شات بنات مصر القمرات منتظرات الحمل بإذن الله (8) رمضان 1431

سلاااااام بس تعالي تاني يا ميرا

مانيا عامله ايه يا قمرايه ؟؟؟؟

فرح .. لا حول ولا قوة الا بالله ..
معلش حبيبتي قدر الله و ما شاء فعل... و ربنا يعوضك يااارب...
طب انت ماعرفتيش ايه سبب الإجهاضات المتكررة دي؟؟؟

نيسو عامله ايه يا حبيبتي يارب تكوني بخير

ماجدة..الحمد لله ان التحاليل سليمة و ان مفيش عندك مشكلة الحمد لله .. ربنا يكرمك قريبا يا رب بالذرية الصالحة بس اهم حاجة انه مفيش اسباب مرضية ... و لله الحمد
الأشعة بالصبغة دي عمملتها مرة و جننتني .. حاجة مؤلمة بصراحة.. تصدقي بقى انا استحملت كويس لحد ما ابتدى مغص البطن ده قمت مصوتة :)
الدكتور قالي ايه يا بنتي احنا عدينا أصعب مرحلة يعني ..
بس ربنا ما يكتبه على حد أبدا

انا الحمد لله تمام .. رجعت السعودية اهو و مش بتابع مع حد حاجة حاليا .. لاني مش لاقية دكاترة نسا :)

السلام عليكم
ازيكم يا بنات؟؟

فروحه معلش يا حبيبتى وربنا بجد يعوض عليكى والمره الجايه يا حبيبتى يثبت الحمل
بس والله لما قولتيلي بجد اضايقت علشانك جداااااااااا
بس خير يا حبيبتى اكيد

ماجده
كويس ان الاشعه بخير يا حبيبتى
ربنا يرزقك يارب قريب
طيب هوا زوجك عمل تحليل يا حبيبتى؟؟

مانيا
عامله ايه ياقمرررررررررررر؟؟

بوسى
انتى خرجتى ليه؟؟

نيسو الجميلة.. أنا تمام اهو الحمد لله ماشي الحال ... انت اخبارك ايه يا جميلة :)

معلش يا بنات انا مضطرة اقوم دلوقتي..
سلام يا حلوين :)

مانيا بقي عديتي لما سحبو الرحم وصوتي في المغص انا بقي من قبل مادخل وانا بعيط وانا بعملها برضو بعيط بس مصوتش خالص عيطت وبس والحمد لله علي كل حال

magda 1;13012890:
فرح عملتيها ٤ مرات ازاي دا هي مره وكنت هموت وليه تعمليها اصلا الي انا فهمته انك حملتي كذا مره انتي مشكلتك مش في الحمل انتي المشكله عندك في الاجهاد فااصلا مكنش ليكي انك تعمليها

دى كل مره تطلع حاجه غير قبل كله لخبطه وعك ومره الدكتور غلط وطلعت سودا عدتها ثانى ابقى اكتبلك كله بالتفاصيل

miramiro;13012931:
ان شاء الله يا فرح هيبقى فى ميزان حسناتك يااارب
و فعلا انا مقدره ظروفك بتبقى حاجه صعبه اوى بس معلش
كلها اختبارات من ربنا
بس انتى مش متابعه مع دكتور؟ يعنى محللش مثلا كيس الحمل و حاجه و عرف السبب؟
و كتبلك على الفوليك اسيد و الاسبرين و لا لا؟

اه متابعه مع دكتور شاطر هنا بس دى ارادة ربنا
باخد الفوليك اسيد والاسبرين من اكثر من سنه
وحللت كيس الحمل طلع خلل فى الكروزومات يعنى شكله من الوراثه
اللى فهمته من الدكتور انى الرحم بيطرد الحمل مش بيقبله

miramiro;13012936:
مجودة هى وجعها عامل ازاى
مغص يعنى و لا حرقان و لا ايه؟
ويارب ما تكتبها علينا جميعا يااااارب و لا تعمليها تانى انتى و لا فرح ياااارب

امين يارب ويرزقنى ويرزقك ويرزق كل محروم يارب

انا بقاه بفضل صامته لحد ماشوف الحاجه المعدن دى اشتغل بالصريخ
لدرجه الناس يجعلوا فى حالة ولاده مع انه مركز مالوش دعوه بالولاده

وعملت 3 منهم بالاردن كنت ببقاه لحالى
يالله فكرتونى بالماساه دى اول مافتكرت جانى مغص
هههههههههههههههه
ربنا مايكتبها على حد

اه يا نيسو الحمد لله جوزي عمل التحليل وكويس الحمد لله هو الدكتور قالي ان الموضوع نفسي وربنا يسترها يارب بس احنا حاليا بنفكر في التلقيح الصناعي يمكن نعمله بعد العيد ان شاء الله عشان نخلص وربنا ييسر لنا الامور يارب

هههههههههه اه والله يا فرح هي البتاعه المعدن ديه موصيبه بتوجع اوي اوي اوي اوي

ربنا ييسر لك الحمل ياماجده وتحملى طبيعى
المهم انتى متفكريش بالحمل اشغلى نفسك عنه

وان شاء الله يحصل طبيعى بدون تلقيح
انا كل مره اقرر اعمل حاجه يحصل حمل سبحان الله

الحمل ده كنت هاعمل منظار معده وكنت متجنبه الحمل
ولا اخدت اى علاج ولا حسبت تبويض و نوم على الظهر ولا حاجه
وكنت تعبانه لدرجة الموت من الام المعده

ولكن ارادة ربنا فوق كل شىء
اتاخرت 15 يوم وانا مارضيت اسئل ولا احلل اقول يمكن علاج المعده والنفسيه لخبطوها
لحد اول يوم رمضان روحت صليت ورجعت الم شديد والحوض كان هايسقط قلت لزوجى
راح جبلى اختبار من الصيدليه والله كانت الساعه 12 بالليل
قلت انا عارفه مفيش حمل هاعمله واركنه جانبى ربع ساعه عبقال ماغسل المواعين
والله يابنات اقسم بالله لسه بحط نقط البول لقيت فى ثوانى ظهر الخطين وواضحين






ماكنت عارفه افرح ولا اخاف بس بقيت امال ابكى زوجى شافه ماغير قال الحمد لله
لانه قلبنا كان حاسس انى الفرحه مش هاتكمل
بعدها بيومين روحت للدكتور وعملت سونار وظهر كيس الحمل وكان حجمه مناسب لعمر الحمل وكمان صوره وعطانى صورته سبحان الله نقطه فى بحر

وفعلا مالحقنا نفرح غير 8 ايام

قدر الله وماشاء فعل ارادة ربنا فوق كل شىء

يارب بحق الشهر الفضيل ده ترزق كل محروم

يارب يا فرح ربنا يرزقنا جميعا بالحمل السليم المعافي يارب .. .. هو انتي منين يا فرح شكلك مش مصريه صح ؟؟؟

لا ياماجده انا مصريه من المنيا يعنى الصعيد

هههههههههههههههههههه
بس بقالى من وقت ماتزوجت وانا بالاردن

بصوا يابنات انا هاحكيلكم حكايتى عشان محدش يقع بالغلط ده ونصب الدكاتره عليهم لانها بقت تجاره رابحه
بصى ياستى انا اتزوجت وزوجى قعد معاى 4 اشهر وسافر وتركنى
ماحصل حمل بعدها بثلاث شهور انا لحقتة وكملنا سنة من الزواج وبرضوة ماحصلش حمل قررنا نروح لدكتور
فذهبنا للدكتورة طلبت فحوصات شاملة عملناها كلها سليمة
قالت اعملوا اشعة بالصبغة عملتها ومن الاسف كانت فى انبوب مسكر وهنا اتعذبت قعد ساعتين يعجن فيا لحد مانزفت دم والله
لم تعبر داخلة الصبغة قالت لازم عملية عملت العملية وبعدها ب6 شهور لم يحصل حمل قالت عيدى الاشعة نشوف الانبوب مسدود ولالا طلع الحمد لله كلة طبيعى ومن هنا بدات فى متاهة العلاج والدكاترة كل شهر عند دكتور وبعد سنتين نزلنا مصر ولم احمل روحت عند دكاترة فى مصر وكلة يقول مافى مانع قعدت 8شهور اتعالج فى مصر وطبعا زوجى تركنى فى مصر ورجع هو لعملة
فى دكتور قالى عندك تكيسات خفيفة وان شاء الله تزول مع العلاج
انتظمت معاة بدات الدورة تنظبط وكنت باخد اموفاج وبعدها زوجى بعتلى اسافر عندة فالدكتور قالى بعطيكى ابر منشطات 3 اشهر اذا لم يحصل حمل
خديها شهرين كمان انا اتفالت بالعلاج واخدت معى علاج يكفى 3اشهر كان سعرة 1000 جنية اخدت اول شهر جاتنى الدورة اخدت الشهر الثانى لم تاتى الدورة لمدة 40 يوم زوجى يقول حللى اقولة اصبر شوى
بعدها نزل دم انا قلت خلاص دورة بس كان كل يوم ينزل نقطة او اثنين
استمريت 4 ايام وبعدها رجعت اخد العلاج فذهبت للدكتور اللى بيعطينى الابر بيسالنى اجات الدورة قلتلة اة بس نقط قال خلينا نعمل تحليل انا حاسس انك حامل
قلتلة ازاى قال نجرب وانا بعطية عينة البول كان هايغم عليا من الخوف خلال دقيقة او اقل ظهر خطين قال مبروك انا بكيت وقولت ازاى قالى عادى دة بيسموة حمل غزلانى طبعا كان لازم اتاكد ذهبت لدكتورة نساء كشفت بالسونار قالت اة حمل واعطتنى مثبتات اخدتها واستمريت فى السرير شهر لم اتحرك بس كان برضوة بينزل دم وفى يوم تعبت قوى رحت للدكتورة عملت سونار لقيت نبض الجنين اتوقف
قالت لازم تعملى تنظيفات حالا والا فى خطورة عملت التنظيفات وبعدها بس ماقولكيش حالت امى كانت عاملة ازاى من الحزن لانها مريضه بالقلب ولا زوجى اتحمل معاى كثير والله استمريت سنة ونصف اخد منشطات وادوية وبرضوة لم احمل روحت للدكتورة قالت اعملى تحليل هرمونات عملتها طلعت ممتازة قالت اعملى اشعة صبغة عملتها خلى بالك دة المرة الثالثة اعمل الصبغة طلعت سليمة وكلة تمام حسيت الدكتورة مش كويسة غيرتها ودهبت لدكتور اخر من اشهر الدكاترة هون شاف كل الفحوصات قال كلها سليمة
ادانى برضوة منشطات بس بكمية رهيبة اخدتها وكان كل يوم بيقيس البويضة وسبحان الله المبيض عندى بيستجيب بسرعة وكان فى 3 بويضات ممتازة ادانى ابرتين تفجيرية قال بلكم تجيبى تؤام وبعدها نزلت الدورة اخدت الشهر الثانى نفس العلاج بس البويضة كانت صغيرة عن المرة السابقة وهنا حملت بعد 21 يوم حللت وطلعت حامل بس للاسف برضوة اجهضت ودة كان فى شهر رمضان اللى قبل الماضى اخدت فترة راحة ورجعت برضوة للعلاج لكن مافيش حمل ولما نزلت مصر قالولى اعملى صبغة عملتها طلعت سليمة ولا فيها شىء وحملت رمضان اللى بعده ونزلت وحملت فى شهر 4 ونزلت وحملت الشهر ده ونزلت لو اعرف السبب ويكون واضح اريح من كده
ولهلا بدعى ربنا يرزقنى عاجلا وليس اجلا لانى نفسيتى مايعلم بيها الاربنا واعصابى تعبت من الانتظار
دة ياستى قصتى ومعاناتى
اتمنى لااحد يشوف اللى شفتة

صعديييه ده انا افتكرتك مش مصريه عشان لهجتك مش مصري خالص طب وجوزك منين ؟؟؟

جوزى ابن عمى
بس احنا يامحافظه المنيا مظلومين اننا صعايده

لكن عمرنا ماتكلمنا صعيدى ولا بنعرف نتكلمه

لو بدك تحسبى الصعايده يبقاه من اسيوط ورايح

بس حلو برضوه الصعايده اجدع ناس
ههههههههههههههههه