استفسارات و تسؤلات الامهات عن كل شئ (الجزء الثالث)

البنات اللي ولدوا قيصري قدرتوا تمشوا و تعملوا رياضه بعد قد ايه؟؟؟

واقدر اعمل دايت من امتي بحيث انه ميأثرش علي الرضاعه لاني لحد معتمده اكتر علي الرضاعهالطبيعي الحمد لله؟؟

nemonamanemo;13167983:

انا بنظفلها الكيكي بقطن مبلول و بنشفلها بقطن بردوا و بدهنلها سانوسان هو تقيل فبيبقي في طبقه تقيله كده و بعد كده بلبسها البامبرز

انا ممكن اكون بسبيهابالمبرز كتير من غير ما اغيره ؟؟ طيب هو المفروض اغير كام مره او اعمل اتشيك كل قد ايه

بصي يا نيمو، انا بنضف بقطنة مبلولة ومعصورة بس مش اول وبعدين انشف بالفوطة بتاعتها كويس اوي عشان ميبقاش في اي بواقي مية او رطوبة حتي، وبعدين بدهن بسانوسان بردو بس باخد حتة صغيرة وادهنها كويس عشان الجلد يتشربها ومش تبقي طبقة تقيلة اوي زي ما بتقولي كده بس بغطي المكان كله بقي وحواليه وكده وبعدين البسها بامبرز المصري ده اللي بقالي مدة بستخدمه وكويس اوي الحمدلله معايا إلا نادرا لما بيسرب وبتبقي هي عملت كتير او اسهال مثلا كده يعني.

لما كانت صغيرة كنت بدهن الكريم عالطول مع كل تغيير عشان يبقي حماية لكن لما كبرت بقيت بستخدمه لو حصل حاجة بس يعني لو لقيت نقط او المكان محمر والحمدلله لما بدهنه من مرة واحدة لما بغيرلها تاني بعدها مش بلاقي اي حاجة الحمدلله

♥أم°•♥DANDONA_2010 ♥•°حلا♥;13157073:
ازيكم يا بنات
عاوزة اسال عن طريقة مهلبية الجزر والشوفان بالتمر بيتعملوا ازاى؟؟ لانى انا بقيت استسهل واديها سيريلاك وزبادى وخلاص وعاوزة انوع

انا بعمل مهلبية الجزر بعصر الجزر ف العصارة و بعدين اخج العصير احطة على النار و ادوب النشا فى مية و بعدين احطة علية و خلاويص اسبها لحد ما تتقل

*pippo*;13164337:
هم امتى بيقعدوا؟؟؟
وامتى بيتعلقوا بالام ويعيطوا لو سابتهم ومشيت؟

محمد دلوقتى اهو 7 شهور و نص بيقعد لوحدة و بيعيط لما بيغيب عنة او حد تانى شايلة بيكون عاوزنى انا

[

هى مهلبية الجزر من سن كام
وسؤال هو انتو مخليين عصارة او خلاط مخصوص لاكل البيبى وللا اللى بتستعملوها عادى يعنى معقولة نعمل اكلهم مكان البصل و الحجات دى عادى وللا ايه

Bossy22;13170298:
هى مهلبية الجزر من سن كام
وسؤال هو انتو مخليين عصارة او خلاط مخصوص لاكل البيبى وللا اللى بتستعملوها عادى يعنى معقولة نعمل اكلهم مكان البصل و الحجات دى عادى وللا ايه

نفس الحاجة بتاعتنا عادى انتى كده كده بتغسلى الحاجة كويس ومش بيبقى فيها ريحة البصل ولا حاجة :)

ماهى ميرسى يا قمر ربنا يباركلك فيه يارب :)

nemonamanemo;13167983:
من فضلوكوا يا بنات انا ليا استفسار عن الراش اللي مكان البامبرز

انا بنتي بيطلعلها نقط حمرا كده بس حمرا جامد مش عارفه ديه من ايه انا هقولوكوا انا بعمل ايه و انتوا قولولي ايه الغلط

انا بنظفلها الكيكي بقطن مبلول و بنشفلها بقطن بردوا و بدهنلها سانوسان هو تقيل فبيبقي في طبقه تقيله كده و بعد كده بلبسها البامبرز

انا ممكن اكون بسبيهابالمبرز كتير من غير ما اغيره ؟؟ طيب هو المفروض اغير كام مره او اعمل اتشيك كل قد ايه

و ممكن يكون من نوع البامبرز انا كنت بستخدم الي هو كوتش ده نوع اسمه بيبي ستار و بعد ما خلص جبت بامبرز عشان كانت طلعتلها مره النقط الحمرا ديه فخفت يكون من البيبي ستار ده فقلت اجيب بامبرز بس طلعتلها مره كمان اهوه

بصي باه يانيمو بنتك لما تكمل 15 يوم تاخديه وتشطفيه علي الحوض علشان تتعود انا كنت باخ عليهم واقفل الباب وقطنه وكان بيحصلهم تسلخات وانا بشطفهم علي الحوض حتي لو عملو بيبي وبنشفهم كويس وسبهم شويه يتهيوا كده وبحط كريم سودو وال قلي تشفطيهم علي الحوض ام نبيله الله يكرمها قالت البيبي حسب ماتعوديها

*pippo*;13170314:
نفس الحاجة بتاعتنا عادى انتى كده كده بتغسلى الحاجة كويس ومش بيبقى فيها ريحة البصل ولا حاجة :)

ماهى ميرسى يا قمر ربن او البطاطس بتيضفي مياا يباركلك فيه يارب :)

طيب يابيبو مثلا بتجبي تضربي الجزر اماتضيفي مياه ولا لاه اصلي الخلاط بتاعي مش بيفق غير لما احط مياه كتتير ماعنه نوعه مولينكس

nemonamanemo;13168429:
سمعت من ناس كتير انه حلو

انا عندي كانوا مديهوني في المستشفي طيب قوليلي يا موني انتي بتستخدمي كريم سانوسان بردوا

لا مش بستخدم سانوسان يا نيمو

katkooota_7aboooba ام حــور;13170447:

ربنا يباركلكم كلكم بجد استفدت منكم كتير
بكرة باذن الله حور هتاخد تطعيم الاربع شهور المفروض اديها سيتال نقط قبل ما نروح الصبح ولا ايه ؟؟؟
وهعمل زى ما قلتوا احطلها قطنه مبلوله بمياه ونشا على التطعيم
صحيح تطعيم الشهرين كلكع كده فى رجلها وعمل لون ازرق وقعد فترة طويله يعنى تقريبا لحد اخر التالت كده . المياه بالنشا هتقلل الموضوع ده ولا ايه عشان مش يتكرر معاها فى التطعيم ده

انا بستعمل هيموكلار والحمد لله رجلها مش بتورم ولا بتكلكع .. بدهنها 3 او 4 مرات فى اليوم :thumbs_up:

miko85;13170908:
بصي باه يانيمو بنتك لما تكمل 15 يوم تاخديه وتشطفيه علي الحوض علشان تتعود انا كنت باخ عليهم واقفل الباب وقطنه وكان بيحصلهم تسلخات وانا بشطفهم علي الحوض حتي لو عملو بيبي وبنشفهم كويس وسبهم شويه يتهيوا كده وبحط كريم سودو وال قلي تشفطيهم علي الحوض ام نبيله الله يكرمها قالت البيبي حسب ماتعوديها

:thumbs_up::thumbs_up::thumbs_up:
ومش لازم تستنى لما تتم 15 يوم
من اول يوم بنغسلها على الحوض وما شاء الله متعودة على المياه وبتحبها :thumbs_up:

miko85;13170921:
طيب يابيبو مثلا بتجبي تضربي الجزر اماتضيفي مياه ولا لاه اصلي الخلاط بتاعي مش بيفق غير لما احط مياه كتتير ماعنه نوعه مولينكس

انا عندى كبة زى دى بستعملها على طول مش لازم اضيف مياه خالص اصلا بس طبعا بحط مياه عشان اخففه وينفع فى البيبرونة

وفى كمان الدراع ده بنات كتير بيشكروا فيه بس مش عندى:

بكام الكبه يا بيبو
ونفس السؤال مهلبيه الجزر من امتى ان شاء الله

دى كانت فرنساوى أصلى بـ350 يا مورو من سنتين من بورسعيد

Bossy22;13170298:
هى مهلبية الجزر من سن كام
وسؤال هو انتو مخليين عصارة او خلاط مخصوص لاكل البيبى وللا اللى بتستعملوها عادى يعنى معقولة نعمل اكلهم مكان البصل و الحجات دى عادى وللا ايه

صوت العيون ʚϊɞ ام سندس ʚϊɞ;13171651:
بكام الكبه يا بيبو
ونفس السؤال مهلبيه الجزر من امتى ان شاء الله

عادي يا بنات ممكن من بداية ما تأكلوهم الخضار اصل هي هي ونفس الجزر بياكلوه وكمان الدكاترة كانوا بيقولوا علي المهلبية عامة اوكي فعادي.

حلو قوووى الجروب ده انا استفدت منكو انا كمان هطعم ابنى قريب وشايله هم التطعيم عشان التورم الى بيحصله بس هسمع بنصيحتكم وهحط نشا وميه

ونقط سيتال بعد التطعيم كل ست ساعات لمده يومين
ان شاء الله

ميرسى يا ام سندس يا سكرة وربنا يخلى لك نونه يارب اصل انا ليه واحده صحبتى مسميه بنتها سندس ويتدلعها نونه

صوت العيون ʚϊɞ ام سندس ʚϊɞ;13172447:
ونقط سيتال بعد التطعيم كل ست ساعات لمده يومين
ان شاء الله

مش لازم يومين يا مورو، لو الحرارة نزلت يبقي خلاص مفيش داعي لأن كتر الحاجات دي مش كويس بردو خليها للضرورة بس، لكن لو لسه في حرارة يبقي تكمل اه زي ما قلتي

نسيت اقولكم ان الدكتور قاللي المشاية مش قبل 9 شهور وسألته علي تطعيم الانفلونزا الموسمية، قاللي لأ بدري عليها مش قبل ما تتم سنة علي الاقل.

كتكوته ازيك ياقمر وازاي جوجو الف سلامة عليها والله اضايقت اوي لما عرفت انها وقعت يارب اخر مره ان شاء الله ..بصي عاوزة اقولك ان الافضل بلاش تطعيم الانفلونزا الموسميه دي لحسن تطعيم قرف والله السنه اللي اخدتها فيها جالي كمية ادوار برد ومناعتي ضعفت جدا جدا وصاحبتي دكتورة باطنه قلتلي ان التطعيم ده هو السبب فمابالك للبيبهات

hoobie;13174007:
كتكوته ازيك ياقمر وازاي جوجو الف سلامة عليها والله اضايقت اوي لما عرفت انها وقعت يارب اخر مره ان شاء الله ..بصي عاوزة اقولك ان الافضل بلاش تطعيم الانفلونزا الموسميه دي لحسن تطعيم قرف والله السنه اللي اخدتها فيها جالي كمية ادوار برد ومناعتي ضعفت جدا جدا وصاحبتي دكتورة باطنه قلتلي ان التطعيم ده هو السبب فمابالك للبيبهات

الله يسلمك يا جميلة ربنا يخليكي، بجد والله بس ده ماما كانت بتقولي عليه عشان اختي عالطول كل سنة بتديه لولادها والحمدلله بيقلل موضوع العيا والبرد ده اوي عندهم.

انتي كنتي بتاخديه فين في المصل واللقاح؟