الرئيسية ركن الشات والمواضيع الترفيهية والألعاب شات عروس لمة بنات ليبيا فى شهر رمضان المبارك

لمة بنات ليبيا فى شهر رمضان المبارك

اميرة عرائس ليبيا 11-08-2010 6,107 رد 384,646 مشاهدة
ا
العبيدية
مشرفة سابقة
09-09-2010 | 04:36 PM
كل سنة وانتن طيبات انا اول مرة انخش في اللمة بتاعتكن والله عجبتني
اليوم لما فطرنا وبعدصلاة العيدمباشرة دارت اختي المقطع بالحليب انتو ياجماعة الغرب تهيالي تسموه الرشده
وزعناعلى جيراننا والباقي كليناه
م
من انـــا؟
عروس مبدعة
09-09-2010 | 04:46 PM
احني نضنا اساعة واحد ونص

ههه ع رنة تليفون عمامي يعيدو اعلينا من ليبيا كلهم متجمعين انصدمو لما قلنالهم عيدنا غدوة

وبس

ونايضين جيعانين نستنو المغرب يأذن
k
kitty cute
عروس نشيطة
09-09-2010 | 04:47 PM
كيف حالك ياروز وشنو اخبارك مع اخر يوم في رمضان
ه
هنو الدلوعه
عروس رائعة
09-09-2010 | 04:56 PM
كل سنه وأنتو طيبين يااااااارب
k
kitty cute
عروس نشيطة
09-09-2010 | 05:12 PM
وانت طيبه يا هنو
ا
ام وسيفه
عروس مشاركة
09-09-2010 | 05:15 PM
كل سنه وانتوا طيبات يا حلوات وينعاد عليكم يارب بالصحه والسعاده

الصبح نضت صليت العيد ووليت رقدت

فطرنا عصيده كالعاده

بعدين مع الساعه 11 وتيت روحي ومشيت لي حوش ماما

تغدينا طبيخه القرعه والحمص في سبرنا الشراقه نديروا فيها في العيد

لان عزوزتي وشيبانيه مسافرين

وتوا روحت باش بعد العصر نديروا اللفه اياها ونعيدوا

وكل سنه وانتوا طيبااااااااات
م
من انـــا؟
عروس مبدعة
09-09-2010 | 05:30 PM
kitty cute;13097483:
كيف حالك ياروز وشنو اخبارك مع اخر يوم في رمضان


ههه امكسدين

اني نحبه لما يبدا اخر يوم ومش معروف غدوة عيد او لا وبعدين يعلنوه ويطلع عيد ويبدا كل شيء بصرعة بصرعة

اما انصيمو وغدوة العيد معروف عادي تبدا :(
ع
عروسة ليبيا
مشرفة سابقة
09-09-2010 | 06:01 PM
وانتي طيبه يا هنو وام وسيفه



روز


نفس الجو اني ونتي بكرا عيدنا


تعرفو بنات



صار ليا ساعه نتفرج علا برنامج ف دبي ون الناطقه بالانقلش


ولي ساعه نبكي البرنامج

رررررررررررررهيب علا اجانب خشو الاسلام حلقة اليوم علا واحد برازيلي سبحان الله كيف اسلم وكيف االتفت لي الاسلام ف الاول واهتم بيه

حلقته مؤثره وروه
لما زار قبر رسول اول مره يمشي عمره كيف يبكي ومتاتر



وامس حلقه علا مدام من المانيا حتا هيا كانت حياتها النقيض تمام علا الاسلام وتوا لما اسلمت ادير ف حاجات هلبا بش تعرف الاوروبين بالا سلام



المهم برنامج رهيب يستحق المتابعه ويحسس الواحد قداش الدنيا بخير وقداش محتاجين نراجعو اسلامنا ونسلمو علا حق ونعيدو نظرنا فحياتنا كلها


خساره اني محضرتاش من الاول
ف
فيرونا 25
عروس نشيطة
09-09-2010 | 06:23 PM
هنو الدلوعه;13097498:
كل سنه وأنتو طيبين يااااااارب





وانت طيوبه ياهنو

كيف حالك وليكى واحشه وخير امس موبيلك مقفل
ف
فيرونا 25
عروس نشيطة
09-09-2010 | 06:34 PM
عروسة ليبيا;13097128:
اه فيرونا بكرا عيدنا مع اني وتيت الاجواء علا انه اليوم سمعت من الردايو بالغلط نحسابه اليوم


بكرا باذن الله



ومريومه منوررررررررررررررررررررررره

التجمع تبارك الله ربي يحفظها ويحميها



قولي شن جو عبدو مع من قروب اكتر حاجه نحسه مع علاء






مريومه اتهبل ورقيقه على الاخر واليوم مامتها ملابستها فستان بودرى طويل وشخشير بودرى مع الابيض ونستر شعر بودرى رايحه اتججن كيف الاميرات الصغيرونات ربى يحفضها لينا ولاهله طبعا هههه

عبد الله كويس مع الجميع معاد انا هههه تعرفى ايحب اينبشنى وحتى لما امه اتوكلها وهو طبعا قريب انديروله طوبوات الاكل لانه زى بيبو عدو الاكل امه اتقوله نعطوها لاعميمه على طول يفتحه فمه اهم حاجه انى مناخذش منه حاجه وفى نفس الوقت ايحب يقعد معايا ويرقد بحديا والله مشعارفين كيف بنديروا لما ايسفروا خلاص هم ممكن الاسبوع هذا ماشين للطرابلس و20 \9 موعد اقلاعهم للبريطانيا

وهكا هو
ع
عروسة ليبيا
مشرفة سابقة
09-09-2010 | 06:49 PM
فيرو

ربي يحفظها مريومه اصلا هي حبابه زي امها وبوها

سلامي علا امها بالله واهلك


اما عبدو
غريب مع ان عندك بالك وااسسسسسسسسع للصغار

بس يدلع مدامه يلصق بحذاك يبدا مش عارف كيف يعبر



مشاء الله ربي يحفظه ليكم ويونسكم ببعض

وفرصه مدام كيمو معاكم صورو مع بعض صور جماعيه وعبدو معاكم وعبدو الكبير جده معاه

حلوين يبقو ذكرى خصوصي عمر عبدو توا حلو ف تصوير

وعطوله نسخه تبقاله صورته مع جده عبدو الكبير


ع
عروسة ليبيا
مشرفة سابقة
09-09-2010 | 07:08 PM
‏عروسة ليبيا, ‏عروسة الاميرات, ‏shima*+
ا
اميرة عرائس ليبيا
عروس فضية
09-09-2010 | 07:13 PM
مساء الخيرات وكل عام وهى بخير الى عيدت

اانا رقدت الساعة 12 وهذه نوضتى من النوم زى ماقلت لكم من قبل لاطلعة لاخشة يلا ماعلينا

روز انى نحسابه انه عيد اليوم لانه هكى قريت فى النت ان المجلس الاوربى اعلنه عيد تعرفى كنت نكلم فى صحبتى فى لندن فى النت وغ اساس هى عيدت ههههههههههههههههه حى عليها هى واهلها
م
من انـــا؟
عروس مبدعة
09-09-2010 | 07:27 PM
وز انى نحسابه انه عيد اليوم لانه هكى قريت فى النت ان المجلس الاوربى اعلنه عيد تعرفى كنت نكلم فى صحبتى فى لندن فى النت وغ اساس هى عيدت ههههههههههههههههه حى عليها هى واهلها



لا ماهو في مدن يمشو ع المجلس الافتاء الاوروبي زي ليدز اختي غادي و هي امعيدة
بس في مدن يمشو ع السعودية زي اللي انا فيها ف لهدا احني غدوة
بس ممكن صاحبتك مدينتها يمشو ع المجلس الاوربي .. هو حسب الجامع اللي يتبعو فيه يعني
ا
اميرة عرائس ليبيا
عروس فضية
09-09-2010 | 07:35 PM
صحبتى فى لندن يار وز
م
من انـــا؟
عروس مبدعة
09-09-2010 | 07:38 PM
عروسة الاميرات;13097872:
صحبتى فى لندن يار وز


واللهي مانعرف
بس د ايمان في لندن وغدوة عيدها

بس هم حسب يعني المسجد اللي يمشوله

كل مسجد يقول شيء ف الله اعلم

مثلا انا اخوي متزوج واحنا في نفس المدينة هو مسجد اللي يمشيله يقول اليوم واحنا مسجدنا غدوة ف الله اعلم اش هي عندها

بس الاغلب الاغلب غدوة ..
ع
عروسة ليبيا
مشرفة سابقة
09-09-2010 | 07:52 PM
قهوة الصباح


كيف حالك اليوم حبيبتي
ف
فيرونا 25
عروس نشيطة
09-09-2010 | 07:59 PM
عروسة ليبيا;13097775:
فيرو

ربي يحفظها مريومه اصلا هي حبابه زي امها وبوها

سلامي علا امها بالله واهلك


اما عبدو
غريب مع ان عندك بالك وااسسسسسسسسع للصغار

بس يدلع مدامه يلصق بحذاك يبدا مش عارف كيف يعبر



مشاء الله ربي يحفظه ليكم ويونسكم ببعض

وفرصه مدام كيمو معاكم صورو مع بعض صور جماعيه وعبدو معاكم وعبدو الكبير جده معاه

حلوين يبقو ذكرى خصوصي عمر عبدو توا حلو ف تصوير

وعطوله نسخه تبقاله صورته مع جده عبدو الكبير







اه صح حتى نحن اليوم حيسين فيها تصوير هههههههه من غير ماتقولى
ع
عروسة ليبيا
مشرفة سابقة
09-09-2010 | 08:12 PM
باهي حلوووووووووو
ق
قهوه الصباح
عروس رائعة
09-09-2010 | 08:45 PM
اهلين عروسه ليبيا الحمد لله انا كويسه جيعاااانه نستنا في المغرب يادن
X