تجمع المصريات متزوجات وامهات لشهر رمضان المبارك

يلا سلام يا مزز

يابنتى ما تعمليله السيريلاك باللبن الصناعي فيها اية

انا مخنوقه اووووي جيت انام جمب جوزي وبنتي حسيت ان نفسي اكتم عايزه اعيط ومش عارفه وبجد مش قادره اخد نفسي اعمل ايه

انا تعبانه اوووي وعايزه اعرف اعيط واطلع اللي جوايا بجد انا تعبااااااااااااانة اووووي

بت يا ميرو مالك اهدى كدة و اقري قرءان انتى مدايقة من حاجة ولا الخنقة اللى بتجيلنا فجأة دى؟

حد هنااااااااااااا

اهلا اهلا بالماميهات ازيكم

لا مضايقه من كل حاجه والله تعبت ومش لاقيه حل خلاص اسيبه طيب ولا اعمل ايه طالما مش مبسوطة معاه وكل مادا اضايق منه اكتر واحس اني مظلومه معاه اكتر وبجد كل شويه يكملها معايا وانا والله عمري ماعملت فيه حاجه وحشه بالعكس

واللي مضايقني اني عماله اعمله وحش وهو يضايق ويعاملني اوحش ومفيش حل انا من ساعه ما خلفت بجد يعني بقالي 8 شهور مش لاقيه حل وكل مادا بحس ان حبي ليه بيقل

وبين قرارين صعبين اووي

اسيبه بس مش هقدر اعيش بعده انا عارفه

اكمل معاه علي الوضع ده مش سعيده وحسه اني بموت بالبطئ والله

وكملت انهارده اتصل بيه علي الموبيل حد مسجله باسم ولد دخل البلكونه اكلم وخرج بطريقه فهمت ان بنت قولتله ايه ده مين قالي ملكيش دعوه بتسالي ليه

قولتله ايه ده انت بتكدب عليا قالي اه انا لما جربت الاسلوب ده معاكي عايش حياتي ومبسوط

قولتله خلاص انا كمان هعمل نفس الاسلوب ضحك ضحكه تريقه علشان واثق اني مش هعمل حاجه من وراه

يعني بيكملها عليا

انا عارفه اني رخمه وجيه في وقت مش وقتي بس انا مليش حد احكي معاه الكلام ده وبجد لا عارفه انام ولا عارفه ارتاح ومش جيلي نوم بجد

وحسه اني هاين عليا اقوم اعمل حاجه في نفسي بجد تعبانه اوووي

لاف واى انا اسفه انى ادخلت بس متجربى تعمليه كويس وتبقى معاه كويسه يمكن تلاقيه بقى احسن معاكى اصل العند بيولد العند هو اكيد شايفك بتعملى حاجات تضايقه فهو بيعند معاكى وبيضايقك انتى كمان ونفس الموضوع بالنسبالك بجد جربى انك تبقى معاه كويسه وتحسسيه انك بتحبيه والله ان شاء الله تلاقى الامور تغيرت تماما

طيب انتى ايه اللى خلاكى تعرفى انها بنت ؟؟؟ممكن يكون دخل البلكونه بس علشان ميتكلمش فى موضوع ادامك ممكن لما تسمعيه تتخنقى معاه

loveway;13008122:
وبين قرارين صعبين اووي

اسيبه بس مش هقدر اعيش بعده انا عارفه

اكمل معاه علي الوضع ده مش سعيده وحسه اني بموت بالبطئ والله

ميرو ازيك يا جميله عامله ايه ؟
انتى لسه فى المشاكل دى يا حبيبتى الله يكون عونك بجد
انا عايشه نفس القصص اللى انى كنتى بتعشيها مع جوزك من ساعة ما ولدت بس انا مديالو مهله لو فضلنا كده يبقى نسيب بعض اريحلنا احنا الاتنين

لا ياحبيبتي ادخلي طبعا

بصي انا مكنش فيه اي حد بيعامل جوزها احسن مني بجد انا كنت بحبه جدا ومحسساه بده وعمري ما بزعله

عارفه زاد فيها ونسيني ونسي حقوقي والله من ساعه ما خلفت وفتح المحل بتاعه وهو انا بالنسبه له عادي حاجه في البيت ولا بيخرجني ولا بيسال فيا وعارف اني هطق

والله انا كتير بقوله انت ليه اتجوزتني

انا مش وحشه غير من يومين بس لما حسيت باكتئاب

طيب اعمل ايه بجد مش عارفه اسيبه خايفه اندم
طيب اخونه يمكن احس اني مبسوطه مش طبعي ولا شخصيتي

طيب اموت نفسي

استغفر الله العلي العظيم

ديو ازيك؟؟ طيب قوليل عمل ايه في المهله دي ولا اتغير ولا لا


دعاااا انا حسيت من طريقته انها بنت وحتي لو مش بنت مش ده الموضوع الرئيسي اللي مضايقني

بجد انا ندمت اني اتجوزتوا

كان المفروض اختار اللي بيحبني مش اانا اللي بحبه

قلبي ده كان المفروض ادوس عليه بالجزمه

loveway;13008189:
ديو ازيك؟؟ طيب قوليل عمل ايه في المهله دي ولا اتغير ولا لا


دعاااا انا حسيت من طريقته انها بنت وحتي لو مش بنت مش ده الموضوع الرئيسي اللي مضايقني

انا عغارفه انو مش الموضوع الرئيسي وحاسه بيكى بجد لانى عايشه نفس مأساتك بالظبط
بس انا لسه فى المهله لسه مش خلصت وبعمل كل اللى عليا فى انى احاول ارجعه زى زمان وربنا يستر بأه لانى جبت منووو اخرىىىىىىىىى بجد

يارب بحق الاذان ده تريحني من اللي انا فيه

وتريحي بالي وقلبي وتخليلي بنتي يارب

وتسعدني علشان اقدر اسعدها

خايفه من نصيبي يبقي اوحش من كده وبقول الحمد لله لو ده اختبار منك بس خايفه اوووي اووووي من بكره يارب
وحياه حبيبك النبي اقف جمبي وعديني من اللي انا فيه يارب

طيب انتى جربتى تعامليه وحش ومنفعش جربى معاه بقى انك تبقى كويسه حاولى غيرى من نفسك واعملى يوم كدا مميز واحجزى مثلا فى مكان وقوليله تعالى نخرج وقوليله نفتح صفحه جديده سوا او لو مش نافع خروج اعمل ى اكل حلو فى البيت والبسى بقى اللى على الحبل ونيمى بنتك واتكلمى معاه وقوليله انا اسفه ومتزعلش منى انا كنت بعمل كدا علشان بحبك وقولى ايه اللى بيضايقك منى علشان ابطله وانا بضايق منك من كذا وتعالى نتغير ونرجع زى ايام الخطوبه وكدا يعنى وان شاء الله يبقى احسن

ياااااااااااااااااااااارب بحق الادان ده يريح بالكو انتوا الاتنين ويهديلكم ازواجكم ياااااااااااااااااااااارب