنينا عليك الله يكرمك

{ نور الـ ع ـرب };13027125:
{ كوني احسن منه جيبي له شي حلو في ذكرى زواجكم...~
بس لاتسوين له سالفة اعطيه الهدية او خليها في مكان يشوفها
وخليييييييك باردة يومها.....~
يمكن يحس شوي ويسالك وش فيك
انتي لاتقصرين معاه
بس لاتبيني له اهتمام زايد
سوي كل مايطلبه وكل حقوقه بدون مبالغة
كوني باردة مثله....~

عسااااااه يحس بس

الغالية ما في داعي تكلمينة ترى انتي لما تسوين الاشياء حقة وتشترين وتعبرين عن مشاعرج اشوي واشوي راح يتعلم

العتب

الغالية ما في داعي تكلمينة ترى انتي لما تسوين الاشياء حقة وتشترين وتعبرين عن مشاعرج اشوي واشوي راح يتعلم
الله يهديه لك ويسخره لك ويهدي قلوبكم للبعض

ابدائي انت بالخير


ويارب يهديه


وديما حسسيه انو مش ناقص حاجه

حبيبتي لو شنو سوييتي و رحتي و ايتتي .. مابتلقين مفعول اقوى من مفعول الدعاء له ..

ادعي في صلاتج من كل قلبج .. في السجوود تذللي لله و اطلبي منه ان يحنن قلب ريلج عليج و اخلصي الدعاء و كوني متيقنه حزتها ان محد يقدر يعطيج هالشي الا الله ..

فهو يقدر و لا نقدر و يعلم و لا نعلم ..

و الله يسخره لج ..

هالكلام كاقوله لج عبث ..

امي و ابوي متهاوشين من 4 اشهر .. كل الطرق الي في الدنيا جربناها ..

امس والله في صلاة لعشا دعيت ربي من قلبي و انا اصيح وساجده و حسيت شكثر احنا صغار و ربنا القوي القادر و اخلصت له الدعاء

و اللللللله العظيم ماقص عليج ان اليوم الصبح امي و ابوي شوووي تكلمو صج مو نفس قبل بس بدو يتحجون مع بعض !!


ثقي ان ربج رحييم و قادر

ان شاءالله اخواتي اني صابرة وكل شي بيد ربنا
واني افكر اسوي له هدية بسيطة حابة تكون رمزية ومن صنعي
شكرا على دعواتكم الحلوة ونصايحكم