استفسارات و تسؤلات الامهات عن كل شئ (الجزء الثالث)

مرسي ياهوبي مورو النقط بتاعة الانف انا عارفه اوترفين بيبي ساليين هاتيها احسن هى محلول ملح

CuTie KaTkOoTa;12971050:
بنات مين من اللي مركبين اللوب البريود جاتلهم بعده؟

ضروري قولولي البريود زادت بنسبة اد ايه عن الاول عن الطبيعي بتاكم يعني، انا مكنتش بتجيلي خالص من بعد الولادة ولا بعد تركيبه اوكي بس عشان وقفت رضاعة بقي خلاص نهائي فجت بس جت بطريقة جنونية كانها نزيف وكتير جدا جدا بصورة مبالغة فيها وبوظتلي كل الاندرات وجربت الاولويز ومش نافعة طبعا بتتملي عالطول وبتسرب وتبوظلي هدومي كلها وجربت بامبرز جوجو لغاية ما اتملي وسرب بردو في مدة مش كبيرة ودولقتي جبت فوط لوتس تاني بتاعة الولادة ولسه بجربها اهو في الوضع اللي انا فيه ده اما اشوف مع اني واثقة بردو انها هتسرب بردو، مفيش حل طيب؟؟؟؟

وكمان وجعها وتعبها مكنش بيجيلي زمان طول الفترة بتاعتها كده كان بيبقي اول يوم بس وبالكتير تاني يوم وبردو الدم كان بيقل تدريجي كل يوم عن اليوم اللي قبله لكن ده مش بيقل ده بيزيد.

تفتكروا اخد دوا وقف النزيف اللي الدكتورة كانت كاتبتهولي ساعة تركيب اللوب؟؟؟

عادي يا ايمي
انا كنت لسه عند الدكتوره امبارح بركب اللوب قالتلي اول 3 شهور البيرود بتبقي غزيره عشان كده قالتلي تاخدي البرشام اللي كتبهولي بيقلل الدم وكده لحسن اللوب يتحرك من مكانه مع غزاره البيرود
وانا اول لما ركبت اللوب بعد ولاده ندي كانت كتير جدا لغايه اليوم التالت وبعدين بتقل
بس زياده الاطمئنان كلمي دكتوتك واكشفي
بس عموما هو طبيعي انا كتير اوي كنت استخدم البامبرز بتاع ندي من غزراتها

صوت العيون ʚϊɞ ام سندس ʚϊɞ;12971066:
يعنى ايه جوانب البامبرز متنيه مش مفروده
هو انتوا بتتنوها لجوا
الطروف المكرمشه دى

ودى صورة بامبرز كوتشى سليبى

وهبقا اصورلكم بيلو برده ان شاء الله



يعنى ايه جوانب البامبرز متنيه مش مفروده
هو انتوا بتتنوها لجوا
الطروف المكرمشه دى

ودى صورة بامبرز كوتشى سليبى

وهبقا اصورلكم بيلو برده ان شاء الله

لا الممفروض الجوانب اللي بره تطلع متدخلهاش كده هتسرب

صوت العيون ʚϊɞ ام سندس ʚϊɞ;12972079:
طيب كان عندها خنفره من مده و الدكتور كان كتبلها نقط للخنفره اسمها لايس تعرفيها

لايس جبتها لندي زمان وكلمهم محلول ملح هي او اوتروفين

ايمى انا الجوانب اللى برا بطلعها لكن الجوانب اللى جوا لازم تبقى داخله جوا بس انا ساعات بنسى اظبتها ويسرب امبارح مثلا كنت مقعداها على السجاده لاقيته الكيكى بتاعها سرب على السجاده مش عارفه ازاى ولاقتها عماله تلعب فيه:( بس الحمد لله لحقتها قبل ما تعمل خطوه تانيه
وبالنسبه للبريود انا بردوا الشهر اللى فات كانت نزلتلى كتييييير موووووت عمرى فى حياتى ما نزلت كدا قبل كدا الشهر ده بقى نزله بسيطه موووووووووت كأنها بتخلص مش بتيجى مش عارفه ليه كدا بس انا رايى روحى للدكتوره على الاقل تطمنى على اللوب وعلى راى هبه علشان ميكنش الدم ده حرك اللوب عندك

صوت العيون ʚϊɞ ام سندس ʚϊɞ;12972079:
طيب كان عندها خنفره من مده و الدكتور كان كتبلها نقط للخنفره اسمها لايس تعرفيها

لايس و اتروفين كلهم محلول محلى( سيلاين)

جزاكم الله خير

اتصلت بالدكتور وقالى على قطاره برونكس
ربع قطاره تلت مرات فى اليوم
يا مسهل يارب


سؤالى يعنى ايه البامبرز من جوا بتظبطوه عشان مش يسرب
ممكن شرح

بنات كل عام وانتن بخير يارب


ابني بلغم على صدره بيشخشخ كدة اديله ايه؟

لؤلؤة عروس البحر;12975819:
بنات كل عام وانتن بخير يارب


ابني بلغم على صدره بيشخشخ كدة اديله ايه؟

البلغم بيبقى سخيف موت وبيضايق البيبي الاحسن تكلمي الدكتور تسأليه لان اعتقد طارد البلغم ممنوع للرضع ..الاحسن تسأليه مش تدي من نفسك ..بس عموما لحد ماتعرفي اديله حاجات دافيه زي يانسون واعشاب هتريحه شويه

بنات حـــــور عندها دلوقتى 3 شهور و 5 ايام من فترة كده لما بدأت تعرف ايدها بقت تحطها فى فمها ودلوقتى طول ما هى صاحيه ايدها فى فمها عايزة ابطل العادة دى ساعات بصحى من النوم على صوت مصها لصبعها وبيبقى بايش من كتر ما حطته اعمل ايه يا جماعه

فى بيدوها تتينه بدل ايدها يا جميله عشان متبقاش عاده فيها
سندس كدا
وبديها التتينه الحمد لله

لؤلؤة عروس البحر;12975819:
بنات كل عام وانتن بخير يارب


ابني بلغم على صدره بيشخشخ كدة اديله ايه؟

الف سلامة عليه
وديه للدكتور احسن
هو دور وماشى على الكل بنتى برضه بقالها عشر ايام عندها الدور المقرف ده وكتبلها على ادوية بس الاحسن يكشف بنفسه عليه

katkooota_7aboooba ام حــور;12975837:
بنات حـــــور عندها دلوقتى 3 شهور و 5 ايام من فترة كده لما بدأت تعرف ايدها بقت تحطها فى فمها ودلوقتى طول ما هى صاحيه ايدها فى فمها عايزة ابطل العادة دى ساعات بصحى من النوم على صوت مصها لصبعها وبيبقى بايش من كتر ما حطته اعمل ايه يا جماعه

بصى هى دى عادة عندهم كلهم وهتلاقيها بتحط اى حاجة تيجى قدامها فى بقها بعد كده بس انا مش بفضل التيتينة طبعا لانها حاجة مش لطيفة خالص والفطام منها صعب
وفى دكاترة بيقولوا ان مص الصوابع ممكن يبوظ شكل الفك بتاع البيبيى
المهم انتى خلى بالك منها وجربى ترضعيها لو مصت فى صباعها عشان اوقات بيستسهلوا وياخدوا صباعهم بدل مايرضعوا
واوقات تانية بيبقى مص الصوابع ده عشان تجمع الكالسيوم فى السنان والتسنين بيضايقهم حتى ممكن تلاقيها بتدعك فى عنيك وودانها كل ده من تجمع الكالسيوم بيضايقهم .. ممكن تجيبيلها جل للثة عشان يهدى الموضوع شوية زى دنتينوكس جل

hoba555;12969363:
طيب انا بقا مش عارفه وزن الولاده كام بالظبط
انا كنت تحت تاثير البنج ومسالتش وروحت البيت بعد ما فقت بساعتين كده وكنت فاكره جوزي وماما هيعرفو
بسالهم بيقولوي 300 وشويه ومش فاكرين
اعمل ايه نفسي اعرف زادت اد ايه

هوبا كانوا كاتبينلى على الروشتة بتاعت ادوية جودى اول ماتولدت وزنها
بصى فيها جايز ماخدتيش بالك

بنت من الزمن ده;12970924:
ازيكوا ياقمراات انا ابنى عندوا انسداد في القناة الدمعيه من لما اتولد بس فيه تمرين مفروض يتعمل بس انا مش بعملو ولما رحت لدكتور رمزى البارودى قاللي على نوع قطرة اجيبه اسمها توبركس tobrex بس النشرة كلها بالانجلش بس مكتوب انها مش امنه ف الحمل والرضاعه اوى على حسب مافهمت يعنى بس مكتوب انها لاتصرف الا بنشرة طبيه ولايتسخدم الا تحت اشراف طبيب مش عارفه انا قلقت منها ولو حد بردو حصل معاه موضوع القناة الدمعيه دى يقوللى هو عينه من لما اتولد بتجيب عماص جامد وبتدمع بردو عينه الشمال بس بليييز ردوا بسرعه عشان مش عارفه اديله القطرة ولا لا

انا بنتى برضه جالها موضوع العماص ده جامد فى عنيها بس الدكتور قالى انه التهاب مش انسداد فى القناة الدمعية
حتى انا فاكرة كويس انه جالى التهاب زى ده وانا فى ابتدائى وصحبت من النوم مش عارفة افتح عينى منه :D
هو تقريبا بيجى لكل البيبيهات عشان شفت ولاد صحابى جالهم نفس الموضوع برضه
والدكتور ادى لبنتى لما جالها توبريكس برضه تلات مرات فى اليوم لمدة 3 ايام وقالى اكررها عادى لو جالها نفس الموضوع تانى بس الحمد لله ماتكررش
والروشتة مكتوب فيها الكلام ده عشان القطرة دى فيها كورتيزون بس ماتقلقيش مفيش منها قلق
المهم بس تحافظى على مواعيدها
وتمسحى عينه بقطنة فيها مياه دافية وطبعا لكل عين قطنة لوحدها عشان ماتنقليش من عين لعين
والف سلامة عليه

CuTie KaTkOoTa;12971050:
بنات مين من اللي مركبين اللوب البريود جاتلهم بعده؟

ضروري قولولي البريود زادت بنسبة اد ايه عن الاول عن الطبيعي بتاكم يعني، انا مكنتش بتجيلي خالص من بعد الولادة ولا بعد تركيبه اوكي بس عشان وقفت رضاعة بقي خلاص نهائي فجت بس جت بطريقة جنونية كانها نزيف وكتير جدا جدا بصورة مبالغة فيها وبوظتلي كل الاندرات وجربت الاولويز ومش نافعة طبعا بتتملي عالطول وبتسرب وتبوظلي هدومي كلها وجربت بامبرز جوجو لغاية ما اتملي وسرب بردو في مدة مش كبيرة ودولقتي جبت فوط لوتس تاني بتاعة الولادة ولسه بجربها اهو في الوضع اللي انا فيه ده اما اشوف مع اني واثقة بردو انها هتسرب بردو، مفيش حل طيب؟؟؟؟

وكمان وجعها وتعبها مكنش بيجيلي زمان طول الفترة بتاعتها كده كان بيبقي اول يوم بس وبالكتير تاني يوم وبردو الدم كان بيقل تدريجي كل يوم عن اليوم اللي قبله لكن ده مش بيقل ده بيزيد.

تفتكروا اخد دوا وقف النزيف اللي الدكتورة كانت كاتبتهولي ساعة تركيب اللوب؟؟؟

كلمى الدكتورة احسن يا ايمى واطمنى

بنت من الزمن ده;12971260:
طب انا ابنى زاد نصف كيلو الشهر اللى فات ده يعنى كان عنده شهرين لحد لما كمل 3 شهور زاد نص كيلو بس عموما هو وزنه كويس لما الدكتور وزنه بس انا مقولتلوش انه كان الشهر اللى فات اقل بنص كيلو بس ده غلط بقى ولا ايه لازم كيلو الاربع يعنى اقل حاااجه ؟؟

لازم طبعا يا دينا تتابعى الوزن كل شهرين على الاقل ولو اقل من تلات اربع كيلو كل شهر ممكن ابنك يكون عنده مشكلة فى اللبن قليل مش بيكفيه او بيرجع ويقشط كتير لدرجة انه مش بيستفيد من اللبن اللى بياخده
حاولى ترضعيه اكتر

صحيح يا بنات روحت لدكتورة جلدية وقولتلها على الاسترتش ماركس
قالتلى استعمل كريم اسمه Blendex من الصيدلية بـ27 جنيه
ادهنه مرتين فى اليوم لمدة 3 شهور
وربنا يسهل ويجيب نتيجة بقى

*pippo*;12976854:
صحيح يا بنات روحت لدكتورة جلدية وقولتلها على الاسترتش ماركس
قالتلى استعمل كريم اسمه Blendex من الصيدلية بـ27 جنيه
ادهنه مرتين فى اليوم لمدة 3 شهور
وربنا يسهل ويجيب نتيجة بقى

انتي عندك استرش مارك لونها بني ولا ايه يا بيبو
انا نفسي ارجع زي زمان :'(
هخلي جوزي يشوف الروشته بس هي كانت تقريبا روشته واحده فيها ادويتي وادويه رنا هخلي جوزي يشوف ويارب يلاقي الوزن مكتوب
قوليلي صحيح اللوب ركبته عند د ناهد
وركبتيه نوعه ايه

هى فعلا يا بيبو بتدعك فى عنيها و ودانها وانا بحاول كل ما تمص صوابعها ارضعها ساعات بتكون جعانه وساعات لا باذن الله هجبلها الجل وانا كمان مش بحب التتينه
كنت عايزة اقلكم حاجة تانيه حــور بتجلها زغطة كتييييير اوى حوالى 4 او 5 مرات فى اليوم وكل يوم وبتضايقها اوى متعرفوش سببها ايه واعمل ايه عشان اضيعها
جزاكم الله خيرا

معدتها بتكبر يا جميله ما شاء الله عادى

katkooota_7aboooba ام حــور;12977181:
هى فعلا يا بيبو بتدعك فى عنيها و ودانها وانا بحاول كل ما تمص صوابعها ارضعها ساعات بتكون جعانه وساعات لا باذن الله هجبلها الجل وانا كمان مش بحب التتينه
كنت عايزة اقلكم حاجة تانيه حــور بتجلها زغطة كتييييير اوى حوالى 4 او 5 مرات فى اليوم وكل يوم وبتضايقها اوى متعرفوش سببها ايه واعمل ايه عشان اضيعها
جزاكم الله خيرا

ممكن تسبيها تروح وحدها
بس انا البيبي يصعب عليا فبرضعها بتروح علي طول
والزغطه دي طبيعي انها تيجي للاطفال في السن ده

katkooota_7aboooba ام حــور;12977181:
هى فعلا يا بيبو بتدعك فى عنيها و ودانها وانا بحاول كل ما تمص صوابعها ارضعها ساعات بتكون جعانه وساعات لا باذن الله هجبلها الجل وانا كمان مش بحب التتينه
كنت عايزة اقلكم حاجة تانيه حــور بتجلها زغطة كتييييير اوى حوالى 4 او 5 مرات فى اليوم وكل يوم وبتضايقها اوى متعرفوش سببها ايه واعمل ايه عشان اضيعها
جزاكم الله خيرا

ازاى طيب بنخلى النونو يبطل التتينه ان شاء الله

صوت العيون ʚϊɞ ام سندس ʚϊɞ;12977293:
ازاى طيب بنخلى النونو يبطل التتينه ان شاء الله

ممممممممممم
سندس مبتنمش الا بيها