أهلين مامات كيفكم ؟
من زمااااااااااااااااااااااااااااااااااااااااااااااااااااااااااااااااااااااااااااااااان ما شاركت معكم بس أدخل بين كل فتره وفتره وما أشارك من التعب
المهم دايما تجي لي آلام مثل آلام الدوره وأنا توني بدري علي بس الظاهر راح تستمر هالآلام لين أدخل التاسع
تجمعنا العاشر يااا أروع كروشات أكتوبر 2010
أ
31-08-2010 | 04:17 AM
أ
31-08-2010 | 04:21 AM
عظم الله أجرك يا شيؤؤؤخيه وان شاالله ما تشوفين شر
الألم اللي حسيتي فيه يا شيؤخيه نفس آلام الطلق000إذا انتي في التاسع يارب تولدين بالسلامه
رسيل0000أتوقع دلولة البحرين اهي اللي ولدت الله يقومها بالسلامه
الألم اللي حسيتي فيه يا شيؤخيه نفس آلام الطلق000إذا انتي في التاسع يارب تولدين بالسلامه
رسيل0000أتوقع دلولة البحرين اهي اللي ولدت الله يقومها بالسلامه
ر
31-08-2010 | 04:49 AM
شوقتينا رسوووله ..منو الي ولدت ..؟؟
يمكن دلوله صحيح ..!
وتد سلامتك من التعب ..والله يكون فعونك ..وزين زوجك متعاون وياك ..الله يخليكم لبعض ..
يمكن دلوله صحيح ..!
وتد سلامتك من التعب ..والله يكون فعونك ..وزين زوجك متعاون وياك ..الله يخليكم لبعض ..
و
31-08-2010 | 04:57 AM
رقة الورد;13040851:
وتد سلامتك من التعب ..والله يكون فعونك ..وزين زوجك متعاون وياك ..الله يخليكم لبعض ..
الله يسلمج
بس والله مفعول الحبوب مايطول حده ساعه
فطرت وخذيته بس ساعه ونص وإلا انا تعبانه غسلت مواعيني بسرعه
قبل لا يرجع كله وخذيت حبه ثانيه وجلست
اييه ياحليله وكمان عندي اخوي يغسل مواعين عني كمان
بس يضلون ريايل ههههههههه يشتغلون ويملون بسرعه
و
31-08-2010 | 09:28 AM
قريت قصة وحده توها حاطه قصتها
ومن ضمن القصه قالت انها جاها التهاب كلى في الحمل بسبب ضغط الطفل
وخفت وايد حسيت اني خايفه اروح المستشفى يقولون لي نفس الكلام
موعدي بعد باجر بكلم الدكتوره تسوي لي فحوصات مابي تقولي مافيج شي
مو من الهوا الالم اللي فيني ..
ومن ضمن القصه قالت انها جاها التهاب كلى في الحمل بسبب ضغط الطفل
وخفت وايد حسيت اني خايفه اروح المستشفى يقولون لي نفس الكلام
موعدي بعد باجر بكلم الدكتوره تسوي لي فحوصات مابي تقولي مافيج شي
مو من الهوا الالم اللي فيني ..
a
31-08-2010 | 12:45 PM
ورده .. ماتشوفين شر .. اكيد وياج التهاب
رسيـــــل .. منو اللي ولدت من تجمعنا .؟
احس بدري علينا .. اتوقع الاكشن بيبتدي بعد العيد ..
احسه وناااااااسه وبنفس الوقت احباط لنا المتأخرات ..
لان الكل بيولد وحنا اخر شي ..
خاطري اربي اول التاسع .. ماابي اطول بالتاسع لانه عذااب بالنسبه
لي .. اليوم فيه عن شهر ..
رسيـــــل .. منو اللي ولدت من تجمعنا .؟
احس بدري علينا .. اتوقع الاكشن بيبتدي بعد العيد ..
احسه وناااااااسه وبنفس الوقت احباط لنا المتأخرات ..
لان الكل بيولد وحنا اخر شي ..
خاطري اربي اول التاسع .. ماابي اطول بالتاسع لانه عذااب بالنسبه
لي .. اليوم فيه عن شهر ..
L
31-08-2010 | 01:31 PM
كيفكم كروشات؟
اخيرا تصلح جهازي وصرت اقدر ادخل دائما ان شاء الله
اخيرا تصلح جهازي وصرت اقدر ادخل دائما ان شاء الله
L
31-08-2010 | 02:31 PM
رسيل حمستينا وما قلتي مين اللس ولدت
ر
31-08-2010 | 03:34 PM
باركووووووووووووووووووووووووووووووولي دخلت اليوم التاسع وعقبال ولادتي بعد العيد يااااااااااااااااااااااااااااارب
ر
31-08-2010 | 03:39 PM
Lolitaaaaa;13042886:كيفكم كروشات؟
اخيرا تصلح جهازي وصرت اقدر ادخل دائما ان شاء الله
انشاء الله دوووووم نشوف طلتش الحلوه:o
L
31-08-2010 | 04:07 PM
مبارك رغيدة دخولك التاسع وعقبال ما نسمع خبر ولادتك
وشكرا حبيبتي
وشكرا حبيبتي
ش
31-08-2010 | 04:50 PM
مرحبا خواتي شخباركن
سمحلي ماقدرت ادش اطمنكن
انا الحمدلله احسن شوي لو الالم لازال مستمر وياي
شكرا لكل الي سأل عني تسال عنكن العافية ان شاء الله
اجرنا واجركن ان شاء الله
اول ما ضربني وصار الالم كنت بمووووت من الالم وماقدرت اتحرك من مكاني
شوي واتصل ريلي يبا ايشل الفطور للعرب لانا مسوين فطور لهم فنزلت من فوق درجه انزلها
ودموعي على خدي من الالم واوقف وانزل ماكنت اقدر اتحرك بس غصب ولا خبرت ريلي
نزلت المطبخ قال لي ريلي حطي الاكل ورتبيه قاومت وحطيته وانا دموعي بعيني بس ريلي
مش منتبه لي باله في ابوه الله يرحمه حطيت الاكل ويا اخوه وشله عقب قال لي ريلي يالله
تلبسي لازم اتروحين بيت اختي وااايد تعبانه وهي محتاجه لج كنت بقول له روح وبعدين تعال كنت
مخططه اروح ويا دريول اهلي العياده بس قلت هم محتاجين لي هالوقت قمت وحطيت عباتي ورحت وبالسياره
قال لي اختي تعبانه ( هي حامل بالشهر السابع ) قال اخافه تربي وقفي وياها قلت له اوكيه إذا ما ربيت انا اليوم
تم يطالعني ليش ؟ خبرته تم ساكت رحت عندها وهديتها واذن هي ما رضت تاكل شي شربت ماي بس
وانا مدوخه وحسيت بيوع من كثر الالم بس ماقدرت اكل وهي تصيح
شوي ويا ريلي وشلنا لبيت اهله عشان الناس وانا بعدني صايمه بس تمره وحده
وصلنا البيت متروس والبنات صياح اسكت هذي تصيح ذي اسكتها تعبت الثالثه وعلى هالحال
وبطني كان سكاكين داخله
ياواقفه اسلم على هذي يايالسه انصح الثانية كنت ناويه اصرخ من الالم والتعب واليوع والضيق والحزن
بس تحملت الساعة وحده اتصلت بريلي ترجيته ياخذني للبيت بمووووووت قلت له ودني البيت ورجع او اني
بموت قدام الناس سكر التيلفون وياني حاولنا ناخذ اخته الحامل ما رضت تبى تقعد شوي وانا ابا اروح
فريلي طفر منا وحده تبا تروح والثانية تبا تقعد عقب تم يهزبها وقالها عيالج بالبيت من عندهم يوم وقفت ماقدرت
تمت اتصيح من الم بطنها قلت لها شو شي ايعورج قالت بربي كنت بموت مش عارفه شو اسوي بها المهم ساعة لين قدرت توقف
وشلوها اخوانها للسياره وديناه بيتها ويلسو وياها ساعة وصلنا البيت الساعة اربع
وانا تعبانه ومش فاطره ولا مسوين سحور بالبيت ولا اي شي اكله كليت بطاطس وشربت ماي وتمر من اليوع واذن
وكملت صومي والالم مووووووووووووت فيني وعند الفطور قال ريلي امس يالله قلت له لا بفطر بالبيت وعقب بروح
لاني من يومين انا صايمه وعندهم ما اقدر اكل خواتك ايحطن لهن الحريم الاكل ويأكلنهن وانا؟
يلست كليت تمره ولبن وشربت شاي كوب ولقمتين هريس وانترس بطني
شوي ويا ريلي وخذانا للعزاء وانا على وقفه وحده لين الساعة وحده مول ماشي مكان من الناس
ونحن نصب القهوه ونزقر البشكارات ايبدلن القهاوي والفنايين ولغسول يعني مووووووت تعب
المهم بعد الساعة وحده تمو الناس تدريجيا يخفون وروحت البيت الساعة اربع وكالعاده مامداني اكل شي بس باقي خلية نحل
من الفطور وشربت شاهي وماي وخذيت حبوبي وقمت انام ومن التعب ماقدرت تميت اصيح ريلي قال انا تعبان شو فيج
قلت له انا اكثر منك تعبانه بطني وظهري وريولي واحس الياهل اليوم كله يظربني تحت يمكن من الوقفه
والله يستر اليوم وباجر بعده بس باجر عندي موعد وان شاء الله خير
قلت لريلي اخاف اربي قريب قال احسن بينسينا الحزن
هذي اخباري والحين بروح اتسبح لاني بفطر وبيني ريلي بروح وطبعا تعب لين الساعة اربع الفجر الله يستر وما اربي لين ادخل التاسع على الاقل لان والله
لو وحده غيري ما قدرت توقف ولا تسوي شي من الالم حتى وانا اكتب لكن الحين الالم
فيني بس اطنش واشغل بالي بشي ثاني
سمحلي ماقدرت ادش اطمنكن
انا الحمدلله احسن شوي لو الالم لازال مستمر وياي
شكرا لكل الي سأل عني تسال عنكن العافية ان شاء الله
اجرنا واجركن ان شاء الله
اول ما ضربني وصار الالم كنت بمووووت من الالم وماقدرت اتحرك من مكاني
شوي واتصل ريلي يبا ايشل الفطور للعرب لانا مسوين فطور لهم فنزلت من فوق درجه انزلها
ودموعي على خدي من الالم واوقف وانزل ماكنت اقدر اتحرك بس غصب ولا خبرت ريلي
نزلت المطبخ قال لي ريلي حطي الاكل ورتبيه قاومت وحطيته وانا دموعي بعيني بس ريلي
مش منتبه لي باله في ابوه الله يرحمه حطيت الاكل ويا اخوه وشله عقب قال لي ريلي يالله
تلبسي لازم اتروحين بيت اختي وااايد تعبانه وهي محتاجه لج كنت بقول له روح وبعدين تعال كنت
مخططه اروح ويا دريول اهلي العياده بس قلت هم محتاجين لي هالوقت قمت وحطيت عباتي ورحت وبالسياره
قال لي اختي تعبانه ( هي حامل بالشهر السابع ) قال اخافه تربي وقفي وياها قلت له اوكيه إذا ما ربيت انا اليوم
تم يطالعني ليش ؟ خبرته تم ساكت رحت عندها وهديتها واذن هي ما رضت تاكل شي شربت ماي بس
وانا مدوخه وحسيت بيوع من كثر الالم بس ماقدرت اكل وهي تصيح
شوي ويا ريلي وشلنا لبيت اهله عشان الناس وانا بعدني صايمه بس تمره وحده
وصلنا البيت متروس والبنات صياح اسكت هذي تصيح ذي اسكتها تعبت الثالثه وعلى هالحال
وبطني كان سكاكين داخله
ياواقفه اسلم على هذي يايالسه انصح الثانية كنت ناويه اصرخ من الالم والتعب واليوع والضيق والحزن
بس تحملت الساعة وحده اتصلت بريلي ترجيته ياخذني للبيت بمووووووت قلت له ودني البيت ورجع او اني
بموت قدام الناس سكر التيلفون وياني حاولنا ناخذ اخته الحامل ما رضت تبى تقعد شوي وانا ابا اروح
فريلي طفر منا وحده تبا تروح والثانية تبا تقعد عقب تم يهزبها وقالها عيالج بالبيت من عندهم يوم وقفت ماقدرت
تمت اتصيح من الم بطنها قلت لها شو شي ايعورج قالت بربي كنت بموت مش عارفه شو اسوي بها المهم ساعة لين قدرت توقف
وشلوها اخوانها للسياره وديناه بيتها ويلسو وياها ساعة وصلنا البيت الساعة اربع
وانا تعبانه ومش فاطره ولا مسوين سحور بالبيت ولا اي شي اكله كليت بطاطس وشربت ماي وتمر من اليوع واذن
وكملت صومي والالم مووووووووووووت فيني وعند الفطور قال ريلي امس يالله قلت له لا بفطر بالبيت وعقب بروح
لاني من يومين انا صايمه وعندهم ما اقدر اكل خواتك ايحطن لهن الحريم الاكل ويأكلنهن وانا؟
يلست كليت تمره ولبن وشربت شاي كوب ولقمتين هريس وانترس بطني
شوي ويا ريلي وخذانا للعزاء وانا على وقفه وحده لين الساعة وحده مول ماشي مكان من الناس
ونحن نصب القهوه ونزقر البشكارات ايبدلن القهاوي والفنايين ولغسول يعني مووووووت تعب
المهم بعد الساعة وحده تمو الناس تدريجيا يخفون وروحت البيت الساعة اربع وكالعاده مامداني اكل شي بس باقي خلية نحل
من الفطور وشربت شاهي وماي وخذيت حبوبي وقمت انام ومن التعب ماقدرت تميت اصيح ريلي قال انا تعبان شو فيج
قلت له انا اكثر منك تعبانه بطني وظهري وريولي واحس الياهل اليوم كله يظربني تحت يمكن من الوقفه
والله يستر اليوم وباجر بعده بس باجر عندي موعد وان شاء الله خير
قلت لريلي اخاف اربي قريب قال احسن بينسينا الحزن
هذي اخباري والحين بروح اتسبح لاني بفطر وبيني ريلي بروح وطبعا تعب لين الساعة اربع الفجر الله يستر وما اربي لين ادخل التاسع على الاقل لان والله
لو وحده غيري ما قدرت توقف ولا تسوي شي من الالم حتى وانا اكتب لكن الحين الالم
فيني بس اطنش واشغل بالي بشي ثاني
L
31-08-2010 | 05:37 PM
سلامتك شيؤؤؤخية وعزم الله اجركم
والحمد لله اتطمنا عنك
والحمد لله اتطمنا عنك
ع
31-08-2010 | 06:13 PM
ويه شيووووخه عظم الله اجركم
صدقج الأوقات وايد صعبة الله يعنكم الصراحه...
لا تربين اللحين دخلي شهرج بعدج في الثامن..
صدقج الأوقات وايد صعبة الله يعنكم الصراحه...
لا تربين اللحين دخلي شهرج بعدج في الثامن..
ع
31-08-2010 | 06:15 PM
رغيده
انا وانتي فرق ايام من بينا ههههه الله يستر منوو بيربي قبل انا ولا انتي....
انا وانتي فرق ايام من بينا ههههه الله يستر منوو بيربي قبل انا ولا انتي....
و
31-08-2010 | 06:43 PM
الحين وقت فطوركم اعتقد ..هني وعافيه
عن نفسي .. الحين الساعه 12 إلا ثلث من الساعه 11 الظهر جالسه
وانا مانمت غير الصباح من المي
انسدحت ويا ريلي الساعه 3 وكنت ماخذه حبة فيفادول
وماخف المي وجيت 4وربع مو قاادره نشيت وخذيت لي مسكن اقوى قوته 500
ضليت التألم الين جا الفجر
صليت وبعدها بداأ شوي شوي يخف بعدين مدري وش صار ونمت بس صار نومي مقطع
وهذا انا من 11 جالسه
..
الزنبق مشكوره حبيبتي الشر مايجيج .. ماادري مافحصتني دكتوره لسى
باجر موعدي ادعولي ارتاح ..
..
إلا وين نور ام ماشفناها هاليومين
عن نفسي .. الحين الساعه 12 إلا ثلث من الساعه 11 الظهر جالسه
وانا مانمت غير الصباح من المي
انسدحت ويا ريلي الساعه 3 وكنت ماخذه حبة فيفادول
وماخف المي وجيت 4وربع مو قاادره نشيت وخذيت لي مسكن اقوى قوته 500
ضليت التألم الين جا الفجر
صليت وبعدها بداأ شوي شوي يخف بعدين مدري وش صار ونمت بس صار نومي مقطع
وهذا انا من 11 جالسه
..
الزنبق مشكوره حبيبتي الشر مايجيج .. ماادري مافحصتني دكتوره لسى
باجر موعدي ادعولي ارتاح ..
..
إلا وين نور ام ماشفناها هاليومين
أ
31-08-2010 | 07:14 PM
هاااااي كروووشات
اشحالكم
اشحالكم
أ
31-08-2010 | 07:15 PM
بقرا الواجب وبرد
أ
31-08-2010 | 07:34 PM
انا رديت انتو طلعتو:(
أ
31-08-2010 | 07:41 PM
المهم بقول لكم تقرير اليومي
اليوم سرت موعدي
الساعه 10.30 سرت عند دكتوره السكر قالت كل شي اوك بس امشي اكثر وقالت لي ولادتج عقب اسبوعين
وعقب سرت عند دكتوره التغذيه قالت لي اني ف اخر الثامن:mad:
وعقب سرت عند دكتورتي قالت لي ان دمي واصل 10.3 وسالتها عن موعد ولادتي قالت 27/9
وعقب سرت سويت سونار وقالت الحمدلله كل شي طبيعي والسونار عاطني موعد ولاده 19/9 وزني بنوتي كيلوين و700 غرام وبس
اليوم سرت موعدي
الساعه 10.30 سرت عند دكتوره السكر قالت كل شي اوك بس امشي اكثر وقالت لي ولادتج عقب اسبوعين
وعقب سرت عند دكتوره التغذيه قالت لي اني ف اخر الثامن:mad:
وعقب سرت عند دكتورتي قالت لي ان دمي واصل 10.3 وسالتها عن موعد ولادتي قالت 27/9
وعقب سرت سويت سونار وقالت الحمدلله كل شي طبيعي والسونار عاطني موعد ولاده 19/9 وزني بنوتي كيلوين و700 غرام وبس