لمة بنات ليبيا فى شهر رمضان المبارك

مرحبتين بيك يارورو وصبر المؤمن
واهلا بعروسة ليبيا الحمد لله ع السلامه

ام احمد ... الحمد الله على سلامة امك وان شاء الله تمشوا وتجوا بالسلامه
معشوقه وسعي بالك راهو كوين حساسه راهو نحرج ايوااا

يتصفح الموضوع حالياً: 5 (5 من الأعضاء و 0 من الزوار) ‏*ام احمد *, ‏تعشق زوجها, ‏طرابلسية لسرتاوي+, ‏jolly 2010, ‏QuEEn of icE
حرم السرتاوي اهلا حبوبه وينك اليوم
انا نضت 4 ههههه

تعشق زوجها;12980481:

وأني خيرني يام احمد ماتشبحيش فيا والا مش غاسله وجهي

كيف عاد تعشق انتي اول ماخشيتي رحبت بيك شنو نسيتي بسرعه
وعلي العموم ولا يهمك
اهلا وسهلا بيك مره تانيه
وانا اصلا متابعه هدرزتك الحلوه والله دمك عسل ياقلبي:adore:

ياستي انا متزوجه من 6 سنين انديتك في العمر وعندي راس وليد عمره 4 سنين ونص مدرّسه ... وبس

QuEEn of icE;12980488:
ام احمد ... الحمد الله على سلامة امك وان شاء الله تمشوا وتجوا بالسلامه

سلمك حبوبه

يتصفح الموضوع حالياً: 7 (7 من الأعضاء و 0 من الزوار) ‏*ام احمد *, ‏nada kaled+, ‏QuEEn of icE, ‏تعشق زوجها, ‏jolly 2010, ‏ArOoTa, ‏طرابلسية لسرتاوي
ماشاء الله يابنات اللمه عامره

QuEEn of icE;12980497:
ياستي انا متزوجه من 6 سنين انديتك في العمر وعندي راس وليد عمره 4 سنين ونص مدرّسه ... وبس

هلااااااااااااا بيكم
انا جيييييييييييت
وياعشوقة الموقع ليه نص ساعة نحاول فيه ماباش يفتح
لين قريب رقدت

تعشق زوجها;12980462:

تعرفي ياكوين منحبهاش متاع اسالي واني انجاوبك قتلك عرفيني عليك معناها احكي ماتنفخيهمش

لا متفهمنيش غلط وبس قصدي هادا ماجي في خاطري
خطرها على المواقف يلي تصير في العرس ... صارلي كم موقف اخييييي عندكم نيه تسمعوهم؟

قبل مانقولك قوليلي شن قصة التواقيع علاش معنديش؟؟؟لما نخش لوحة التحكم مفيش توقيع ليها علاقه بالردود؟؟؟

ياستي اول موقف كان مع المهلهل ... شفت عندهم كيكه طبعا هالكلام قديم في 2004 كيكه هبلت فيها كلها موس شكلاته ويلي كان مش تقليدي فيها كانت مستطيله وطولها 3 امتار طبعا وخيتك تهبل الشي الغريب والفريد بس كانت 650 وهداكا الوقت تعتبر غاليه ومزانيتي للتورته كانت 400 بالكتير اخر حاجه جيت نوصي عليها بعد ما صرفت الفلوس ... قعدت نزن على بابا لين قال باهي المشكله في نفس المحل عندهم تورته 8 ادوار بس مش فوق بعضهم واحجامهم حلوه ونفس الخلطه ب 400 المهم اقنعت بابا ومشيت بنحجز .... انت معاي ولا لا؟؟؟;)

كملي يا كوين اني معاك:D

طبعا لما مشيت اول مره وروني صورهم كانت في وحده طولها متر و70 سم وهادي متع 3 ميترو بصراحه تهبل .... مشيت بنحجز لقيت واحد غير يلي لقيته المره الاولى ... لما وراني الصور قالي 3 ميترو ب 350 ..... طبعا الف مره نسال 3 ميترو؟؟؟ متأكد يقولي ايه فرحت قلت جت منك يارب عندي كم حاجه نبي نكملها في البتات حجزت وتميت ....وتت اني ومولات الصاله انو توتيلي طاولات وتزينهم ونقوللها راهو 3 ميترو احسبي حسابهم ... جي العرس وخشيت للصاله اول ماكعمزت تلفتت يساري لقيتها مش 3 ميترو؟؟؟؟ ناديت ماما قلتلها هادا شنو؟؟؟ قتلي اسكتي حلوه وتهبل الهي في روحي ... تعفلقت الحق واني نحكي لحماواتي عليها 3 ميترو طلع الغبي حاشاكم مش فاهم وهادي متع الميترو و70 سم اما متع ال3 ميترو ب650:sick:مرضني يوم عرسي بس الحمد لله سدت واول مره نشوف ناس يطلبو في التورته متع العروس امالي راجلي كدا بنت تطلب من خواتي طرف زياده نزلت فيها البركه وروحو بجزء منها للحوش وعبولي تلاجتي بيها والحمد لله

المقلب الثاني .... وحده قريبتي كانت قريبه مني ايام نوتي للعرس ولما جيت بنعزم المدرسات يلي معاي قالتلي دجيري بطاقه عامه ويعلقوها في المدرسه وسألتني اماليك يعرفو المرسات يلي معاك؟؟ قلتلها لا يعرفو وحده بس المهم عرسي كان اول عرس في عيلتنا تعرفو بتعزمي الكل معازيمي كانو بالحساب 450 ومالي راجلي حوالي 60 يعني كلشي بالضيق والطاولاات يلي القدام حاجزتهم لاماليه في جهه وصاحباتي يوم العرس نلقى احسن طاوله كلها يجي 20 بنت منعرف فيهم وحده سألت اختي من هادو امالي العريس؟؟؟ قالتلي كلهم قالولي احنني مدرسات مع اختك
طلعت قريبتي عازمه صاحباتها كلهم وقايلتلهم لما يسألوكم قولو صاحبات العروسه

:(شكلي ندوي بروحي