لمة بنات ليبيا فى شهر رمضان المبارك

شوفي الطفل لو عطيتيه مساحة يعبر بروحه ويفكر بروحه ويااااااااااااااخذ قرار بروحه وانت اشرفي عليه بس وحتى في شراء اللعب مثلاً خليه هو يقرر شن يبي مثلا شوفي الطفل هذا كيف حيقعد وشوفي شخصيته كيف حتكون وهو يعصر في دماغه بيش يوصل لقرار سليم ... هذا الطفل فما بااااااااااااالك بالمرأة وحلو انه الواحد يتزوج وحده شخصيتها مستقلة وراكزة وتعرف تتصرف وميحجمش شخصيتها بعد الزواج ... وبس

سلالالالالالالالالامات علا العروسات كلهم مبروك عيدكم وكبيرتكم

سلاامات حبيبتي ومبروك عليكي العيد ان شاء الله وان شاء الله تكونوا معيدين معانا يارب

shima*;13091150:
شوفي الطفل لو عطيتيه مساحة يعبر بروحه ويفكر بروحه ويااااااااااااااخذ قرار بروحه وانت اشرفي عليه بس وحتى في شراء اللعب مثلاً خليه هو يقرر شن يبي مثلا شوفي الطفل هذا كيف حيقعد وشوفي شخصيته كيف حتكون وهو يعصر في دماغه بيش يوصل لقرار سليم ... هذا الطفل فما بااااااااااااالك بالمرأة وحلو انه الواحد يتزوج وحده شخصيتها مستقلة وراكزة وتعرف تتصرف ويحجمش شخصيتها بعد الزواج ... وبس

انا خطيبي شايفني ماسمع الكلام يقولي خاطري امنيتي انقولك شيء واديره ع طول بدون ماتشيطيلي ريقي

في الاول اذا قالي شيء وانا ماابي اقوله لا ع طول . بعدين قالولي اذا تقوليله لا بيقعد ياخد فكرة انك ماتسمعي انتي قولي اي اي وهو اصلا بروحه ينسي ... ههه ابديت انقوله كله اوكي اوكي وانخشش من ودن وانطلع من تانية بس مانفع ههه يقولي انتي تقوليلي اي بس تمشي فيا وامدايرة اللي في راسك ههه

بس انا والله هو كلامه اوكي يبدا يبي يقنعني وكله يعني مايعند بس انا ماسمع ولا اقتنع ف ماعنده لاا بالغصب ههه ;)

يعني ع التليفون يبدا يقولي لا تحطي كحل لما تطلعي والبسي اوسع شوي وانا كله اقوله اوكي ولما يجي بريطانيا ينجلط ههه يقولي ماتغير شيء .. كله نفسه

مرحبتين بأم وسيفة انستينا

ام وسيفه;13091154:

صباح الخيرات يا بنات

انا ام وسيفه خاشه جديده معاكم من كتر ماعجبني تهدريزكم

واخيرا ليا يومين وانا نراجي

باش يفعلوا العضويه بتاعي ولما فعلوها اللاب توب فسد وصارله ههههههههه

حبيبة ايمن وهدورة كيف حالكم الليوم ؟؟؟ وشن اخر اخبار التجهيزات ؟؟

عروسة ليبيا;13091148:

سلالالالالالالالالامات علا العروسات كلهم مبروك عيدكم وكبيرتكم






روز

انتي احجزي تصوير فوتو والفيديو عند محل بهاء بعره والمونتاج عنده لانه احسن خدمه

والصور انتي جيبي ف حدود 55 صوره كويس


هو غالبا يطلب من 50 لي 80 بس راهو نصيحه ونقولها للكل عن تجارب مونتاجتنا عند بهاء

لما يكترو الصور يولي يعرض فيهم عرض سريع مش حلوات يطلعو




ف يا روز شوفيلك صور ف حدود خمسين صورة واكيد معاهم مقاطع فيديو


يعني اكيد صورتي ف خطوبتك و وتو لما يجيك هيثم بري صوري فوتوسشن زي صور بتاع برا زي الكروت اني بنات عمتو هايله و خواتها درو ف ماليزيا زي الالبوم واو يهبل بتاع كل مره بي لبسه والمحل الي يصور يديرلهم الميك اب والشعر ويبدو كل مره يبدلو لبسه ويدرولهم صور زي بتاع ستارز بتاع المجلات ومجلات البوردات

الحق حلوووووووين

وتو انتي فرصتك بما انو عام تخرج يعني لازم تصوري ف كليه مع قروبك وصحباتك وتصوري مره ف كفي ومره ف منتزه معاهم ومره لقطه عائليه مع ماما وبابا واهو جايكم العيد

صورو فيه ومره مع خوتك يعني راهو المونتاج ف تربولي يعدلو عليه هلبا هلبا وهو الي يدير جو للحفله واني عارفتك تبي عرسك حلو معناها لازم تركزي علا المونتاج من توا وتبدي تصوري كل ما واتت فرصه

اني ماكنتش بندير بكل
بس تعرفي ماقتنعت بفكرة يحسبو بعدد الصور .. مفروض بالساعة زي اهني تجبيهم مدة ساعة ويصورولك كل شيء

اممممم تو نبدا انصور مالة ههه بس هو امتي يعرضوه ؟؟ قبل ماتخش العروسة ولا بعد ولا لما ياكلو ولا شنو ؟

Rose 89;13091156:
انا خطيبي شايفني ماسمع الكلام يقولي خاطري امنيتي انقولك شيء واديره ع طول بدون ماتشيطيلي ريقي

في الاول اذا قالي شيء وانا ماابي اقوله لا ع طول . بعدين قالولي اذا تقوليله لا بيقعد ياخد فكرة انك ماتسمعي انتي قولي اي اي وهو اصلا بروحه ينسي ... ههه ابديت انقوله كله اوكي اوكي وانخشش من ودن وانطلع من تانية بس مانفع ههه يقولي انتي تقوليلي اي بس تمشي فيا وامدايرة اللي في راسك ههه

بس انا والله هو كلامه اوكي يبدا يبي يقنعني وكله يعني مايعند بس انا ماسمع ولا اقتنع ف ماعنده لاا بالغصب ههه ;)

يعني ع التليفون يبدا يقولي لا تحطي كحل لما تطلعي والبسي اوسع شوي وانا كله اقوله اوكي ولما يجي بريطانيا ينجلط ههه يقولي ماتغير شيء .. كله نفسه

حبيبتي انت شن شايفه ؟؟؟ تحسي ان معاه حق ولا انتي معاك حق ؟؟ وهل في الموقف هذا مثلا لو هو على حق انت ما تبيش تسمعي كلامه ولا متقدريش تسمعي كلامه رااااهو في فرق كبيييييير وعليها طريقة عطيه لرأيه حتختلف وكذلك انتي لما تبي تقنعيه بحاجة.

الفيديو يا روز مش عااادي مش عااادي نحب التصوير يكون زي هكي

shima*;13091190:
حبيبتي انت شن شايفه ؟؟؟ تحسي ان معاه حق ولا انتي معاك حق ؟؟ وهل في الموقف هذا مثلا لو هو على حق انت ما تبيش تسمعي كلامه ولا متقدريش تسمعي كلامه رااااهو في فرق كبيييييير وعليها طريقة عطيه لرأيه حتختلف وكذلك انتي لما تبي تقنعيه بحاجة.

انا امممممم شايفة ان صح يبيلي تغير شوي من ناحية لبسي احس ان لما بنت تختلف ع لما متزوجة طريقة اللبس هاي عنده حق فيها .. يعني اوكي البس استر مقتنعة بهالشيء اي بس مش لدرجة اللي يقولها ..

هو حتي الالوان عنده فيها مشكلة .. يعني مايبيني مثلا البس حجاب امنور والوانه مثلا بودري و ذهبي وهكي يبي الوان داكنة في الشارع ..

ام وسيفه;13091192:

اهلين روزا في اللي يعرضو فيه قبل ماتخش العروسه بحيث اخر صورة في المونتاج تكون للعروسه وهي خاشه باب الصاله يعني بث حي
زي مايقولوا تبدي انتي نازله من السياره ويصوروا فيك وانتي خاشه
كانه حياتك من اول مانولدتي لي اللحظه اللي وليتي فيها عروسه
هدا في حاله ماتبيش تتفرجي عليه مع المعازيم في الصاله

وفي اللي يحطوا فيه لما يحطوا العشي وتتفرج العروسه معاهم عليه

مش مربوط بي وقت معين بس هادو الزوز نحس فيهم الانسب

اهااا
حلوة فكرت لين توصل لي صورة العروسة بتخش عجبتني

shima*;13091200:
الفيديو يا روز مش عااادي

اما فيديو ؟؟:confused:

الفيديو متاع الفرح ....

عروسة ليبيا;13091217:

روز




لالالالالالا يا بنت جديات حرام جهودك تريح ابدي صوري من توا وصوري لقطات منوعه ليك ومع اهلك خصوصا مع بوك وامك وخوتك واحفدكم

ووصور الجامعه والكليه وصحباتك حتا هما مهمين


انتي ماتركزي علا صور غير صور ديري مراحل كل فقره لحد مهم ف حياتك


ووممكن تتكلمي تقولي كلمه لي ماما وبابا ولا لي هيثم


والخ الخ يعني ديري بروقان والتصوير بلشي فيه وووووووووحطي صور لي بوك وامك متلا ف العرس ولا وهما صغر
وصور وانتي بيبي بتسلسل خليها


لين توصلي للخطوبه وبعدها تجهيزات عرسك

والتوقيت بالنسبه لبهاء

لا هوا المده بتاعه مش هلبا بس يلحق يعرضلك فيهم كل شي



نقولك حاجه قرابه 20 دقيقه المونتاج يجيك


روز تعرفي

ممكن اديريه غديكا تخدميه خدمه صاح علا الاقل تعدلي في زي ماتبي لان بهاء ما يوريشي للعروسه الا فصاله
سربريس محد يشوفه تختاري الاغاني وتسلسل الصور ترقميهم ولو تبي ملاحظات من الاول قوليه ليهم وخلاص

ما تشوفيشي

ممكن تخدميه برا
وتجيبي االدسكه معاك وتمشي لي بهاء تقولي نبي تصوير للحفله فوتو وفيديو ونبي شاشه للعرض وتوريه دسكه بتاعك يعرضه ليك هوا

سبرااااااايز ؟؟ يبي يجلطني في العرس مالة

مافي شيء سبرايس مفروض يوريني باش معجبنيش انقوله مش انخليه وهو وذوقه نو وي

لا هو لو بنديره مش امدايرة غادي .. وانديره بحاله ان الصالة اللي بنحجزها فيها شاشات جاهزة شاشة تلفزيون يعني .. اما اندير بروجكتر ولا شي حاجة نوو مااحبها تشين الصالة

بس انا لو جد بنديره حنخدمه اهني مش في ليبيا ..

shima*;13091220:
الفيديو متاع الفرح ....

فديو الصنين عرسهم اللي حطيته امس

ولا قصدك فكرة عرض صور وكله ؟؟

انتي بديري في عرسك ؟؟