رابطة امهات واطفال مصر بعمر السنتين ..لشهر رمضان المبارك

طب اوزنيها يا هوبا وشوفى وزنها طبيعى ولا لا

وان شاء الله متحجيش لصناعى

هوبا اخبار البنات ايه انتي كمان وحشاني والله اوي نفسي نرجع النت بقى تاني زهقت جدا من غيره والله وبكون نفسي ادخل اتكلم معاكو وللاسف مش بعرف

عملتي ايه ف موضوع البي بي بتاع ندى اصل معاذ بقى له فترة كده بيعمل نقطة في الشورت وبعد كده يقول لي يعني كل شوية اغيرله لما فعلا زهقت من الغسيل والله
بس من كام يوم ضربته جامد جدا وبقيت انا اللي كل شوية اعرضه ع الحمام زي اوي ما بدات اعلمه كده وافضل معاه ف الحمام بالعشر دقايق ولا حاجة لحد ما يعمل ولو عمل ف الحمام والشورت بتاعه نضيف بعمل له فرح بقى
بعمل بالظبط زي ايام اول ما بدات اعلمه
بس فعلا خلاص تعبت ومش عندي خلق زي الاول بقى وزهقت جدا من الموضوع ده
مش عارفة لما اولد هيعمل ايه

ههههههههههههههههههههه مها كنت لسة هقول لك وحشاني والله

الحمد لله يا ايمي موضوع الحمام احسن من الاول مع ندي

الاول كانت تعمل وهي واقفه والله لما كنت ببكي والله من الاحباط اللي بتسببهولي
بس دلوقتي برده لسه بتنقط في الشورت وبعدين تقولي ومش عارفه اعمل ايه والله تعبت منها مشاكلها زادت اوي
ومش عارفه اعمل ايه

ووديتها للدكتور بخصوص انها بتعمل كتير قالي عادي انتي بتتدلعي
بس مش مقتنعه

بناتى حياتى;13013257:
طب اوزنيها يا هوبا وشوفى وزنها طبيعى ولا لا

وان شاء الله متحجيش لصناعى

والله يا مها ماما ولا جوزي فاكرين وزنها في الولاده لما هتجنن
انا كنت متبنجه كلي وبعدين فقت اعدت ساعتين ومشيت من المستشفي ومسالتش

نفس الموضوع يا هوبا والله انا برضو اوقات بعيط من معاذ والله لازم يسيب بصمة على الشورت وبعد كده يقول لي وادخله الحمام بقى
ربنا يارب يهديهم
وانا كمان بقيت عصبية بطريقة رخمة وبضربه كتير اوي نفسي اقلل موضوع الضرب ده بس فعلا هو مش وراه حاجة طول النهار غير انه يستفزني
كان فيه دكتور دايما انسى اسمه اللي بييجي مع دعاء فاروق بتاع الاطفال دكتور نفسي بيقول انه افضل عقاب انك تحبسي الطفل في اوضة لمدة صغيرة ومش الاوضة بتاعته عشان مش يكون فيها لعبه او كده
انا اوقات بعمل كده مع معاذ بدل ما اضربه بس مافيش اي حاجة بتجيب نتيجة معاه

ربنا يارب يهديهم كلهم
فعلا التربية مش بالساهل
وربنا يهدي لك ندى بس الحمدلله انه في تحسن واحدة واحدة وهتبقى احسن ان شاء الله بس هي ليها عذرها عشان رنا وكده ودي حاجة طبيعية في الاطفال اصلا لما بييجي بيبي جديد
يارب يهديهم كلهم

hoba555;13013357:
والله يا مها ماما ولا جوزي فاكرين وزنها في الولاده لما هتجنن
انا كنت متبنجه كلي وبعدين فقت اعدت ساعتين ومشيت من المستشفي ومسالتش

ههههههههههههه عسل يا هوبا
بس تقريبا بيكون ليها ملف في المستشفى لو سألتي

وكمان مش مهم هو كل سن ليه وزن معين الدكتور بيكون عارفه
وان شاء الله تكون تمام ومش تحتاجي للبن صناعي ولا حاجة

بجد موضوع الملف ده هبقي اسال واشوف
انا اول مره كمان اتبنج كلي مع انها مزادتش عن نص ساعه المده لكن كنت بهلوس
حتي بعد ما فقت برده مش فاكره حاجه من اليوم ده كله
واسال ماما هو عمو جوز خالتي كان اعد لما انا ولدت
ماما تقولي مالك يا هبه امال مين اللي وصلنا بالعربيه ؟
بجد البنج ده بيعمل دماغ اشطه هههههه

بجد معاذ خلاااااااااااااااااص مش عارفة اعمل له ايه انا فعلا تعبت ومش عارفة اتعامل معاه ازاي
دلوقتي دخل المطبخ مع ماما وعمال يلعب في كل حاجة وانا طبعا ضاربة الطناش شوية وهم بيتصرفو معاه بقى ههههههههههههههههه

المهم فجاة لقيت ماما صوتت وبتقول له حرام عليييييييييييييك
قمت اشوف في ايه لقيته وقع الميه على صينية الكنافة
عااااااااااااااااااااا
يعني يادوب الصينية لسة ماما عملاها ومحدش اكل منها
مش عارفة الميه هتبوظها ولا ايه
بجد فظييييييييييييييييييييييييع ربنا يهديه يارب

طنشي يا ايماااااان بجد والله

ههههههههههههههههه اه فعلا يا هبه بيعمل دماغ عالية
بس انا في معاذ كنت متبنجة وحاسة نص احساس كده هههههههههههههههه
يعني كنت حاسة وانا رايحة الاوضة وكده وانا نازلة من ع السلم مروحة ونزلت كملن نوم ف العربية
بس حاسة اني نايمة وشايفة اللي حواليا طبعا بزغللة بس الحمدلله مش هلوست ولا حاجة ههههههههههههههه

وبعدين يا هبه انا بطنش في حاجات طبعا لاني هتعب لو ماطنشتش اصلا
بس فيه حاجات ماينفعش اطنش فيها بقى

بنات صحيح اللي ولادهم اد معاذ بداتو تسيبوهم ياكلو بالمعلقة لواحدهم ولالا
يعني انا دلوقتي بسيب لمعاذ طبق الرز كده واحنا بناكل هو بيحب يحط الشوربة مثلا او اي خضار على الرز وياكل بس طبعا بيبهدل كل هدومه وبيوقع
مش عارفة اعمل ايه بقى اجي بله بافيتات كبيرة شوية هههههههههههههه
بس حاسة انه مش هيرضى يلبسها اصلا ده وهو صغير ماكنش بيرضى يلبسها اصلا

انا نفسي اسيبه ياكل لواحده بس بيبهدل الدنيا اوي وفي نفس الوقت عارفة انه لازم الخطوة دي وانه لازم يبهدل الدنيا على ما يتعود

انتو رايكو ايه ف الموضوع ده وحد بدا مع ابنه ولا ايه

أم عمرومنة;13009570:
ازيكي اشهودة عاملة ايه
معلش مخدتش بالى انك موجودة
إحنا كويسين بنستعد للدراسة يوم الأحد

الحمد لله يا سمسمة
الله يعينك
موضوع المدارس ده خايفه منه ازوى وبحسه حمل كبير عالام

أم عمرومنة;13009577:
هو ردي موصلش ليه

وصل !!!


شهودة عندك حساب على الفيس بوك
ابقى ابعتيلي اضيفك علشان اعر فاوصلك بعيدا عن المنتدى

بعتلك

كلمة وداع;13010456:
شهيده يارب تقومى بالسلامه ياقمر وتجيبي بنوته لعمر يافرح بيها والله فتحتوا نفسى على الولاده بس اطمن على لولو اللى مغلبانى
ايمى ايه اخبارك واخبار معاز واخبار النونو اللى جاى فى الطريق يارب يتمم حملك على خير وتقومى بالسلامه
نهىى ربنا معاكى فى النقل انا لسه قدامى حوالى 5 سنين على ماانقل مع انى مش طايقه البيت ده بس ربنا يسهل
توتى مايا مفراك كده ذى لولو ولا ايه اوعى تكون منكاش كده كمان انا اتصدمت فى لولو البنت دى طلعت مفتريه وكل يوم تصبحنى بعلقه ونمسينى بعلقه وكانى مرات ابوها مش مامتها حبيبتها

ياجماعه انا حاسه انى مش هاعرف اربى البنت قلبى ضعيف ومبستحملش اننى ازعق لها ولا ان باباها يزعقلها ولا اى حد اعمل ايه

ربنا يكرمك يا ايمان وعقبال ما تجيبي للمار اخ او اخت تلعب بيه
اصلا العيال في الزمن ده بقو بيلعبو باخواتهم مش بيلعبو معاهم عالاقل لحد ما يكبرو شوية ويفهمو

بصي هيا التربيه صعبه مش سهله
اولا لازم تحسسيها الفرق بين الهزار والجد وتعملك حساب لما تغلط بانك تبصلها بصه تخاف منك بيها
وطبعا الافضل والاصح لتربيه الطفل انك تبعدى تماما عن الضرب والصوت العالى ولو ان ده اوقات بيبقا صعب بس حاولى على قدر الامكان
طبعا لازم الاب والام يتبادلو الادوار بمعنى لو الاب زعق الام متزعقش هيا كمان لا تستنى كده شوية وبعدين تاخد الطفل تفهمه غلط وتصاحبه وتبينله انها صاحبته وخايفه عليه وان بابا كان بيعمل كده علشان انت غلطت وعملت كذا
يعنى حد يشد والتانى يرخى لان لو الاتنين شدو يبقى الطفل هيتخنق منهم هما الاتنين ويدورلو على حد تالت بعيد عنهم

*Om Mo3az*;13011925:
السلام عليكم وحشتووووووووووووووووووووووووووووووووووني جدا ايه اخباركو واخبار الولاد ايه

وعليكم السلام ورحمة الله وبركاته

ايمان واحشانا اوى وبجد مفتقداكى جدا

*Om Mo3az*;13011982:
انا بقى تعبانة جدااااااااااااا وكل يوم بكون حاسة اني خلاص الحمل هينزل وبكون متوقعة اني هدخل الحمام الاقي دم لدرجة اني بهيأ نفسي وباخد شاور بهيأ نفسي اني هنزل الليلة دي للدكتورة من كتر التعب
مش عارفة من ايه بجد وجع زي الطلق بالظبط والله وبكون مرعوبة جدااااااااااااااا بس الحمدلله بمجرد ما بنام بصحى الصبح كويسة وطول النهار ببقى كويسة جدا الحمدلله مش بتعب غير من بعد الفطار بس وبفضل تعبانة لحد ما انام بعد الفجر
ربنا يستر انا رايحة للدكتورة السبت ان شاء الله حاسة اني قلقانة اوي ع البيبي ربنا يستر يارب
دعواتكو


وكمان للاسف نفسي اقعد عند ماما شوية ارتاح بس للاسف جوزي بص لها من نايحة راحته هو وقال لي مش هينفع اجي من الشغل عند مامتك وافطر هناك وانزل تاني الشغل وافضل كل ده من غير ما اغير هدومي
يعني هو مقعدني ف البيت واشتغل عشان هو ييجي ينام له نص ساعة ويقوم يفطر وينزل الشغل تاني وللاسف مابصش لتعبي ولا حاسس بيا ولو جبنا مرة اكل من بره بيكون مش طايق نفسه ويقول لي انا خلاص اخدت على اكل البيت ومش بقيت بحب اكل بره
بجد تعبت جدا ومش عارفة اعمل ايه ده غير معاذ طبعا طول النهار زهقان وعاوز يلعب وعاوزني العب معاه وانا طبعا مش بقدر له ولا بقدر اريح شوية منه
يعني انا جيت انهرده عند ماما عشان جوزي معزوم ع الفطار بكرة وهقعد للسبت عشان اروح للدكتورة لانها قريبة من ماما وهمشي السبت ان شاء الله
بس الحمدلله هو جه على نفسه يوم عشاني
الدنيا لسة بخيييير


دعواتكو بالله عليكو اول مرة اكون عاوزة رمضان يخلص بجد مش قادرة شغل البيت ومعاذ وجوزي حاجة فعلا تعب والله وفوق احتمالي خصوصا في الحمل طبعا
ربنا ييسر يااااااااااااااااااااااااارب


معلش صدعتكو بس هم كلمتين خانقني كانو لازم يطلعو وجات فيكو انتو بقى
مش بلاقي حد اتكلم معاه طول الاسبوع

ربنا يعينك يا ايمان
بس على فكرة الاحساس ده انا رايي انه طبيعي يعنى انا برضو طول الحمل خصوصا في الشهور الاولى كان عندى احساس انه بينزل او نزل خصوصا لما كنت فعلا بلاقي دم احمر او كتله دم نازله او مغص حتى
اصلا الحمل بيبقا اغلبه تهيئات وحاجات غريبه والنفسيه فيه مبتكنش مستقرة
خصوصا الحمل التانى
يعنى الحمل الاول كانت الدنيا فيه سهله بس التانى مختلف جدا عن الحمل الاولانى
وربنا يتم لك على خير وتفرحى بالنونو في حضنك
فانتى ان شاء الله تروحى للدكتورة هتديكى حاجات للمغص واللى هيا اصلا بتكون مثبتات

بالنسبه لزوجك انا شايفه ان في ميزة في الموضوع حلوة انه خد عالبيت ووجودكم انتى وميزو واكل البيت دى حاجه حلوة في الزمن ده

بس حاولى متجيش على نفسك يعنى ابقي هاتى دلفري او خليه يجيب معاه سمك مشوى لو انتو بتاكلو سمك في رمضان عادى

ميزو حاولى تقفلي عليكى وعليه اوضه والعبي معاه وانتى مريحه عالسرير
انا عارفه ان الموضوع صعب مش سهل والنفسيه مش مضبوطة
بس انا برضو بفضل في البيت والله ما بشوف مدخل البيت بالاسبوع واكتر فبحاول اتاقلم مع الوضع وافضل الاعب عمر وانا نايمة عالسرير
طبعا هوا في الاول كان رافض ومازال بيرفض موضوع قفل الباب بس خد عالموضوع وتاقلم عليه

UMM MOAZ;13012946:
السلام عليكم ازايكم يا قمرات.بنات ادعوا ل البراء لحسن هو تعبان من الحر ده طلعلوا في ايده خراج و يوم السبت ان شاء الله هودية للجراح عشان يفتحه و كده يعني.ان صعبان عليا اوي.......

وعليكم السلام
ازيك يا حنان؟
الف سلامة عالبراء شفاه الله وعافاه
متقلقيش ان شاء الله حاجه بسيطة والدكتور يفتحه ويصرف باذن الله
جمدى قلبك

مها

ازيك وازى اروى وبتول؟


هوبا

معلش العيال كلهم اللى يظهر زهقانين من الحر وبيطرو على نفسهم
انا برضو عندى عمر كل شوية الاقيه راح عامل على نفسه وبيعند جدا في دخول الحمام مع انى اللى بعرض عليه وبيبقا ماسك نفسه ومش راضي يدخل الحمام

حاولى تسالي على وزن الولاده بتاع رنا لازم تعرفيه والا هتخديلك كلام ملوش لازمة من اى حد يسالك على وزن الولاده وتقوليله معرفش
وفعلا لازم يكون في المستشفى فايل فيه كل بياناتك وبيانات البيبي

ايمان

انا بصراحه مبحبش اسيب لعمر الطبق لانه بيوقع ويبهدل الدنيا وحاليا انا مش حمل توطيه ولا لم وراه فبشتري دماغى واكله
اوقات بسبله شوية في الاخر خالص وهوا يمسك المعلقه ويعمل نفسه بياكلهم
انا عارفه ان كده غلط بس فعلا مش حمل بهدلته وانا بالمنظر ده

شهيييييييييييييييدة ازيك وحشاني جدا والله ايه اخبارك مع عمر والحمل عاملة ايه


بالنسبة لموضوع معاذ واللعب انا فعلا بعمل كده وبلعب معاه معظم الوقت والله لاني مش قدامي حل تاني ولانه كمان والحمدلله يعني مالوش في الكارتون ومش بيشد انتباهه خالص
بس هو على طول عاوز يخرج وطول النهار يقول لي البس ويفتح الدولاب بتاعه اللي فيه لبس الخروج ويشد ف الهدوم ويقول لي تيتة ههههههههههههههههه
انا دلوقتي كل يوم لما باباه بييجي بالليل لازم انزل له معاذ يقعد معاه شوية ف العربية ويمشي بيه خمس دقايق كده ويطلعو هو بيكون مبسوط اوي بس باباه بيكون جاي تعبان ونفسه يطلع البيت يلاقي معاذ في وشه هههههههههههههههههههه
ومعاذ اتجرأ كمان وبقى ينزل السلم لواحده اول ما يشوف عربية باباه من البلكونة يجري يجيب لي الشبشب بتاعه وينزل لباباه
بس بيفضل طول اليوم بقى يزن على موضوع بابا والعربية ده لما بيزهقني هو اصلا رغاي اوي كمان وبيفضل يرغي كتير اوي وانا لازم ارد عليه واترجم الكلام اللي بيقوله يعني هو يتكلم بلغته وانا لازم اترجم هههههههههههههههههههه

كل حاجة زهق والله في الحياة دي وملل

موضوع الاكل فعلا يا شهيدة بيبقى بخدلة انا بحاول اسيب لمعاذ ياكل لواحده الحاجات اللي مش بتوسخ اوي يعني هو بيحب المكرونة المسلوقة بديها له ياكلها بالمعلقة
اوقات بالليل مش بيكون راضي يتعشى فبحط له شوية رز كده من غير خضار ولا شوربة عليه وبرضو مش بيبهدل الدنيا انما لما بيكون فيه شوربة او خضار انا اللي بأكله طبعا امبارح كان اول يوم اسيبه يبهدل كده انا حطيت قدامه واحنا بنفطر طبق رز ولقيته هو بقى بيعمل زينا بيحط اللوبيا على الرز وياكل
يعني انتي حاولي تعودي عمر الاول في الحاجات البسيطة اللي مش بتبهدل الدنيا
انا بصراحة نفسي معاذ يتعود على الموضوع ده قبل ما اولد اهو حاجة تخف عني وهو يأكل نفسه

موضوع جوزي ده يا شهيدة فعلا اكتر حاجة بتتعبني والله وبتخليني اتعصب على معاذ
يعني احنا جبنا مرة دليفري هو كان مضايق هو اخد على اكل البيت اوي ومش بقى بيعرف ياكل بره للاسف انا السبب ههههههههههههههههه
مع انه كان العكس وماكنش بياكل غير من بره اصلا طول عمره قبل الجواز
والسمك المشوي فعلا اوقات بقول له يجيبه لاني بكون مش قادرة اطبخ وانا ماليش فيه خالص خصوصا في الحمل مش بقيت بحبه بس بقول له يجيبه وانا مش باكل اهو اليوم ده مش بيكون جاي لي مزاج ليه خالص

بس ان شاء الله بعد العيد انا هاجي اقعد عند ماما كتييييييييييييييييير لاني فعلا تعبت
الله المستعان
ربنا ييسر يارب ويهدي الجميع