يلا بنات كل وحده تكتب الصفه اللي تحبها بولدها ....

ابني اللي احبة فية حركاتة دايما يبتكر رقصات جديدة و اللي اكرهة ما يقبل ياكل ابدددددددددددددددد يعني للحين عايش على الحليب و حتى الحليب بالدوب يشربة و عنادي و يتحرك كلش كثير و يكسر الاغراض بس يلة الحمد لله على كل حال

اكثر شي احب في بنتي ابتسامتها الحلوة واكرة شي اذا تصيح ما تسكت وتظل 24 ساعة تطفشش ما تستسلم

اكثر شي احبه ببنتي انها وايد حنونة علي وتحبني بجنون وعلى طول تبوس فيني وما شاء الله تحب اللاطفال وايد واكثر شي اكره فيها انها عنيدة جدااااااااااااااااا وشخصيتها قوية وتفرض رايهاا بقوووووووووووة وزنانة وبس الله يخليها لي ان شاء الله

الا احبه في فاضلي رقصاته نظيف ما يحب يقعد في الفوضى وما يحب يتوسخ يتضايق من روحه وعمري عليه من يقعد من النوم يبوسني
والا ما احبه فيه كله يزن ما يسكت يدبحني وما يخلي شي في الشقه الا شلخه
ما يحصل من عندي الا الدح

موضوعج رائع و يستحق التقيم


الي يعجبني في بناتي الطيبه و الذكاء الحنان ماشاء الله عليهم حنوووونات ... والي ما يعجبني فيهم انهم

اذا كانوا يتابعون رسوم ينسون كل شي .. يندمجون بطريقه عجيبه لو الوحده فيهم عطشانه ولا يوعانه ما بتقوم من مكانها

الله يخلي لكم اطفالكم ،،ويخلي لي اطفالي

وانا بنتي عوافه وصياحه وعنييييييييييده وماتبي احد وكلا لاصقه فيني يمه منها

مادري اشلون بسوي يوم ميلادها >> تحاتي

ادعو لا بالهدايه اكبرت وللحين ماتغيرت خواااافه درجه اولى حتى صوت الاذان تخاف منه ماادري وش يتخيل لها

انا احب ضبع اولادى هادين جدا لكن عندى بنت واحدة مااحب فيها عندها الله يحفضهم لى

احب في بنتي طيبتها وحنيتها ..يااربي شو رقيقة وحساسة :)
وما يعجبني انها ماتحب تاكل الاكل ...

مشكورة على الموضوع
ربي يحفظ عيالنا يارب

:)

أحب كرمها
اي احد يجي البيت تكرمه ولا تبخل عليه حتى لو في سنها

بنووتي فديت عمرها احب فيها ابتسامتها ودلعها الدلووووعه وكل شيء فيها فديتها
اما اللي ما احبه احسبوا وياي خخخخ
تفشلني وايد لمى اطلع وياها مكان كله تصيح ومن احد بياخذها تذبح روحها من الصياح من الزين ولا تسكت وكله محبوسه في البيت ومااطلع والسبه اهي
او اطلع ولا اوديها وياي بسسس هذاالشيء
وادعواااا لها بالهدايه

ههههههههههههههههههههههههههه من جد حركات العيال احيانا تضحك واحيانا تطفش بس امرنا لله ...

ومافي طفل كامل بهالدانيا كلها ..... الله يحفظهم لكم يارب .... شكرا للي ردت بموضوعي وللي قيمتني تسلمووون ....

يلا وين باقي العرايس شاركونا بطبايع اولادكم الحلوين .......

أحب في ولد الله يخلييه لي واشوف اخوانه واخواته واعرسهم ههه خاطري اشوفه معرس هههه مستعيلة

ان حنون وايد واذا احمق عليه يحضني ويطبطب علي نفس اللي انا اسويه ليه

بس اللي يقهرني فيه ان اذا اناديه كلا يحقرني لو اذبح روحي ما يفتر لي الا اذا اهو مقرر بس اذا انا ابيه مستحيل يفتر

مع ان صغيرر سنة و10 اشهر الله يعينا اذا كبر

اي نسيت اللي ما احبه بعد ان متعلق في التلفزيون وااايد وهل الأيام طيور الجنه وانا كلش مو عاجبني هل الشي ومب قادرة اسيطر عليه موليه

الله يحفظ عيالكم وعيال المؤمنين

انا ما أحب في ولدي انه يحب الحلاوووووووووووو كثير
واحب فيه كرمه وطيبته يعني لما أعطيه شيء لازم يطلب مثلها لعيال خواتي كلهم يعني اذا جبت له شيء لازم احسب حساب القبيلة كلها :(

اقووووووووووووووووووووووول يارب الله يخليهم لنا بميزاتهم وعيوبهم يارب

تسلمو ع الردود الحلوة .... والله يخلي لكم اعيالكم ويحفظهم لكم يااارب ....

ههه حلو الموضووع
ولدي بعده 3 شهور بالرابع
احب فيه لمى يضحك معااي وو احطه ع الكرسي ماله ويطالع ال tv واهو ساكت خخخخ
وماحب فيه لما يبدي يززززززن ويصيح لمى يتدلع << الحفيد الاول
دلووووع
عمري لكن حتى صياحه عسل =p