ماتفسيرها

دائما يتكرر علي حلم ان أحد يخطفني لكن باختلاف شكل الحلم
اغلبها لاااذكرها تماما
لكن الحلم اللي اذكره تمام
ويدور حول نفس الموضوع
حلمت انه كنت بسيارتنا وانا قاعده ورى مكان السائق وفجاه تحرك البريك ومشت السياره وانا قاعده افكر كيفاوقفها عشان مانصدم لانه بمكان شارع كله سيارات
الا اشوف مكان السواق جالس ولد خالتي قلت ببالي زين وقمت اقولها اركنها ع جنب
لكنه كل شوي يقول لي طيب طيب لكن للا سف ماوقف وراح فيني وانا اترجاه اقول له خلاص نزلني وهو ماوقف ومارضى
وراح فيني عند زملاه 3 اشكالهم ونظراتهم ابد ماتريح وكنهم ناويين علي نيه شيينه
وانا اترجاهم ممايسوون فيني شي واترجاه لكن بدوون فايده
واحد فيهم جاب قميص ع اساس البسه وانا ابكيي هذا ماستطيع ذكره

والحلم طوييل بس جد جد خوفني ودايم يتكرر معي تقريبا قريب منه بس اشخاص غيير

ومره حلمت انه ماسكه جوالي وكان فيه مقطع فيديوو مرره مرره غير اخلاقي بين رجل ومره وكاني قاعده اتفرج عادي
وكنت اشوف بس كانه صدق لاني شفتهم

ودايم اشوف نفسي بوضع مرره موزين

اسفه اسفه على ذكري هالكلام بس بودي اعرف تفسير لها
والله اني محرجه منك
اعتذر

أختي الكريمه
السياره بأحلام تدل على ضرفك الحالي
يسوق بدون بريك / يدل على أنك تواجهين عقبات في ضروفك
ولد خالك يدل على أنه يسبب لك متاعب أو يتحرش بك هو ورفاقه
إن كان هذا ما يحصل بالواقع فحلمك حديث نفس
وإن لم يكن فأضغاث أحلام
ولا بأس عليك إن شاء الله

لالا
اصلا هو في مدينه وانا في مدينه غير
وشكرا

السلاام عليكم

حلمت امس انه كنت بالجامعه ودخلت المصلى ويوم خلصنا طلعت ادور نعالي كنت لابسه نعال اختي تكرمون
ومالقيت الا فرده وحده بس
ومرره انقهرت وادور بس فرده وانا قاعده افكر اقول ذي نعال اختي وحرام غاليه وادور ع طوول طرى ببالي انه الشيعه مخبينها (مصلانا اغلبه شيعه في الحقيقه)
وكاني لقيتها وشفت قدامي لبستها ويوم امشي الا اشووف انه الفرده الثانيه تختلف ومو هي اللي ضايعه
يعني لابسه ثنتين مختلفه بس نفس الماركه
ورجعت ع طول وانا اقول حراام الحين البنت اللي خذيت نعالها تدور عليها
ورجعت حطيتها وقمت ادور دخلت غرفه وكلها شيعه وانا اسب واهزئ اقول مافي غيرهم ولقيتهم مخبينها تحت سرير نوم وخذيتها بس انصدمت انه لقيتهم مقطعينها
هي النعال كانت باليه وصارت اصبع
وفجاه لقيت نفسي بمحل غريب كذا ادوار وششعبي وشريت لبنت اخوي لعبه عرووسه
وفجاه بعد لقيت نفسي بمحل مرااييل مدرسه
ومعي قماش حق ثانوي
وفيه مرااييل كثيير معلقه وانا قاعده ادور لي مودييل حلوو
اقول ابي احلى موديل
وانا ادور بين المراييل المعلقه ماكانت كلها مراييل كان فيه فساتين
ووبس

ملاحظه انا لست بالثانويه
انا بالجامعه
وجزاكم الله خير

أختي الفاضله
الشق الأول من الحلم إضاعة فرده من النعال بالمسجد
يدل على أن هناك أمر يزعزع دينك وأنك لست على ما يرام
وربما دل الحلم على جدالك مع الشيعه أو أنك تجدين حرجا بينك وبينهم

والله أعلم

أما الشق الثاني فيدل على أنك أمام إختيارات كثيره في حياتك
إما في مجال الدراسه أو حياتك الإجتماعيه وأنك تودين أن تكوني الأفضل على أي حال

والله أعلم

وذا يعد

حلمت انه كنت عند امي بغرفتها وانا اسحب بطانيتي اقول لها بروح اناام بغرفتي
قالت لي ترى مو زين تنامين لحالك
مشيت بالاسيااب وكانت ظلام المبات طافيه يوم وصلت لباب غرفتي
وكان ظلااام
قعدت افكر قلت شكلي بروح انام عندها
الا اشوف اختي الكبيره وشكلها قصيييره تطل علي وترجع تطل وترجع من الغرف والمكان ظلمى
قلت لها انا بروح انام مع امي
ومشيييت
بس كنت خايفه من الظلام
يوم فتحت الباب ع غرفة امي
الا اشوف اختي اللي كانت عند باب غرفتي
جمب امي عالسرير
ولابسه ملابس غيير
واكتشفت انه ذيك جني وقعدت اصارخ وابكي وكنت احول اقوم من النوم وقمت مفزووووعه
وحاسه انه جد

على فكره ذا
الحلم تكرر علي كثيير تقريبا بنفسس الصوره

اختي ام عبد اللطيف عسى المانع خييير يارب
من غيابك هالفتره
اسال الله العظيم ان يحفظك

عفوا على التأخير الأحلام كثيرا بالقسم

أما عن حلمك الأول فيدل الحلم على أن أختك تعاني من أمر ما
أنت أدرى به والله يكفيها شر الأنس والجن


اما الحلم الثاني فهو تخويف من الجان وأنك وقت الحلم كنت خائفه منهم
ولله العلم

ولا بأس عليك إن شاء الله

الله يجزاك الجنه يياااارب


عندي حلم ثاني وتحمليني شوي

أختي الكريمه
هل بالواقع أنت تذهبين الى الكهنه والمنجمين
هل هناك فعلا صديقه لأمك تقرأ الطالع أو سمعت هذا الكلام عنك لو من بعيد
وهل انت تفكرين بالمرض كثير
بالنسبه لقولها الصوت ماذا تعني هل عندك موهبة بالنسبه ( للصوت ) داعيه أو مغنيه

حتى أفصل بالحلم

أم عبد اللطيف;13654290:

أختي الكريمه
هل بالواقع أنت تذهبين الى الكهنه والمنجمين

لالا اذهب ابدا واعرف حكمه

هل هناك فعلا صديقه لأمك تقرأ الطالع أو سمعت هذا الكلام عنك لو من بعيد

هي صديقة امي ولكن لم يحصل ذلك

وهل انت تفكرين بالمرض كثير

احيانا

بالنسبه لقولها الصوت ماذا تعني هل عندك موهبة بالنسبه ( للصوت ) داعيه أو مغنيه

حتى أفصل بالحلم

هي قالت مسكييينه مكتووب عليها المرض

وانا بوصفي كلامها
اقول انه كان له صدى بشكل مخيف اخافني وتتكرر

جزاك ربي الجنه

أختي الكريمه
ليس لأنك تحلمين تفسر الحلم بالواقع ولكن العكس
أي أنك كنت مريضه فالروح تستشف ذلك فظهرت الأحلام لك بالمرض
كمن يحلم بحيه قرصته ثم يجد بالواقع جرح بيده فالحلم تنبيه أن هناك ألم
الروح لا تتكلم بالحلم ولكن تتخاطب مع ذاتها بالصور
أرجو أن أكون وضحت لك الفكره
بالنسبه لصديقة أمك فاخذي الأثر منها وتوضئي ربما أصابتك بالعين
فقد أرقي على نفسك ولا تخشي إلا الله فلا يعلم الغيب إلا الله ، ولا تفكري
كثيرا بأمر الأحلام كل ما أراه أنه مجرد حديث نفس وأخرى من نفث الشيطان
ولا بأس عليك إن شاء الله

والله أعلم

الله يجزاك خيير يارب

وكل عام وانتي بالف صحه وسلامه


ام عبد اللطيف انا حلمت امس بعد ماصليت الفجر نمت
حلمت انه انا متنومه بالمستشفى بغرفه كبيره وهلي وعيال اختي موجوديين كانه بيتنا
وكان المكان ظلااام بس اشوف الاشخاص الموجوديين
وكاني قمت من السرير وطليت من الدريشه انا وولد اختي حمودي الصغير قاعد يطل معي بس شفت من الشباك زباله تكرميين كبييييره وفيها اولاد صغار كثيير ينبشوون فيها انا مررره استات من المنظر وماعجبني واقول لحمودي انزل لاتطيح

شوي الا انا منسدحه عالسرير وجوو يزووروني
عمي وجدي
جاني عمي وقاعد جمبي وانا منسدحه بين نوم وصحى
يعني انام واقووم
حط يديه بجيبه وطلع شمعه وصندوق صغيير
وفتحت الصندوق لقيت مصحف صغيير مرررره لونه ذهبي نفس لون الشمعه وفتحت المصحف ماكان باين الايات ابد صغييره
بس جبرا لخاطره كنت اقوول الله يهببل مشكوور ومسكت في الصندوق نفسه كان في زي المصحف بس صفحاته قليييله قلت له وش ذا
الا اسمع صوت اختي تقول هذي سورة يس

وقمت من السرير بروح للحمام تكرميين ويوم جيت بدخله كان ظلاااااااااااااااااااام مررره اسوود ماشوووف شي خفت
ورجعت

وبس

ويعطيك العافيه مقدما

جزاك الله خيرا يارب
الله يسعدك

ام عبد اللطيف
هذا جلم ايضا غريب
حلمت اني ومعي وحده ماعرفهاا
في دورة المياه تكرمين جالسين في البانيوو وحاطين رجلينا فيه
قالت لي اسمعي قلت نعم قالت ترى مو زيين اللي يحلم بجماجم وقلت لها صدق وبس

أضغاث أحلام

والله أعلم

السلام عليكم ورحمة الله

جزاك الله خييير يااارب


وعندي حلم جديد اللي هو اني حلمت اني كنت بسوق ضايعه وجوالي مافيه رصيد ادق على اهلي وكان فيه رجال يلحقني يركض ورااي يركض وانا اركض منه وخايفه مرره وشكله كان مرره يخووف حواجبه كثييييير ومتشابكه ودب مرره وعريض فقلت مافي الا انه ادخل مسجد داخل المسجد ماراح يقدر يجي وراي فيوم وصلت للمسجد اكتشفت انه الحرم مكه ويوم جيت ادخل مع الباب فجاه اشوف انه اللي قدامي المسجد الاقصى باب ذهبي كذا مو مكه

دخلت ولقيت صديقتي اللي بايام الثانوي وقعدت ابكي وحطيت راسي عليها وانا ابكيي

مرره خايفه منه وهي تصبرني
وانا مرره خايفه وكانه هالشخص له سلطه علي وابد مالي فكه منه بس المشكله يبي يضرني
وانتهى الحلم

وحلمت اليوم اللي بعده بانه انا وصديقاتي
مريم ومشاعل واقفين عند المرايا اللي بالعاده نتعدل فيها بالكليه ونطالع باشكالنا بالمرايا وكاننا نقول الله يازين المكياج الطبيعي

الله يجزاك الف خير تعبتك معي لكني اثق بتعبيرك