منتهى الأناقة;13072618:
ملابس العيد..
فصلت مخورة بيج و تركوازي بس ما بلبسها لأني نسيت فتحة الرضاعة:-#:o
و فصلت فستان بألوان البرغندي و الذهبي و الأبيض..
و فصلت عبايتين بالذهبي و وحدة بالتركوازي..
و شريت حذائين تركوازي و بيج..
و زوجي جاب لي هدية شنطة برغندي..
البنات:
ريمي:... فصلت لها فستان بني و وردي..حذاء و شنطة و شباصات و اكسسوارات مناسبين
شريت لها كم فستان جاهز..
بس ناقصها حذاء أسود ما أدري متى بشتريه..
فطووومة...زوجة أخوي جايبة لها بدلة من الكويت و خالي بدلة من لندن.. غير كم فستان شاريتلها من سنتربوينت.. ما أعرف ويش ألبسها منهم بعد..خخخخ
هلا حبيبتي...
أحسه تعب كله طبيعي!! يعني يطلع رووووح الأم عدل مدل :|
قولي لزوجك تعال جرب يوم تمسك فطومة طوووول اليوم وشوف كيف التعب على أصول..
بس إذا بنتك ما صياحة فعادي ينفع تظل على الرضاعة الطبيعية طول الوقت.. بس دُرر تعبتني شوية كانت صياحة ربي يحفظها ..
الله يعينك صراحة .. تنومي الصغيرة وتصحين بعد فترة قصيرة لتجهزي ريم.. جالسة أفكر شو بسوي مع الثاني وعندي دُرر أهتم بيها! >> ولو إني كل يوم أقول لزوجي ما بجيب ثاني تكفينا درور حبيبتي بخلي لها الدلع كله :lol: وهو ما يعجبه خخخخخخ يقول أريد عيلتي تكون كبيرة، فأرد عليه عيل تعال احمل .. :p
بالنسبة للسوائل.. اي أنا أشرب منها بكثرة بس هم أحس مو مثل أول حليبي.. يمكن أتوهم!!
وخاصة شوربة القمح واللحم الأصلية مال أمهاتنا تساعدني واجد في الحليب..
يحليلها ريم.. لازم بتغار دلوعة البابا.. بس أهم شي إنها تحس إنها لسه مميزة عشان ما تتحول الغيرة لشي في نفسيتها يضايقها لا سمح الله فديت قلبها..
عندنا حسون تو بادي يغار شوية من دُرر لأنها تلعب وتسوي حركات ونحن نعلق على حركاتها ونضحك.. وصاير يقول لما نلعبها اغو اغو أوين ليش ما تلعبوني ألعاب أطفال خخخ :hysterical: بس نفهمه إن نحن نلعب معاك ألعاب عمرك: بالبطاقات والصلصال وغيره .. يلا فترة وتعدي على خير بإذن الله..
أنا ما عندي مرجوحة تقليدية بالبيت.. وما ناوية أحط وحدة ببيتي المستقبلي ولا أأيد أمي تستخدمها لدُرر وحتى لما كنت بأول شهر بيت أمي ما جالي جلست فيها أسكت دُرر فيها.. ما أعرف ليش!!!
ملبوس الهنا يا رب في العيد لك ولبناتك F:
أنا أمس استلمت عبايتي.. حمدالله طلعت حلوة عجبتني..
صورتها لكم وبحط صورتها بكرة إن شاء الله مع بقية الأغراض وإذا استلمت مخورتي بعد من الخياط..
أم الأدهم;13072625:
أم درر أنا أم الأدهم كنت موظفة بقطاع خاااااص حاليا
بالبيت بسبب ظروف الحمل لين بعد الولادة
هذا الحمل الأول الحمد لله ثاااابت بعد ثلاث أسقاطات بث
تشرفت بمعرفتك
وربي يتمم لك على خير آمين
abcd1;13074121:
ياربييييييييييه
جالسه اقرا الواجب عشان ارد والا يصرخ ايودي
راح يركض اخوي الصغير يشله
قلت له الشيمه عطيه امي عشان اكتب ردودي
اسمع امسي تتنازع تقول جوعان :D
مسكين كل يوم تقوله ما تقولها ماما 8o|
يحليلك ويا حظك هههههه
آخر شي بتشوفي أيودي ينادي والدتك ماما :cool:
أنا قبلما أداوم كان فيني رعب إن دُرر تنساني وتريد أمي ما تريدني وتترك صدري بس حمدالله ما صار شي من هذا .. وأمي تضحك عليّ وتغيظني أكثر تقول لي إن درورة بتناديها ماما وأنا باسمي ! :!!:
سدسد انتي كيف مرتبه يومك عشان استفيد ؟؟
أنا وضعي مختلف شوية آيبي لأن لسه الدنيا رمضان يعني الدوام أقصر
بس أنا بديت دوام ودُرر 3 شهور وأسبوعين وتو بتجي إجازة العيد ودُرر بتكمل 4 شهور إن شاء الله وهالشي ساعدني شوية لأني ناوية أبدأ أعطيها فواكه بعد العيد
أول شي لما بديت دوام كنت أشفط من حليبي الصباح وأعطي أمي الوجبة + الصناعي.. ولأن الدوام قصير فدُرر تاخذ وجبة صدري ووجبة ونص من الصناعي
وهي لسه جدول جوعها ما ثابت.. يعني مرات تاخذ أكثر من وجبتين صناعي.. بس هي كمياتها بسيطة.. يمكن لأن الصناعي ثقيل شوية فما تقدر تاخذ منه أكثر من أونسين = 60 مل
بس من يومين غيرت الجدول شوية.. صرت أروح بيت أمي الصباح أرضع دُرر هناك أنومها على صدري وأطلع ونفع أمس بس ما أعرف اليوم شو الوضع مع أمي.. عسى خير يا رب
بعد العيد بإذن الله ببدأ معاها شوية فواكه .. عشان تاكل شي وقت غيابي بالدوام وأقلل لها وجبات الصناعي بعد ..
سدسد تحسي صدر يملا بالحليب وقت الدوام ؟؟ ويضايقك؟؟
انا احاتي هالنقطه خصوصا انه عندنا نفس الدوام
بس انا ابعد طريقي :thumbs_down:
تو رمضان ويمتلأ عيل ما أعرف ويش بيصير بعدين لما وقت الدوام أطول وأنا أجرع وأجرع طول الوقت :lol:
من أمس وأنا أجيب جهاز الشفط بتاعي للدوام ورحت الحماما وانتي بكرامة شفطت الحليب المتجمع وحطيته بالثلاجة بالمطبخ عندنا.. ياخي كان فشلة أدخل المطبخ قدام الموظفين وش يقولوا عني فاطرة :confused: هههههه
وعن المضايقة فواااااااجد يضايق الشعور :| لا وبعد إذا يمتلأ بزيادة تحسي كأن شي يعصر صدرك!
تحسيها ترجع كثير ؟؟ انا اليوم رجع كثير ايودي وفيه حمى
اتوقه بسبب التطهير؟!!
عندي ما ترجع بس عند أمي مع الصناعي ترجع.. ما كثير بس تطلع كأنه لعاب مع حليب.. يمكن لأن الصناعي أثقل من حليبي..
اي يمكن بسبب التطهير .. وطهور إيادي آمين
بس ليش ما طهرتوه أولما انولد؟؟ ما يعورهم واجد بذاك الوقت وكله نايمين فما يحسوا بيه واجد.. أذكر مع حسون ارتحنا واجد..
وللجرح حطينا له آيدين= دوا أحمر مطهر وفي يومين صار تمام ولله الحمد..
كم وجبه يعني بالضبط تعطينها وقت دوامك وكم مل بكل رضعه ؟؟
محتاره انا كيف بيكون جدولي
المشكله اني ببدا دوام وهولسه شهرين
يعني ما اقدر اقارن وضعي بوضعك :hysterical:
تاخذ درورة من وجبتين إلى ثلاثة وكل وحدة 30 - 60 مل ما أكثر ..
وهو فعلاً وضعنا مختلف شوية عن بعض بس انتي حاولي تشفطين له من تو وتخزنين حليبك حل وقت الدوام وابدي معاه طريقة خلط الحليبين عشان تواوزني الكمية وما يعتمد بشكل كلي على الصناعي..
وتتهنا دروره بالذهب ياااررب
اقري عليهم لانه حلاتهم البنوتات الصغنناتوعليهم الاسويره:)
ربي يهنيك ويبارمك فيك آمين شكراً F:
ام ميسم عجبتني والله تذوقي كل ادويتها هههه
خلاص انا بسوي مثلك عيل
اللحين حيرتوني يعني انا احس بونيسان يريحه
اروح اخذ بعد هالدوا الثاني؟؟
اليوم بطنه ما مشاه
كيف يأثر عليهم هالشىء؟؟
ويسوي كثير حركة متقزز وكأنه بيرجع بس ما يرجع
ليش تتوقعوا هالحركه يسويها؟؟
كأنه متقزز من حاجه في بطنه :worn_out:
انا اريد اجرب سيميلاك
وفي نانا لاك ؟؟
ما أعرف عن يونسان بس هالدوا dentinox فعّال لدرجة إني لما كنت أعطيه لدُرر كان بطنها يمشيها بعد نص ساعة على طول وترتاح وتريحني معاها وتنام بهدوء.. جربيه ترى أصعب شي لما الطفل يصير له إمساك وغازات..
حركة التقزز كانت درور تسويها هههههههه وأقول لأمي شكلها متلوعة مني :lol:
يمكن شي في بطنه.. من الغازات.. يا ربي مساكين هالبشر الصغار :I:
سيميلاك الكل ينصح بيه
نانا لاك أظن مل زمان أول بس ما أعرف حد يستخدمه
بس نان يسوي غازات بكثرة للأطفال
abcd1;13074136:
امهات عندي احس غازات بالبطن
جالسه افكر عادي انا بعد اشرب من بونيسان هملايا ؟ :rolleyes:
بس طبعا بكوب ما بمرضعه :D
اشربي شاي زعتر أو ماي زعتر أو مرقدوش أو ينسون لبطنك وبإذن الله ترتاحي
أنا كنت آخذ شاي زعتر وأحسه كان يريحني..
عسولة: ما تعرفت عليك بس عرفت عنك عالطاير من كلامك وكلام البنات ;)
شكلك فنانة في الطبخ وصدق الحاجة أم الاختراع.. شهيتيني في لقيمات الجبن يمي يمي.. يشبهون فكرة خلية النحل بس الفرق إن الخليه عجينة تنحط بالفرن وهذي تنقلي.. وااااي صايمة وجوعانة :study:
وأنا بعد زوجي ما يكون معاي ليلة العيد :( مضايقني هالشي شوية ..
بيروح ليلة العيد بيت أهله يصبح عندهم ويصلي العيد ويرجع لي مسقط عشان نزور أهلي وبعدين المسا نروح بيت أهله نكمل العيد هناك..
قلت له ما أقدر على مسافة الطريق مع دُرر في اليومين 3 مرات وهو يقول ما يستغني عن صلاة العيد هناك فوصلنا لهالحل :I:
يعني شو فيها لو ضحى مرة وحدة بصلاة العيد وصلاها هني بمسقط؟؟؟!!!!! أنا أضحي وأضحي بوقتي وجهدي وجسمي مما حملت :I:
امممممم بعد ويش كنت أبي أقول... نسيت :hysterical:
