لمة بنات ليبيا فى شهر رمضان المبارك

:!!:


وين طار الرد كله اللي كتبته ....كتبته و بعثته و لقيته و انا نقرا فيه لقيت كلمة غلطة بنعدلها اختفى

*الننس*;13043870:

أناناسا

كيف حالك حبيبتي ان شاء الله كويسة وكيف حال البيبي
شوفي حبيبتي هالجبة أو العباية تلقيهم في ميزران في محل اسمه الميسم

و أسعارهم ممكن 120و 140 بس حاجة حلوة و نااااازكة

الحمد لله اخباري تمام انا و البيبي بس حمودة بطنة متعبتها اول امس رفعته لدكتور اطفال بس ما تحسنش اليوم بنرفعه للدكتور حسن باشا

بنات ما فيش وحدة تعرف دكتور اطفال ممتاز؟؟

انتي شني اخبارك؟؟

مشكورة ننوسة توا ندير عليه دورة نشوفهم ... شنو قاعدة مزال ما طيبتي

ananasa;13043866:
:!!:


وين طار الرد كله اللي كتبته ....كتبته و بعثته و لقيته و انا نقرا فيه لقيت كلمة غلطة بنعدلها اختفى

انوسةوكيف درتي في الفيلو والمزين ...مشكلة 3 اسابيع بس
باهي وين درتي العشي والحلو؟؟F:

عشوووووقة ديما نسأل عليك
خيرك ان شاء الله المانع خير

حياتي ليبيا;13043826:
بنوتات ومدامات جبتلكم حاجة تضحك شوية ههههه
جـــرى هــذا الحـــوار بـيــن كَـنّـة حَـرْفــة وعـزوزتـها ***
الكَـنّـــة : يـا لِـسكـان أعـطـيـني شقـة فـي العاشـر وأمّـه مـا اطّـقّـه .
العزوز : أنـا وليدي جاني على شوق إنْــرُصّ البُطـمة ونطلع فوق .
الكّـنــة : إن شاء الله المَـصعـد يوقف بيك ، تنادي وما حد يواطيك .
العزوز : يجوني هـالّلي قلوب حَـناني ، يا ســلّم ما جـاب حـزامـي .
(((( وبعد أن وصلت العزوز إلى الشقة ))))
الكّـنـة : هالّلي تـتـكربِـل بِـرداهـا زعـمـة الـلـيـلـة ويـن عَـشـاهـا ؟ ...
العزوز : ما جيت إنْدَوّر في عَشاك ، إنْدَوّر في الـهُـفـك اللّي معاك .

ههههههههه حلوة
ضحكتيني حمودة مسكين كان قريب بينعس ناض انخلع

تعشق زوجها;13043907:

مساء الخير يابنوتات

سامحوني المده اللي فاتت كلها في الشوارع في جرت حوايج العيد ونبي انقوللكم اخر الاخبار
اولا محل خالد متاع الاحديه امداير تخفيض واني خديت منه كندرة تو انزلهالكم في الليل
والقيت وحده ادير في الحواجب روعه وترسم فيهم بالحرقوس التونسي يعني زي الوشم لكن مؤقت ويقعد حتى اربع ايام فاللي عندها مناسبه او امالي راجلها بيجوها يوم الموسم حلو اديره وهيا في مزين مروة الحسناء في شارع النصر علي الطريق مقابل اول شيل اسمها فتحيه وهياليبيه وايديها زي الذهب ننصحكم بيها وليا رجعه في الليل

خلاص عشوووووق نستني في الصور

تعشق زوجها;13043907:

مساء الخير يابنوتات

سامحوني المده اللي فاتت كلها في الشوارع في جرت حوايج العيد ونبي انقوللكم اخر الاخبار
اولا محل خالد متاع الاحديه امداير تخفيض واني خديت منه كندرة تو انزلهالكم في الليل
والقيت وحده ادير في الحواجب روعه وترسم فيهم بالحرقوس التونسي يعني زي الوشم لكن مؤقت ويقعد حتى اربع ايام فاللي عندها مناسبه او امالي راجلها بيجوها يوم الموسم حلو اديره وهيا في مزين مروة الحسناء في شارع النصر علي الطريق مقابل اول شيل اسمها فتحيه وهياليبيه وايديها زي الذهب ننصحكم بيها وليا رجعه في الليل

هلا عشوقة ان شاءالله حصلتي حاجة كويسة لصغارك;)
نبي نسالك ع الحرقوص نسمع عليه ايكحلو حتى بيه وكيف يندار للحواجب انت درتيه احكيلنا عليه اكثر واهم شيء يصلى بيه او لا

حياتي ليبيا;13043885:
انوسةوكيف درتي في الفيلو والمزين ...مشكلة 3 اسابيع بس
باهي وين درتي العشي والحلو؟؟F:

الفيلو من قاجة و الحلو من النحلة و ابو نواس

و انا حفلتي كنت ديما حاط في راسي اني بنديرها في طرابلس لان حفلتك كان ما حضروهاش صاحباتك مش حلوة ,,, بس لقيت انه مستحيل نحصل حجز مزينة و عشا و كوافيرة في نفس اليوم و هو مزال ثلاثة اسابيع و بالاخص كان العرس في اول ثمانية و انا كنت بندير النجمة و القفة في سبها لان موالية و موالي راجلي في سبها ,,,اجرت صالة متنقلة متاع 3000 و درتها غادي و خلاص ... المزينة مكياجها حلو عجبني و كلهم قالولي طالعة حلوة:o

اللي حضرو حفلتي عجبتهم بس بالنسبة ليا ما جتنيش كيف ما نبيها

*الننس*;13043892:

لا الحمد لله طيبت

فطوري:
شربة،خبيزة،محشي،بوريك،سلاطة
وبسسسسسسسس

و انتي شن فطوركم

انا فاطرة في بيت مواليا فطرنا شربة و رز ابيض بالمكسرات و الكبدة و خبزة ملفوفة بالدجاج و بيتزا و براك و مبطن و طاجين جبن

*الننس*;13043898:

أناناسا

على ما نذكر انتي من سبها؟أو انوسة اللي من سبها راهو تلخبطت

هههههههههههههه

ايه انا من سبها و انتي من طرابلس و الا لا؟

*الننس*;13043743:

السلام عليكم

كيف الحال جميعا
عروسة ليبيا
بالله بنسألك عن الجبة او العباية اللي شفتيهم في ميزران اللي زي اللجينز هما معاهم سراويل أو لا؟
و بالله بنسألك سؤال تاني و لو انه غريب شوية
بس قريبتي شرت منهم أمس و قتلي هذه بدلة العيد امتاعي ف قلتلها هذه مش جو عيد هذه جو طلعات و بس بس هي معندة و قاللتي بالعكس هذه امتعت عيد
ف انا استغربت من عنادها على موقفها ف شكيت لت بلكي كلامها صح و اتجي لبسة عيد مع اني مش مقتنعة بيها هي صح حلوة على الاخر و ناااازكة بس مش ل عيد

ف بعد هالكلام كللللللللللله نبي نسألك اللي شفتيهم بالله عليك يمشن ل لبسة عيد أو لا؟

طرابلسية صحة فطورك

ananasa;13043822:
هدير الحب
قريت انك تسالي عن صالة الفريدة


درنا فيها عرس اختي من تقريبا سنتين ...حلوة الصالة و كانت كيف فاتحة ما ليهاش هلبة


سعرها ب4500 يوم الخميس و 3500 باقي الايام

الصغار ممنوع يخشو الا اربعة من العيلة كل واحد منهم يندفع علية 150 ضمان و يردوهم تاني يوم كان ما خلفوش اي اضرار هههههههه

الساعة واحد قالو نسكرو الاضواء خلاص لكن الحق حنا قعدنا بعدها و ما سكروهمش هههه


الكراسي من 250 الى 350 انتي و العدد كان ناسك شوية ينقصولك من الطاولات تتوسع الصالة شوية لان نحسها ضيقة عليها 350

حنا ناسنا شوية لاننا مش من طرابلس فما جوش كل الاقارب و اهلي عيشتهم كلها برا طرابلس و برا ليبيا فحضروا اللي كانو مروحين ليبا بس 300 كرسي و ما عبوش كلهم
الصالة حلوة بس لما تجي بتحجزي دايرين فيها جو التشدد شوية

صحيتي ياوخيتي انشاء الله ربي يفتحها قدامك علي المعلومات هادي والله جو في وقتهم انتي عرس كان اما شهر ومن اما ناحيه متششددين اني ممكن اندير منشطه عادي

العزوز : ما جيت إنْدَوّر في عَشاك ، إنْدَوّر في الـهُـفـك اللّي معاك .
اقوي حاجه اهيا ههههههههههههههههه:lol:

صحه فطوكم ياحلوين

ananasa;13043880:
الحمد لله اخباري تمام انا و البيبي بس حمودة بطنة متعبتها اول امس رفعته لدكتور اطفال بس ما تحسنش اليوم بنرفعه للدكتور حسن باشا

بنات ما فيش وحدة تعرف دكتور اطفال ممتاز؟؟

انتي شني اخبارك؟؟

مشكورة ننوسة توا ندير عليه دورة نشوفهم ... شنو قاعدة مزال ما طيبتي

ارفعيه لدكتور جمعه بن يوسف في عياده دار السلام في سوق الجمعه ماشاااااااااااااااااااااااااااااااااااااء الله عليه :thumbs_up: