.•.°.•ஐ•||||•ஐ.•.°.•

تماني24;13013417:

السلام عليكم يا بنات بلادي لعزاز
و صح فطوركم و رمضانكم
انشاء الله تقبلوني معاكم
انا من نوال من البليدة

ايه والله غير بزاف ربي يرحمنا هذا واش نقولو
نوال انتي من اي منطقة من البليدة

ssamou19;13013487:

صحا فطوركم كامل لبنات

و مرحبا بين نوال اكيد نقبلوك بيناتنا

تماني24;13013582:

انا من خزرونة و انتي اختي

خيار الناس اختي
انا من موزاية
علابالك علاش سقسيتك مشي تقرعيج ههههههههه مي حبيت نقلك اذا راكي تجهزي ارواحي لموزاية راهو كاين وحد سوبر مارشي صغير يقولولو لمداني فيه حوانت يبيعو كلش ب 400 دج وكاين كلش ب 500 دج تقدري تشري حوايج نتاع كل يوم لي رايحة تحتاجيهم وتدي منهم بزاف
كاين كلش لي بودي لي جيب سراول حوايج تاع الدار كلش
ماتحسابيش قش بختة هههههههههههه والله حوايج شابين وعادي كيما الحوانت مي اوكازيا شابة ماتتراتاش
اذا قدرتي ارواحي وشوفي بالاك كاش مايعجبك وتقدري تدي بزاف حوايج بسعر معقووووووول:adore::adore::adore:

لالا اختي نوال مافيها والو رانا خواتات
شوفي كي تركبي اهبطي في لاري نتاع الطاكسيات
غير تهبطي سقسي وين جاي مارشي لمداني راهو غير ثما قدام لاري
واذا تقدري تقولو لصحبتك تديك دورك شوية في موزاية راهي تحسنت بزاف علي كانت سيرتو الحوايج والصبابط حشاك
بكري كنا نروحو لباب الرحبة ودوكا خلاص كلشي كاين هنا والسومة مليحة بزاف

بلا مزية اختي
ربي يعيشك

أحلام فتاة;13013519:
الله يسلمك حنونة وانتي زادة
هذا انتي ولا ضوء القمر:)

هههههههههههههههه هاجر لالا هاذي انا :083::083: وش راكي حنونة ان شاء الله لاباس

firdaousse;13013592:

صح فطورك سامو واش راكي بخير

الله يسلمك فردوس و انتي زادة حنونة .....عجبتني لافوطو تاعك راكي حاطة موضوع صبيغة شعرك في بالك ....................واش وش ديسيديتي ديريلو

مرحبا سامو
بخير الحمد لله السوال عليك

بنات شوفو انا راني ندير في البروقرام نتاع لعشا نتاعي لي راح يكون اوائل اكتوبر انشاء الله شوفو انا عندي 3 حباباتي قراب رايحة نعرضهم + خوالاتي نسا خوالي 2 جارات وراجلي يجيبلي 10 نسا هكذاك انشاء الله و انا رايحة ندير فدار ماشي في الصالة قلت اول حاجة ندير دي بيتزا و بات اشو نتاع فرماج مع قازوز من بعد قهوة نحط معاها مقروط و غريبية و نقاش و في لي بوات ندير 5 مودال نتاع قاطو و في لعشا قلت ندير اوردوفر + شربة + طجين الحلو + مثوم ولا طجين الزيتون مع بولي روتي مزال مخيرتش بين هاذو زوج + بربوشة وقازوز وعنب و في السهرة لاتاي مع مكسرات و حلوي واش رايكم مليحة انشاء الله.

بالبركة عليك اختي مرساي
ربي يتمملك على خير ويجمعك مع زوجك في القريب العاجل

ايه و خممت كل واحد نديرلو لاسيات نتاعو نتاع لوردوفر ولا الماكلة ولا الديسار خيرمن مع بعض كاين لي يعاف و كاين لي يحب الملح و لا الحار الور سي ميو مام في عرس اختي درنا باراي وناس كامل عجبهم الحال مام لمعاريض عطيناهم دي ساشي سبيسيال كل وحدة تخبي اللحم نتاعها ولا ديسار ولا قاطو و فات حطة بصح لاازم مايكونش عندك الغاشي بزاف باش تقدري تقومي مليح.