ملابس أطفالنا والبقع أنا عندي الحل ! !

عااااااادي خيو حتى لو البقعة قديمة بعد يشيلها الصراحة أقل من نادر جدا ادا نقعت بقعة ابه وما راحت . .

هذي مجموعة ملابس نقعتها بالفانش ولا حظوا ترى الملابس متسخة زيادة عن اللزوم :-o لأن بعضها أني وسختهم بنفسي لأن ما كانت البقع واضحة كثير :!!::!!: ، اليكم الصور . . .
هذا كرسيها مال الأكل فيه بقعة فيمتو وما أدري شنو بعد خخخخ





وهذي فانيلة حسن فيها بقعة صالونة وبقعة شكولاتة


وهذي فانيلة محمد فيها بقعة صالونة وشكولاتة وعصير فيمتو


وهذي شباحة غفران متوسخة فيمتو وشكولاتة

وهذا تيشيرت حقي مسحت فيني غفران يدها بالمينو خخخخخ


وهذا بعد فيه من مالذ وطاب














وهني الثياب بعد نقعهم بالفانش



































بتلاحضون بعض الصور فيها مثل العلامة السودا هذا مو وسخ هذا انعكاس اصبعي

ادا عجبكم الموضوع الميزان ينتظر بس كم تكة ;)

ان شالله نجررربه

جزاج الله الف خير

صج فانيش البودره حلو للبقع

خوووش شي

انا سمعت اختي قالت لي عنه

خلاص لازم نجرربه

تم التقييم حبيبتيي ماقصررتي

مشكووووووره

تم التقيم >_<

جربته من قبل، ومن جربته ادمنته
لكن اكتشفت شي،، مرة كانت تنورة بنتي بيضا و توصخت من الغدى وغسلتها في حزتها بالصابون ماطار، ونقعتها في فانش وكلوركس وصابون كله دفعه وحدة، وظلت كم يوم بالحمام >>> نسيته،، وصدفة انتبهت له الا البقعة مثل ماهي ماطارت، اخذت التنورة علقتها واني اغسل الحمام عشان طلعتي ارميها مامنها فايدة بالبقع، ونسيت وطلعت ويوم تذكرتها ورحت برميها الا مافيه ولا بقعة!!

واللي تقول السائل ماينفع، ترى السائل لما قبل الغسيل، يعني من اول ماتبقع الملابس، رشي عليها من فانش السائل وتركيها شوي ، وبعدها روحي فركيها بتروح البقعة

مشكورة بوح على الموضوع
بصراحه استخدمت الفنش السائل في اكثر الاوقات ما ينفع وياي .. الا ما ندر

بجرب البودرة ان شاء الله تنفع

رووووووووووووعه الموضوع
والاروع الصور الملابس مشالله كان ماصار عليها بقع
يعطيك الف عافيه بوح

يعطيك العافية عالمجهود الرائع والتجربة الأحلى
لكن ميزانك معاند

سندريلا : مرورك هو الأروع .
فتاة الأزهار : شكرا لمرورك بس جربي بنفس الطريقة اللي خبرتكم عنها عشان تلاقين نتيجة حلوة .
أسيرة البدر : شكرا أسعدني تواجدك وعض تجربتك للافادة .
درة : شكرا لمرورك والتقييم .
بحرينية عز : شكرا لمرورك والتقييم ، جربيه وما بتندمي .
مسك أبيض : أسعدني مرورك والميزان مو مهم كسبت تواجدك الحلو .
مملكة بلقيس : شكرا لمرورك .
أم مريم : شكرا ، أسعدني تواجدك .
وادا في أحد بعد من الحلوات قيميني من غير رد بعد مشكورين ماتقصرون .
وووووووووويش تبغى شرك الفانش أحسن من جدي دعاية :lol: المفروض يعطوني نسبة من الأرباح مو ;) ؟ ؟

وااااو صدق فرق والملابس صاروا آخر نظافة، وتستاهلي التقييم بس الميزان رافض

مشكورين ميثاق ويقين الروح والفاطمية أسعدني مروركم وهدي أحلى F: لعيونكم الحلوة اللي طلت على موضوعي .

بصراحه اني من قبل جربت فانش السائل وماستفدت منه واحسه ما يشيل البقع وهذا بالنسبه لتجربتي

وكنت قبل استخدم صابوب قالب ابيض لغسل الملابس البضاء وهو ينظفها بس تحتاجين لفرك كثير علشان ينظف وبعد ما اغشسلهم احس يترك اثر الصابون ع الثياب واضطر ار اغسلهم مره ثانيه خصوصا اص ملونه ويبين عدددددل

المهم ومن بعد ما شفت مشاركتش وتنقل تجربتش رحت السوبر ماركت وخذيت منه للالون البيضاء والملونه وجيت ونقعت اثياب ولدي وبنتي والصراحه اذهلني انه انشال البقع وهو عجيب وسحري في نفس القوت
لانه عندي قماط بنتي اتوصخ لانها وصخت عليها قبل لا البسها الحفظ وغسلته ولا في فايده واستخدمت القالب الابيض ولا في فايده الا لما استخدمت فانش طير لي البقعه بالكامل
وخبرت اختي تستخدمه وقالت عجيب طير لها بقعه في قميص بنتها كانت ناويه تفلته واختي الثانيه استخدمته ع الثياب البيضان تبع اخوي طلعوا ناصعين عددددل وصديقتي خبرتها بالموضوع وقاالت بتجربه وبتشوف

فانا اشكرك كثير كثير وعاجزه عن الشكر عزيزتي ولج احلى تقييييييييييييم

وفعلا ترى اني استخدمة لثياب ولدي الروضة للون الابيض
وكان روووعة فعلا
بس البارحة انصدمت فوانيل عبادي ملعوزنهم ماادري شنو عصير او برتقال ماكل في الروضة ماادري شنو
نقعتهم البارحة بفانش وشلتهم وانصدمت لما شفت البقع كل ماتوقع انه ماتروح
على اني كل مرة قبل اغسل الثيابة وتطلع مثل الجديدة

مشكوورة يامالكة الليل أسعدني ردك والحمدلله ان تجربتي فادتك .
ام عبادي القمر : ممكن اتخبريني شنو الطريقة اللي اتبعتينها لازالة البقع ، لأني دائما أنقع مرايل بنتي مال الأكل وفيهم بقع متعددة لأنواع مختلفة من الفواكه موز وتفاح وبرتقال وكرز وكلهم اتغلب عليهم الفانش .