السلام عليكم ورحمه الله وبركاته
ازيكم يا بناااات انا النهارده كنت بشوف موضوع فى منتدى تانى وعجبنى اوى قولت انقله ليكوا هنا للأفاده الجماعيه
الموضوع ده بخصوص ازاله الشعر بالشمع ( الواكس)
هو عباره عن جهاز فيه شمع والمع ده يسمى شمع البرافين وده مضاف اليه ماده اسمها الجلسرين علشان يشيل الشعر من الجذور.
جهاز الواكس ده عباره عن انواع فيه منه انواع يتم شحنها وانواع يتم تسخينها وفى النهايه الغرض هو اذابه الشمع حتى ينم فرده على الجسم ونيجى دلوقتى نشوف انواعه
1- ده النوع البسيط جداااا هو عبارة عن زي مستطيل مفرغ متوصل بالكهربا
بتحطي فيه الشمع وتسيبيه تقريبا ربع ساعة لحد مايسيح وبعدين تشتغلي عادي.
2- متحرر من السلك وله شاحن هو اللي متوصل بالكهربا
3- النوع التالت ده وهو عباره عن آلة زي الحوض الصغير بتحطي فيها الشمع بيسيح
وبتستخدميه بايدك وتفرديه وتشيليه بردو بايدك مش بورق الشمع وده اصعبهم
طريقه الاستعمال بقه :
انتي بتوصلي الجهاز بالكهربا وبعد ما الشمع يسيح (جربيه كدا بعدربع ساعة
علي ايديكي لو لاقيتيه اتفرد معاكي يبقي كدا خلاص جاهز)
وتطوني مقطعة الورق علي الطول اللي انتي عايزاه
وتبتدي تفردي الشمع علي المنطقة (بلاش تفردي حتة كبيرة اوي عشان ممكن يبرد منك)
وبعدين تحطي عليها الورقة وتمشي ايديك كدا عليها مرتين او تلاتة وتروحي شداها بسرعة
هاتلاقي كل المنطقة اتشال منها الشعر كله مرة واحدة ومن الجذور
ورق الشمع بقي ده الورق اللي بنفرده علي الشمع ونشده عشان ازالة الشعر
والحقيقة ان ده اكتر حاجة مهمة لانه ممكن ينجح عملية الازالة وممكن يخليها تفشل تماما وفى معلومه مهمه اوى الحامل واللى بترضع متستعملوش
بعد الازالة بتزيلي اثاره بالزيت مش المية
استعماله للوجه والابط والمنطقة الحساسة بس بشرط تقدري تشدي الجلد كويس جدا والالم بتاعه الم خفيف جدا
وكان فى واحده من اليكس بتقول انه هناك فى زنقه الستات ب 145 جنيه وده عباره عن مجوز مش مفرد يعنى2 جهاز
وبكده اكون قدرت اوصلكم كل المعلومات اللى عرفتها وربنا يرزقنا بالصالح ودعواتكم لياااا :L::L:
