أنوش;12940299:
انا حاسه بيكي والله لان انا نفس مشكلتك عارفة صوري لحد الاعدادي شعري ناعم خالص بس فيه كسرات واسعة وجت واحده قالتلي على جلات قلت اجربه وهي كانت الاولى والاخيره بغض النظر عن انه بوظه بس جلات اصلا معفن انا بحسه بطاس او ماده كاويه واللي زاد وغطا ان كنت صغيره بئه ومش فاهمه العملية ماشيه ازاي ورحت حطيته على فروة راسي تخيلي بئه المنظر وشعري بعدها عمل ازاي
طبعا مش استحمل واتحرق واتبهدل وبئه بيقع مني والله وانا بغسله الاقي خصل نازلة بحالها 5 ولا 6 شعرات بطولهم مع بعض كنت امسكه واعيط عليه
وواضح ان فتلة شعرك رقيقة عشان حتى بتاع الاطفال مش ناسبك
بوصي انتي مش تقصيه لكن قصي الاطراف بتاعته وبس وكل 6 ايام ولا اسبوع سخني شوية زيت ( زتون + جوز هند + دره عافيه ) وادهني بيها الشعر من اوله لاخره حتى فروة راسك وسيبيه ساعتين وبعدين اغسليه وخليكي رقيقة معاه بلاش تفركي جامد بالشامبو
والافضل بئه تستخدمي شامبو مرطب عشان يساعدك في التسريح
وبلاش تغسلي شعرك كتير يعني هي مره واحده فالاسبوع ولو احتجتي تغسليه وسط الاسبوع اشطفيه بالمايه بس وبعدين ادهني بلسم وابعدي عن فروة الراس وسيبي البلسم يشتغل 5-10 دقايق وبعدين اشطفيه بالمايه هتلاقي شعرك نضف خالص من غير شامبو ولا حاجة
وباذن الله شعرك هيرجع تاني بس اصبري وحاولي تخلي نفسيتك مرتاحة وقولي جواكي انها مشكله وهتعدي لان طول ما انتي مكتئبه وزعلانة كده شعرك هيتدمر اكتر
ومعلش حبيبتي مش تزعلي قدر الله وما شاء فعل F:
ماشاءالله لا قوة الا بالله
نوعيه شعر ماما ايه ياقمر يعني ناعم ولا جاف ولا عادي
وكانت بتعاني من مشاكل ايه تساقط , تقصف , هيشان , تكسر
وهل المشاكل دي اتعالجت بعد الكيراتين ولا ايه
واخر سؤال هو شعرها طويل ولا اد ايه وعملته بكام وفين واستخدمت اللي هو البرازيلي الجلوبال ولا نوع ايه ؟
من الاخر ادينا تفاصيل التفاصيل هههههههههههههههه
ماما من الاخر كان شعرها متبهدل تقصف وكسراتة جامدة علشان هى اصلا مش بتهتم بية خالص بس الشعراية مش خشنة لكن مجهدة جدااااااااااااااا جداااااااااااااااااااااااا
معظم المشاكل اتعالجت لكن بنسب يعنى الهيشان قل بنسبة 90 % الشعراية بقت حلوة جدا
جدا وناعمة وطرية جدا وبتلمع وعلشان هى بقت طرية فاتفردت عن الاول كتير لدرجة انها بقت تخرج من الحمام تلمة بتوكة وخلاص كدة ويبقى حلو جدا وهى كان شعرها لحد كتفها او اقصر سنة بالنسبة لنوع الكيراتين فمستخدمش جلوبال استخدمت حاجة احسن هبقى انقلك اسمة بالظبط وهو خالى من الفورمالدهيد يعنى مش بيفرد نهائى بيعالج ليس اكثر
انا جبت الكيراتين من جروب على الفيس بوك كلمتها وقلتلها شعر ماما وطولة وتقلة وهى بتبعتلى كمية تكفى شعرها ودة كان عرض مدتة شهر وكان ب 450 جنية وجابتلى واحدة بتعملة فى البيت وبتاخد 200 جنية
وخلال العمايل اكتشفت اكتشافين
البنت اللى جت عملت فى البيت هى نفسها بتعمل كيراتين وواخدة كورس عند محمد الصغير وبتجيبة من البرازيل لان اختها مضيفة وبتجيب نوعية اجدد بتعد على الشعر يومين فقط قبل ما تتغسل
وعمايل الكيراتين سهلة جدا جدا بس فى حاجات لازم اى واحدة تاخد بالها منها هبقى اقولهالكم فى مرة تانية لحسن تعبت من الكتابة واى سؤال انا فى الخدمة:L:
