تجمع حوامل وامهات (قطر) لشهر رمضان لعام 1431 هـ ؛ 2010 م

كامي
امبيه امبيه امبيه
بموت عالحنه ..
الصوره الاولى مخزنتها من ايميل
وحاولت مره انزلها ماصار ..مدري هي اي نوع والمنتدى مسموح بأنواع غير ..
عذاب النقشه حلوووه
قلت بوريهم حق عرس اخوي بعدين غيرت رايي
قلت حق عيد احلى والعرس دامه عرس اخوي بخليه اكثر :D
ادري طماعه وبسمع لي كلمتين يوم الحنه ان شالله

بنات
ابي ازور وحده عزيزه على قلبي باجر باذن الله
ابي اخذ شي معاي - اكل يعني-
بليييز عطوني اقتراحاتكم شي مرتب

فجوووره
عادي خليها في جمعات هلج واهل ريلج دوم مع الحشره والصراخ ..
تتعود ان شالله
شوشتي فعمر بنوتج كانت وحشه ..
واذكر عمتها من تشيلها وتصيح الشوش تقول لها هاااج شمي ريحة امج ..وترد تشيلها ..خخخخخ
حتى كانت تقول لي اي عطر ترشين خلينا نرش منه عشان تشمنا نفس ريحتج :lol::p
عادي اصبري شوي عليها ..

لولو
انا مادري اشفيني على الحنه !!
صار لي خمس سنين ما تحنيت
اخر مره بيوم عرسي
والحين ميته ميته ابي اتحنى
تعالي صج سوري لابتوبي كان خربان شفتج يوم تكلميني بس ما دخلت على اللنكات
قلت برقد بناتي وبعدين ويوم رجعت الاب توب مفضي جارجه مادري ايش موضوعه المهم طفى من نفسه
طرشيهم مره ثانيه لاني لحين ادوور لج بس مافي شي بنفس المستوى

السلام عليكم

ياربي هدوء سبحت البنات وناموا يارب شوي ينامون مثل الناس



كامي
اعجبتني الحنة الثانية


فجورة

عن نفسي مالة خص بناتي الله يحفظهم لازفة في جبدي كل مكان اروح واوديهم نكطل يشفون ناس وحشرة تعالي خلي حد يجي صوبهم على طول عندي لاصقيين امونة ماشاااء الله كبرية ونادرا ماتنسى وتروح تلعب مع اليهال كلة عندي قاعدة وسويرة بعد اخس واخس احد يجي يشيلها يحبها مافي امل تصكر علينا وصراخ ويخافوون من الناس بصورة غير طبيعية جدا

وحتى اذا بروح الحمام اكرمج الله لازم وراي دورية لازم الباب مفتوح واذا صكرتة ياويلي ويلها اذا ابيهم يفجون عني اهاوشهم عشاان يرحون حق ابوهم لان متعلقين فيني وانا متعلقة فيهم الله يخليهم لي ادري طريتقي غلط بس مردهم بيكبرون وببندمجون
مع اليهال يعني امونة تحب اليهال وع طولووا تروح تعالي حق سويرة لازم تكيف عليهم ويعدين تشوفينها تروح وتجي وعقب تصيح وبعدين تشوفينها اسفهتني وراحت مع اليهال

تدرين الناس بنسبة للطفل عالم ثاني فهو شوي شوي يحاول يستوعب وجود الي حولية

لولو شخبارج واخبار بنوتج

كامي شخبارج واخبار بنوتاتح


وشحالج فجورة واخبارتوتة

كامي ..
انا من عرست رجعت اتحنى ..
بس بعد مو وايد ..
يعني طلعتي من النفاس والعام عرس بننت خالتي
واول رمضان لي ..
يعني بعد مو واااايد ..
الحين حق العرس ان شالله وناويه بعد اتحنى حق عيد الاضحى ان الله كتب ان شالله ..


وبخصوص ربيعتج ..تبين شوكلت يعني؟؟
شوفي الحلويات الاليزيه ..وعندج دي شوكلت يمدحون كاكاوهم بس ماجربته ..
ولا شوكولا وطريق سلوى

انا عن نفسي كامي اخذ كيكة من البتيل وفطاير

انا اتحني يعني كل 3 او 4 شهور ع حسب النفسية خاصة بعد بعد ماتجي الحلوة وتخلص وواحف واسووي تنظيف حق ويهي واتحنى احس انى ووحدة منعنشة

لافندر
بناتج نفس بنتي بالضبط
اتوقع لاي ما اشتغل مقاعده معاها طووول الوقت عرفتي
انتي شخبارج وشخبار بناتج جهزتيهم للقرنقعوه؟

لولوة
الاليزيه ما سكروه؟
وانا ابي شغلات شعبيه تناسب رمضان
افكر في توسكانا ايش رايكم؟

لافندر
انا قبل ما احب الحنا وايد
اتملل يوم انطرها تجف خخخخخخخ
بس هاليومين ضاربه فراسي الا ابي حنه !!

كامي
الحنه تجف بسرعه اذا النقش بسيط مافي شي متروس
توسكانا اوكي
وشوفي لقيمات الاوبرا يمي يمي ..
بعد عندج الحلوى العمانيه حلوه حق رمضان

والحمدلله بخير

انا ماسويت شي خخخخخخخخخخخخخ بس اخوي العام جايب حق البنات اكياس قرنقعوة ونسيتهم في بيت ابوي وامي خشتهم وذكرتني فيهم وامي خذت حق يناتي وينات خواتي جلابيات حلوة للقرنقعوة قلت خلاص بروح اخذ يخاتق من سوق واقف وكل يووم اقول حق ابونا يقوولي سوق في رمضااان اقول نسيت سالفة القرنقعوة ام التوزيعات بمر ان شااء الله عقب بكر الرونق بشتري توزيعات كم حبة وبوديهم بيت ابووي اختي بتعبيهم..

السلام عليكم
شهالحنا الحلو
يهبل ما شاء الله
اما شتودين للي بتزورينها
اللقيمات تخترب لين ثاني يوم
ودي شيء يتم
وفطاير ما ينفع مع رمضان الناس شبعانه ومتفطره
شوفي
وممكن حلوى حكيم , او هيل وزعفران خذي منه خنفروش في طاسه
وممكن نوع بسكوت انا اشوفه روعه
موجود في دسمان اسمه لوتس كل حبه مغلفه بروحها ممكن تاخذين كرتون

اتهقووووووووووون انحصل وحدة تجي تحنينا ليلة االعيد ولا مافي امل

فعلا هالبسكوت عجيب وخفيف ولزيز

سلام عليكم شخباركم ماميز؟ شتسوون مع الرمضان؟





اليجنت شخبار دلوعة وعدتني نطلع يوم مع بعض وعقب ماتصلت فيني سلمي عليها وايد







حايره حبوبه شخبارج ؟ لج وحشه يالدبه عقب ماعرستي نسيتيني اهئ اهئ بسألج حيور أظفن فستانج للخطوبه جنه اللي قلتي شريتيها من السعوديه ممكن تقولين لي اسم المصمم لان نسيت وانا حصلت لهم فساتين في امازون ابي اطلب لي بس نسيت اسم المصمم وماحفظت عندي الصفحه ماعليج امر قوليلي الاسم

بنات السويت طلع حلو عجبهم خخخ

شلونكم ماميـــــــــز ,, ؟



موزان

حلو هالسويت ذايقته من قبل ,, عليكم بالعافيه :)



بسومة

واااااو أحسه لذيذ ,, عاد انا اموووت بالنوتلا ..



فجورة

حلو الياهل يكون اجتماعي ما شاء الله لا اله الا الله أعرف يهال اجتماعيييييين
وكله يضحكون مع الناس حتى اني اقول لامهاتهم ما تخافون ينظلونهم ,,, بس من
اللي اشوفة حولي هالشي مب شرط على العاده يعني مرت خالي ولدها يقعد
في بيت اهلها حشرة ويهال لكن هو من بد عيالها لازق فيها لا ويمووووووت من الصياح
اذا حد قرب منه ,,, عادي حبيبتي وبنتج ترى للحين صغنونه واحلى شي لما يتعلق
الياهل بأمه :)



لافندر

لليلة العيد مستحيييل يكون عندهم زحمة وموووت ..



كاميليا

اذا تبين اكلات شعبية شوفي وحده من النسوان اللي يسون بالبيوت واخذي من عندها
واذا تبين شي غير عندج كاكاو فطايرهم وشوكلتهم رووووووووعة ..