لمة بنات ليبيا فى شهر رمضان المبارك

dr-eman;13014513:
انتي زي حالتي هيولة حتي اني شيشه بس وانحب ريحتها عندي اهون من الدخان
ونكهة التفااح مششش عادية:Dاتقولي احني اللي ندخنوو خخخخخخخ

صحيا اتضر احرف من الدخان :sick:

يا عويله اني نبي ناخد راي ناس تقه غير عيلتي وانتوا اغلبكم متزوجات ومخطوبات وعندكم خبره تعطوني رايكم ممكن

dr-eman;13014513:
انتي زي حالتي هيولة حتي اني شيشه بس وانحب ريحتها عندي اهون من الدخان
ونكهة التفااح مششش عادية:Dاتقولي احني اللي ندخنوو خخخخخخخ

هههه ايه امونة والله حق .. تعرفى مرات بدخنه بنكهة تانية ويروح فى الليل نبدا بحداه نقوله خيرك اليوم مخديتش تفاح ههههه يقولى نغير مرة مرة نقوله لا والنبى خليك عالتفاح انى نحبه تعرفى يقعد يشبحلى هههه :worn_out:

طرابلسية لسرتاوي;13014539:
صحيا اتضر احرف من الدخان :sick:

عارفتها نفخة وحدة تساوى باكو دخان بس الله غالب شن بنديروا على قد مادرت فيه ميبيش يسيبها واهو مرة مرة اينقص وخلاص ..



رورو هاتى ماعندك فيسع قريب نطلع لكن ضاربنى الفضول ..

Hayela;13014485:
عادى شن فيها .. نحسها عادية انى راجلى يدخن بس مش دخان عادى .. شيشة ونحب ريحته لما يديرها خاصة نكهة التفاح ههههه الله تهبل ,, :worn_out:

حياتي اشبح وين اتهيج
سلاااااااااااااااااااااام توا وانستو بعض ياحلوات

حبيبة ايمن البوكيه والفكرة حلوة بالمرة

في شخص يبيني وهو اكبر مني بسنتين بس ويبي يجي يخطب وهو كان يقدر يجيبلي نجوم الليل مايقصرش لكن نخاف انه يكون صغير شن رايكم

Rose 89;13014535:


بعدين وين سبب بسيط ياهايلة
راهو في شيوخ حرموه الدخن .. مانحساش سبب بسيط ابدا بلعكس كارثة انه يدخن

حبوبة كان عالحرام حتا هوا يجيى الراجل كانهادا يقول مش واخدها ادير فى حواجبها ؟؟؟ مفيش وحدة فينا مديرش فيهم ولا يقول لا تلبس فى سراويل ولا تمكيج ولا لا ..

يعنى انى نعرف وحدة تبى ترفض راجل بسبب انه يدخن لازم تكون ملتزمة حتا هيا ومديريش فى الحرام باش تلقا عين تقوله لا انت ادير حاجة حرام .. مش هيا ادير فى ستين الف حاجة وتقوله لا منبيش لانك ادخن ؟؟؟ مش معادلة مزبوطة بكل نحس فيها ..

roro88z;13014585:
في شخص يبيني وهو اكبر مني بسنتين بس ويبي يجي يخطب وهو كان يقدر يجيبلي نجوم الليل مايقصرش لكن نخاف انه يكون صغير شن رايكم

عاااااااااااااااااادى جدا وشن فيها سنتين ... حتا كانا اصغر منك انى نحس فيها مفيهاش مشكلة نهائى يابالك اكبر منك وبسنتين شن فيها يا رورو .. المهم عاجبك ومستريحتيله وسمعته طيبة توكلى على الله فيسع نبو نسمعوا خبر خطوبتك بعد رمضان على طول .. مطوليش وصلى استخارة وتوكلى على الله ومش كويس التفكير هلبا فى المواضيع هادى المهم صاير قبول وتعرفيه ومتفاهمو معاه ومستريحتيله وحاسة انه يحبك خلاص .. انى رأى خشى عالموضوع طوووووووووول بدون اى تردد .. :thumbs_up:

Hayela;13014524:
رتو والله غير تقولى صدقينى .. انى كنت حالفة احرف منك مش غر عالتدخين على هلبا حاجات .. لكن لما يجيك شخص وتحبيه وفيه هلبا مواصفات حلوة تانية ويحبك مش حتقدرى تقولى لا على سبب يعتبر بسيط زى هادا .. ممكن لو شرب ولا حاجاة تانية تقولى بس تدخين تلت ارباع ليبيا ادخن والربع اللى ميدخنش اشبحى تلقى فيهم واحد يستاهلك ولا لا :worn_out:

roro88z;13014546:
يا عويله اني نبي ناخد راي ناس تقه غير عيلتي وانتوا اغلبكم متزوجات ومخطوبات وعندكم خبره تعطوني رايكم ممكن

رورو هو مواليد قداش ومتخرج ويخدم

ArOoTa;13014561:

معناها حتى انتي مدخنة ياهيولة هههههههههه مدخنة سلبية

شنو مافيش بضاعة جديدة في هايل شوب ؟؟

والله فى بادن الله بس ممكن بعد العيد اللييبين لما صايمين يعطلولك مشاريعك كلها سبحان الله .. :-o

Hayela;13014592:
حبوبة كان عالحرام حتا هوا يجيى الراجل كانهادا يقول مش واخدها ادير فى حواجبها ؟؟؟ مفيش وحدة فينا مديرش فيهم ولا يقول لا تلبس فى سراويل ولا تمكيج ولا لا ..

يعنى انى نعرف وحدة تبى ترفض راجل بسبب انه يدخن لازم تكون ملتزمة حتا هيا ومديريش فى الحرام باش تلقا عين تقوله لا انت ادير حاجة حرام .. مش هيا ادير فى ستين الف حاجة وتقوله لا منبيش لانك ادخن ؟؟؟ مش معادلة مزبوطة بكل نحس فيها ..

:thumbs_up::thumbs_up::thumbs_up:

Hayela;13014610:
عاااااااااااااااااادى جدا وشن فيها سنتين ... حتا كانا اصغر منك انى نحس فيها مفيهاش مشكلة نهائى يابالك اكبر منك وبسنتين شن فيها يا رورو .. المهم عاجبك ومستريحتيله وسمعته طيبة توكلى على الله فيسع نبو نسمعوا خبر خطوبتك بعد رمضان على طول .. مطوليش وصلى استخارة وتوكلى على الله ومش كويس التفكير هلبا فى المواضيع هادى المهم صاير قبول وتعرفيه ومتفاهمو معاه ومستريحتيله وحاسة انه يحبك خلاص .. انى رأى خشى عالموضوع طوووووووووول بدون اى تردد .. :thumbs_up:

صحيتي صحيتي والله ريحتيني والله هو كويس هلبه والله محترم لكن نخاف نخوض التجربه واني مانعرفش شن مدسوسلها لكن طالما ان الموضوع مافيشي حاجه غلط خلي الواحد يخش عليه الموضوع ان شاء الله

roro88z;13014639:
صحيتي صحيتي والله ريحتيني والله هو كويس هلبه والله محترم لكن نخاف نخوض التجربه واني مانعرفش شن مدسوسلها لكن طالما ان الموضوع مافيشي حاجه غلط خلي الواحد يخش عليه الموضوع ان شاء الله

خشى وبادن الله فيها خيرتك مدام مستريحة للرجل وياااااااااارب لو فيه خيرتك نفرحوا بيك قريبا وطبعا قوليلنا الاخبار اول باول .. :thumbs_up:

وان شاء الله ربى ينولكم كلكم اللى فى بالكم انى بنمشى نرقد خلاص تصبحوا على خير

dr-eman;13014621:
رورو هو مواليد قداش ومتخرج ويخدم

هو مواليد 86 ومتخرج من هندسة كمبيوتر وايه يخدم