.•.°.•ஐ•||||•ஐ.•.°.•

السلام عليكم
صحا فطوركم بنات
كيفاش جاز نهاركم الاول

صح فطوركم لبنات بصحتكم ان شاء الله
الله الله على هذوك البوقالات فال مليح احني في ساتنة مانعرفوش هذس العادة بلادنا كبيرة ربي يبارك و متنوعة في عاداتها ماشاء الله

بالنسبة للبدعة و مش بدعة ... احنا هذي الامور ماتخصناش و بعيدة عالينا كل البعد و الحمد لله و ماعندناش اصلا وقت لمثل هاته الامور و العياذ بالله.
اما بالنسبة لهذه الادعية هي مجرد ادعية لا غير و ليس هناك مايجبر الشخص استعمالها الا لفترات فقط دون اخرى انا عن نفسي ادعو بها دوما و في رمضان .
وحتى و لو ! فهي ليست غناء او فسق او مسلسلات او لمة نميمة ...و ما شابه فهي عبارة عن ادعية لله الواحد وركزنا عليها لمجرد ان هاته الايام مباركة و تكثر فيها العبادة و ان كانت كما تكرمتي و قلت بدعة !!! فهي ليست ببدعة ضارة " ...من سن منكم سنة حسنة فله اجرها و اجر من عمل بها ..."
و الاعمال بالنيات . في هذه الحال حتى الشخص الذي تعود على فعل طاعة ما مثلا تقتصر فقط على رمضان و استن بها جاره او صديق او ... هل تصبح بدعة تؤدي به للنار وله وزرها ووزر من عمل بها الى يوم القيامة !!!
و بارك الله فيك على التوضيح و كما قلت هي مجرد ادعية نحتاجها

سيدنا محمد صلى الله عليه و سلم تسليما و على اله وصحبه كانت له خصال حميدة لا تعد و لا تحصى فهو كان معصوم و بالطبع نحن لا يمكن ان نكون مثله اطلاقا و لكن لو اخذنا صفة واحدة من صفاته واحدة فقط لا غير و جربنا تعلمها كما نتعلم كل شيء و بكل سهولة و من ثم نطبقها في حياتنا تخيلوا كيف سنكون !!! كيف ستكون حياتنا و من معنا !!! و هل نستطيع ان نصبر عليها طويلا او نطبقها على اكمل وجه و دون نفاق او رياء او او او او ... !!! الله اعلم .
اذا فكيف بسنة كاملة سنة حبيبنا و سيدنا محمد صلى الله عليه وسلم ??? و خاصة في عصرنا هذا الذي كثرت فيه الفتن و الكذب و التحريف و الاحاديث المصححة و الملغات و الضعيفة و المشكوك فيها و و و ... كيف بالله عليكم كيف??? صار الذي يتعلم كلمة ياتي بفتوى جديدة حتى دخلنا في امور لا تحمد عقباها امور شوهتنا حسبي الله و نعم الوكيل

زمان كانت النية الصافية و الخالصة لله حتى و لو كانوا هؤلاء الاشخاص مخطئين في بعض الامور و لكن كانت الاعمال بالنيات فطرح الله البركة في حياتهم بالرغم من كل المصاعب و المشاكل و المحن التي لا نقدر حتى على تخيلها !!!
النية النية النية هي كل شيء
" انما الاعمال بالنيات " هذا كلام رب العزة سبحانه فمن يقول احسن !?!?!?
فلنجرب و نختار صفة واحدة فقط من صفات نبينا عليه الصلاة و السلام و نتعلمها و نرى المجهود الذي سنقوم به !!! هيا فلنجرب هيا لمجرد شهر فقط .... و الله صعب ...
انا اخترت صفة الحلم ان شاء الله يوفقني .

اَللّهُمَّ قَرِّبْني فيهِ اِلى مَرضاتِكَ ، وَجَنِّبْني فيهِ مِن سَخَطِكَ وَنَقِماتِكَ ، وَ وَفِّقني فيهِ لِقِرائَةِ اياتِِكَ ، بِرَحمَتِكَ يا أرحَمَ الرّاحمينَ .

السلام عليك يا اختي
انا وجدت ان كثير من المنتديات ترى ان 30 دعوة في رمضان بدعة فاردت ان انقلها لسبيل النصح ليس الا والاعمال بالنيات يا اختي
لا استطيع ارسال رسالة خاصة
كل عام وانتم بخير

كهينة حتى احنا ماعندناش البوقالات هي عادة عاصمية بصح ماقلتيش اما رقم طلعلك.

الاخت Kinder نحنا شرحنالك نيتنا من وراء استعمال الادعية هذم و كيما قلتي انما الاعمال بالنيات وبارك الله فيك فيك جميع الاحوال.

kinder2009;12911558:
السلام عليك يا اختي
انا وجدت ان كثير من المنتديات ترى ان 30 دعوة في رمضان بدعة فاردت ان انقلها لسبيل النصح ليس الا والاعمال بالنيات يا اختي
لا استطيع ارسال رسالة خاصة
كل عام وانتم بخير

F: بارك الله فيك و كل عام و الامة الاسلامية بخير

اشـــراق;12911697:
كهينة حتى احنا ماعندناش البوقالات هي عادة عاصمية بصح ماقلتيش اما رقم طلعلك.

الاخت Kinder نحنا شرحنالك نيتنا من وراء استعمال الادعية هذم و كيما قلتي انما الاعمال بالنيات وبارك الله فيك فيك جميع الاحوال.

السلام عليكم دنيا كي راكي مع رمضان و الوزن ^o)
ان شاء الله بخير كلي مليح و نقصي الحركة مع هذي السخانة:sleep: بالسيف يشيان العبد
خرجتلي البوقالة الاولى و عجبتني بزاف ايييه :L: ان شاء الله
و انت دنيا و ينا بوقالة خرجتلك ?
بصحتكم راكم صايمين انا هذا ثاني يوم مصبحة كي النصارى فاطرة :mad::badly: ههههههه
ربي يقبل صيامكم لبنات و يقبل قيامكم ان شاء الله يارب و يقبل دعائكم كثفوا الدعاء
صح فطوركم دنيا ميشا فردوس مارساي ميماتي ...................................................................كامل
السلام F:

وعليكم السلام كهينة

الحمد لله اليوم لول فات أحسن مما كنت متوقعة ماكاش سخانة بزاف
اليوم أحسن ثاني الحمد لله
الوزن ربي يستر ماينقصش
البوقالات لالا ماخيرت حتى واحدة راني أنا اللي حاطيتهم:lol:
ياللا راني نستنى فيك باش يخلاص كونجيك و نتشجعو مع بعضنا في تطبيق برنامج الطاعة
الحمد لله راني نطبق فيه كيما تفاهمنا غير قضية الذكر حتى طلوع الشمس كل يوم تغلبني نومة قبل ماتطلع الشمس :hysterical: بصح الحمد لله عموما لاباس:thumbs_up:

السلام عليكم
صح رمضانك
كل عام وانتم بخير

ام الصديق;12913557:
السلام عليكم
صح رمضانك
كل عام وانتم بخير

و عليكم السلام ورحمة الله وبركاته

الله يسلمك أختي أم الصديق

رمضانك مبارك وكل عام و انتي بخير و مرحبا بيك معانا

عجبني التجمع بزاف ان شاء الله نكون معاكم في يوميات رمضان

مرحبا بيك أختي

السلام عليكم
كيف احوالكم مع الصيام
مرحبا بيك اختي ام الصديق نورتي لمتنا

أحلام فتاة;12913660:
السلام عليكم
كيف احوالكم مع الصيام
مرحبا بيك اختي ام الصديق نورتي لمتنا

وعليكم السلام

الحمد لله واش احوالك انت ان شاء الله :thumbs_up::thumbs_up::thumbs_up:

MANNOUCH;12913737:

مبروك التجمع لبنات

عجبني بزاف بصح انا راني مشنوقة
لازمني برقرام عبادة + برقرام قراية نحضر في الميموار باه نسوتني +بروقرا طياب -عرسي في جويلية- ومانيش متحكمة مليح فالاكوزين+ بروقرام عناية (شعر زائد - بشرة- تبييض- عناية بالشعر)+ بروقرام سبور راني حبة نقص في الوزن + بروقرام التجهيزات يعني شوبينغ و خياطات الخ الخ
راني رايحة نهبل شكون لي كيفي نتعاونو نديرو بوقرام مليح
بصح راني متيقنة رمضان راه شهر البركة و عل هدا الشيء حابة ندير فيه الماكسيموم

و الله المستعان و صحيتو بنات بلادي

الله يبارك فيك أختي MANNOUCH
ربي يعاونك تلملك كل شئ مرة واحدة :|
انا لو كان جيت في بلاصتك نعطي الاولوية لبرنامج العبادة على خاطر هو اللي عندو اولوية ذرك بما اننا في شهر رمضان وبلاك لو طبقتيه ولا حتى الماكسموم انتاعو بلاك يكون خير وبراكة عليك في باقي امورك , La soutenance ثاني مهمة ولا زملها جهد كبير ربي يعاونك لحوايج لخرى مزية مازال عندك الوقت 11 شهر وقت كافي ان شاء الله تقدري تضبطي فيه أمورك.

الحمد لله اختي اشراق رانا مع السخانة والصيام بصح الحمد لله الامور كلها تمام ربي يعينا
اختي منوش ربي يعينك صح عندك بزاف التزامات
اهم حاجة انك تحاولي تنظمي روحك وديري الاولويات ومنبعد الحاجات اللي تقدري تأجليهم شوية
كيما قاتلك اشراق حاولي تستغلي هذا الشهر وادعي ربي يسهلك امورك ويعينك
ربي ينجحك ان شاء الله ومنبعد ترتاحي وتقدري تحضري روحك غير بشوي
بالتوفيق

مشكورات اخواتي اشراق و احلام فتاة هكدا حتى انا خممتت نبدا الاولويات
ربي يعيننا ان شاء الله و ينوي ما في قلبكم و قلبي و يتمملنا زواجنا على خير و يعطينا اقوة و الجهد آميين
هادي 3 مرة نبعث رد ياربي هدا يوصل لاكونكسيون راهي عييانة مسكينة
صح بعد الصحور يا خواتاتي

صحا فطوركم بنات بلادي ....مانوش ربي يعينك و الله طاحلك كلش مع بعض مي انا كون جيت في بلا ستك ندير بروقرام اول حاجة نديرها نحي التخمام بلي راني محصورة و القلقة الزايدة راهي ماتخليك ديري والو ........................ابداي هاد الشهر بلعبادة لخاطر ماعلابالكش منا لغدوا وش يصرا ماتفرطيش في هاد الشهر و ادعي الربي يسهلك امورك و يفتحلك بيبان الخير و ركزي ركزي ركزي على العبادة في هاد الشهر و في نفس الوقت تقدري تعاوني ماماك في الكوزينة و توقفي معاها سيرتو كي تكون راح دير حاجة مازالتي ماتعلمتيهاش تشوفيها و مبعد تعودي طبقيها وحدك و منا لجويلية يكفيك الوقت باش تتعلمي الطياب تهتمي بلبشرة تاعك و تكملي شورتك مازال عندك الوقت ........درك الاولوية ديريها للعبادة و لاسوتنونس تاعك ايلا راهي قريبة ....و بعد رمضان تبقالك الكوزينة الاهتمام بلبشرة و الرياضة و لوكان تبداي من بعد العيد حتان نهار عرسك نضمنلك بلي تخرجي ملكة جمال ......و في رمضان بزاف الناس ليمازالت مصيفة يعني مش سير تلقاي ليخيطلك حوايجك اجلي من بعد رمضان و كملي حوايجك بعقلك ماتخلطيش على روحك كلش و ابروفيتي في رمضان نقصي الماكلة و عوضي بالديسار في الليل ايلا جعتي تلقاي روحك نقصتي في لبوا .......