استفسارات و تسؤلات الامهات عن كل شئ (الجزء الثالث)

بسكوت ميلوبا بتجيوها منين من صيدليه ولا هايبر

بنات هو مافيش بسكويت اطفال من غير قمح ؟؟؟؟

سوسي انا سمعت دكتوره في التي في بتتكلم عن حساسيه القمح وقالت ان في منتجات كتير مصنعه من الذره

وقالت ان في بسكوت

nemonamanemo;13260293:
سوسي انا سمعت دكتوره في التي في بتتكلم عن حساسيه القمح وقالت ان في منتجات كتير مصنعه من الذره

وقالت ان في بسكوت

جزاكي الله خير يا نيمو طيب اشوفها فين في الصيدليات الكبيرة مثلا ؟

ازيكم .. انا دورت على شاى اعشاب لعيسى لان عنده غازات ومغص كله مكتوب عليه من 6 شهور لفوق ينفع اديهوله وهوا عنده شهر ولا اعمله ينسون بس
مع انى قريت مكوناته ينسون وبابونج وشمر وزعتر مستنيه ردكم

طيب ما تشوفى بيبى درينك وبيبى كالم دول بيخدوهم من وهما لسه مولودين الحمد لله

ام عيسي....... ممكن تديله بيبي كالم او درينك زي مورو ما قالتلك او تخلطي ينسون و كراويه و نعناع بمقادير متساويه و تديهالوه


سوسي....... لا اعتقد في منافذ البيع بتاعه وزاره الزراعه

بس خير انتي عوزاها ليه


بنات....... انا ممكن استخدم الكارير من امتي بتاعه شيكو مكتوب عليها زيرو مانس

بصراحه يا نيمو برده بتاعى كان كدا
بس خفت برده على ظهرها

ربنا يكرمكم متشكره اوى على ردكم
انا بعملو كمان اكل تانى بدى زبادى وبسلق جزر واهرسه فى الخلاط او تفاح او ساعات بطاطس مسلوقه بس لاقتكو بتقولو ممكن كمان كوسه هجربها كدا معاه بس كنت عاوزه اعرف حاجه فى هنا ى السعوديه انواع غير الميلوبا مكتوب عليها نوع من الخضار مع ارز او السبع حبات مكتوب انه يضاف 2 كوب حليب دافى هل دا حليب بئه عادى ولا ممكن اعمله باللبن الصناعى؟
وعلى فكره هيرو كمان عامل بسكوت للاطفال فى للرضع وفى للاسنان مكتوب عليه برده خالى من البيض ومدعم بالحديد والكالسيوم والفيتامينات وكمان لقيت برده هيرو عامل عصير فى زجاجات نونو كدا فى كل نوع فاكه لوحده وفى نوعين او 3 سوا انا جبت لحماده اللى بالتفاح ومشكل عجبه التفاح لكن المشكل بصلى بقرف كدا وراح مدور وشه ههههههههههههه الصراحه انا قولت هجبله من الانواع دى لانى معرفش اعمله فى البيت غير البرتقال بسسسسسسسسسسس وبخاف اديله حاجه تانيه عصير ليكون مش كويس

صوت العيون ʚϊɞ ام سندس ʚϊɞ;13261057:
بصراحه يا نيمو برده بتاعى كان كدا
بس خفت برده على ظهرها

على فكره انا سمعت الدكتورمدحت قال انه ممكن من 4 شهور لان الطفل مش بيحب ينام على ضهره كدا وبيبقى عاوز يقعد يشوف اللى حوليه فانت ممكن تنزلى الدراع اللى بيتمسك منه وتخاليه على شكل كرسى ويتثبت عادى وتقعديها انا كنت خايفه الاول بس هنا الكل فى المطاعم بالقى كدا وفى كمان بيحطو النونو فى وهو لسه مولود كانه سرير هزاز وسالت الدكتوره قالتى لا مفيش حطر مدام مش طول اليوم يعنى او مش بتفردى ضهره خالص دا الغلط انما لو لوقات بسيطه عادى وعلى فكره حماده بيقع عليه ويقدم نفسه لقدام كدا مشاء الله اتعود يقعد ماسك نفسه منه لانه محوطه من الجوانب منش ببقه خايفه يقع على ضهره وراسه زى المخدات

بنات سؤال ساذج شويه

هي اللي بترضع طبيعي لازم لبنها يكون بينقط

ماما بتقولي كده اصل انا البرست عندي علي طول ناشف بس لو ضغطت عليه جامد بينزل نقطه كده ولا اتنين

معني كده ان اللبن عندي قليل و لا مش مقياس

عشان اللبن عندى كانه مايه وخفيف فجيبت صناعى الحمد لله على كل شئ

بنات محمد عيان عنده كحه ومناخيره مسدوده اديله ايه؟؟

بصى يا جميله فى قطره اسمها لايس دى محلول ملحى بتسلك المناكير
وفى دوا نقط للكحه والبرد عمتا اسمه برونكس
وتقريبا هو بقطارة بتديله ربع قطاره
بس مش عارفه ينفعله وهو لسه نونو خالص كدا
زكنت نزلت صورة برونكس قبل كدا
فممكن تتصلى بالدكتور بتاعك تسأليه عليه

عندي النقط يا مورو
وللاسف انا يف الامارات الادويه دي مش عندي

nemonamanemo;13261872:
بنات سؤال ساذج شويه

هي اللي بترضع طبيعي لازم لبنها يكون بينقط

ماما بتقولي كده اصل انا البرست عندي علي طول ناشف بس لو ضغطت عليه جامد بينزل نقطه كده ولا اتنين

معني كده ان اللبن عندي قليل و لا مش مقياس

لا عادي ده طبيعي ما تخافيش بس دايما رضعيه او اشفطي اللبن لان نشفان البريست دا معناه اللبن بعد الشر بدء يجمد خللي بالك ولا انتي قصدك مش بينقط خالص لو ده قصدك لا مش شرط خالص دا بالعكس ممكن معنى كده ان النونو بياخد اللبن اللي محتاجه بانتظام وبيشبع المؤشر الوحيد للبن القليل هو عدم نمو الطفل بشكل طبيعي لسنه

بنات انا مش عارفة اعمل جزء تاني ولا ايه للموضوع لان كده ممكن المشرفة تقفله لان الردود وصلت اكتر من 500

عامة انا حعمل جزء جديد عشان نعرف نلاقي بعض لو ده اتقفل في وشنا

وده اللينك عشان دا ما يتقفلش في وشنا كله يكمل هناك

http://forums.3roos.com/showthread.php?t=568193

nemonamanemo;13261872:
بنات سؤال ساذج شويه

هي اللي بترضع طبيعي لازم لبنها يكون بينقط

ماما بتقولي كده اصل انا البرست عندي علي طول ناشف بس لو ضغطت عليه جامد بينزل نقطه كده ولا اتنين

معني كده ان اللبن عندي قليل و لا مش مقياس

المقياس الوحيد ان البيبى يشبع وينام كويس ووزنه يبقى كويس
والبريست بينظم كميات اللبن اللى بينتجها حسب احتياج البيبى

مشمش ام محمد;13263702:
بنات محمد عيان عنده كحه ومناخيره مسدوده اديله ايه؟؟

الف سلامة عليه مايشوفش وحش
المشكلة انك فى الامارات صعب تلاقى الادوية اللى بنتكلم عنها الاحسن تسألى الدكتور او الاماراتيين هيقولولك على حاجات هتلاقيها عندك
انا استعملت لبوس اسمه كوفسيد باراسيتامول كان هايل مرة واحدة فى اليوم بالليل لمدة تلات ايام كويس جدا

رجائي رضا ربــــي;13260818:
ازيكم .. انا دورت على شاى اعشاب لعيسى لان عنده غازات ومغص كله مكتوب عليه من 6 شهور لفوق ينفع اديهوله وهوا عنده شهر ولا اعمله ينسون بس
مع انى قريت مكوناته ينسون وبابونج وشمر وزعتر مستنيه ردكم

بصى يا قمرة انا قريت قبل كده فى مواقع اجنبية وكمان د. مدحت زيات قال نفس الكلام .. قالوا ان الحاجات اللى بيبقى مكتوب عليها من 6 شهور بتنفع عادى للأطفال الاصغر بس منظمة الصحة العالمية عاملة توصيات انهم يكتبوا من 6 شهور عشان فى ناس بتفتكر ان لما ندخل حاجة للببى قبل ست شهور يبقى نقلل كمية اللبن اللى بياخدها يعنى يبدأ يتفطم ... قريب كل الحاجات اللى مكتوب عليها 6 شهور هيبقى مكتوب عليها 4 شهور
بالنسبة لابنك انا عارفة انه نونو بس بنفع عادى ياخد اعشاب مفيش مشكلة مع ان مش كل الدكاترة بتحب تدخل حاجة جنب لبن الام بس الاعشاب اللى هى ينسون وتليو وكراوية وكده اوقات بتبقى مهمة لانها بتريح البيبى من الانتفاخات والمغض بس خلى بالك ن رضعة الاعشاب دى مش مفيدة ليه فى النمو بتاعه هى مجرد حاجة بيشربها عشان بطنه بس يعنى ماتقلقيش اللبن اللى بياخده

nemonamanemo;13261039:
ا


بنات....... انا ممكن استخدم الكارير من امتي بتاعه شيكو مكتوب عليها زيرو مانس

معظم البنات هنا استنوا لشهر ونص او شهرين وبعدين استعملوها

بسكوتى;13261559:
ربنا يكرمكم متشكره اوى على ردكم
انا بعملو كمان اكل تانى بدى زبادى وبسلق جزر واهرسه فى الخلاط او تفاح او ساعات بطاطس مسلوقه بس لاقتكو بتقولو ممكن كمان كوسه هجربها كدا معاه بس كنت عاوزه اعرف حاجه فى هنا ى السعوديه انواع غير الميلوبا مكتوب عليها نوع من الخضار مع ارز او السبع حبات مكتوب انه يضاف 2 كوب حليب دافى هل دا حليب بئه عادى ولا ممكن اعمله باللبن الصناعى؟
وعلى فكره هيرو كمان عامل بسكوت للاطفال فى للرضع وفى للاسنان مكتوب عليه برده خالى من البيض ومدعم بالحديد والكالسيوم والفيتامينات وكمان لقيت برده هيرو عامل عصير فى زجاجات نونو كدا فى كل نوع فاكه لوحده وفى نوعين او 3 سوا انا جبت لحماده اللى بالتفاح ومشكل عجبه التفاح لكن المشكل بصلى بقرف كدا وراح مدور وشه ههههههههههههه الصراحه انا قولت هجبله من الانواع دى لانى معرفش اعمله فى البيت غير البرتقال بسسسسسسسسسسس وبخاف اديله حاجه تانيه عصير ليكون مش كويس

الحليب اللى بيضاف بيبقى حليب مخصص للأطفال زى ابتاميل واس 26 وبيبيلاك وكل الحاجات دى .. حليب الابقار ممنوع تماما قبل سنة .
اعمليله عصير جوافة او موز حلوين
وممكن تسلق كمترى وتهرسيها وتخففيها زى العصير بتبقى حلوة برضه
الخضار كتير منه قوى ينفع جزر كوسة بطاطس بطاطا قرع عسلى

بسكوتى;13261604:
على فكره انا سمعت الدكتورمدحت قال انه ممكن من 4 شهور لان الطفل مش بيحب ينام على ضهره كدا وبيبقى عاوز يقعد يشوف اللى حوليه فانت ممكن تنزلى الدراع اللى بيتمسك منه وتخاليه على شكل كرسى ويتثبت عادى وتقعديها انا كنت خايفه الاول بس هنا الكل فى المطاعم بالقى كدا وفى كمان بيحطو النونو فى وهو لسه مولود كانه سرير هزاز وسالت الدكتوره قالتى لا مفيش حطر مدام مش طول اليوم يعنى او مش بتفردى ضهره خالص دا الغلط انما لو لوقات بسيطه عادى وعلى فكره حماده بيقع عليه ويقدم نفسه لقدام كدا مشاء الله اتعود يقعد ماسك نفسه منه لانه محوطه من الجوانب منش ببقه خايفه يقع على ضهره وراسه زى المخدات

انتى بتتكلمى عن الكارسيت صح؟
هم بيتكلموا ن شيالة البيبى

بنات هو دلوقتي اللي ابنها أو بنتها في عمر ابني بردو ياخد على فيدروب ولا بتغيروه؟؟

sweet_toota;13242799:
هى الكوبايات الغالية الميزة فيها انها BPA free و عشان كدة الواحد ميستخسرش فى الحاجات دي

بالنسبة للمشايات يا بنات تنفعهم من امتى؟؟؟

و سؤال كمان انا بنتي مبتعرفش تقعد خاااااااااااااالص الا لو حواليها مخدات من كل حتة لكن غير كدة مبتعرفش تمسك نفسها و راسها بردو لسة مثبتتش كدة و هى دلوقتى 5 شهور و اسبوع تقريبا مش كدة اتأخرت؟؟؟

نتهيألي عادي ابني 7 1هولا اهو وبردو مش بيعد لوحده خالص

موضوع المشاية دى بردو مش عارفاه انا بقعده فيها وناس بتقول غلط وناس تقول صح مش عارفة بقى

ايه الBPA free دي ياتوتا