تجمع حوامل وامهات (قطر) لشهر رمضان لعام 1431 هـ ؛ 2010 م

طرشت ايميل صلحت المعلومه
مرفقه بصوره من اللقاء والموقع الي مطلع الاشاعه

انقهرت

زيين تسوووين

بطوووو سبدي
اللهم اني صائم
انزين وش فطوركم الليوم خخخخخخخ نجيب موضوع احلى

احنا شوربه شوفان بالخضار
هريس
سلطه بذنجان
والحلو بودينج القرع

طبعا المشروبات بس لبن (وماي بيريه)

لحوووون
احنا فطورنا شوربة كريمة الدجاج والمشروم
ثريد وعيش مع صالونة لحم
عاد شنو السويت ماادري يمكن كريم كراميل ومحلبية :)

فيه العافيه مقدما ام الحلويين

مساء الخير



غلا :
ماتشوفون شر و الله يقوم أخوج بالسلامة يا رب
طمنينا عليه


روكر :
الله يبارك فيج و الفااال لج قررريب ..



هتان :
مبرووك البيبي بوي و الحمدلله على السلامة


قمر :
مشكورة على البشارة ..



حنون :
يمج عطيني طريقة شوربة الشوفان من متى و أنا أدور طريقة عدددلة ما لقيت ..

لحووون
you too honey

مساء الورد F:



نور الحب

نفس الحاله.. :(
الله يعين ,, ويهون عليج ياربـــ



غلا الدوحة

الله يشفيه ويقومة بالسلامة ياربــــ ..



قموره

فديتها ,, الحمدلله على سلامتها ويتربى بعزهم ياربــــ
وصل دوري :-#

دوحانيه من عيوني واسهل شوربه

تقطعين الخضره الي تحبين مكعبات صغيره (من ضمنهم البصل والثوم )
وتسلقينها في ماي وتحطين مكعب ماجي
قبل لا تستوي الخضره
تذوبين كم قفشه شوفان كويكر في ماي دافي في مله وتصبينها فوق الخضار مع التحريك عشان مايتكتل الشوفان
اذا حابه تبهرينها حطي فلفل اسود وملح بس وتخلينها تطبخ لين يستوي الشوفان

هذي الطريقه الاصليه
انا عاد ساعات احط معاها لحم مقطع صغير او دجاج (هني افوح اللحم قبل واشيل الزفره)
وساعات لومي اسود مطحون وكركم عشان تعطيني طعم الحريره المغربيه
وبس

بروح احضر الفطور

انشوفكم على خير ماميز
ويسهل لكم رمضان كروشات

مشكورة ع الوصفة لحوون
باجربها بس ماعندي ثووم ^^


ب ر ب

كنت بسويت السويت اللي ام الغاليين حطته اليوم الفير بس ريلي ياني يقول امي تقولج سوي لنا التشيز كيك مرة ثانية اليوم في صحنين كبار.. مسحوه خخخ << تشققت.
فسويت لهم اليوم التشيز كيك باقي احط الطبقة الاخير اللي هي الجيلي بس انطر الكريمة تجمد..

بسوومة قطر;12952013:

مزمز

تيتوو حبيبتي
واذا تبين بسكوت التشيز كيك يكون متماسك
اطحني الدايجستف واعجنيه مع قشطه

انا استخدم بسكوت اولكر (طريقة بيتنا) واحط معاه زبده واحطه في الفريز عشان يجمد.. امس ما حطيت زبدة كفاية فما جمد..
بيت اهل ريلي يسوونه بالدايجستيف وامس عجبهم التشيز كيك .. تغيير.




غلا

ما يشوف شر اخوج.. الله يشفيه ويقومه بالسلامة..


هتان

الف مبروك البيبي بوي .. والحمدلله عالسلامة
يتربى في عزكم ان شاء الله

ابي اسوي طبق سهل..
ان اقدر اسوي كلشي فوق عندي.. و اعطي الخدامة توديه المطبخ خخخ
عندكم طبق سهل مب سويت..

جايبة لكم طريقة حلوة تصلح للفطور أو عشا خفيف...


نبدأ بسم الله...


بنحتاج:

8 قطع توست منزوع الأطراف
قرص بيض مقلي
شرايح مرتديلا
جبن سلايس
قطعة هوت دوغ
مايونيز - خردل - جبن كاسات
بيض و بقسماط للتغميس

أول شي، أنا فرشت ورق نايلون على الكاونتر عشان أبدأ الشغل!
و جبت قطع التوست، و رقيت كل ثنتين مع بعض...

شوفوا الصورة...





ثبتوا الأطراف على بعض و رقوهم زين..
اللي عاليمين رقيتها، و اللي على اليسار قبل الرق!
و بكذا بيصير عندكم 4 شرايح توست مستطيلة الشكل!


الحين نجي للتطبيق!

هذي مقاديرنا اللي بنستخدمها للحشوة...





البيض أنا بهرته بملح و فلفل بعدين قليته قرص دائري كبير و قسمته بالنص... و الهوت دوغ شويته قبل ما استخدمه بالطريقة، و ممكن تقلونه!

أول شي نجيب شريحة توست (هذي الطبقة الأولى) و ندهنها إما بالمايونيز أو الخردل أو جبن الكاسات حسب الرغبة (أنا نسيت أدهن التوست)، بعدين نحط نصف قرص البيض...





فوقه نحط شريحة توست (هذي الطبقة الثانية) و ندهنها نفس الشي، و بعدين نصف فوقها المرتديلا...





و فوق المرتديلا نحط شريحة توست (الطبقة الثالثة)، و ندهنها، و نحط النص الثاني من قرص البيض و فوقه شرايح الجبن السلايس!






الحين نجي لآخر خطوة!
نحط آخر شريحة توست (الطبقة الرابعة)، و ندهنها و فوقها قطعة الهوت دوغ...






الحين بمساعدة ورق النايلون، نلف شرايح التوست المحشية بالطول، و نشد ورق النايلون عليها عشان ما تنفنح أو تتشقق!
و هذا شكلها بعد ما لفيتها...





خلوها على جنب، و جهزوا صحنين، و احد نخلط فيه بيضة، و الثاني نحط فيه بقسماط، و نجهز مقلى كبير و نذوب فيه قطعة زبدة صغيرة و شوي زيت...

بعدين نفك ورق النايلون و نغمس الرول بالبيض بعدين بالقسماط...





و نحمرها في المقلى اللي جهزناه، قلبوها عشان تتحمر من كل الجهات... و ننتبه ما تكون النار حامية كثير، خلوها أقل من الوسط عشان نتأكد إن الرول يسخن زين و إن الجبن يذوب!






و هنا بعد ما قليتها...






الحين قطعوها بسكين حادة، أنا طلع معاي 6 شرايح!

و هذا شكلها، و قدمتها مع الهاش براون نزلته في طريقة سابقة على هذا الرابط...
http://forums.3roos.com/showthread.php?t=328001

مساء الخير

هتان الف مبروك البيبي بوي يتربى بعزكم ..

ام الغاليين ماقصرتي على وصفات الحلا سويت واحد منهم اخر واحد نزلتيه ..

مزمز واااااااااي لذيذه وسهله تسلمين ماقصرتي ..

بنات ابشركم اخوي الساعه 4 ونص طلع من غرفة العمليات

والحمدلله بخير

معاه كسور

قدر الله وماشاء فعل

مسالخير


غلوي
مايشوف شر اخوج
تستاهلون سلامته ..
والحمدالله انها كسور ان شالله ماعليه شر بعون الله



مزمز
ناااااااااااااااااااااااايس
وسهله ماشالله ..
بس ماعندي هوت دوغ ..


قموره
تسلمين عالبشاره





يمكن بكره اسوي كبه التوست طريقه منال العالم ..

تدرون اني مو ملحقه على وصفاتكم ماشالله عليكم ..
يبيلي دفتر اكتب فيه ..ماينفع جذي ..

تشيس كيك سويته اليوم..

مسا الورد
غلا الدوحة
الحمدلله ع سلامة اخوج
وماتشوفون شر ..

قمر
مشكوووورة على البشارة
والحمدلله ع سلامتها
ويتربى انشالله يعزهم يااارب