السلام عليكم ورحمة الله و بركاته
حبيباتى الكرام هناك ثلاث طرق لعمل الخروب البيتي و كلهم احلى من بعض بس الصحية الطريقة الاولى و بنفس الطعم و طعمه زي بتاع المحلات بالظبط
حبيباتى الكرام هناك ثلاث طرق لعمل الخروب البيتي و كلهم احلى من بعض بس الصحية الطريقة الاولى و بنفس الطعم و طعمه زي بتاع المحلات بالظبط
الطريقة الاولى انا بعملها لان السكر المحروق و العياذ بالله بيجيب سرطان
بتجيبي الخروب المجروش مش الناعم الى هو مكسر كدة و تحطي عليه ماء حسب الكمية وبعدين تحطيه على النار لحد ما يغلى كويس وتشليه لحد ما يبرد و تحطي السكر حسب الرغبة و تقلبي و حطيه في الثلاجة و يقدم باردا
الطريقة الثانية
بتجيبي الخروب المجروش و بتحطيه على النار يغلى و تعالى في اناء تانى حطي السكر على حسب الرغبة و قلبي لحد ما يتحرق و يوصل لونه للسواد و حطي فوقة الخروب بعد ما يغلى و قلبي كويس و اتركيه دقائق على النار حتى الغليان و طفي النار و اتركيه حتى يبرد و ضعيه في الثلاجة و يقدم باردا
الطريقة الثالثة
بتجيبي الخروب البودر و تحطي في ايناء تيفال و حطي معاه السكر حسب الرغبة و قلبي حتى يحترق السكر و الخروب معا و يسود لونه و ضعي فوقه مياة على حسب الكمية و اتركيه حتى يغلي جيدا و اتركيه حتى يبرد و ضعيه في الثلاجة و يقدم باردا
لا لسرقة الموضوع
الموضوع مجهود شخصي ولا احلل نقله لاى مكان وكل واحدة بذمتها امام الله و بيني و بينها يوم القيامة
و بالهناء و الشفاء مع تحيات سها من فتافيت هههههههههههههههههههههههههههه قصدي من عروس و كله بمجهود شخصي ولا تنسوا التقييم..
و الدعاء لامى لانها هى صاحبة الفضل عليا لان هى التى علمتنى الخروب
