تجمع امهات فبراير لشهر رمضان المبارك 1431ه-2010 م

صباح الخير بنات



شخباركم



ايي والله الكل مشغول ولاهي
بس عادي بما ان احنا في شهر رمضان اكيد ما في وقت للنت مثل قبل ..


والبنات اللي راحوا عند اهاليهم عليهم بالعافية بس عاد ليش يقطعونا خخخخ

وفي بنات من ايام رابطة الحمل دخلوا مرة او مرتين وقطعوا !
وفي بنات تواصلهم جدا قليل


المهم اخبارنا احنا اوكى
علووي تمام وصار يقعد تقريبا بدون مساعده لكن مش لفترة طويلة خخخخ
وتطوراته هو من قبل خبرتكم انه يزحف بس هالفترة بدا يرفع جسمه ويسويه على هيئة اللي بيحبي لكن للحين ما حبى خخخخ
والهذرة عنده زايدة حبيبي ..
ايي اليومين اللي طافوا اشوفه ما يرضى ياكل سيريلاك ! اشوا انه يرغب شوي لاكل البيت ونعطيه الاشياء اللي تناسبه وهو مستانس حبيبي ..


يوم الاربعاء ان شاء الله بيكمل ال6 شهور وانا من زمان في بالي ان موعد تطعيمه بيكون تاريخ 27 ومن يومين انتبهت ان يوم 27 بيصادف الجمعه خخخخخ قلت عيل في غلط وجيكت موعده طلع تاريخ 25 يعني يوم اللي يكمل ال6 شهور بالضبط !
اشوا تأكدنا قبل ما يطوف موعده :worn_out:

حبيبي شعره طول ويبي له تعديل للعيد
عاد هو شعره من فوق اوكى بس من ورا واااايد خفيف وهو لون شعره اشقر شوي يعني يبين انه خفيف بشكل واضح ..
مادري ليش مو جاي يكثف له من ورا ؟!! بعد الاول كنا نقول من السدحة بس الحين اغلب الوقت اما في المشاية او يزحف خخخ اقصد يكون على بطنه ..

انزين بنات
الصالونات ممكن تقص شعر بيبيات صغار قد عيالنا ؟!!
انا ابغي بس تعديل الاطراف !

هلا والله شخباركم .. وين باقي الامهات لا من صج صايمين مالهم حس نهائي .. ماما حسون صالونات الاطفال ممكن اتقص شعر الاطفال ..

باقول لكم عن موقف سوته لي بنتي في الجمعيه .. رحنا الجمعيه يوم السبت انا وبنتي وعمتها كنا ناخذ اغراض وحماتي كانت ادرز جاري الجمعيه كنا امقعدين في بنتي من كثر الزجمه الي في الجمعيه جا واحد ودز الجاري بالقو وبنتي فشلتنا عصبت عالريال لدرجه انه الريال جا وقال لها اسف خخخخخخخخ ..بعد بنتي امسويه لها راس .. اما عن ولدي بعد هو امسويله راس كله يبي يقعد مع اخوي الصغير عمره 14 سنه في المجلس مع ربعه ويبي يلعب سوني .. ويعصب على اخوي اذا ماخلاه يلعب ايصكر عنه التلفزيون ..

هاي اخر تطورات عيالي ..

صباح الخييير....
والله انا اول ما ارجع من الدوام اقط بعباتي وادخل المطبخ اذا اكون حاطه في بالي شي اسويه واذا لا اقعد مع عيالي شوي ولين اروح اسوي فطاير حق زوجي وساعد ام ريلي اذا تبي تسوي شي....
هاليومين ام ريلي وايد تعبانه وتخاف لين ودوها المستشفى مادري شنو يوجعها بالضبط تموت وتحيي ماتقدر حتى تاكل وعليه كاسره خاطري عاد امس واحنا نتكلم عن حالتها قرر حماي انه يمكن نوديها المانيا وسوونلها فحوصات عن كل شي والا هني وعليه تبهدلت بس يعطونها ابرة مسكن ولا يعرفون شالسالفه...

ولدي سلطان حبيبي خلص 3 سنوات وصار 3 ويومين خخخ
وخليفه حبيبي صار 6 شهور و8 ايام وطلع له ضرس وباقي الثاني يحكه والحين كله يقول بابابابا بس نادر لين تم يصيح يقولي ماماماما خخخخخ وريلي انتهز الفرصه كل مايشوفه يقوله قول بابا وولدي كنه يعرف ماشالله اول ما يجي ريلي ويقعد جنبه يقوله بابا خخخخخ
اليوم افكر اسوي ربيان مشوي بس ابي طريقه عشان اخمره فيها فتره من عندها....
انا مع اني شاريه كذا صوص للربيان بس قلت يمكن وحده تعرف بعد...
ذكرتوني على التطعيم خليفه باشوف متى بالضبط تطعيمه اظن بداية 9

قوة بنات


شخبار



نور الدنيا ما شاء الله ع الكتاكيت مسويين لهم شخصيات بعد ههههههههههههههه



ام شيووخ فدييت الكتكوت
الله يخليه



اييي بنات الليلة الماما قاعده تلاعب علاوي والا تقول طلع له ضررررررررررس :D
وجيكت الا صدق توووه طالع له حبيبي
الصلاة ع النبي طلع اشطر من اخوانه في الضروس ههههههههههههههه طلع اول ضرس قبل ما يكمل ال6 شهور ..

هايو بنات....
اول شي اخباركم واخبار الكتاكيت
امس سويت لكم ذاك الطبق الي صج صج يهبل والله ماشالله خلص كله بسرعه ...
ان شالله اليوم اذا رحت بيت اهلي يمكن اسوي نفسه...
ورحت امس خذت صناديق حق اليهال الي انا اركبهم واعدلهم وشريت حلويات وكوافي وبالونات وجبس انواع وعصير على بارني ودفاتر تلوين والوان وستكرز والله بينترس البوكس خخخخ...وقلت باخلي ولدي يوزع على الصبيان لنه عددهم محدود خخخخ اما البنات ماشالله..
قلت باحط صورة عيالي على البكس بس ممم افتقرت هالشهر كلش خخخخخ...

مهم جدا اكل الطفل الرضيع المسموح والممنوع__نوروني
http://forums.3roos.com/showthread.php?t=560079

السلام عليكم ورحمة الله وبركاته

رمضان كريم وينعاد عليكم بالصحه يارب

اكيد نسيتوني لاني من زمان مادخلت من بعد ماربيت بس انا ما نسيتكم واعرف اخباركم اول باول .الحمدلله انا وبناتي بخير وبنتي اليازيه احين عمرها 5اشهر و23يوم ماشاء الله عليها اخر تطوراتها انها تجلس شوي بروحها وتحاول تمسك الاشياء الي جدامها بس مشكلتها ان نومها مااتعدل لين احين تسهر لين الساعه 5صباحا
بالنسبه للاكل اعطيها السيريلاك والرز والتفاح يعني تقريبا جربت معاها كل شي لاني اباها تتعود على الاكل بسرعه .بس هذي اخباري وان شاء الله ماانقطع عنكم مره ثانيه ان شاء الله .

هلا امهات شخباركم .. هلا اختي عاشقة الشهاده وينج اختفيتي .. باقي الامهات شخباركم .. ان شاء الله اليوم باصور لكم عيالي وباحط لكم صورهم انا حاليا محتاره مع ولدي عنده لبس مغربي وعنده اصديري مع قحفيه الي ينلبسون مع الثوب ومحتاره شالبسه او بالاصح ثوبه لحد الان ماخلص .. والتوزيعات الحمد الله سويتهم في محل امي وخالصين من امس .. وبنتي ماشاء الله عليها صايره اذا تقعد معانا عالسفره اول شي تلقى نظره عالاكل واذا شدها شي اتاشر عليه بيدها تسوي له تعال واذا اطعمت شي وماعجبها اتشيره في حلجها ومستحيل تبلعه واذا تمينه اشربها ماي عشان تبلعه اتم اتفل علينا .. اقول حق امي هالبنت وايد بتعبني اكثر من اخوها حبيب قلبي هي الحين اتعرف حق العبايه ومن اتجوفني لابسه العباية اتم اتصيح وولدي فديته لما كان في عمرها ماكان يعطيني ويه ادش او اطلع عادي عنده .. صورو لنا اليهال اليوم وخل انجوفهم وهم كاشخين ..

هلا بنات....جبت لكم اول شي صورة خليفه حبيبي من يومين مصورتها...وبعد امس قعدت وسويت القرنقعوه حق اليهال تعبت




هذي ولدي وولد اختي بس مب مبينه عدل بس اراويكم الكوارتين لنه كل واحد انا اركبه واعدله وزدت عليهم اثنين بعد غير الي بالصوره ههه


هاي امي سوته حق رفيجة اختي طلع وايد حلو



وهذا السكل النهائي له وحطيت علبة الكلينكس عشان تشوفون الحجم

شرايكم

نسيت اقولكم في البكس من تحت بالونات وقناع ودفاتر تلوين كم واحد ودفتر ساده وقلامه رصاص

سوري نسيت احطلكم الصوره اكاهي
وبعد فيه علوج وماصات بس تحت

عاشقه

عاش من شافج


ام الشيوخ ما شاء الله حلوه قريقعان مالج راهي ههه



امهاءات اخباركم ان شاء الله بخير

ام شيووخ ماشاء الله خليفة كلش عسووووول ودمه خفيف وسلطان مو مبين صورته من بعيد الله يحفظهم :)

باقي الاكهات اخباركم:)

اريد اسالكم اني دورتي نزلت للمرة الثانية بس اتاخرت 13 يوم عن موعدها
المهم سؤالي : صايرة مااحس بالم الدورة!
قبل الحمل جنت اموت من الالم وما يروح الا اخذ حبوب
بس هسه مو حاسة بشي!!

انتو هم نفس الشي وشنو السبب؟؟

صباح الخير بنات



كيف الحال




ام شيووخ انا بعد ابي قرنقعوه عيالي ما لي شغل ان شاء الله رفعتي لهم هههههههههههههههه
وما شاء الله ع العيال ربي يخليهم ويبلغكم فيهم يا رب


نور الدنيا يالله ننطر صور الحلوييين



عشوقة هلا والله اختي شخبارج وشخبار الاميرات وحشتينا خخخ
اتذكر كنتي معانا في رابطة المخللات هههههههههههههههههه


ام نوف يا هلا ومرحبا شحالج
يالله حطي لنا صورة نوف في حق الليلة نبي نشوفها الكتكوتة



لولي اهلييييين وعن الم الدورة عااااااااااااادي واسمع ان الكل نفس الشي
انا بعد قبل الزواج والحمل كان الم الدورة يذبحني ويكسرني في البيت بس من بعد الحمل والولادة قامت تجيني بدون الام واحيانا الام خفيفة ونااادرا اذا تجيني بآلام قوية ( اتذكر قبل ما احمل بعلووووي نزلت الدورة بالام قووووية وكان الالم مثل الطلق والله العظيم حتى اني كنت اتدحن وابكي من الالم وعيالي خافوا علي ههههههههههههههه)



باقي البنات شخباركم كلكم F:



اليوم علوووي كمل ال6 شهور واليوم كان موعد تطعيمه وتونا رادين من المستشفى خخخخ
الحمدلله اموره كلها تمام واوزانه وقياساته طبيعية ونموه اوكى
والحين لما رديت البيت عطيته دايركت ادول وبستمر عليه اليوم كل 4 ساعات ان شاء الله
بسألكم بنات اللي كملوا عيالهم ال6 شهور :: كم طول كتاكيتكم ؟؟
انا ولدي الكل يقول عنه ان طويييل واليوم طوله طلع 68 سم !!
بغيت اعرف هل هو فعلا اطول من الاطفال اللي بعمره او لا وكم الفارق يعني ؟؟
<<< زوجي لان طويل وولدي العود بعد طلع طويل نفس ابوه حتى لما كنت حامل به وسويت التراساوند قالوا لي البيبي طويل هههههههههههههههه اما ولدي الثاني فطوله معتدل والحين علووي يقولون عنه طويل ولا ادري خخخ


اما اخر تطورات ولدي اممممممممم
ما اعتقد ان في شي ما قلته هني ههههههههههههه يمكن ما عدا انه صار يقعد شوي بروحه وبعدين ينبطح ،، و الحباي للحين ما اشوف في تطور بس زاد في رفعه لنفسه خخخ يعني الاول مرة او مرتين في اليوم يرفع جسمه في وضعية الحباي بس الحين كل شوي يرفع جسمه ويظل مكانه ولين بغى يتحرك ينزل للارض ويزحف خخخخ

السيريلاك خلاص قمت ما اعطيه لاني اخر المرات صرت ما اقدر عليه ولا يرضى ياكله واضطر ارميه والحين هالاسبوع كله ما عطيته واكله بس من اكل البيت .. بس علشان ما اخسر السيريلاك قمت احطه في الرضاعه مع الحليب واشوفه يشربه عادي خخخخ لكن لما اعمله كوجبة واعطيه اياه بالملعقة ما يرضى ياكل :worn_out:



اما عن اخباري انا اليوم دخلت ع الدكتورة وطلبت حبوب توقف الدورة لان موعدها نهاية شهر رمضان وما ابغي يصير علي قضاء زيادة .. كفاية ال6 ايام مالت بداية رمضان خخخخخ بالاضافة الى ان احنا ان شاء الله ناويين ع العمرة اذا الله كتب فيعني حجّة في حاجة :lol:

هلا امهات شخباركم .. وشسويتوا مع قرنقعوكم امس ؟؟ .. انا ان شاء الله بنزل الصور باجر اذا رحت بيت هلي لاني الحين في الدوام ومن الدوام مااقدر انزل الصور ..

هلا امهات شخباركم

حبيت اسئلكم انا جتني الدوره من بعد ولادتي مرتين وصارلها شهرين ماجتني وسويت الفحص في البيت وطلع مافي حمل فهل الشي هذا طبيعي ولا لا ومين صار معاها نفس هالموقف .