بسم الله الرحمن الرحيم
خواتي آنا مادري شفيني بس تكفون مالي غيركم يشيل عني هالضيقة وياريت لو فيه وحدة هني مختصة نفسية او شي تشخص ليي ويش فيني لاني فعلا محتاجتها ؟؟
حاسة إني أبي أتكلم بس مو دارية شقول ..
بنات اني حاسة إني امر بحالة نفسية مو اوكيه ولا ادري وش سببها .. أني مخطوبة من سنة ونص وقريب زواجي .. حاسة روحي من جى رمضان وقبل رمضان بشوي إني كله متضايقة وما اهتم بشكلي عدل ولا اهتم للناس اللي حواليني يعني حاسة إني ما ابالي بشي بس بعدين عقب ما يصير الشي افكر ليش جذي ؟ وكان المفروض اتصرف جدي مو بهالطريقة .. والله مو عارفة شقول .. لاني ما ادري وش فيني بالضبط .. مافيه شي معين مضايقني بس حاسة إني زهقانة وكأني فقدت شي كبير اهو اللي مخلني جذي اصير ،
خلني اعطيكم نبذة عن حياتي .. اني انسانة مو اجتماعية وايد .. كنت في المدرسة 12 سنة وبعدين دخلت الجامعة درست دبلوما سنتين ونص وكان عندي صديقات قضيت وياهم احلى ايامي .. والحين التقي فيهم بس قليل بحكم انشغال كل وحدة فينا .. عقبها على طول اخذت تدريب اللي Training وفي هالفتره هذي صارت خطوبتي يعني ما عشت حياتي في فراغ ابدا .. شي ورى شي وشي ورى شي بس من انخطبت الحين من سنة وشي واني في البيت .. ان شاءالله ناويه عقب الزواج اشتغل واكمل دراسه .. بس اني اقول يمكن سبب اللي اني فيه هوه قعدتي في البيت بدون هدف .. بس عايشه لزوجي اقصد حياتي ما فيها شي غيره هوه وغير بيت اهلي .. خصوصا ان قبل كنا اني وياه نطلع واجد واجد بس الحين غير شغلته وصار شفتات وصارت الطلعات قليلة اذا مو نادرة !
قبل الخطوبة كنت اهتم للبنات اللي بعمري ولبنات العيلة واحب اظهر صوبهم بمظهر اوكيه خصوصا لما انخطبت كنت اقول فلانه بنت خالي اللي قهرتني يوم انخطبت الحين اني بقهرهها ومن هالكلام هذا مال البنات خخ واكنت انيقة خصوصا اذا يجون بنات العيلة بيتنا لانهم عاديني بنية لقطة وجذي .. الحين صاروا يجون بيتنا احيانا " امس مثلا " واني قاعدة بلبس بيت ومبهدلة كلش فحسيت روحي مو طايقة عمري لاني هذي مو شخصتي .. ومن امس بديت اجزم فعلا ان شخصيتي تغيرت وصرت ما اهتم بشكلي مثل قبل ولا اهتم لراي الناس فيني نفس اول .. وانقهرت على روحي وقلت الحين اني مخطوبة ويش بيقولون عني بنات خالي وهم يشوفوني جذي ؟؟؟ وصرت افكر وش اللي سواش جدي وانتين كنتين حتى في البيت كاشخة والحين لا ؟ بالعكس ؟
خواتي آنا مادري شفيني بس تكفون مالي غيركم يشيل عني هالضيقة وياريت لو فيه وحدة هني مختصة نفسية او شي تشخص ليي ويش فيني لاني فعلا محتاجتها ؟؟
حاسة إني أبي أتكلم بس مو دارية شقول ..
بنات اني حاسة إني امر بحالة نفسية مو اوكيه ولا ادري وش سببها .. أني مخطوبة من سنة ونص وقريب زواجي .. حاسة روحي من جى رمضان وقبل رمضان بشوي إني كله متضايقة وما اهتم بشكلي عدل ولا اهتم للناس اللي حواليني يعني حاسة إني ما ابالي بشي بس بعدين عقب ما يصير الشي افكر ليش جذي ؟ وكان المفروض اتصرف جدي مو بهالطريقة .. والله مو عارفة شقول .. لاني ما ادري وش فيني بالضبط .. مافيه شي معين مضايقني بس حاسة إني زهقانة وكأني فقدت شي كبير اهو اللي مخلني جذي اصير ،
خلني اعطيكم نبذة عن حياتي .. اني انسانة مو اجتماعية وايد .. كنت في المدرسة 12 سنة وبعدين دخلت الجامعة درست دبلوما سنتين ونص وكان عندي صديقات قضيت وياهم احلى ايامي .. والحين التقي فيهم بس قليل بحكم انشغال كل وحدة فينا .. عقبها على طول اخذت تدريب اللي Training وفي هالفتره هذي صارت خطوبتي يعني ما عشت حياتي في فراغ ابدا .. شي ورى شي وشي ورى شي بس من انخطبت الحين من سنة وشي واني في البيت .. ان شاءالله ناويه عقب الزواج اشتغل واكمل دراسه .. بس اني اقول يمكن سبب اللي اني فيه هوه قعدتي في البيت بدون هدف .. بس عايشه لزوجي اقصد حياتي ما فيها شي غيره هوه وغير بيت اهلي .. خصوصا ان قبل كنا اني وياه نطلع واجد واجد بس الحين غير شغلته وصار شفتات وصارت الطلعات قليلة اذا مو نادرة !
قبل الخطوبة كنت اهتم للبنات اللي بعمري ولبنات العيلة واحب اظهر صوبهم بمظهر اوكيه خصوصا لما انخطبت كنت اقول فلانه بنت خالي اللي قهرتني يوم انخطبت الحين اني بقهرهها ومن هالكلام هذا مال البنات خخ واكنت انيقة خصوصا اذا يجون بنات العيلة بيتنا لانهم عاديني بنية لقطة وجذي .. الحين صاروا يجون بيتنا احيانا " امس مثلا " واني قاعدة بلبس بيت ومبهدلة كلش فحسيت روحي مو طايقة عمري لاني هذي مو شخصتي .. ومن امس بديت اجزم فعلا ان شخصيتي تغيرت وصرت ما اهتم بشكلي مثل قبل ولا اهتم لراي الناس فيني نفس اول .. وانقهرت على روحي وقلت الحين اني مخطوبة ويش بيقولون عني بنات خالي وهم يشوفوني جذي ؟؟؟ وصرت افكر وش اللي سواش جدي وانتين كنتين حتى في البيت كاشخة والحين لا ؟ بالعكس ؟
قبل كنت اهتم لاشياء واجد واجد والحين احس انها ما تهمني ولا افكر فيها .. اني اصلا مادري شفيني ووش اللي مضايقني بالضبط بس حاسة روحي متغيره ومو مستانسة وحتى ردات فعلي اتجاه الاشياء متغيرة .. يعني خطيبي مثلا كان امس بيجيب ليي موبايل هدية وماكنت متشققة واجد على عكس قبل كنت اتنطط من هالاشياء .. صايرة ما استانس واجد وكله متضايقة .. للعلم ان زواجي باقي عليه شهر وشوي والمفروض الحين اكون متشققة بس مو حاسة بهالشي .. مبتعدة عن الناس وعن بيت عمي " اهل خطيبي " ولا اشتهي اقعد وياهم ولا ادري حق ويش ؟ حتى لين بيتنا ببروحون مكان حق احد من العيله ما اروح هالفتره والسبة اتحجج ان حواجبي مو مرتبين " لاني مو حافة " مخلتنهم للعرس !
اووف مو عارفة شقول بس اللي اعرفه إني مو مرتاحة ولا عاجبتني روحي ولا ادري ليش بالضبط :(
بضيف على كلامي : أني مو اجتماعية مع كل من يعني مع الاشخاص الي اتعود عليهم اصير زين على زين بس يعني ماعندي علاقات واجد غير بيت ابويي ولما اشوف احد من الاهل او الجيران اسلم طبعا يعني علاقات سطحية جدا !!
بضيف على كلامي : أني مو اجتماعية مع كل من يعني مع الاشخاص الي اتعود عليهم اصير زين على زين بس يعني ماعندي علاقات واجد غير بيت ابويي ولما اشوف احد من الاهل او الجيران اسلم طبعا يعني علاقات سطحية جدا !!