الحقوني خطوبتي هالاسبوع مو عارفه شنو البس

السلام عليكم ورحمة الله وبركاته


اشحالج خيتوووووووووووووووو اول شي الف مبرووووووووووووووووووووك والله يتمم عليج ع خير




حبيبتي يعتمد ع شوو بتلبسين مثااال انا من الامارات ومن العادات وتقاليد ان نلبس لمخور

وما نحط ميبكب وااااااااايد بس بودره خفيييييييفه وكحل ومسكره وكلوز وبرشر وايشدووووه لون بني هااادي

يعني يا دووووب يبين انتي محطه شي يعني حدج خفيف


انا عن نفسي كنت شراتج يوم خطبتي كنت خيفانه + متوتره ومو عارفه شووو اسوووي

بس لازم اول شي اهلج يضيفونهم وتسوون فيهم حركه ان امج وخالتج ويدوتج لو عايشه وياكم او اتي لازم لان بنت بنتها يوم سعدها ها اليووم



تستقبلونهم وتسلموووون عليهم ويضيفونهم بميلس الحريم

بعدين تيمعين خواتج كلهم من الاكبر لين الاصغر

وتخبريهم يدشووون وحده فيهم فيها توازين تشيل العصير لهم وماااي في صينيه
عشااان انتي مو ناقصه فلم هندي يستوي فلميلس ^^ خخخ
طبعا اول شي تسلم بعدين تظهر وتيب العصير بس هااااااااا لا تخلي اصغغر وحده فيهم عن تكون متوتره وتصب العصير او اي شي
ومن بعديييييييين خواتج وامج وخالاتج = اهلج واهله يسوووولفووون وبعدين لازم يتقهووون

وخواتج حبذااا يظهروووون وامج ويدوتج تقهويهم عشان ما يستحووون حد يطالعهم وياخذون راحتهم

وبعدين يدشووون يوم يخلصووون

واما انتي دشي اخر خواتج يعني خواتج دشوووووووو .. ويلسوو عدي من الواحد لين 5 ودشي اوووو خلي

وحده من خواتج اطرش لج مسج ع الفون او نقطه بس هاااااا خلي فونج سايلنت ومن بعدين دشي وما اوصيج

هالله هالله بحسنج ودلالج امشي ع راحتج وسلمي وام المعرس حبيها ع راسها واما خواته سلمي عليهم سلام عادي

ويلسي و تميي تقريبااااا 8 دقايق او 7 دقايق يفضل لا تنقصي اكثر من جيه

لا تخلي اقل من خمس دقايق لان اهم ياين عشان يشوفونج انتي


بس حبيبتي انصحج تلبسين لبس عاداتكم وتقاليدكم جيه تكبرين في عينهم وااايد

ان كنتي كويتيه اللبسي جلابيه حلووووووووووه عليج مو مخصره ولا هيه واااسعه ع قدج يعني وسط من بين الواسع ومن بين لمخصره يعني لا هيه واسعه ولا هيه مخصره

وان كنتي قطريه ولا بحرينيه اللبسي لبسكم لا تفكرين تلبسين تنوره وقميص او فستااان او غيره

ها لبعدين بعد الملجه اللبسي يوم يزورج ريلج تنوره وقميص مخور جلابيات طبعا بعد الملجه يكون حلالج

وحبذااا ما تكثرون زيارااات واااايد لان تستوي مشاكل
وانتي ييووووووووووووووم تطلعين له ان شاااء الله حدج ربع ساعه اليلسه وياااه مب اكثر


ومب كليوووم
خلي همج بتجهيزات وغيره عشااان يتولع اكثر و تعرسووون بسرعه


اخوووي طووووووووووول فترت الملجه وكان يزور حرمته واااااااااااااااايد يووووووووووووووم كامل وياهم من ظهر لين العشااا

لين ما صارت مشاكل واجل العرس واخر شي .......... كل سبب منهااا اهي ليش لان اهي كانت الي تسمح له ها شي
لو اهي ما تطلع له واااااااااايد كان اليوووم ماخذنها وما مل منهاااا اثاقلي عليه وخليج ع طبعج لا تتصنعي شي وكوني طيبه والاحترااااااااااااااااام اساس كل علاقه و حاسبي تصرفاتج

يعني لا تكون تصروفاتج بيبي = ياهله السمووووووووووووحه لو طولت عليج بس وربي موضوعج يذكرني فموضوعي يوم انخطبت ^^



والله يوفقج ويسر امورج واخر شي ما اوصيج كثر ي من صلاه وقراة القران وادعي الله يسر لج امورج وايتمم على خير

والله يرزق كل وحده ولد حلال يستر عليها دنيا واخر آميـــــــــــــــــــــــــــن

مرحبا اختي .. مبروك مقدما وربي يتمم لج بالف خير ..

رايي من راي البنات حطي مكياج نتشورال وناعم .. وتطيبي وتبخري .. وشعرج شسوريه او سويه بالستريتنر .. وخليه مبطل "مفلول" وممكن تمسكين جزء منه بشباصه ناعمة ماشية مع اللبس .. او تسوينه تسريحة لميس قصدي عاصي .. اللي تجي فرق بالنص والجوانب مرفوعه من قدام والباقي مفتوح .. واللبس اخذي سمر دريس مكسي او طويل والبسي يجون بالعادة حفر البسي معاه قميص دانتيل ناعم بكم قصير او طويل براحتج .. انا احب الدانتيل كثير انثوي .. واللون فرايحي بس ما يكون فاقع بالحيل ولا باهت مافيه حياة ..


لمايجون ضيوفكم امج والاهل يقومون بالواجب من ضيافة وتعارف وهم بعدها بيسالون عليج يبون يشوفونج تناديج امج ادخلي سلمي و قعدي شوي و استاذني ..اذا هم خالص جايين يخلصون موضوع الخطبة بوسي راس ام المعرس اذا بس يشوفونك وفيها اخذ ورد ما احس له داعي بوسة الراس وانتو وعاداتكم وانتي قدري الوضع ..

والله يتمم لج بخير لو لقيت صور برجع احط لك .. موفقة بإذن الله ..

اي صحيح قبل لا تدخلين عليهم اقري المعوذات و ايه الكرسي و الآية "وألقيت عليك محبة مني ولتصنع على عيني" مجربة لتوليف القلوب و الراحة والمحبة بإذن الله ..

السلام عليكم ابي انبهك ترى اهل الرياض مايحبون فالشوفه وحدتن تلبس قصير يوه يحطونها سالفه وياخذون عنك فكره مو حلوه يالله ياعسل ربي يزينك عندهم ويكتب الله نصيب اذا خيره لك وبالتوفييييييييييييييق

هذولا الفساتين اللي اقصدهم .. زارا ينزل من نوعيتهم وبرمود وفورايفر 21 واصلا الحين هم الموضة بتلاقين كثير مثلهم في محلات متنوعة ..










شي يشبه هذا بس اكيد مو اسود :lol:





وفوقه شي مثل هالبلوزة او مثل اللي بالمرفقات.. انتي واختيارج بالنسبة للكم .. مانغو منزل منهم هالكوليكشن توه .. وفيه شيفونات بعد ..



طبعا مع مكياج ناتشورال يشبه اللي في الصورة .. وتسريحة عاصي .. واكسسورات نعومية .. بالتوفيق .. والسموحة عالقصور ..

الله ييسر امورج يارب ويتمم لج على خير

الله يوفقج وايسر اموورج حبيبتي

شفتي البناات ما يقصروون

بلتوفييييييييق
اماقدر افيدش بس دعينا لييش

هذيان عاشـقة;12973422:
هذولا الفساتين اللي اقصدهم .. زارا ينزل من نوعيتهم وبرمود وفورايفر 21 واصلا الحين هم الموضة بتلاقين كثير مثلهم في محلات متنوعة ..










شي يشبه هذا بس اكيد مو اسود :lol:





وفوقه شي مثل هالبلوزة او مثل اللي بالمرفقات.. انتي واختيارج بالنسبة للكم .. مانغو منزل منهم هالكوليكشن توه .. وفيه شيفونات بعد ..



طبعا مع مكياج ناتشورال يشبه اللي في الصورة .. وتسريحة عاصي .. واكسسورات نعومية .. بالتوفيق .. والسموحة عالقصور ..

الله يتمملك بخير اختي

ويسعدك

انا بوافق مشاركة هاذ الاخت واقتراحاتها كلها

تحية طيبة
ورمضان مبارك