عروسة ليبيا;12990528:
امممم
روز اكيد قفطانك يبان احلا وارقا بلا ماتقولي باين بس الناس من بعيد ما تركزش انو الخامه احلا يعني الا الي يدقق
انا ننصحك ديري ف ليبيا
والبطاقات متلا والكوفيتي علب الملبس او هديت المعازيم جيبيهم معاك
وف حاجات تاني بسيطه حلوة ف بريطانيا زي كاسات العصير بتاع العرسان متلا والاكسسوارات بتاعهم والبوكيه
والخ الخ من الامور هادي ممكن تجيبيه معاك
وخالتك مدام دارو عرس خالك يعرفو جو العشاء والاكل والجو اهو
يحجزوه ليكم بكري
وانتو جربتو في
صاله عرس خالك شفت صورها قنينه
ولو الديكور مش عاجبك عادي انتي تطلبي يعدلولك فيها وخليه الالوانه سكري متلا وذهبي وممكن زيتي فاتح الالوان كلاس وملكيه
او اى لون تاني انتي تحبيه
بس اهم حاجه ف عرس ليبيا ان صاله لالالالالالالالالازم تحجزيها قبل العرس ب 8 شهور او بكل بكل ب 6 شهور لالالان الصالات الحلوة عليها زحمه والموعد بطابور
يعني اهم واول خطوة لما يتحدد عرس هوا صاله والفرقه =الزمزمات والكوافيره
وباقي الحجز التاني كله ساهل
العشا والحلو والمكسرات والجو اهو حتا ف شهرين العرس يجهز
بخصوص الكوافيرات
ف كوافيراااااات شغلهم واو بس ممكن الي شفتيهم مكانش حلو
او الزبونات الي يمكيجو هادا ذوقهم
ف كوافيرات راقيات ويديرولك علا ذوقك
الصرررررررررررررراحه انا جربت دعاء محلها اسمه لمسات ف بن عاشور
ررررررررررراقيه هلبا ومكياجها كل ماركات ممتازه
مكيجي كان علا الصدرا يعني غالبا الصدرا تبي الميك اب القوي
بس هيا درته قوي لكن مش اوفر ولا ملبز ولا جو طبقات
جاني يهبل شغلها ورضيت عليه وتوا ف اى مناسبه ف تربولي راح نمشيلها
في ناديه الجزئريه طلعت بنت عمتو ناعمه ورقيقه ومكياجها كان حلو
والحق هيا اصلا العروسه حلوة تشبه نانسي عجرم بشرتها حلوة وملامحها ولون شعرها مميز وكلها ناعمه طلعت
لمسااااااااااااااااااااات هوا اللي امشيتله وكان جنب محل زارا و هتش اند ام
واللي دارتلي شعري فتحية وبعدين انقعطت الكهربا خششتني طلعتني من مكان جبتني لي مكان ايديرو فيه العرايس
وشفت دعاءي ادير لي اعروسة هي اللي قلت اتخوف طالعة
اي اني قلت البطاقات و يبدو زي الصندوق فيه نسطرو وفيه شوكلاتة يحطوهم ع الطولات بنجيبهم من بريطانيا
وهدايا معازيم مش امدايرة ..
والصالة عجبتني فرحتي و في وحدة دارت فيها مرت خالي حنتها .. اسمها حاجة ليالي او شيء واول ماتخشيلها الصالة تنزلي دروج لوطة .. عجبتني بس نسيت اسمها و حتي صالة المندرة عجبتنيييي .. هم كان في اثنين وحدة منهم عجبتني
وزمزمات لو يقفو ع الباب مانخششهم .. ماعجبونيش
خالي جابوهم في 3 الايام وماخشو راسي
هو لو اني قررت امتي بندير حنجي قبله بفترة نحجز كل شيء
واني نبي لو درت في ليبيا يكون عرس مشترك يعني احنا وهما .. ماعجبتنيش امتع يوم العرس اهل العريس يجو شوية في الاخييير .. كانهم ضيوف
انحب لما عرس يكونو اهله واهلها يعني عرسهم ويحضروه كله ومعازيمهم ومعازيمنا
ومانبيش محضر .. يعني نبي يوم واحد مشترك وبس
