خجلانه من شغل امي

سواليف ليل;13016254:
أن امع كلام أخواتي

والله يوفقك أختي ولا تنسي تطمنينا عليكي والله يكتبلك اللي فيه الخير

Noor1979;13016420:
مرحبا اختي ...

اتمنى انك تعتبر هالكلام مو تجريح لك او بس طالع من اخت أم وحده خايفه عليك ...


والله الصراحه المفروض الواحد يصفق لك .. بطريقه مكافئتك ... حق اهلك .. الي يودنك اغلى ( الصالونات ) ويلبسونك اغلى اللبس عشان بس ما تحسين انج اقل من الناس..

وانت تكلمين واحد من وراهم... مشروع وعنوانه ( يبي يخطبني ) ( هو صادق ) .... والمصيبه الاعظم متزوج..... يعني شي ما يدخل المخ ابداً...وعلى فكره محد بيصفق لج انج تكلمينه بجفاف.. او قسوه . بالنهايه انتي تكلمين ريال..... ولكن بحاول اجاريك .. بالموضوع

دامج مقدره ظروف اهلك وتعبهم .... بقولج وين المخجل بالموضوع .... المخجل والي يفشل بالموضوع تصرفج ... الي تسوينه من ورا اهلك .. الي ينزل الراس الارض .. هو كلامج مع ريال ما يمد لج اي صله ... ودامج تقولين انا ما كلم .. اعتقد انج الحين لازم تكسرين هالنظريه .. لانج صرتي تكلمين.... مع احترامي هو يظل رجل ...

سمعيني اختي

اذا هالريال شاريج ولنفرض انه شاريج ... يعني المفروض الحين الي لازم تسوينه تقطعين مكالمتج..معاه... اولاً اذا يبغيج... يتقدم لج .... وان يدليج بيتهم ويقولج اسمه وشهرته وعايلته ..مب معناه ..انه .. صادق .. يعني انتي بشنو بالله عليج تقدرين تضرينه لو عرفتي عنه كل شي ؟؟؟؟

لكن بالمقابل لو هو عرف عنج كل شي .. وبخلي الباقي حق مخيلتك وافكارك ... وانتي فكري هو شنو يقدر يسوي..

تمثيل الرجال .. ماعليه كلام ... واكبر من تصوري وتصورك........ اقطعي علاقتج معاه .. واذا يبيج خل يخطبك رسمي .... هذا طبعا لو انتي تبين تكونين زوجه ثانيه!!....

وبما انج تتفشلين من اهلج ... حتى لو تزوجيته حطي في بالج ان اهله ( الطبقه الراقيه جدا ) بيعايرونج طول عمرج.... وياما بتسمعين الكلام الي ما يهنيج حتى بحياتج....


رأيي... انتبهي لنفسك ,, وانتظري الي من ثوبك.... او على الاقل ريال .. لك بروحك.. مايشاركك فيه احد..... وحافظي على اهلك ,, وافتخري بهم..

ĈĤỢČỚŁĂŢЁ;13016454:
:thumbs_up::thumbs_up::thumbs_up:

وأزيد على كلامها واقول

ما بتحسين بأمج إلا اذا ماتت بعد عمر طويل

تالي بتعرفين قدرها وبتندمين كثر شعر راسج واكثر بعد

وبتقولين ياليت وياليت وياليت وما بيفيدج شي ولا شي بيرجع امج

دام امج عايشهـ واللهـ يطول بعمرها حطيها فوق راسج وانتي تحت ريلها

وحسي بقيمتها

لا تقولين حاسهـ ما حاسهـ

لأن الكلام اللي قلتيهـ انج حاسهـ فيها مبين ان كلام وخلاص ومو من قلبج

لو كان من قلبج صج جان ما استعريتي منها

وبقولج شي بعد

ترا مثل ما تسوين بأمج بيسوون فيج عيالج

يعني حطي نفسج مكانها

تسوين وتسوين وتسوين وتيي بنتج من وراج وتقول انا استعر من شغل امي

شنو بيكون موقفج؟؟؟؟؟

وعلى فكرهـ اقولج هالكلمهـ وتذكريها وحطيها براسج عدل

بييج هاليوم وتذكري كلامي

الدنيا دوارهـ ومثل ما انتي تستعرين من امج بيي اللي يستعر منج

روحي سئلي البنات اللي امهاتهم متوفيين وكانت امهم مو اوكي معاهم

بيقولون لج لو كانت عايشهـ جان صرنا لها مداس على كل اللي تسويهـ لنا

فما بالج وامج اصلا زينهـ معاج وطيبهـ وانتي تستعرين منها!!!

يعني متى بتحسين فيها؟؟ لو توفت ( بعد عمر طويل ان شاء اللهـ ) ؟؟؟؟

اصحي من اللي انتي فيهـ

انا ما بعلق على الريال لأن ماهمني
والكتاب مبين من عنوانهـ

همي بس امج وكلامج اللي قلتيهـ عنها

.

عـ?روسـ? ب?دون ضـ?روســ?;13016503:
فجر عمان ماقصرت وامممممممممممممممممك عظيمه بوسي راسها لي

rose2006;13016595:
خجلانه من شغل امك وموخجلانه من الي تسوينه ؟؟

الله يخلي الوالده لك ويحميها ويبعد عنك عيال الحرام

العتب;13016730:
ام جنى ما قصرتي وريحتيني... بارك الرحمن فيك كلامك ذهب ما عليه زود ابد

المشكلة مب في شغل الوالدة الله يحفظها الطامة في اللي قاعدة تسوينة يالله يا رب احفظ بناتنا


والاخوات اللي قالوا شو يعني متزوج الشرع حلل اربع والله لو وحدة فيهن زوجها تزوج عليها كان قلبت الدنيا ولا قعدتها وتطلقت ما في وحدة بترضى زوجها يتزوج عليها اتقوا الله واتمنوا للناس ما تتمنوه لنفسكم يا أخواتي ترى الدنيا دوارة وكما تدين تدان ....

استغفرك ربي واتوب اليك اني كنت من الظالمين ...


العتب

عطري استغفاري;13016812:
واحد تعرفتي عليه ومتزوج ماخفتي يبيعك زي ماباع زوجته مابني على باطل فهو باطل لو يبي يتزوج من بنات الناس يطق البيبان ويسال عن ناس عندهم بنات وحتى اذا صادق صدقيني يبي يتسلى ويطلق وهذي الموضه
اماعن امك فحطيها فوق راسك لانها انسانه ناضلت مو علشان نفسها لا علشانك انتى واخوانك هذي عمله نادره بها الزمن الاغبر
والله يهديك ويسخرلك رجال يحطك بعيونه بدل هالاشكال الى يلعبون على بنات الناس وتاكدي مثل ماكلمك يكلم غيرك

رحمه 111;13017107:
ربنا يوفقك لما يحبه ويرضاه ولكن اسمحى لى فى نقطه ليس موضوع امك حفظها الله ورحم امى ولا امر زوجته الثانيه ولكن ارى انه ليس الشخص الذى تتخيلينه لان البداية خاطئه والله اعلم به وبك ولكن مجرد راى وان اردتى لا تاخذى به ارى ان الافضل ان تنتظرى نصيبك الذى لا تسعين فيه ويهديكى به الله تعالى
والله المستعان

Black^Rose;13017180:
اولا بنات الماسنجر خرابات البيوت ..

وثانيا هاذي الام اللي تشق ليل نهار ماتستاهلين تكوني بنتها ..

مشكلتك قهرتني كوني كأم وزوجة..

RAINBOW2000;13017259:
انا مش فاهمة انت خجلانة من مبدا ان والدتك بتشتغل و لا مش شغلانة معينة اصل الطبيعى ان الواحدة تكون فخورة ان امها بتشتغل و ليها كيان و منصب انا امى بتشتغل و فخورة بيها جدا بحس انها عقلها و تفكيرها احسن بكتير من سيدات عندهم فراغ مامتك مش تستاهل منك كده ابدا استغفرى ربنا و خليكى فخورة بيها
بالنسبة للشخص ده سامحينى فى الكلمة انا حاسة انه بيتسلى مش واخد الموضوع جد و بعدين رايح من وراه مراته يكون ليه علاقه بواحده تانية اى كان شكل العلاقة و بعدين واضح انك لسه صغيرة و انا شايفة ان مفيش اى حاجة تجبرك تتجوزى واحد متجوز ما تاخدى شاب صغير من سنك تبقى انت كل حياته مش واحد وراه زوجه و عيال و هم مش هتخلصى منه انت اكيد لو اتجوزتى واحد مش تحبى انه يكون ليه علاقة بواحدة زى علاقتك بيه حاليا حتى لو كان هدفه الجواز تخيلى نفسك مكان مراته كده للحظة متزعليش منى بس انا بقول اللى يرضى ضميرى

..الم وعشناه..;13017354:

اول شي شوفي هو صادق ولا لا لان كل الرجال الي علاقات بالمسنج وغيره يتوهونك بحبهم

وعن زوجته يبيك تحنين عليه وتصدقينه والله اعلم يتمسكن حتى يتمكن وامك لو تشتغل وش ماتشتغل

يكفيك انها امك بس والله يكتبلك الي فيه الخير اذا رفعتي راس اهلك ثقي ان راسك مرفوع

FARAH 2009;13018417:

هلا حبيبتي

انا قرأت مشكلتك وقرأت ردود البنات

اولا انت بشر ما ملاك , يعني ممكن تخطئ, وخير الخطأوون التوابون , وكل بنت ردت عليك ايضا مو كاملة وارتكبت اخطاء بحياتها , صحيح اخطائنا تختلف ولكن تبقى اخطأ ويبقى لها اثمها وذنبها الذي لا نقيسه نحن بل يقيسه رب العباد

لذلك اختي الحمد لله انت اعترفتي بخطأئك , انا اشوف , بغض النظر اذا كان هالشخص صادق ام كاذب , انك تقطعي علاقتك معاه , واذا بغيتي ارسليلة وقوليله انا بشر وممكن اغلط , وعلاقتي معاك كانت غلطة وادركت خطئي الحين واستغفر الله من كل ذنب , وارجوا ان تحاول معرفة اسباب الخلل بينك وبينك زوجتك وتحاول تحلها وتعيش معاها بسعاده , وان اصر انه يريدك , قوليله تريدني تعرف بيت اهلي وانتهى الموضوع , لا تردين عليه باي شي , واذا جى واتقدم لك رسمي استخيري الله كذا مره وشوفي نفسك مستقرة على شو , هذا طبعا بعد ما اهلك يسألون عنه زين زين زين , وبعد موافقة زوجته

وخلاص حبيبتي اقذفي الماضي وراء ظهرك واتعلمي من خطأئك واستغفري الله , وادعي لامك بالصحة والعافية والقوة وخلك فخورة فيها , وانا عارفه حبيبتي انك فخورة بامك ولكن خانك التعبير هنا , وعاد البنات طاحن فيك , بس انا حاسه فيك اختي , لذلك اسعي دائما لتفرحي والدتك وتبري بها وتدعي لها بالخير والبركة والصحة

والشخص هذاك اذا يريدك والله كاتبه لك راح يجيلك ونصيبك محد ياخذه غيرك وموفقه حبيبتي واخر كلامي

لا اله الا الله

العتب;13018549:
واي رجال بيقول حق وحدة انه زوجته ما تهتم فيه يعني صادق ؟؟؟

سوال لازم ينطرح ... اللي بتسوينة مب جريمة لكن في شرع الحريم جريمة اسمحي لي كما تدين تدان اليوم بتدخلين ع حرمة ثانية بالشرع والحلال محد قال شيء لكن مثل ما راح دخلتي ع وحدة ثانية بالماسنجر ... راح تدخل بكرة عليك وحدة بنفس الطريقة هذي لان الرجل لو عرف طريق الماسنجر لا تحلمين انه راح يخلية ابدا ابدا وراح يتمادى بعلاقاته اكثر واكثر ...

الغالية فكري بأبوج شو راح يصير بأمج لو دخل عليها وحدة ثانية فجأة وبدون مقدمات ... انتوا شو راح يصير فيكم ... الله المستعان



وراح تذكرين هذا الكلام عدل ...

العتب;13018725:
الله يوفقك بأي وضع ويسر امرك ... بس انا حابة اقول لك شيء ثاني ... نحن ما عرفنا شغل الوالدة شو بالضبط بس طبيعي تحسي بهذا الإحساس لان الرجال ما قصر بالكلام عن نفسة وعيلته وطبقته فبتالي طبيعي تحسي بفرق المستوى وحلو ان الانسان يكون صريح مع نفسة انتي قلتيها وحددتي الشيء اللي مضايقك ... في ناس لو كانت مكانك ما راح تحدد اللي يضايقها بس بتكون دائما متضايقة وتعبانة ونفسيتها بالحضيض ويمكن ما راح تتقبل امها ابدا ابدا ... بس دامك قلتيها (( انا خجلانة من امي )) شيء جدا حلو لانك حطيتي ايدك على الموضوع اللي مخجلتك ومضيقك وبسهولة راح تتغلبين عليه لانك انتي الحين حاطته ببالك وحاطة اصبعك على الصراع اللي بداخلك فراح تعالجين هذا الوضع كوني متأكدة من هذا الشيء ....

تقديري واحترامي