تجمع المصريات متزوجات وامهات لشهر رمضان المبارك

ربنا يعينك يا حبيبتى هم اول 3شهور صعبين شويه بعد كده عادى ربنا يكمل لك على خير

المشكله يا ام رفيده انى من اول مابصحى من النوم بتبقى نفسى غامه عليا وقرفانه ونفسى ارجع بس مفيش فايده
سورى بقرفكم معايا بس بفضفض
ده غير انى بدات اتخن من دلوقتى متخيلين :(

السلام عليكم
يا سمسمة عادى الأحاسيس دى كلها
وإن شاء الله ليكى أجرها كبييييير بس أصبرى وإحتسبى

أما التخن فخدى بالك
لأن أنا جوزى كان بيظغطنى أول 4 شهور لما تخنت 10 كيلو
والدكتورة قالتلى كدة غلط ومشيت مع دكتورة تغذية علشان أثبت

ياشيرى ده انا جوزى لما يرجع هيتصدم هيقول بقى هى دى مراتى اللى سايبها عروسه
اهىء اهىء اهىء

هو انا لو نظمت الاكل او قللته بمعنى اصح ف اول الحمل هيأثر ع البيبى ف حاجه

معلش يا حبيبتى هى دى مشكله الصيام مع الحمل وخاصه فى الشهور الاولى ربنا يعينك ويتقبل منك
انتى لو فى ايام عاديه كنت هتكلى اول ما تصحى اى حاجه ناشفه زى بسكويت او بقسماط ودى بيظبط المسائل شويه

انتوا فطرتوا ايه النهارده بقى؟

جيتلكم تاااااااانى مين هنا؟

semsema_semsemy;12949563:
انتوا فطرتوا ايه النهارده بقى؟

باجى انا على السيره مش كدا

انا فطرت مكرونه بشاميل وكفته

انا يا ام يس
بشكو همومى
اهىء اهىء

بالف هنا يا ام ياسين

انا فطرت سمك مقلى

سلام عليكم
ازيكم يا بنات كل سنه وانتوا بالف خير انا قولت اكيد هلاقى حد فى الشات هنا لان الماميهات اكيد مش بيعرفوا ينزلوا يصلوا هناك فاضى خالص قولت اسلم عليكم

بصى يا بنتى نصيحه اخويه السمك يا يتاكل مشوى يا ميتاكلش والجمبرى يا يتاكل صينيه يا ميتاكلش

meshmesh 2009;12949587:
سلام عليكم
ازيكم يا بنات كل سنه وانتوا بالف خير انا قولت اكيد هلاقى حد فى الشات هنا لان الماميهات اكيد مش بيعرفوا ينزلوا يصلوا هناك فاضى خالص قولت اسلم عليكم

والنبى ياختى لا صلاه ولا غسل مواعين

نفسى انشر الغسيل مش عارفه

أم يـاسـيـن العسل;12949596:
والنبى ياختى لا صلاه ولا غسل مواعين

نفسى انشر الغسيل مش عارفه

هههههههه ازيك بسبس وازى يويو لما ينام ابقى نشري

والله يابسبس معاكى حق بس انا ضيفه عند ماما وهتشرط ف السمك كمان

يعنى اكل وبحلقه يبقى عيب عليا
بالمناسبه والله هتوحشونى مووووز اصلى راجعه بيتى الاسبوع الجاى خلاص
ومعنديش نت هناك هغيب بتاع 3 شهور ان شاء الله

ازيكممممممممممم

meshmesh 2009;12949599:
هههههههه ازيك بسبس وازى يويو لما ينام ابقى نشري

ماهو الراجل نام بس مينفعش حتى اسيبه نايم واقوم

والله انا الوضع عندى بشع

ياسين بيصحى من النوم لا صوت ولا نفسى واتفاجأ بيه انا بقى فى اى حته

من كام يوم كنت منيماه على السرير بعد ساعه صمعت صريخ

طلع زحف وقع من على السرير

قولت هنيمه على الارض

نيمته وبردو صحى ومحستش بيه انه صحى غير من صوت الشخليله بتاعته
ببص لقيته فى الصالون

نيمته على الارض وحطيت حواليه شلت الانتريه الكبيره التقيله دى

سمعت صوت نغبشه رجعت لقيته خرج بره البيت اللى انا عملاه دا وبيلحس رجل الانتريه

والله ما عارفه اعمل ايه :hysterical:

ههههههههههههههههه

ضحكتينى يابسبس ماشاء الله ربنا يحميه ويخليهولك

semsema_semsemy;12949637:
ههههههههههههههههه

ضحكتينى يابسبس ماشاء الله ربنا يحميه ويخليهولك

ربنا يخليكى يا سمسمه عقبال ما اشوفك متجننه زيى

طيب زوجى العزيز اخد يويو وهو نايم ونزل بيه فانا هروح انشر بقى واجى سلام مؤقت