شجن الشجون;12959080:
:-o حبيبتي انتي كسقطي؟
والله يا شجن انا كنت متابعة مع دكتورة وكان عندى التهابات وقالتلى لازم تعملى عملية لتنضيف الالتهابات لان لا يمكن يحصل حمل لانها كتير جدا ووصلت للصديد
فتركتها وذهبت لدكتور عملى مزرعة وادانى مضاد حيوى نزلى الالتهابات وبعدها بشهر وقبل نزول البيريود بيومين رحت عملت تحليل دم هتسألينى رحتى بدرى ليه هقولك لان البيريود مش متعودة تجينى ف معادها لا بتقدم 5 ايام لان عندى انيميا وضعف فاعتبرت ده تأخير وطلعت نتيجة تحليل الدم بوسيتيف الحمدلله وفرحت جدا انى حامل ودكتورة التحاليل قالتلى حامل ف 3 اسابيع المهم انا مكنتش اعرف وقبلها كنت ف اسكندرية بجرى وبتنطط وبمارس حياتى بكل طبيعية وعنف:mad:
المهم يوم ما عرفت انى حامل شلت طبق ماء تقيل جدا وبعدها نزل عليه نزيف ذهبت للدكتورة اياها بالليل قالتلى مفيش حمل اصلا:-oمين قالك انك كنتى حامل وريتها التحليل قالتلى لا ده تلاقى هرمون الحمل كان عالى قبل نزول البيريود وده الطبيعى عند كل النساء
قولتلها يعنى مكنتش حامل مردتش عليا !!!
المهم اختى قالتلى هى قالتلك كده لأنك انتى متابعتيش معاها من الاول لكن انا مش عارف الحقيقة فين معقول اكون مش حامل وتحليل الدم يدينى بوسيتيف
اختى قالتلى انتى كان عندك بويضة ملقحة ولما اجهدتى نفسك زيادة عن اللزوم نزلت مع البيريود لانك مريحتيش نفسك
والله تعالى اعلى واعلم
انتى ايه رأيك ف الكلام ده
وايه رايكوا يابنات