شورو علي اروح ام لا؟؟

فرايي ما تروحي
مو لاني بدي اقطع العلاقات بينكم
بس
انا في نظري لو رحتي راح تكثر المشاكل
و رمضان اكيد ماتبين المشاكل
و رمضان مبارك سعيد

تائبة لله..;12947595:
فرايي ما تروحي
مو لاني بدي اقطع العلاقات بينكم
بس
انا في نظري لو رحتي راح تكثر المشاكل
و رمضان اكيد ماتبين المشاكل
و رمضان مبارك سعيد

شكرا لتواجدك

انا ماابغى اروح من قلب

بس زوجي يبغى يروح

وانا قلت مو مشكله اذا قرر انه يروح بخليه يروح وانا بجلس عند اهلي

و الي يصير يصير بكيفهم يقولو الي يقولوه

بس زوجي رافض يروح لحاله لازم اروح معه وانا ماابغى :'(

طيب حبيبتي
هل حاولتي تقولي لزوجك نفس الكلام اللي قلتيه لنا
اكيد لو فهمتيه راح يفهم عليك و ممكن يجلس معك

والله يا عمري انا من رايي صارحي زوجك ليش انتي ما تبين تروحين وكلميه باسلوب حلو واكيد رح يتفهم
وانا اقول اقعدي وكفاكي الله شرهم
ولا تكلفين على ريلج بشقة بروحج وبكلامهم
واذا سالوا ليش ما ييتي
تعذري ان انتي تعبانة شوي من رمضان ولاهية مع اهلج وبيتج

تائبة لله..;12947671:
طيب حبيبتي
هل حاولتي تقولي لزوجك نفس الكلام اللي قلتيه لنا
اكيد لو فهمتيه راح يفهم عليك و ممكن يجلس معك

قلت له نفس الكلام

بس هو دايم يقول هذولا اهلي تقبليهم

ورد طبيعي اي واحد راح يقول كذا عن اهله ماراح يذمهم قدام زوجته

هلا حبيبتي

من راايي انه ماتروحين بعد

بصراحة رمضان شهر الخير والواحد مايبي مشاكل فيه وحزازيات
واذا تحسين انه ماراح تتأقلمين ولاتررتاحين وياهم خلاص لاتروحين

أو اسكنووا في شقة بروحكم واللي بقولونه خل يقولونه
واذا زوجك ملزم يروح عادي خسريه وسكنوا بروحكم
ولاتسوين لكم مشاكل
والفلوس اذا خسرتوها أحسن من تخسرون قلوب

حبيبتي من رأيي لا تروحين .. محد يبي مشاكل برمضان ... وحاولي تقنعي زوجك ان هالفترة خل تقعدون لحالكم

اللة يعينك أقولها من قلبي
لاتحاولين تخلين زوجك يروح لحالة وتجلسين عند أهلك بكذا الموضوع بيكبر وكمان بيتعود يسافر لحالة
وحاولي تقنعينة انكم تجلسون ولاتحطين السبب في أهلة لأن بعض الرجال ما يرضى على أهلة
لإن بصراحة اذا علاقتك بأهل زوجك كذا صعبة تسافرين معهم واذا أصر الا تسافرون معليش خلية ياخذ لك شقة لوحدك
انتي اهتمي بزوجك وانتبهي علاقتك بأهله تأثر على علاقتك بزوجك اذا إنتي تحبينة حاولي توازنين الأمور

واللة يكون في عونك

خلاص حبيبتي يعني انتي شيفه ان الوضع مش هيريحك يبقي خلاص متروحيش
.كمان طالما زوجك متفهم الموقف يبقي خير وبركه .
وربنا يكون في عونك حبيبتي

انا من رايي اذا زوجج مصر انكم تروحون خله يقعدج في شقة لحالج هذا احسن تفاديا للمشاكل وغير جذي لا تروحين اريح لج

من راي انج ما تروحين وادا كلش قولوا انكم ما بتروحون بعدين روحوا لحالكم ..ما بتكونون جذابين لان تقصدون انكم ما بتروحون معاهم

@نملة@;12947702:
والله يا عمري انا من رايي صارحي زوجك ليش انتي ما تبين تروحين وكلميه باسلوب حلو واكيد رح يتفهم
وانا اقول اقعدي وكفاكي الله شرهم
ولا تكلفين على ريلج بشقة بروحج وبكلامهم
واذا سالوا ليش ما ييتي
تعذري ان انتي تعبانة شوي من رمضان ولاهية مع اهلج وبيتج

انا تعذرت بس ماقلت له ان اهله السبب

تعذرت اني تعبانه وروحتي راح تتعبني اكثر

لكن بعد اصراره علي قلت له اني خايفه من المشاكل

وتكلمت معاه لكن بدون فايده

مرجانة البحار;12948060:
انا تعذرت بس ماقلت له ان اهله السبب

تعذرت اني تعبانه وروحتي راح تتعبني اكثر

لكن بعد اصراره علي قلت له اني خايفه من المشاكل

وتكلمت معاه لكن بدون فايده

عيل خلاص دام ان رافض انج ما تروحين
خلاص روحي وقعدي بشقة بروحج
وانتي ما قعد تسوين شي غلط والدنيا رمضان وانتي مو مغصوبة تتحملينهم
فروحي وقعدي بشقة بروحج ولا تقصرين
زوري اهل ريلج وسويلهم حلو واكل وشاركيهم ويخلص اليوم ردي شقتج ويا ريلج
وان سالوا ليش وما ليش
عادي (( عطيهم من اسلوبج قوليلهم والله مانبي نكلف عليكم ولا نثقل وعشان تاخذون راحتكم وناخذ راحتنا))
واي كلمة بيقطونها طنشيهم
بيظل سالفة الشقة حقج وانتي حرة فيها
توكلي على الله وقولي حق ريلج انج بتروحين عشان خاطره وعشان لا تفشلينه جدام اهله
وقوليله شرطج وخلاص
وحاولي اطنشين كلامهم اذا قطوا عليج ولا على ريلج كلام لما تكونين مناك
وبيضي الويه:thumbs_up: وخلج بشوشة :Dمعاهم وصدقيني بتكبرين بعين ريلج :adore:لانج رحتي معاه عشان خاطره وما قصرتي مناك
وانشالله الحريم((زوجات الريايل الي مناك تغيرين معاهم جو وينسونج حجي امه ))
ومنها غيرتي جو:thumbs_up: ومنها وقفتي مع ريلج ومنها اخذتي حسنات :$:من حجيهم_ ( كلامهم وحشهم )_ومنها واجهتيهم وعشان لي تكرر الموقف السنة الياية انكم تروحون بسفرة معاهم رح يفهمون ان هذا نظامكم بالسفر ان انتوا ببيت واهما ببيت
وبتكون ازمة وتعدي انشالله
تقبلي مروريF:@نملة@F:

اتمنى من كل قلبي مااروح

بكلم زوجي واحاول معاه

ان انا وياه مانروح

والله يكتب الي فيه الخير

شوفي حبيبتي انا مثلك بالضبط واهل زوجي رايحين يصومون بالمدينه وزوجي قال بنقعد رمضان عندهم يعني نلحقهم هناك واهل زوجي مثل اهل زوجك يعني قررف يعاملونك بعدم رحمه وكنت ميته من القلق وقلت لزوجي انا قلقانه مابي ادخل المطبخ معهم لانهم موطيبين وفوق كذا اتغطى عن اخوانه يعني بيحشرني قال ياتجين معي ياماعاد اشوفك وجهك قهرني واللي باط كبدي انه يدري عن معناتي هناك بس ياختي الرجال احيان يروح عشان وناسته بس
ويبي يضمن احد يخدمه يعني يكوي ثيابه ويدلله وهو طايح مع اهله سواليف
انا شكيت همي لله وصرت اصلي الليل وادعي ان الله يفكني من هالروحه والله الذي لااله الا هو مارحت وفكني الله منهم طيعي كلامي مافي احد بيغير وضعك غير الله هو اللي يبدا الامر وينهيه بيده كل شي
وربي حاسه بوضعك بس ادعي الله اللي هو اقوى مني ومنك ومنهم قادر على كل شي يقدر يخلي رجلك يقعد معك ولا يروح اسال الله ان يسهل عليك

حبيبتي
اكييد اهو يبي اهله مثل ماانتي تبين اهلك
رووحي معااه وامرك لله واستاجري شقه <<ولا تقوولين مااقدر اضغط على زووجي مادام اهو اللي قال لك انه يبي يستاجر شقه
وفهميه الوضع انك انتي زوجته موخدامه عند اهله <<""لكن بسلووب ""وانك ماراح تقصرين عليه بشئ لو طلب منك

القمر يارا;12947752:
اللة يعينك أقولها من قلبي
لاتحاولين تخلين زوجك يروح لحالة وتجلسين عند أهلك بكذا الموضوع بيكبر وكمان بيتعود يسافر لحالة
وحاولي تقنعينة انكم تجلسون ولاتحطين السبب في أهلة لأن بعض الرجال ما يرضى على أهلة
لإن بصراحة اذا علاقتك بأهل زوجك كذا صعبة تسافرين معهم واذا أصر الا تسافرون معليش خلية ياخذ لك شقة لوحدك
انتي اهتمي بزوجك وانتبهي علاقتك بأهله تأثر على علاقتك بزوجك اذا إنتي تحبينة حاولي توازنين الأمور

واللة يكون في عونك