كل سنة وانتم طيبين ينعاد عليكم بالخير والبركة
انا كنت عملت مشاركة من حبه صغيره في تجمع البشرة
هنكمل هنا بئه بالمنتجات بتاعة الشعر
كريم سوفت اند بيوتفل
طبعا كنت كتبت عنه قبل كده وعاجبني جدا بس على فكرة هو ناقص من السوق بشكل بششششع يعني هتلفو عليه مش هتلاقوه خالص روحت صيدلية محفوظ وسيف وخليل وكل الصيدليات من المنشية لمحطة الرمل لمحطة مصر كل دا اخداه مشي على رجلي في عز الشمس لحد ما وصلت عند العزبي في محطة مصر ولقيته الحمدلله بس سعره 77 ج المفتري مع ان سعر الكريم دا اصلا كان 57 وبعدين غلوه ل 60 او 64 حسب المكان عااااااا :hysterical:
بالنسبة للبنات اللي استخدمت الكريم ومش نفع معاهم
راعو نوعية شعركم يا بنات
هو مكتوب جواه تحذيرات مش بيستخدم عالشعر المقصف ولا التالف ولا المصبوغ ولا يتغسل الشعر بشامبو قبل الاستخدام ب 48 ساعة عالاقل
اقرو الورق كويس دي فيها ارشادات وموانع كتيرة لازم نراعيها
مينفعش يبقى واحده في شعرها كل المشاكل دي وتستخدم الكريم بعدين تكتشف انه مش نفع معاها غلط خالص
وكمان لو الشعر رقيق وناعم مش تستخدمو السوبر خالص استخدمو العادي او بتاع الاطفال
الكريم دا تاني مرة استخدمة اخر مره استخدمته كان من 9 شهور اعتقد مش فاكرة بس كان في عيد الاضحى اللي فات وبعد المده دي كلها استخدمته تاني بس عالجذور الجديدة فقطط وبجد تحفة جدا جدا
وعلى فكرة صغرو كل حاجة فيه يعني انا لما جبته من 9 شهور كانت العلبة فيها الاتي
برطمان كريم صافي الوزن 212 جرام
كيسين زيت ترطيب
ازازه 29 مل من بلسم لا يشطف
ازازه 29 مل من بلسم معالج وملمع للشعر مكون من البانثينول
ازازه 29 مل من الشامبو المخصص ليه
ازازه 29 مل من سائل التنشيط اللي بيتحط عالكريم
وكل دا كان بكام كان ب 57 ج وبعدها غلى شوية وطلع لل 64 جنية
امبارح بئه جبته من العزبي ب 77 ج والعلبة فيها الاتي
برطمان معفن شبه علبه الكشري فيه كريم وزنه 198 جرام
كيس واحد من الزيت (( شالو كيس من الاتنين :thumbs_down: ))
كيس فيه بلسم لا يشطف (( خدو الازازه :worn_out: ))
كيس اد كيس الشامبو اللي ب ربع جنية في كريم البانثيونل للترطيب وعلاج الشعر (( بعد ما كان ازازه 29 مل اد سيرم ايفون شوفو انتو بئه اد ايه :| ))
ازازه 29 مل من الشامبو المخصص ليه
ازازه 29 مل من سائل التنشيط اللي بيتحط عالكريم
حتى الامريكان بيخنصرو هههههههههههههههه
يلا اهي عدت وخلاص هي مره كل سنة بس بجد نتايجة معايا الله اكبر تحفة ومفيش ولا شعراية وقعت مني ما شاءالله ماشاءالله
-----------------------------------------------------
صبغة باليت لون احمر ياقوتي
جبتها لماما عشان ادلعها شوية هههههههههههه
لونها جميل جدا جدا بس هو طلع اغمق شوية من الصورة عشان ماما اصلا شعرها اسود قاتم بس بجد اللون جميل ومش مأفور ابداااااا ماشاءالله مبروك على مامتي بئه عيد سعيد :lol:
-------------------------------------------------
كريم حمام زيت من انرجي
ماسك بالاعشاب لعلاج الشعر الجاف
عجبني جدااااااااا
اولا قوامه تحفة وريحته مش زي الكريمات العادية معطره لا دا ريحته اعشاب وفيه بذور واعشاب فعلا ودي صورته من جوا
من اول مره استخدمته لقيت شعري طري وبيلمع بس بردو دا مش حكم نهائي دي مجرد ملاحظة عليه وهو مكتوب انه بيستخدم لتدليك الشعر من الجذور للاطراف وبعدين بنلف الشعر وبنعرضه لحراره 10 دقايق
طبعا الكلام دا انا مش مقتنعه بيه انا حطيته من اول لاخر شعري بس بعيد تماما عن فروة الشعر
الكريم صناعتة لبناني وسعره 30 جنية
-----------------------------------------------------------
كريم باراشوت بجوز الهند ودا نوع جديد منه للتغذية الاضافية وفيه حاجة اسمها اكوا شيلد بتحافظ عالشعر من الجفاف الناتج من ماية الاستحمام والكلور وكده
عجبني جدا ريحته وهو قوامة خفيف مش دهني خاااااالص قلت استخدمه بالتبادل مع بلسم كويك تاتش بتاع ايفون عشان مش ازهق
صناعته هندي وسعره 15 جنية
كده انا خلصت لوحد عنده سؤال يسال براحته طبعا
فاضل حجات بسيطة للمكياج تابعوني هناك بئه :DF::L: