أنا بهذلت بنتي

thhhhhhhhx

حبيبتى ... انا عندي الحل .. هذا الحل كل العايله تستخدمه مع المبزرهـ

وبنتك توها صغيرة ..عطيها الصبح ارياال ..اكيد راح تستانس واسكتى عنها لى العصر وبعدين عطيها كمان ريال .. لين المغرب واليوم الثاني الصبح

اغريهاا بريال ... بس انتبهى تعطينهاا ...قوليلهاا لاتسمكى المنطقه ... لين العصر واعطيك .. وهكذاا لييين مااتتعود
ادرى رااح ترووح منك قروووش هههه بس بنتك ولازم تدورين لها حل واصبرى وحاولى تمنعينهاا من كل شى تبيه اذا مستكة بس بشووويش
والضرب مااينفع والله يوفقك

اختي الحبيبة
حاولي اتغسلين بنفسج المنطقة الحساسة لبنتج
ارحميها
يمكن عندها حكه و اتحكها
قوليلها ماما وين اتحكج عسب احكلج..فمن خلال هاي كلام تعرفين اذا كانت عندها حساسية و لا!

بس من خلال تهديد و ضرب اتزيدين عنادها...
تقبلي مروري

حبيبتي الاطفال البنات خصوصا مممكن يكون عندها التهابات داخليه


كمان متحوليش تهتمي بالموضوع كتير لان االاطفال بتعند

وكلميها بالراحه


وهاتيلها لعب مكافاه مثلا لو معملتش كده

وهيه هتنساه ان شاء الله

أنا مع الاخت بوح الكلمات 100%

والله يخليها لك ان شاء الله

اول شي تأكدي هي ماعندها فطريات وهذي الاشياء
اذا الحمدلله مافيها شي
فهذا شي طبيعي عند الاطفال
وكل ما منعتينها زادت في فعلها
وان شاء الله باقي البنات يفيدونج

يمكن اتييها حكه او ملابسها الداخليه ضيقه . ساليها اهي تفهم ..؟

لا يمكن ولا ما يمكن
اقري في هذي الامور وبتعرفين الاسباب عندي مثلا في احد المصادر:
عندما يلمس الأطفال أعضائهم التناسلية
ماذا يمكن ان يكون السبب؟
- يفعلون ذلك عن غير قصد
- يحصل ذلك من خلال اكتشافهم لأجسامهم
- ملابسهم ضيقة
_ تسبب لهم الحفاظ الحساسية
- بسبب الضجر_ اذا ما وضعناهم بالسرير قبل شعورهم بالنعاس
- بسبب اهتمامهم بسرية المنطقة التناسلية
_ فيما تكتشف البنت لماذا ليس لديها قضيب , وفيما يتأكد الولد ان قضيبه مازال في مكانه, يكتشفان ان هذا العمل يعطيهما نوعا من اللذة, ويتابعان القيام بهذا التصرف.
كذلك,
الطفل الذي لا يجد الحب والثقة في عائلته قد يبحث عن اللذه في جسمه....

ماذا يجب ان نفعل؟
- يجب ان نحافظ على هدوئنا ولا نجعل من الأمر مشكلة
- ابتكار الالعاب التي تلهي الأطفال وتلفت انتباههم .. تساعدهم على نسيان التصرف وتجعلهم يقومون به بشكل اقل
- نتخلص من سبب التصرف..( الملابس الضيقة جدا, وضع الطفل في السرير قبل الشعور بالنعاس..الخ)

حبيبتي ابحثي عن التربية الجنسية وبتشوفين هالأمور ولا تحاتين

جزاكم الله خير
والله يعطيكم العافيه

اختي الي اعرفه انو في فترة من فترات نمو الطفل يبداء يكتشف اعضائه وهذا شي طبيعي الي موطبيعي انك تضربيها هي ماتفهم انو هدا غلط حتى لوكنتي بتقوليلها

سمعت مره شريط اسمه طفلك من 2 الى 6 فيه معلومه تقول لوتبين طفلك يترك اي عاده او اي سلوك خاطئ اتجاهلي سلوكه لانو اتي بتعطيه تنبه لشي الي بيسويهوبعد فتره راح ينسى اتمنى اكون افدتك

أنا بنتي كانت تسوي مثل هالحركة عقب ما تركت الحفاظ..
في البداية خفت قلت يمكن عندها التهاب او شي..

عرضتها على طبيبة وكشفت عليها وقالت لي ان ما فيها شي.. وعطتني لها كريم احتياط لا أكثر..
المشكلة ان هم في هالعمر يستكشفون أعضاءهم..

مادري والله شقول لج.. عارفة شعورج.. لأني حتى البكاء بكيت لما شفتها تسوي هالحركة حتى واحنا نمشي بالسوق تدخل يدها والناس تطالع فيها وانا منحرجة وموعارفة شلون أتصرف.. وقمت ماحب أطلع عشان محد يشوفها وينظر لها نظرة ريبة والله..!!

قمت أهاوشها وأضربها وأحسها بالعكس بدل ما تنسى تزيد.. وتحاول تسوي هالشي بعيد عن عيني.. وهالشي يزيد الطين بلة

مع ان انا ما كنت ألبسها قصير.. بعدين قلت لازم ألبسها شي بحيث ما تعرف توصل لهالمكان..

أخذت لها شورتات طوال الين الركبة.. وضاغطين.. وفوق الشورت ألبسها شباحة اللي تتسكر عشان لو بغت تحط يدها ما تعرف ومع الوقت نست الموضوع صدق..

الله يريح بالج ويهدي لج بنتج!

اختي انا اعرف وحده اكبر منه او كله اتسوي هل الحركه او امه كانت مو منتبه بس عقب ما قلنه ليه اكيد فيه شئ قامت ودته الدكتور او طلع فيه التهاب

بنت الأصايل انت صح :thumbs_up::thumbs_up::thumbs_up: وميزانش رافض التقييم باحاول مرة ثانية . .

يمكن عندهاحساسية او ألتهاب

اختي هاي شي طبيعي في هالسن ..... ومومعقولة من شهر ونص خلاص يعي ماراح تسويها على روحها يبيلها وقت وصبر والبنات بعضهم يطول في هالسالفة

الام بطبيعتها تخاف على البنت من هالاشياء بس مثل ماقالوا اغلب البنات تأكدي اول انها مافيها اي التهاب او فطريات انا بنتي كان عندها نفس المشكلة ومن كثر مانشوف ونقرا من الاشياء اللي تخرع كنت اخاف عليها مع اني معاها اربع وعشرين ساعة ..... اول شي سويته اني من صغرهم بنتي وولدي مابدل ثيابهم او الحفاظ الله يعزكم قدام احد ..... يعني بنتي حتى قدام ابوها ما فصخها ومن صغرهم اقولهم عيب تربوا على الاساس ان هالمنطقة لازم ماتنكشف على احد حتى لو مثل جنسهم .... يات فترة حسيت انها تحط يدها في المنطقة الحساسة وطبعا بدت السالفة من شلت الحفاظ عنها ... انتي لو بتلاحظين قبل من تغيرين الحفاظ على طول يحطون يدهم عالمنطقة ..... بداية عمرهم وعلى حسب علم النفس اللذة عندهم في انهم يحطون كل شي في فمهم .... بعدين يبتدون الاكتشاف وبيتدون يحسون انهم راح يتبولون او غيره .... فيتركز اهتماهم على هالمنطقة ...... المهم اول مابديت الاحظ بنتي كنت وايد خايفة بس بعدين قمت انبها بالكلام او اني اروح لها واشيل يدها واقولها اني اشوفها .... حسيتها تزيد فعرفت اني انبها زيادة فقمت اتجاهل ونفس وحدة من البنات كانت تقول يحكني او يعورني فقمت اقولها ان اللي تسويه عيب واذا حد شافها ويمكن يطلع دم وبعد قمت اغسلها بنفسي لما تدخل الحمام الله يعزكم و املا لها البانيو ماي دافي او ماي وغسول مخفف انقعها فيه طبعا بعد استشارة الدكتورة اللي خبرتني ان البنات ما تنظف المنطقة عندهم لازم نهتم فيها وقالت لي كل يوم في الليل اخذ زيت زيتون اللي نستخدمه للاطفال و اشبع فيه قطنه وانظف المنطقة والحمدلله لحد الحين احس بنتي مرتاحة وانا ارتحت ولي حسيت انها تحك او تحط يدها على طول اسالها

بس بطبيعتهم البنات يحتاجون عناية ونظافة ولاتحاتين الحفاظ انا بنتي خذت وقت طويل لي عودتها تترك الحفاظ وكانت كثير تتبول على نفسها خصوصا لما تلعب او في الليل
عكس اخوها من تسع شهور بديت اعلمه وادربه و ماكمل السنتين الا مايلبس الحفاظ يمكن تستغربين وتقولين صغير بس جدتي ماقصرت علمتني طريقة بدائية ههههه بس نفعت وهي طولت ولحد الحين ماشاء الله عليها عمرها ست سنوات لما تلعب تنسى روحها وما رتوح الحمام وما اشوف الا قامت تنط وتركض او الايام كانت تنقط شوي في ملابسها الداخلية بس لما خبرتها ان راح يضرها الحمدلله قامت تغسل وتنشف روحها واذا بللت شوي على طول تبدل ملابسها ........

سامحيني على الاطالة بس حبيت اوصلك فكرة ان دام بنتك تحت رعايتك وعينك ومافيها اي التهابات اللي تمر فيه عادي ولاتضخمين الامور عشان ماتركز في بالها
بالنسبة للحفاظ يحتاج وقت طويل يمتد لشهور او سنة عشان تتعود فلا تخافين ...... ومشكلة التبول اللا اراردي تمتد لسن كبير فمبالك انها توها صغيرة الله يحفظها

لا تلبسينها الكلوت النص لان الخياطه بالنص تضايقها
ونضفها زين واهتمي انت بها فتره وشوفي الفرق

وهل عندك شغاله ؟
والله وحده من قريباتنا تقول ان شغالتهم عودت البنت ان تكون يدها على المنطقه على طول
وهي اكتشفتها وهي تعلمها وشلون تمسك المنطقه الحساسه