جحة حمرة;13050527:
احبك والقمر يشهد
بالنسبة للملابس الداخلية اني اخذت من مذركير .. خاصين بالرضاعة .. طبعا هم مو اسفنج .. وما شفت اصلا اسفنج خاصين بالرضاعة :lol: .. واخذت الكب اكبر من مقاسي الحالي .. وان شاء الله من الحين للولادة ما يصيرون صغار عليي :worn_out: ..
****
بقايا ..
شفت رد من ردودش وعن الاشغال الشاقة اللي قاعدة تسوينها .. وانش مو محاسبة لروحش كلشش .. ارحمي روحش واللي في بطنش .. اذا ما بتفكرين في روحش فكري في البيبي ودام صحتش على قدش وظهرش ما يشد وعندش تقلصات فالمفروض تظلين طول اليوم مريحة روحش وما تبذلين اي مجهود .. على الاقل هالشهر والنص وبعدين سوي اللي بتسوينه .. وحتى باقي اغراضش واغراض البيبي اذا قدرتين طلعي جهزيهم واذا ما قدرتين خلي احد غيرش يكملهم لش ..
اني المفروض اجازتي للاحد .. وكنت مقررة اني اذا شفت اني اقدر اداوم بداوم واذا ما اقدر بشوف اذا يمددون اجازتي المرضية او باخذها سنوية .. وهاليومين صارت تغييرات في إدارتنا وتغير مسئولي المباشر .. مسئولي الجديد اليوم اتصل فيي ومسكين ما قصر قال ليي اذا حسيتين ان فيش شدة تداومين يوم الاحد داومي واذا ما تقدرين ريحي روحش ولا تجين .. اهم شي صحتش ..
ايي حدي ما أرحم روحي
:hysterical:
بس من رجعت من بيت ابوي من ليلة الجمعة هداك الاسبوع وانا منرزة في مكاني اهني
طلعت بس ليلة التجمع اله هي ليلة الاحد ورديت رجعت لمقري
انا اهني في الشقة ما اسوي الا اشياء خفيفة اذا بنظف من فوق لفوق او بغسل الثياب
يازعم اطبق اله قالته الدكتورة اني لازم اريح وما اسوي شي
:thumbs_down:
مشكلتي هذا طبعي ما اعرف اقعد كلش لو شنو فيني
حتى لما طرحت في المرتين
اذكر توهم مرخصيني في نفس اليوم رحت اشتغلت وغسلت الحمام وما ادري ويش سويت
وامي ورايي تلبي تقول ليي حرام اله تسوينه بعدين انتين اله بتنضرين
<< ترى على فكرة اني كنت خااايبة لما كنت بنية بس لما سافرت الاردن حولت عليي الشطارة ولما عرست زادت الشطارة حبتين ههههه
فيعني لا تقولون هذه شاطرة زمانها خخخ
الله يهديني وانرز مكاني اقول امبي بس اقعد شهر متمددة
اقصد لما اكمل الشهر الثامن
خصوصاا ان بصيدني الدوام قريب فيعني لازم احاسب اكثر
وربي الحافظ
وسالفة التجهيزات اقول الحين اني انضريت
لو صار مجال جهزتهم لما كنت في الاشهر اله قبل بالرغم من ان الاشهر اله قبل بعد قالوا ليي المشيمة نازلة ولازم تريحين << خب في كل شهر لازم في علة
:thumbs_down:
