احلى لمة سورية و رمضان معنا احلى

بنت الشام المعذبه;12915603:
بحبكم كثير كثير .............

مونو هلأ عرفت إنك مسافره إن شالله بتتوفقي
دمشقية لوليه كاتس شامية سمورة وبيرل سورية إن شالله بتكونوا بخير


ياحلوين ادعولي بالبيبي


آخر أخباري اتفقت انا وماما انو تحلف على زوجي فطورنا كل يوم عندهم والله الجوع مقبول بالأيام العادة بس برمضان صعبه وهيك كل صارلها يومين بتحلف عليه وأنا عامله حالي بريئة ...........

بتعرفوا لحد الأن مافكرت بالعيد إن شالله بدي أعمل همه نحن هيك ماعنا تخفيضات بهالفترة

اهلين بنوتة كل عام و انتي بالف خير و الله يطعمك البيبي و ما يحرمهن لحدا يا رب
بخصوص الاكل لازم تحاولي و تفاجئي جوزك بيوم من الايام بأكلة من تحت ايديكي و النت مليان و صفات سهلة و نحنا هون كمان ما رح نقصر باي مساعدة وما في شي صعب اساليني ما كنت اقلي بيضة بس تزوجت اول رمضان مر علي عملت عزومة لاهل جوزي و اهلي و شافها زوجي قد الدنيا انو صارلو بيت و يعزم و يتباهى باكلات زوجتو و الله يوفقكم يا رب و يخليلك الماما

سورية وبفتخر;12919987:
السلام على احلى اخوات بالشات وبالدنيا كلها وكل عام وانتوا بألف خير ورمضان كريم عالجميع والله اشتقتلكم كتييييييييييييييييير انا بعرف اني مقصرة بس انتوا اخواتي وبتعذروني ولاتخافوا اخباركم عم توصلني من الدمشقية الله يسعدكم كلكم يارب وان شاء الله تضلوا بخير وبصحة وعافية وراحة بال وان شاء الله بحاول طل عليكم كل ماصحلي سلامي الكم جميعا دون استثناء

شامية للعظم;12925076:
يسعد ايامكم جميع وكل عام وأنتو بخير اشتقتلكم كتير كتير بعرف كلو مسافر ويلي مو مسافر مشغول برمضان يا بالشغل يا بالعبادة الله يتقبل منا جميع عم حاكيكم هلق من اليمن السعيد من أراضي صنعاء
وصلت يوم الأربعاء العشا ووكانت سفرتي الحمد لله مريحة وكلو تمام
قرأت شوي من أخباركم وشكلي تأخرت عليكم كتير ما قدرت ودع مونو قبل ما تسافر لأني بعرف أنها ما بتقدر تحكي من سوريا
كاتس صحة وهنا على القشة نحنا منقول لأي شي بيخص الخاروف من سجقات مقادم أو روس أو حتى كرش بشكل عام قشة أنا مابحبها ممكن آكل فتة بس مو أكتر من لقمتين
دمشقية الله يصبرك ويقويك يارب وأنت كمان عندك سفر الله ييسرلك يمكن بكرا طيارتك لأنو بتذكر أنك حكيتي أنها ب 15 الشهر ادعيلنا
ياستي كأني لمحت انو حماتك ممكن تنام عند أهلك بحجة الولاد يالطيف يالطيف ولي وحياتك يلي خالقك مالي مفارقك شو هالدبقة والله شي بيهز البدن
لولية وبنوتة وسمورة وبيرل وسورية كل عام وانتو بخير وينعاد عليكم بالصحة والعافية

مساء الخير والطاعات كيفكم ياحلوين

الله يسرلك مونو ترجعي بالسلامه مجبورة
دمشقية وينك غاطة الله يعطيكي العافية ملتهيه بالتحضير للسفر

شامية الحمدلله عالسلامة نور الشات وصنعاء كمان بكون زوجك فرح برجعتك الله يدم الود

كاتس معك حق ولله حلني اتعلم انا مفكرة سوي مسقه مابعرف حدا بعرف طريقتها وسهله ولا لأ

لولية الله يوفقك ويكون بعونك يارب
شو بتبقي معذبة ومن بلد لبلد حتى ترضي الكل .... الله يقويكي يااارب ويعينك ورمضان مبارك عليكي يااارب وعلى احبابك

*********
بنوتة الشام هلأ صرتي مدام الشام هههههه
الله يوفقك ويقويكي يااارب ,,, واكيد حلو الفطور عند اهلك بس صدقيني الرجال بحب ياكل ويرتاح ببيته اكثر ... بقى انتي خليكي
بين هنا وهناك يعني منشان راحة زوجك
والمسقعة حبيبة قلبي سهلة كتير وهي بتختلف عادة من مكان للتاني بالطريقة
يعني انا طريقتي جدا سهلة ولذيذة بشهادة الكل
بقلي اول شي الباتنجان حتى يصير ذهبي وبصفو طبقة اولى بصينية البايركس
بعدين بكون مقلية لحمة وبصلة وبهارات وصنوبر على جنب وبحطهم طبقة تانية بالصينية والطبقة التالتة باتنجان

هلا منجي للصوص بمقلاية بحط مي ورب البندورة ومكعبين ماجي وبخليهم حتى ينسجموا مع بعض واخر شي بنزلهم على الصينية وبحط البايركس
خمس او عشر دقائق بالفرن وبحمرها من فوق شوي
واخر شي يمكن تستغربوا بدق 3 فصوص توم وبحط عليهم ملح وعصير ليمونة وبعد ماطلع الصينية من الفرن بكت هالتومات الحامضين عليهم
وهي هيا طريقتي ووالله كتير طيبة وحامضة ولذيذة وصحة وهنا وعوافي هههههه
وربي يوفقك ويحقق مناكي وتحملي بسرررعة ياارب
وانا اي والله مشغولة برمضان وبالسفر دعواتك

CATS_ANGEL;12914686:

حبيبة قلبي يا دمشقية و الله وجعني قلبي عليكي ما كنت مفكرة انو حماتك ماسكة فيكي لهالدرجة و حتى عند اهلك ممكن تلحقك لا و الله كتير صحيح ام جوزك الله يخليلو اياها بس لكل شي في حدود و اذا كانت دمشقية عسل لا تاكلوها كلها :D الله يصبرك و يحمل معك و ان شاء الله بعوض صبرك خير يا رب:L::L:

الجهاز سعرو بجنن خصوصي اذا كان اصلي يا ريت اقدر لاقي متلو هون و اذا فيها غلبة و حياتي عندك لا تغلبي حالك ابدا يا دوب تلاحقي شغلك قبل السفر شو بدي اعمل بس تروحي و تتركيني :( و الكل مسافر كمان ما في حد يطعميني شوكلاتة:rolleyes:
اما عن السجقات شو رايك تمري اعملك اياها بس ما بضمنلك النتائج ابدا ابدا هي مونو ما قصرت بالطريقة بس العتب على الطباخ ما هيك :|
سبحان الله الاكلة اذا الزوج بحبها بنصير نحبها و اذا لا بنكرهها متلهن و هنن و لا على بالهن 8o|

تسلميلي و الله انك اخت و اعز كمان اما عن جوز اختك معقول ما بدو اطفال حتى ما بدو يتعالج لانو بتصور مشكلتو بتتعالج بالادوية او التلقيح و هيدي كتير منتشرة عنا بالاردن بيجو عنا خصوصي من دول تانية ليعملوها و كلو باذن الله و الله يصبر اختك و ما يحرمها يا رب و خليها تشوف شغلات اعشاب و خلطات تعطي لجوزها على اقل تقدير و الله يصبرها يا رب

تؤبشي قلبي ياكاتس صعبت عليكي مو :'(
ههههههه ياستي لا تزعلي هي حياتي والله حللي اتعود :-# ماعلينا
خلصت من حماتي طلعلي سلفي ... اتخيلي بيتصل فيني من يومين وبقللي اعملي حسابك من المطار لعندي طوالي انا عازمك مع امي على الفطور ............:|
قسما بالله وجعني راسي طيب واهلي اللي عم يستنوني على احر من الجمر وامي وابي واخواتي ... قلتلو بدي افطر مع ماما وبابا بقللي وانا بدي افطر مع امي على كلن عزمت الوالد والوالدة بس ..... واخواتي ياابن الحلال ؟؟؟؟ .... ياعمي خود امك وحللوا عني .......... هف قسما بالله يمكن باقي براسي برجين وراح يطيروا .. بقى اادعيلي الله يثبت علي العقل والدين :confused: :worn_out::thumbs_down:

ومنشان السجئات انا واثقة انهم راح يطلعوا من ايدك بجننوا ... ماشالله عنك باين نفسك حلو على الاكل بقى اتشجعي واعمليها وانتي قدها وقدود ياعسل

والله يكرمها لاختي يارب ويسمع منك ربي ويرضى زوجها يتحكم ,,, حتى على هالشغلة بعض الرجال بكبروا راسهم ااااه ... الله لا يجعلهم من المحرومين يارب

ومنشان الجهاز سئلت عنه كاتي وسعره من مكان لمكان بيختلف وكمان قللي الزلمة
في صيني وفي الماني او ياباني اعتقد المهم انه يختلف حتى بالادوات المرفقة
يعني في جهاز يجي معه اكثر من 6 رسمات وفي اللي يجي معاه كريستالات ومناكير ومدري شو والنصاب بدو فيه 250 ريال ؟؟
مع انو زوجي قللي بدبي بالسوق الصيني كتير رخيص متل ماقلتلك اول يعني بحدود 50 الى 100 ريال

شامية للعظم;12925076:
يسعد ايامكم جميع وكل عام وأنتو بخير اشتقتلكم كتير كتير بعرف كلو مسافر ويلي مو مسافر مشغول برمضان يا بالشغل يا بالعبادة الله يتقبل منا جميع عم حاكيكم هلق من اليمن السعيد من أراضي صنعاء
وصلت يوم الأربعاء العشا ووكانت سفرتي الحمد لله مريحة وكلو تمام
قرأت شوي من أخباركم وشكلي تأخرت عليكم كتير ما قدرت ودع مونو قبل ما تسافر لأني بعرف أنها ما بتقدر تحكي من سوريا
كاتس صحة وهنا على القشة نحنا منقول لأي شي بيخص الخاروف من سجقات مقادم أو روس أو حتى كرش بشكل عام قشة أنا مابحبها ممكن آكل فتة بس مو أكتر من لقمتين
دمشقية الله يصبرك ويقويك يارب وأنت كمان عندك سفر الله ييسرلك يمكن بكرا طيارتك لأنو بتذكر أنك حكيتي أنها ب 15 الشهر ادعيلنا
ياستي كأني لمحت انو حماتك ممكن تنام عند أهلك بحجة الولاد يالطيف يالطيف ولي وحياتك يلي خالقك مالي مفارقك شو هالدبقة والله شي بيهز البدن
لولية وبنوتة وسمورة وبيرل وسورية كل عام وانتو بخير وينعاد عليكم بالصحة والعافية

اهللين شامية وجهك ولا ضو القمر F:
نورتي ياقمر وكل عام وانتي كمان بالف خير وربي يسعدك ويوفقك والحمد لله على سلامتك
انا سفري ان شالله ب20 يعني يوم الجمعة اذا ربي كتب واراد
ومونو اليوم 15 الله يسهل وييسر امورها يارب
شايفة ياشامية شو عم يهزولي بدني والله اتعبت وحالتي حالة ... الله المستعان
انتي طمنيني عنك ان شالله ماصار عليكي شي بالشام من قبل بيت حماكي ؟

مونو الغالية الله معك يارب وان شالله بتوصلي بخير وسلامة
وانتبهي على حالك وعلى رورو وربي يقويكي ان شالله

وسلامي لكل الحلوات الغايبات وخصوصا بيرل وسمورة

باق من الزمن ساعات ان شاء الله


داخلة لحتى ودعكم رح اشتقلكم كتير بس ادعولي انه ارجع وانا متخرجة
لانه عن جد نفسيتي متأزمة كتيييييير وخصوصا انه الاخيرة كمان حملتها
لانه حضرة الدكتور جابلنا مقارنة بين البطل جلجامش وذو القرنين من القران الكريم
واتخيلوا استغفر الله تربطوا هي بهي :| المهم رضيت بقدري والحمدلله على كل حال




نور الشات برجعة شامية الحمدلله على السلامة ونورت بيتك وصنعاء
والله يتمم حملك على خير يارب




الدمشقية ....... يخليلي عينك شو هالحب القاتولي اللي لحماتك وسلفك
انا وعم اقرا كنت رح انجلط وكمان بتنام عندكم ؟؟!!!!! تف تف اعوذ بالله من غضب الله
ما بقول الا الا يكتبلك الاجر والثواااب يارب لانه جد جد شي لالالالالالالا يطاق
واللهم اني صائم يعني من دون شي الوحدة بتنزل مشتاقة لاهلها وللراحة وللولدنة
بتجي ومعها حماتها يارب دخيلك :woo: المهم يارب توصلي بالسلامة والله يجبر خاطرك

ومشان العباية ما فصلت شي اسكتي والله مالي عين اطلع بزوجي لاطلب منه عباية عيد
مع انه حرام بعرف انه لو طلبت ما بيقصر بس انا مكسورة من جواتي :thumbs_down:
وعندي عباية سودة لسة جديدة بقصد شكها وشغلها اسود المهم ان شاء الله رح البسها
ما نزلت علي الا بعرس اختي بقى يالله رح سكج فيها هالعيد ان شاء الله




كاتي ............ حبوبة الرز تبع الحشوة اكيد بده نقع ولوووووو انا ما كتبتها لانه شفتا
شغلة معروفة وصحة ومية سلفF:
وعلى فكرة انا عندي جهاز الرسم جبته ب 90 ريال قطري يعني متل ماقالت الدمشقية
من تاجرة بالمنتدى فيه كومة رسمات بس لهلأ ما استخدمته بس ارجع ان شاء الله بقلك اذا خرج تشتريه ولا بلا وعلى فكرة عندي ياه من سنة تقريبا بس الكسل وعمايله هههههه
لانه انا بجيب استكرات وبلزقهم اسهل



بنوتة ........... الله يرزقك بالبيبي انت وكل مين بيتمنى ياااااارب
ومشان الفطور ما بزيد على البنات شي متل ما قالوا نصيحة عودي زوجك على طبخك
مشان تبقى الالفة والمحبة لانه الحياة ما بس رومانسيات الحياة طبخ وشغل وتعزيل
ومن مجاميعه بقى خليه دائما يشوفك انثى كاملة والكمال لله



سورية ........... اهلا وسهلا وانت بالف خير والله يعينك معذورة






بالختام رح اشتقلكم كتيييييييييييييييييييييييييييييييييييييييييييير ولا تنسوني من صالح دعائكم

الدمشقية;12929768:
تؤبشي قلبي ياكاتس صعبت عليكي مو :'(
ههههههه ياستي لا تزعلي هي حياتي والله حللي اتعود :-# ماعلينا
خلصت من حماتي طلعلي سلفي ... اتخيلي بيتصل فيني من يومين وبقللي اعملي حسابك من المطار لعندي طوالي انا عازمك مع امي على الفطور ............:|
قسما بالله وجعني راسي طيب واهلي اللي عم يستنوني على احر من الجمر وامي وابي واخواتي ... قلتلو بدي افطر مع ماما وبابا بقللي وانا بدي افطر مع امي على كلن عزمت الوالد والوالدة بس ..... واخواتي ياابن الحلال ؟؟؟؟ .... ياعمي خود امك وحللوا عني .......... هف قسما بالله يمكن باقي براسي برجين وراح يطيروا .. بقى اادعيلي الله يثبت علي العقل والدين :confused: :worn_out::thumbs_down:

حبيبتي يا دمشقية و الله وجعني قلبي عليكي شو متحملة لو محلك كان ما عرفت اسكت و كان قلتلو خود امك و ما عليك مني :D الواحدة صحيح بتسكت كتير بس عند لحظة معينة بتحكي كل شي وما بتفرق معها الله يعوض صبرك خير وما في شي بضيع عند الله
بدك تفطر مع امك ما حد حكالك لا تاخدها و لا ليكون ما بدو تنام عندو و بدو يضمن تروح معاكي :-o
و الله قهرتيني من جوات قلبي الله يحمل معكF:F:F:

ومنشان السجئات انا واثقة انهم راح يطلعوا من ايدك بجننوا ... ماشالله عنك باين نفسك حلو على الاكل بقى اتشجعي واعمليها وانتي قدها وقدود ياعسل

خجلتيني حبيبتي اذا رح تطلع مزبوطة فكلو من نصايحكن ومساعدتكن الله يخليلي اياكن
عندي سؤال اذا جربتي تلفي ورق عنب و تفرزي بالفريزر و اذا عملتيها كيف بتطبخي مفرز و لا بتستني ليدوب لاني عم فكر لف قبل بوقت لعزايمي يلي جاي :confused:

والله يكرمها لاختي يارب ويسمع منك ربي ويرضى زوجها يتحكم ,,, حتى على هالشغلة بعض الرجال بكبروا راسهم ااااه ... الله لا يجعلهم من المحرومين يارب

الله يعطي اختك كل يلي في نفسها وما يحرمها شي يا رب وكل شي نصيب و مقدر و مكتوب و هو في بعض الرجال بعلقية ايام زمان بحسو انو اذا تعالجو بكون عيب و الله يساعدهن يا رب

ومنشان الجهاز سئلت عنه كاتي وسعره من مكان لمكان بيختلف وكمان قللي الزلمة
في صيني وفي الماني او ياباني اعتقد المهم انه يختلف حتى بالادوات المرفقة
يعني في جهاز يجي معه اكثر من 6 رسمات وفي اللي يجي معاه كريستالات ومناكير ومدري شو والنصاب بدو فيه 250 ريال ؟؟
مع انو زوجي قللي بدبي بالسوق الصيني كتير رخيص متل ماقلتلك اول يعني بحدود 50 الى 100 ريال

بنت الشام المعذبه;12926955:
مساء الخير والطاعات كيفكم ياحلوين

الله يسرلك مونو ترجعي بالسلامه مجبورة
دمشقية وينك غاطة الله يعطيكي العافية ملتهيه بالتحضير للسفر

شامية الحمدلله عالسلامة نور الشات وصنعاء كمان بكون زوجك فرح برجعتك الله يدم الود

كاتس معك حق ولله حلني اتعلم انا مفكرة سوي مسقه مابعرف حدا بعرف طريقتها وسهله ولا لأ

حبيبتي بنوتة كنت رح انساكي :o

يسعد مساكم جميع كيفكم اشتقتلكم كتير كتير

مونو الله ييسرلك ويكون معك وترجعيلنا بشهادة جامعية يارب

كاتس يالله شدي الهمة وساوي القشة وأنت متل ماقالت دمشقية ما بينخاف عليك والوحدة لازم تجرب كل شي وعن المقبلات والله ماما عملتنلنا بالنجي وسندويش مكسيكي بس ما بعرف كيف بتساويه بالضبط يعني رؤس أقلام
والبرك أو السمبوسك بجبنة مع بقدونس وجبنة ودرة ولحمة وبصل وسبانغ نحنا هي البرك المشهورة عنا
والسلطات والتبولة وأنواع المعكرونة كمان المعروفة يعني طبخات ماما كلها شامية تقليدية مافي شي مميز جديد بس طبخات ماما مميزة بنفسها الطيب

دمشقية والله هزيتيلي بدني الله يكون بعونك ويصبرك يارب يعني ياأما الوحدة بدها تسود عيشتها وتعترض على كل شي وتتخانق مع زوجها يا بدها تساير والكل يستوطي حيطها بس أكيد الوضع التاني أهون من النكد بس الوحدة بتصير بتاكل حالها وماحدا بيحس فيها ويمكن هادا سر نحافتك من هزات البدن والله شي بيسلي العافية لأنو الله ييسرلك هالسفرة تتنفسي شوي
وعن أخبار بيت حماي ياستي مافي شي جديد بس أول ما وصلت عالشام بعد شي يومين سلفي وسلفتي اتصلو فيني عزموني عالعشا رحت وبيني وبينك اجا أخدني الساعة تمانة المسا وضلينا للساعة وحدة بالليل وكل هالوقت يشهد ربي ما حكا طول هالفترة الا على أهلو وتصرفاتن معو ياحرام قولي نحنا بعاد بس هو بوش المدفع والله حكالي قصص بتشيب وماحدا بيصدق أنو هي تصرفات اهل بقى ساعتها عرفت أنا قيمة الغربة وقيمة اليمن خلينا بعاد أحسن ما يشتغلو فينا اي الحمد لله ماحدا مرتاح والله

بنوتة وأنا بضم صوتي لكل البنات أكبر مثال عندك أنا ماكنت فوت على مطبخ والله أحيانا ماما تحطلي الأكل لما أرجع تعبانة من الشغل يعني مافي شي صعب عالانسان ولازم تثبتي لنفسك أنك شطورة بكل شي

لولية الله يديم المحبة بينك وبين ابن عمك ويفرحك بالبنات والله معك حق أنا كنت مفكرة حالي أني لما رح سافر على سوريا رح ارتاح وحس حالي كأني لستني عايشة ببيت أهلي بس سبحان الله حسيت حالي غريبة مع أنو أهلي وأخواتي يشهد ربي دللوني دلال فظيع وان شاءالله هي آخر مرة بترك زوجي وبيتي هالفترة الطويلة بس هلق كرمال الولادة ولأني تورطت وقدمت وراقي للرجعة للشغل ومشي حالها وصلت للوزارة

السلام عليكم ياحلوات
انا اسفة مقصرة بحقكم بس انتو كمان مافي حدا هون ههههه
المهم تسلموا لقلبي كلكم وربي يسعدكم ومايديقها بوجهكم ابدااااا... الحمد لله انا بخير ولازم اتعود واتأقلم هي عيشتي وهي حياتي وكلله باجره على قولة لولية
المهم مارح اقدر ارد واطول سامحوني الشغل لفووووق راسي وبكرا سفري ان شالله على الساعة 4 العصر الاقلاع
دعواتكم لي وانا مارح انساكم اكيد وان شالله بس اقدر ادخل النت اكيد بطل عليكم اخدت لاب توبي خصوووصي كرمال عينكم انتو وزوجي خخخخخخ
سلامي الكم وقبلاتي الحارررة لاحلى اخوات واحلى تجمع
واستودعكم الله الذي لا تضيع ودائعه فهو خير حافظا وهو ارحم الراحمين

السلام عليكم والله يسعداوقاتكم ويتقبل طاعاتكم ويتولكم مرادكم ورمضان كريم عالحميع
اليوم سافرت دمشقية من غير شر وودعناها واجى زوجها فطر معنا والله تركت فراغ كبير رح قضي العيد بدونها من غير شر الله يسعدها
ومون كمان الله ييسرلك امورك ويتجحك ومايضيعلك تعب يارب
كاتس صمصومة قلبي كيفك وكيف تالا الله يحميها يارب والله انا عم شد شعري من اولادي ااااااااااااااه خليها على الله
لولية الله يسعدك يارب ويخليكي انتي وابن عمك ليعض والله كلامك مزبوط الوحدة منا مالها غير ابن عمها
بنوتة رمضان كريم عليكي يارب
شامية الحمدلله على سلامتك ورمضان كريم عليكي طمنيني كيف البيبي وان شاءالله ماعم تتعبي بالصيام الله يقويكي يارب

السلام عليكم يا بنات كيفكم
الله ييسر أمور الجميع الشات ماعم يتحرك الظاهر كلو مشغول كاتس شو أنت التانية مسافرة وليش ماعم تبيني
دمشقية ومونو الله ييسرلكم السفرة يارب مبارح عم يقللي أخي رجعت ارتفعت درجة الحرارة بسوريا الله يكون بالعون والله أنا هون مروقة عالجو الحلو

سوريا لكان ضليتي لحالك أنت التانية مونازلة اجازة هالسنة ومشان البيبي الحمد لله تمام وعم صوم والحمد لله ماعم أتعب بنوب عطتني الدكتورة فيتامين أجنبي ماشالله كتير ظريف ماعدا ان رمضان هون باليمن أهون بكتير من الشام وبتعرفي انا ماورايي أي مسؤليات لا عندي ولاد ولا شي
بس فطرت أول يوم رمضان لما سافرت وأجيت عاليمن مشان ما أتعب ويومها مع أني فطرت من أول النهارحسيت النهار طويل لأنو بتعرفي اجراءات الطيارة والمطار وماعاد حسنت وقف على رجلي وحاملة معي عالطيارة شنتاية مونة وزنها شي 30لو غير اللاب توب وشنتايتي الشخصية

لولية بأحضان ابن العم الله يبسطك يارب يالله ضلي عندو ولا ترجعي بيروت لأنو أكيد تفسدت أخلاقك وماعاد تقدري تتأقلمي بدونو

بيرل ماعم تبين وآخر فترة على اساس طالعة اجازة على سوريا الله ييسرلها
ياسمينة الله يجعل أيامك كلها عسل يارب يالله طلي خبرينا آخر أخبارك
بنوتة كمان طلي خبرينا آخر أخبار الحمل عندك ان شالله بعد هالغيبة بتبشرينا خير

يسعد مساكم والله ييسر للجميع يارب وين ماكانو

حبيت اسجل حضوري وسلم عليكم

مرحبا صبايا كيفكن اشتقتلكن كتير اسفة اذا ما عم شارك هالايام بس العزايم نازلة على راسي وما عم لاحق شي معزومة و شي عازمة و على طبخ و نفخ خصوصي بهالشوب الله يهونها علينا يا رب و هلأ عم احكيكن بعد معركة العزومة يلي عملتها لاهلي و اختي و طلعت بعرف اعمل عزايم على مستوى ما صدقت حالي و الله لانو رمضان الماضي عملت عزايمي في مطعم و السنة يلي قبلها ماما عملتلي الاكل و هيدي اول سنة بعمل عزايم لحالي من اولها لاخرها وماما و زوجي ما صدقو على كتر ما تعبت من العزايم بس مبسوطة لانو جوزي شايف حالو فيني خصوصي قدام اهلو:o

دمشقية بتكوني بين احضان الحبايب و اسفة لاني ما قدرت ودعك ان شاء الله بتقدري تفوتي نطمن عليكي و على اجواء رمضان معاكي في سوريا الله يهنيكي يا رب :L::L::L:

سورية يا عمري يعطيكي الف عافية و متل ما ودعتي تلاقي و الله صعبة اطفالك صغار كتير لسى و بدهن تعب ما بتقدر عليه جبال انا بتالا و ما عم لاحق الله يحمل معك يا رب و ابقي طمنينا عنك و عن دمشقية اذا بتوصلك اخبارها اهم شي دللي حالك و لو بشغلات بسيطة لحتى ما تتعب نفسيتك لا سمح الله F:F:F:F:F:

شامية حياتي رجعتي لابو الشباب الله يخليكم لبعض يا رب و تضلو مكنكنين جنب بعض و عقبال ما تكونو مع البيبي رمضان الجاي ان شاء الله و خليكي سجلي حضور كل ما قدرتي لحتى ما يضيع الشات في عالم النسبان و انا و تالا بنلعب القط و الفار خصوصي بس تكون عندي عزومة بتجنني و بنزل عليها الحب لما اكون مشغولة على قولة حبيبتي و تعالي غير اغراض المطبخ يلي بحلالها تلعب فيهم و تنقلهم على غرفتها و انا اطارد وراها و هي مبسوطة :confused: عقبال ما تجربي يا رب و تحكيلنا مغامراتك :thumbs_up::L::L:

اروح انام شوي قبل موعد السحور :worn_out:

الله يسعد اوقاتكم جميعا
شامية الله يسعدك يارب والحمدلله يلي مالك تعبانة بالصيام ومنيح يلي فطرتي اول يوم احسن ماتتعبي ويالله هيك بيكون عليكي دين يوم واحد بس ههههههههههههههه والله انا عيدت من يوم السبت بس والله مي ماعم اشرب مو بشي بس عم افضى ههههههههههه
كاتس الله يعطيك الف عافية يارب ماشاء الله عليكي شغالة بالعزايم والله انا مافي حدا عم يعزمني يلي كانت تعزمني سافرت الله يسرلها واني انا اعزم حدا لعندي مافي مجال ابدا يادوب عم لحق فطورنا نحنا مع انه انا مابطبخ يعني منفطر بس شوربى وفطاير وفتوش وبتلاقيني عم اركض ركض اليوم قلي زوجي شو رأيك نعزم صاحبي ومرته قلتله الله يخليك لاتفنح عليي هالباب انا عندي اولاد ومو خرج ابدا قلتله بعزمهم بغير رمضان وزوج الدمشقية عم يفطر معنا لأنه ماعنده حدا من غير شر وانا والله كتير متونسة فيه وهو ياحرام متونس فينا وعم يقبل معنا
اما اخبار الدمشقية فاياحرام عم تقلي وب كتيييييييييييير حهنم يالطيف واهلي بيتهم عربي وماعندهم مكيفات والمغرب بيأدن الساعة سبعة ونص وخمسة قالتلي مابشتهيكي ابدا قلتلها الله يعينك يالله بكرة بتتعودي
هي اخبارنا اسفة لعيتلكن قلبكم سامحوني